新康記菜館

營業中

休息中

用左Openrice咁耐第一次忍唔到要寫食評…因為真係好差！坐低就只係俾左張海鮮套餐既menu，sell我地叫套餐，於是四人叫左三份海鮮➕西檸雞➕青菜我估套餐分量一定少，見到墻上粘住d菜名，就自覺叫左個蒸白鱔等左十分鐘，上左一碟白灼蝦，同白菜仔。果碟蝦得七隻！！！仲要好細隻…真係睇到都傻左問侍應有冇上錯，佢話套餐係咁噶啦，蝦都賣好貴……態度令人滴汗等左五分鐘再上碟西檸雞，又係得幾塊，個碟都鋪唔到一層套餐唯一正常d既係避風塘炒蟹但散叫既豉汁蒸白鱔分量都跟埋套餐一樣，得細細件七八舊服務都好唔掂！叫白飯等十分鐘都唔黎，白鱔更加等到食完其他野都仲未上！未試過食餐飯食到嫐，買單時個老細仲要串串口話成條街都係咁，套餐係咁多噶啦唔明點解openrice俾咁高評分，絕對唔會再去！

長洲地道海鮮餐［新康記菜館]沿着碼頭行5分鐘就到嘅餐廳 坐正係海旁嗰邊食特別有風味佢哋CP值好高$300就可以有三個海鮮仲有一個小菜添😚啱晒約返朋友過嚟整返幾個小菜飲番杯啤酒🍻🌟避風塘賴尿蝦🍤炸蒜好香而且海鮮都好新鮮食落去彈牙🌟避風塘炒蟹🦀蟹肉實身唔會話軟淋淋 加上佢哋嘅炸蒜簡直可以送晒成杯啤酒🍻夠晒鑊氣一流🤩🌟蒜蓉蒸扇貝扇貝都算大隻😚而且佢哋啲粉絲索曬啲鮮味簡直係一流🥰呢個要必點味道 8/10環境 8/10推介程度 8/10📍新康記菜館 (長洲)長洲北社海傍道11A號地舖

去到長洲真係好多人，應該冇得去旅行之下，好多香港人都會去長洲玩下，夜晚就諗住去海旁食個海鮮餐，比人拉左黎呢間康記菜館，$308有三個海鮮，一碟菜同一個其他小菜😋😋   😍椒鹽鮮魷😍 呢個炸得香脆可口配左個醋，點黎食冇咁油膩😋😋😋 😋沙爹牛肉煲😋 一上個陣已經好香，好足料，牛肉，粉絲，金針菇，菠蘿沙爹汁好香濃，要黎送飯一流🙆🏻‍♀️🙆🏻‍♀️ 😉椒鹽蝦😉 佢個賣相好吸引，大量炸蒜爆香佢，十分惹味但冇開邊就會有腸，介意既建議揀翻個開邊蝦👍🏻 😗炒靚油菜😗 好簡單落蒜蓉炒既一道菜，充滿家的味道💓🙆🏻‍♀️  🙂豉椒炒蟶子🙂 蟶子全部都去左殼，幾方便食用，除左豉椒仲有紅椒青椒，蟶子味道食落就正常喇🙂 埋單$308，兩個人食到勁飽😋😋都係幾有風味既一餐飯🙆🏻‍♀️🙆🏻‍♀️ 

平民價錢海鮮套餐，適合大小家庭套餐內有16款海鮮選擇，仲有其他小菜款式我哋叫咗四款海鮮加炒油菜 💰3️⃣3️⃣8️⃣椒鹽鮮魷🐙鮮魷用咗薄薄嘅炸粉，炸得岩岩好鮮魷仲好彈牙🧄蒜蓉蒸扇貝（3隻）扇貝上面鋪滿粉絲加埋蒜蓉蒸粉絲入哂味蒜蓉開邊蝦🦐開邊蝦好考刀工，一般家庭都唔會哂時間整仲加咗好多蒜蓉蒸好惹味豉椒🫑炒蟶子蟶子係用咗細隻嘅，連埋豉椒同青椒一齊炒好香口腐乳炒通菜😋即叫即炒，通菜幾爽口同腐乳炒係最夾又唔會鹹🎈新康記菜館🎈長洲北社海傍道11A號地舖

假期去邊度玩？緊係去離島行下浸下水😍如果你喜歡食海鮮，就唔好錯過長洲嘅海鮮套餐，因為真係好抵👍唔好以為海鮮餐一定好貴，長洲大部份海鮮酒家都有自選海鮮套餐，可能仲平過市區茶記 🔔餐廳送咗粟米魚肚羹，有好多魚肚 3款自選海鮮 + 炒靚油菜 ($258) 豉椒炒大蜆食海鮮點可以冇豉椒炒蜆？好惹味，好餸飯，所以食咁好多飯。蜆嘅數量都好多，食到最後都仲有好多 蒜蓉開邊蝦估唔到普通海鮮酒樓都會排到啲開邊蝦咁靚，蝦肉爽口，有大概8隻，睇相都見到調味好豐富☺ 豉汁蒸黃䱽魚咁多種魚入面，自己最鍾意食䱽魚，貪佢啖啖肉，有時都會想去茶記自己食一條🤣今次終於自己叫😊好正豉汁蒸係最夾嘅，䱽魚都大大條，一條已經夠兩個人食 蝦醬炒通菜仲以為油菜只係蠔油生菜嗰啲，點知可以揀蝦醬/腐乳通菜，好有誠意👍通菜份量不少，蝦醬調味都好足夠

#長洲 不用工的星期日, 遇上而家清涼又唔曬的天氣😎, 最適合行山, 奈何我整親腳🤕, 所以就到離島走走! 減肥大計唯有順延吧! ⛴去離島除咗掃街小食, 就梗係食海鮮啦! 沿路經過多海鮮菜館、酒家, 最後選定新康記! 🥳海鮮套餐好抵食, 2個人食3款海鮮 + 精美小菜 + 炒靚油菜都只係 $308! 老闆娘 (可能係🤣) 仲送我哋一大碗粟米魚肚羹! 🦐🦪🦞海鮮新鮮, 豉椒炒蟶子、蒜茸蒸扇貝、薑蔥炒蟹🦀! 蟶子份量超多, 幾惹味! 扇貝大大隻,2人份足有4隻, 超肥美! 🦀蟹雖然唔係好大隻, 但應該有3隻?😯 肉都幾厚仲有糕! 🍖小菜都好多選擇, 我哋選沙拉排骨, 無他嘅, 自己唔會煮丫 ma…超多沙拉, 排骨其實係豬扒, 切件上夠方便! 肉質唔硬, 醬汁唔太酸, 幾好! 😎全程望住海食海鮮, 別有一番風味! 🧐註: 落船轉左手邊行

📍新康記菜館📮長洲北社海傍道11A號地舖.10/1放假, 襯難得既long weekend來一個family day, 帶齊一家大細, 一行7人一齊出發來一個mini trip, 近近地去長洲行下食下野🤟🏻.晏就由中環出發, 原本既船期滿左, 好彩船公司早有準備, 加班船5分鐘後已經ready🙃入到長洲人山人海, 好彩細佬女朋友一早做好左資料蒐集, 搵左一間性價比超高既餐廳, 等我地唔需要擔心晚餐既安排.周圍行左半日大家有啲攰, 決定早少少去食晚飯, 6點左右就去到餐廳報到, 好彩室內仲有位置, 一家大細去既話最好事先book定枱, 咁就唔怕無位坐啦😙.餐廳主打海鮮同小菜, 仲有烤魚食添🐟本身一心諗住黎食海鮮既我地, 點知俾隔離枱盤香噴噴既烤魚吸引左, 忍唔著叫左黎試下.麻辣豬耳 HKD32手拍青瓜 HKD28大家爭論緊食咩好既時候, 我搶先叫左2個小食, 等大家可以邊食邊睇menu😌青瓜充滿蒜頭香味新鮮爽脆, 麻辣豬耳少辣爽口惹味, 價錢仲要好抵食任選3款海鮮/小菜 HKD488蒜香銀絲蒸扇貝, 蒜香銀絲蒸蟶子, 薑蔥炒蟹黎得呢度識揀當然揀海鮮啦🤫HKD488呢個係大portion既

連放3日假，今日一於入長洲玩下先～黎親長洲都會食埋海鮮先走，今次就試下呢間新康記海鮮，套戲價408$就有5道海鮮加油菜，係幾抵食！不過因為想食肉，所以我地最後叫左4碟海鮮一碟生炒骨😂見出面個枱冇人坐，就坐最出面果排，可以一路食一路望住出面個日落，真係好靚🥰叫左蒜蓉開邊蝦、避風塘炒蟹、椒鹽鮮尤、豉椒炒聖子同生炒骨😋再加碟炒通菜！4百蚊左右食6碟餸真係幾抵食～ 我最鐘意就係個開邊蝦同椒鹽鮮尤🥰配埋個啤酒，睇住日落食海鮮，真係幾寫意～

難得嚟到長洲都想同朋友食餐好嘅再返去城市，臨走就去咗海鮮街到食返餐🙆🏻‍♀️去咗新康記菜館到食，叫咗個五餸套餐3人食，如果正常食量嘅應該可以4個人食5個餸，不過我哋就大食啲，食左好多種海鮮都係$500有找，性價比好高抵食！蒜蓉蒸蝦夠鮮美，唔熱氣😋咕嚕肉酸酸甜甜，都唔錯～避風塘炒蟹，味道唔錯但係可以再多少少鑊氣咁就完美啦！😋呢度嘅環境好舒服，我哋坐出面仲可以望到海景咁樣食飯，好relax，生活繁忙嘅香港人真係要試吓🥰

我揀咗10月1號入嚟長洲，真係超級多人🥲但冇辦法，就唔到時間，唯有都要迫下🙈老公話要食海鮮，咁我哋就揀咗喺碼頭附近嘅呢一間，我哋18:00食都有位，坐低嗌左嘢食之後，全部full晒🤭見到有人要等位，即刻心諗好彩早黎😆我地揀咗$258🈶️三個海鮮加一個菜。椒鹽賴尿蝦，咖喱炒蟹，豉汁炒大蜆同埋腐乳炒通菜，先講賴尿蝦Size唔算大隻，但係就好入味，咖喱炒蟹，蟹比想像中大隻，而且肉質結實👍🏻豉椒炒大蜆無沙，而且豉椒味濃郁，腐乳通菜就正正常常，整體黎講好抵食，二百幾蚊🈶️三個海鮮，我哋仲叫咗兩支啤酒🍻，埋單三百頭，真心抵😆飲飽食醉都係三百幾😮‍💨

好少可係長洲食晚餐，可能今次晏去長洲啦，三點先入到去行一陣好快就天黑，行到攰攰地就順便食埋個夜餐先返歸啦🤗所謂靠水食水，一場黎到就食返個海鮮餐先滿足嘅😋 沿住碼頭⛵️向左行，見到呢間個menu都幾抵食就二話不說衝左入去，精選海鮮套餐$500幾蚊有6碟海鮮🦞加一碟小菜同一碟油菜，4個人食都夠食呀————————————————👅蒜蓉開邊蝦👍🏻粉絲超入味，開邊蝦唔使剝殼，非常方便👅椒鹽賴尿蝦👍🏻蝦嘅份量都幾多，椒鹽味唔會好重，啖啖蝦肉yummy yummy 👅避風塘炒蟹👍🏻外面炒得好惹味，但又唔會蓋過蟹肉嘅鮮味👅豉椒炒大蜆👍🏻蜆幾入味，最重要嘅係無沙，抵讚👅椒鹽鮮魷👍🏻皮薄脆口，炸粉唔多👅蒜蓉蒸扇貝👍🏻大大隻扇貝超多肉，不過留意返得3隻，4個人就要猜包剪揼先有得食喇😝👅菠蘿咕嚕肉👅腐乳通菜👍🏻經典地道小菜，通常食小菜都會叫嘅，係「家」嘅味道呀！———————————————— 💡 坐門口望住日落都幾開心，叫埋支Asahi就一絶喇，大大支都係$35，超抵玩📍 新康記菜館: 長洲北社海傍道11A號地舖

一年一度家族長洲遊一如既往，下午大家會各自橫掃各大小食店，夜晚必定會去碼頭附近食海鮮餐廳分了幾款套餐組合最後點了六款海鮮+一款小菜+油菜共八款避風塘炒蟹雖然細隻，但都食得出來是新鮮，蟹肉結實避風塘炒相當惹味蒜蓉蒸扇貝蒸扇貝一碟三大隻，再加上大量蒜蓉粉絲，沒有不好食的理由蒜蓉開邊蝦賣相不錯，即叫即蒸，新鮮夠熱又入味椒鹽鮮魷要來送啤酒一流，脆身而且啖啖肉還有椒鹽賴尿蝦，豉油王蝦全海鮮餐整個就是大滿足腐乳通菜，生炒排骨食海鮮點少得啤酒

難得去長洲玩見openrice得好評無差評就諗住去試點知係個伏叫左8餸餐 叫價1328啲嘢食冇鑊氣 椒鹽鮮魷 啲魷魚係好厚肉 但個脆漿係唔脆架 又唔夠香 白灼蝦 一碟得16隻 細細隻 還可以 但唔算新鮮豉椒炒花蜆 啲蜆先烚再加汁炒 無晒鮮味 不過好在無沙蔥油雞半隻 啲雞肉好淋 但係無雞味又唔夠鹹 點埋薑蓉都無味咕嚕肉 啲肉係肉乾 個咕嚕汁又酸過頭蒜蓉粉絲蒸扇貝 個蒜蓉還可以 但個扇貝唔係新鮮貨 似係急凍果啲扮新鮮扇貝墨魚腐皮卷 咪就係出面買黎打邊爐果啲 急凍貨本來以為叫左個椒絲腐乳通菜好穩陣 上檯都夠熱嘅 不過食到最後發現有「甲由」 叫個負責人黎睇 好反胃 驚到手震 影唔到

冇得出國 只可以出離島行下當度個假😋今次去左長洲玩 同朋友想食下海鮮Chill下 見到有間鋪頭做緊海鮮餐優惠 就決定食黎間🍽.🤩同3位朋友一齊食 叫左6個海鮮 一個小菜 同一個炒菜 600蚊都吾洗 好抵食 我地分別叫左椒鹽鮮魷、豉椒炒大蜆、豉椒炒蟶子、薑蔥炒蟹、蒜蓉開邊蝦同埋蒜蓉蒸扇貝、沙拉排骨同埋椒絲腐乳通菜 海鮮新鮮好惹味 扇貝大大粒 仲好多蒜蓉😍價錢吾貴 份量亦都岩岩好🔥餐廳環境乾淨 同格黎枱都有一段距離 坐得幾舒服😆

放假帶左屋企人入長洲食海鮮💃簡左間係海旁位既餐廳 但今日實在太熱 冇坐係岀面既勇氣🤣店舖有精選套餐 500幾有6個海鮮1個小炒1個炒菜 岩哂我地4個人食🤩-✨豉椒炒大蜆粒粒蜆都好夠味 亦都冇沙-✨蒜蓉開邊蝦蝦既份量都幾多 最鍾意有咁多蒜蓉😍-✨蒜蓉蒸扇貝蒜蓉好多多多多多😍配埋粉絲絕配 扇貝新鮮 好大粒膏 -✨薑蔥炒蟹蟹既份量比較少 但夠味🍽-✨椒鹽鮮魷外皮簿又脆口 吾會太油 吾會太多炸粉 -✨豉椒炒蟶子豉椒味好重 一上菜就見起哂肉 食落好方便🤣-✨沙拉排骨好多沙拉醬 排骨吾會韌🕺🏻-✨椒絲腐乳通菜份量足 腐乳味重😋