新景園咖喱小廚

營業中

休息中

之前成日經過，見成日門口有人排隊，但一直無深究間餐廳食咩，直到最近上網睇先知原來咁出名，所以的起心肝決定一試！11：55到，門口排緊3-4人，好彩早左少少到，12點後多左勁多人等左唔洗15分鐘就入到去，地方唔大，8枱左右，本身同一個男人搭枱，但佢走左之後，就無人搭，唔知係咪無單人等位🤔我一個人坐一張枱，門口好多人，壓力很大結果好快食完就閃咖哩豬扒$88豬扒份量好多，飯就唔算多，岩岩好豬扒好好食，外脆內軟，夠淋，有肉汁，完全唔鞋唔乾咖哩味很好，帶微辣，唔會好奶味，薯仔就一般，入面無味，似烚薯放落去！從帶一提，每位客人有最低消費，好似$70幾另外外賣經濟d，$48盒，但無得分汁上，同豬扒會少d

話說之前去叫一次外賣，個個都話正，因為外賣汁無得另上，無薯仔所以我地決定堂食！雖然外賣平勁多，人一世都要去試下平日既11點幾，已經有人排隊😂夠竟有咩鐘數先小人d😅不過等左15分鐘就入得去喇，開心，小店唔太多位，如果12點半先嚟就要等等喇個個都係叫咖哩豬扒飯，見到茶水檔個牌寫奶茶個字寫得好有風味，決定試下😂一嚟到，哇，豬扒勁多係勁多，二大塊，橫切面睇到個脆漿好薄，多肉皮薄，新鮮熱辣辣，脆卜卜，唔會肉硬，腌得剛好，加埋辣辣地既咖喱，個人認為堂食更加出色！奶茶就正常，要分開叫，17元凍飲，15元熱飲，不過個豬扒係好出色，食完出嚟門口已經好多人排長龍，想食要早d呀

講到咖喱豬扒飯，就不得不提呢間位於灣仔既老字號喇！！😝😝當日係平日兩點鐘，由街頭行緊過去既時候，離遠都已經見到人龍，左手邊外賣，右手邊堂食。同朋友都等左差唔多半個鐘有多先有得入座。我哋分別叫左咖哩豬扒飯🍛同埋干炒牛河咖哩豬扒飯過然名不虛傳！！份量好足，豬扒亦都炸到外脆內軟，好juicy, 好入味。咖哩係另上，無記錯係有一兩粒大薯仔，咖哩辣味十足，十分香濃。見到人哋食咖哩牛腩飯都好吸引🤩下次要試！！！干炒牛河都好驚喜，以為淨係得咖哩豬扒飯岀色咁就錯喇！！🤭 連干炒牛河都好有鑊氣，牛肉份量多，河粉色澤均勻，request埋辣椒醬真係好perfect😋😋好耐無食干炒牛河，一食就食啲咁出色既，點搞呀🤣🤣

真係好多人排隊，仲排得好耐！下次要早啲去，還要避開Lunch Time 雖然舖内裝修比較舊，但咖喱豬扒飯大大碟夠足料！仲份量好勁添！咖喱汁唔辣，好香還好惹味添，堂食真係食唔晒！食到捧住個肚🙈，唔想浪費所以要打包拎返屋企繼續食😂

哩到既招牌菜🐷我諗大家都略有所聞，今日遠道而來就為左試試佢。原本都預左會排長龍，但無諗過排到兩點幾人潮都未散，好彩一支公比較容易入座🤪。咖喱豬扒飯 $85咖哩比想像中稀同有辣勁🌶，我幾鐘意哩種咖哩味、椰味🥥、辣味都齊集既港式咖哩🍛。仲要有我最鐘意既薯仔🥔，不過煮得唔算入味，但夠軟綿搭救。講返另一個主角炸豬扒🐷，炸得好香脆，炸皮又薄，唔會甩晒皮。而且食得出豬扒醃得好入味，肉質非常鬆軟🥩，軟到好似食緊肉餅嗰種質感咁，不過我個人就鍾意豬扒紮實返少少就好。不得不讚員工態度都好好，令人感覺好舒服。即使冇傳聞中咁大份，細食嘅女仔👭🏻絕對可以兩個人share，不過佢個豬扒咁好食，令人食極都唔想停🤣。

成日行過都見到好多人排隊，好奇想知究竟係唔係咁好食。襯平日放假，所以突登中午11:30左右去食，好彩只需等幾個位。等位途中已經見到好多人買外賣，先知原來外賣平一半，但係份量亦少一半。坐低左就叫左咖哩魚柳飯同咖哩豬扒飯，就算人多但上菜都唔算慢。咖哩係分開上，每碗咖哩汁都有一舊薯仔，而豬扒同魚柳好新鮮。試左一啖咖哩汁，個咖哩辣味係慢慢出黎，愈食愈辣，有點似印度咖哩味。而個豬扒一試好surprise，好juicy，好香個魚柳亦唔差，但因為豬扒太出色，所以魚柳反而冇咁凸出。雖然堂食價錢相比外賣貴一半，但係份量絕對唔可以睇少，我同朋友兩個人都食唔哂碟飯。眼見好多客都係食唔哂要打包。總之非常推薦比其他人食👍🏻👍🏻

Lunch hour去食一定排晒長龍，不過坐低後好快有得食咖哩熱辣辣，仲有煮到好入味嘅薯仔👍🏻我地叫咗豬扒，魚柳同咖喱雞，份量都幾多吓個人最surprise豬扒大大塊，切咗俾你咁大塊都唔韌，食落仲好香好酥脆總之咖喱味都唔會冚晒豬扒嘅好味💯伙計都爽手，但又無俾壓力要快啲交枱Lunch 嚟講唔平，不過聽講外賣會平啲買返去食都好

新景園咖喱小廚, 灣仔🍛其實呢間係灣仔都相當出名咖喇，相信好多朋友仔都已經食過。呢晚(仲未禁堂食)特登黎食佢好出名既#咖哩豬扒飯 🐖佢唔係午市套餐既話呢其實都要$85，但佢塊豬扒係真係好大塊，我就算自問好大食，但一個人都食唔哂塊#豬扒 。食物方面呢，塊豬扒就真係炸得好正好好味，主要應該係佢無用好多麵糰去塊豬扒到炸，所以咬落去啖啖肉，好滿足！🥰.🐖午市#咖哩 #豬扒飯 $45.📍# 灣仔 #春園街 20號地舖 #HappiMuffinHongKong🌟#HappiMuffin Rating: 8/10💰Price: $90-150 pp

一直好想試一次呢度嘅咖喱，知道外賣比堂食平一半，所以外賣咗一個咖喱豬扒飯。外賣比起堂食平咁多，當然好多人買，午飯時間等咗成半個鐘先拎到個飯盒。問過店員可唔可以咖喱汁另上，但店員話另外裝起咖喱汁就會收返堂食正價，即係$80幾。豬扒好大塊，炸得非常酥香，粉漿好薄，仲會幫你剪開一塊塊。豬扒一啲都唔會乾，真係非常非常好食。咖喱汁比我想像中辣，食下食下都出汗，雖然比得唔係特別多，但係都足夠撈飯。值得再encore！

幫襯了多年，每一次都同自己講要試下其他野食，但無奈每次都係忍唔住叫番咖喱豬扒飯。先講豬扒，基本上唔會係一早炸定，每次上菜塊豬扒都熱辣辣。豬扒肉質肥瘦比例均勻，口感一流。再加上執豬扒大塊到係食唔晒，冇投訴。咖喱汁方面，唔好用大家食開既印度或泰式咖喱比較，佢哋應該算係港式咖喱，香帶辣，唔食得辣既可以叫小辣。唯一美中不足係咖喱中既薯仔可以淋多小小就perfect!價錢是否合理，我就覺得我行入求其一間茶仔叫個咖喱豬扒飯，塊豬扒細塊過張十蚊紙，埋單都要60以上，值唔值就真係見人見智。近年好多餐廳都有意冇意參考新景園既喱豬飯（例如XX地）,但始終都冇新景園果份味道，所以我多年排隊排餐死都冇投訴。

呢間新景園唔洗我多講，應該好多識。日日都好多人幫襯，無論外賣、堂食一樣咁多人。左邊條隊係外賣，右邊條隊就係堂食。店舖開11:30am，唔洗5分鐘店舖已經坐滿人。▫️咖喱豬扒飯(HKD85)全間餐廳最多人叫嘅應該係呢碟豬扒飯。見到店員好忙碌咁出餐，大部分都係呢碟豬扒飯😝咖喱汁跟飯分開上，唔會整到塊豬扒淋晒👍同埋味道係夠辣㗎。我食嗰日天氣都幾凍，食完之後成個胃暖晒。▫️咖喱魚柳飯(HKD85)一碟有5大塊炸魚柳，同豬扒一樣即時炸起，熱辣辣好正呀。不過我都係鍾意炸豬扒多啲😆咖喱豬扒/魚柳飯都有做外賣，價錢$45平過堂食呀。不過豬扒就冇咁大塊喇。

At Sun King Yuen, you don’t need to frustrate yourself on what to order. “咖喱豬扒 乾炒牛河” were the 8 words that explain everything! A huge deep fried pork chop served with a creamy and local-styled curry sauce. The pork chop crust was so crispy that it reminds me of schnitzels in Austria. Tenderness in the middle showcased the quality of produce used here. Apart from curry, the HK Classic “Beef Chow Fun” - made with stir-fried sliced beef, flat noodles and bean sprouts, the noodles were so smooth and

俗語說：「眼見未為真，耳聽未為實。」所以小妹我從來不信人們說好好味的食物，我要親身試過才會相信到底是真的那麼好味定還是名大於實。這間店相信大家絕不陌生，門外人流永遠絡繹不絕，但在灣仔工作已有一段日子的我卻是第一次買外賣，那次我和同事去買外賣， 食物的味道果然不俗，而且價錢大眾化，可惜的是等待的時間就等到天荒地老，就連一起的男同事對我都略有微言，說以後不要預他。說到食物， 這間餐廳的咖哩吉列豬扒飯和干炒牛河可謂遠近馳名，它的咖哩豬扒飯的確是價廉物美，豬扒的份量十足，咖哩汁夠香辣惹味，咖哩中帶有微甜，而且豬扒外脆內軟，豬扒炸得恰到好處，鬆軟得來唔會鞋口，而且食起來沒有油膩感，是我食過的豬扒之中數一數二的好味，再配上咖哩汁和白飯，十分夾，而且很飽肚。整體而言，咖哩豬扒飯的質素和傳聞一樣很好味，名不虛傳，難怪平日人山人海，至於價錢方面，如果唔配飲品，比起堂食算是十分抵食。

聽個同事講過呢間既咖喱幾好食事關今日咁啱路過呢頭咪入去試下味囉, 點知結論係試過就算！一定無下次！午飯時間啱啱間野開門唔洗排隊一入就有位、望一望墻身既餐牌就叫左個「咖喱豬扒飯」得呢樣啱食其他興趣不大 +「凍奶茶」好快就拎嚟（應該係已經整定好既）豬扒炸得幾好！大大件腌得入味,但咖喱汁完全無咖喱既香味得辣味同完全無其他味道凍奶茶又係無茶味咖喱汁果舊薯仔硬既未淋個心實既比個同事呃鬼左完全係中🚁🚁🚁價錢唔平味道一般！都係果句試過就算！唔好信人地把口！自己個嘴D味蕾先係最信得過！

呢間嘅咖喱豬扒飯聽講好好味，但一直好少過海，冇機會試。今日有機會過海，靈機一觸，決定去試。 大概星期六下午1:30去到，前面已經有六個人排緊隊，因為防疫條例，所以等得比較耐，等咗大概15至20分鐘左右先可以入座。 乾炒牛河 ($78)乾炒牛河好夠鑊氣，超多超多超多牛肉。牛肉好稔、好滑，一啲都唔"鞋"。咖喱豬扒飯 ($85)重頭戲就係咖喱豬扒飯，豬扒嘅份量係多得驚人，應該有成隻碟咁大塊。新鮮炸起，粉漿好薄，肉嫩多汁。佢既咖喱唔係杰身，比較"水"狀，味道都好濃，微辣，好好味！ 兩個人係飽到上心口...🤣溫提：呢間餐廳設有最低消費$68(如沒記錯）所以唔洗諗住可以兩個人share 一碟，最多食唔曬take away 唔好浪費。 😀