新康記菜館

營業中

休息中

因為疫情關係，少咗同朋友出離島地方玩，今日打算同一班朋友入長州玩，一早已經諗定夜晚一定要食海鮮！經過我哋係OpenRice 篩選，我哋就決定黎呢間菜館食晚餐！我哋大概5點就黎到餐廳，因為未到晚飯時間，所以菜館入邊既客人唔見，環境都尚算乾淨。我哋打開餐單，樣樣都想試下！最後我哋揀咗一個五款海鮮嘅套餐，入邊包含咗五款海鮮菜式+一碟炒菜，只需$408!!都好抵食！套餐包括有:避風塘炒蟹豆豉炒大蜆豆豉炒蟶子蒜茸蒸扇貝豉汁蒸黃䱽魚蒜蓉炒通菜款款海鮮都好有鑊氣😋😋 我哋最後仲嗌埋啤酒啤一啤，爽啊！過左一日愉快既星期日！

平日去長洲遊人不多，是日心血來潮來長洲一行探探張保仔洞，其後食番過個海鮮晚餐。長洲食店特別多，海鮮菜館亦不少。最終幫襯新開的新康記菜館，小店分左戶外和室內，依個天時坐室內有冷氣比較舒適。這裡環境明顯比其他店新淨光鮮，地方大座位寬鬆。五點半來店內食客只有我們，店員安排了六人大圓枱，餸菜唔駛左擺右擺，正呀！套餐有多種組合，幾款海鮮加炒油菜，三百元有找價錢相當經濟，份量亦唔少，味道唔錯都幾抵食。三款海鮮加炒靚油菜 $258蒜蓉蒸扇貝新鮮扇貝三隻鋪滿蒜蓉和粉絲，就咁蒸加點豉油，索晒汁鮮味好食。椒鹽鮮魷炸鮮魷香脆唔油膩，外層炸粉薄薄，口感脆卜卜加內裡煙韌，醮埋喼汁更是開胃好食。豉椒炒蜆大蜆好多隻非常足料，蜆肉新鮮乾淨冇沙，撈埋惹味豉椒醬汁，隻隻都咁美味。椒絲腐乳炒通菜簡單好食我最愛，鮮嫩通菜撈埋咸香腐乳汁已經好好食，加上薑汁味道好突出，掌握到其精髓，好食到要俾一百分。

生日來個Birthday Getaway，平日無疫情一早飛左。今日來到長洲來個小旅行，長洲都有少少泰國Pattaya 的感覺，好有渡假風。嚟到長洲一處近海的地方，又點唔可以試工海鮮餐？在碼頭不難找到各種海鮮小菜館，離碼頭大約十分鐘步程的新康記，大大的招牌幾易認。小店有好夠唔同價錢嘅特色海鮮餐選擇。薑蔥炒蟹炒蟹係爸爸至愛，必點。就咁睇蟹不太大隻，但勝在炒得夠鑊氣。豉椒炒蟶子蟶子份量都幾多，豉椒炒夠晒惹味。椒鹽蝦本身打算叫椒鹽賴尿蝦，但好彩店員姐姐都同我哋比較少肉，比較多人叫嘅係椒鹽蝦，蝦都大隻，肉質夠彈牙。加埋椒鹽味，送啤酒一流。三款海鮮之中，以椒鹽蝦最驚喜！豆腐海鮮湯最後的豆腐海鮮真材實料，除咗有菜之外仲有蜆，蝦和魚，而且份量好夠，四個人都夠飲。最後仲送咗一個蒜蓉炒西蘭花，仲有其他菜好似通菜、白菜咁可以揀。爸爸都好驚喜，原來長洲食海鮮可以咁經濟實惠。下次多啲人一齊去，仲可以試多幾款。

今日我和朋友來到長洲一日遊，一下船就先找餐廳吃午餐。逛了一個圈後，大部分餐館的海鮮套餐價錢在230至250之間，包三款海鮮小菜。走馬看花下，我們是唯一看到這間還包了一款蔬菜，所以在這間解決午餐。位置：在下船後轉左，一直往前走就可以了。環境：可分開室外和室內，室外是大排檔形式，看到海景；室內應是有冷氣，但我們沒有入坐，而是坐在室外享受美景。有一隻可愛的黑色貓貓陪你用膳。午市：$258三款海鮮加炒油菜椒鹽鮮魷份量不少，大塊，裹了一層薄薄的炸粉，炸得酥香，入口是啖啖魷魚香味，椒鹽味道很足夠，好入味，夠鹹！豉椒炒蟶子 在椒鹽鮮魷相對之下，味道較稍為遜色，但勝在份量多， 而且肉質肥美，豉椒醬汁量多，平均沾滿每隻蟶子，是味道較淡了。避風塘炒蟹有豐富的炸蒜，完全覆蓋了炸蟹，椒鹽味很夠，不過蟹是沒有膏和不多肉，畢竟不是時令，整體是惹味的。蝦膏炒通菜通菜很爽口，蝦膏味不濃，份量多，兩個人吃四碟小菜，真是很飽肚。我們都叫了一支可樂和啤酒，一碗白飯。真是很久沒有喝過支裝可樂，特吃好喝。

冇諗過去長洲🏝食海鮮🐟🦐🦞🦑🦀最平可以$168就食到2️⃣款海鮮，仲加多碟炒菜🥬價錢係離島🌊黎講，真心抵食呀🤑~•~•~•~•~•~•~•~•~•~•~•~•~•~•~•~•~•~•~• ▪ 精選套餐 ($168up) ▪最輕食 : 2️⃣款海鮮 & 1️⃣碟炒菜💃🏻最豪華套餐 : 4️⃣款海鮮 & 3️⃣款小菜 & 1️⃣碟炒菜🕺🏻.因為得👫2個人，所以我地嗌左個🍽▪️3️⃣款海鮮🌊 & 1️⃣碟炒菜🥬  ($258)我地揀左既海鮮包括💁🏻‍♀️▫️蒜蓉蒸扇貝 🧄有成4️⃣隻，同大王🤴🏻可以平分☝🏻人✌🏻隻。面頭粉絲吸晒海鮮香味🌊上面鋪滿左蒜蓉🧄同蔥花🌱，蒜蓉🧄勁香，撈埋粉絲🥣食一流呀😙.▫️豉椒炒蟶子🫑♥️雖然唔係好大隻，但份量勁多🤭我諗至少有5️⃣0️⃣隻，冇沙既👏🏻加左青🫑／紅椒♥️ • 洋蔥🧅 • 豆豉🟤去炒，好惹味😝.▫️椒鹽鮮魷 🦑✨椒鹽鮮魷味道唔錯，脆卜卜💥炸到金金黃黃⚜️，外層炸漿唔會好厚🤏🏻點埋喼汁，兒時最愛，正呀🤪.▫️炒菜 🥬生菜🥬 • 通菜🌱 • 西蘭花🥦 • 菜心💚我揀左蒜蓉炒西蘭花🧄🥦冇煮到過淋，但又唔會生到咬唔到😆.▪ 野飲 ▪汽水 ($15 / 罐)🥤有(紅❤️ / 黑🖤)可樂 • 忌廉💚 • 芬達🧡 • 檸檬茶💛

今日放假例牌活動同太太 食好西😄 今日連同家人一齊長洲一日遊😊行下 影下相 去到咁上下，黃昏嘅時候又係時候搵嘢食啦😋經過就見到呢間「新康記菜館」，睇佢哋嘅餐牌都幾吸引啵😊就決定食呢間啦！我地一行四人，都有點兒肚餓，我地叫左個6款海鮮餐+ 1款小菜 + 1款靚油菜，總共8樣嘢食，都堅抵食，好豐富🤩6款海鮮+ 1款小菜 + 1款靚油菜$5681. 薑蔥炒蟹雖然鑊氣不太夠，但薑蔥炒落啲新鮮嘅蟹度，就好夾，個人覺得都可以接受😊2. 椒鹽鮮魷椒鹽鮮魷上一枱，好香 同埋 食落都脆嘅💪3. 蒜蓉粉絲蒸扇貝蒜蓉同粉絲蒸扇貝相當夾，好新鮮😋4. 豉椒炒蟶子味道係好味，但蟶子如果係蟶子王就完美啦，不過當然一分錢一分貨呢個道理 都要明白嘅😝5. 辣酒煮花螺辣酒好入味，味道岩岩好👍6. 蒜蓉蒸開邊蝦呢個亦係無得輸嘅餸，送飯一流😂7. 酥炸豬大腸 點落秘製醬汁度 好好味，食唔停口🤤8. 蒜蓉炒西蘭花水準之作，不過不失😬

康記菜館 (長洲) 😆放假，就同左朋友嚟長洲放鬆下😆😆夜晚就揀左新康記呢間菜館食小菜同海鮮🥰套餐：3款海鮮加炒靚油菜$258 🍲炒油菜選擇有好多！可以揀白菜、生菜、通菜等等😆而我就揀左蒜蓉炒白菜，食落好香口，炒得啱啱好🥰蒜茸開邊蝦🍤睇相都知呢碟餸蒜茸有幾多啦🤣🤣所以啲蝦全部好入味好惹味😆啱哂我呢啲中意食重口味既人🤣豉汁黃立倉🐟表面豆豉好多！！魚肉好嫩，油脂都幾多😆😆味道唔錯🥰豉汁炒蜆😚蜆肉都幾多，成碟滿哂😆蜆肉炒得好入味，夠哂鑊氣😚zero汽水同西油汁 $15-$16🥤夏天嚟到長洲，真係會熱到死🥵🥵叫返杯汽水飲真係好正，夠哂凍，消暑解渴🧊白飯另叫🍚嚟到可以對住個海景食飯，景色真係一流😚😚仲撞正太陽落山添！！真係好chill🥰如果大家嚟長洲玩，都可以嚟試下呢間架，$258 四個餸其實真係幾抵，性價比都幾高🥰地址：長洲北社海傍道11A號地舖整體評分：4/5味道：4/5環境：4/5抵食：5/5

📍新康記菜館 @ 長洲無得去旅行下 weekend都係去下離島唔太多人 散散心 食好西😻🥢精選套餐 ～ 3款海鮮+菜 258HKD椒鹽鮮魷 由細到大既最愛 一定會叫黎食鮮魷爽 啖啖肉 份量多 正🤤豉椒炒聖子大排檔風味惹味 有鑊氣 聖子有食指size 最緊要無沙 蒜蓉蒸扇貝蒜蓉整海鮮係無敵 扇貝好大隻😍粉絲充滿住蒜蓉味 食到停唔到口呀蒜蓉炒通菜鑊氣夠 炒個菜都特別好食 菜有幾款 可以自己揀用蒜蓉定腐乳炒2人套餐 好抵食 又好味食完飯吹吹海風 好寫意呀

難得喺平日放假，所以特登約咗朋友去長洲玩，放鬆放鬆心情，食埋晚飯至出返市區。我地喺海旁搵咗間餐廳食，二百幾蚊有2碟海鮮一碟小菜，仲包一個菜。海鮮揀咗沙嗲蟹煲同椒鹽蝦，小菜點咗海鮮豆腐湯，仲有一份蒜蓉炒西蘭花。另外大家都有飲汽水。椒鹽蝦炒得幾惹味，上面舖滿炸蒜，蝦殻炒得酥脆，食落帶點微辣。沙嗲蟹煲入面有好多粉絲，好有驚喜！本身個沙嗲唔算好辣，入面加咗菠蘿同三色椒，而隻蟹本身都有蟹肉，成個蟹煲好豐富。蒜蓉西蘭花炒得好香好有鑊氣，成碟好快就比我地食哂。湯就揀咗豆腐海鮮菜湯。料都算多，有魚柳，蝦，蜆同白菜仔。蝦好新鮮，蜆都冇沙，抵讚！白菜豆腐清清哋，可以解膩。食海鮮點可以唔飲可樂🥤

⭐️新康記菜館⭐️📍:長洲北社海傍道11A地下⏰:11:00am-11:00pm (星期四休息)💰:人均$50-$100⭕️: 現金👉🏻2款海鮮+1款精美小菜+炒靚油菜💰238🌜椒鹽鮮魷:外皮好薄好香口 唔會有好多炸粉 同埋唔會好油！唔使落太多喼汁都好有味 份量好足 抵讚 🌜蒜蓉蒸扇貝:有四大隻 同友人一人兩隻 蒜蓉超多 扇貝好大粒 溝埋粉絲一齊食一流！ 個人建議唔使點豉油 都好入味 扇貝唔似其他餐廳嗰啲得粒豆豉咁細 食落去都啖啖肉 好鮮 值得叫😋🌜西檸雞🌜椒絲腐乳炒通菜:餐廳有好多菜選擇 有生菜西蘭花嗰啲 但係我聽到佢有椒絲腐乳炒通菜！我地諗都冇諗就叫咗呢個 好入味 好有鑊氣 份量超足 絕對唔會hea你🤣👉🏻天地壹號 💰45👉🏻白飯 💰10🌟除咗以上幾款之外 佢哋餐牌仲有好多選擇 多啲人嘅亦都可以選擇三至四款海鮮 因為今日同友人兩個去 所以以上四款都食到我哋好飽 好滿足👍🏻🌟入長洲除左食大魚蛋、芒果糯米糍之外 都重可以食長洲抵食海鮮餐🤣🦞 價錢起離島黎講 真系抵到絕👍🏻同一大班朋友嚟 係一個唔錯嘅選擇 餐牌好多選擇 亦都有唔同嘅套餐、單點 但係整體嘅價錢人均$100可以埋到單 價錢合理 🍼

週末到長洲郊遊👣，中午食晏我地揀左食海鮮，沿著碼頭轉左海傍行，去到呢間菜館。見到餐牌都好多海鮮選擇，而且價錢好合理，好適合兩人或家庭嘅選擇🥰 套餐有海鮮及油菜，海鮮有2/3/4/5款選擇，我哋揀左3款海鮮配油菜$258，海鮮有二十多款選擇 3款海鮮加油菜套餐：清蒸紅鮪魚白灼蝦椒鹽鮮魷蝦醬通菜 🐟游水魚當然好新鮮又鮮甜，蒸得火喉唔錯🦐新鮮白灼蝦加點點鼓油已經好好味🦑鮮魷加薄薄炸粉，香脆外皮，入面嫩滑🥬試下佢地道蝦醬通菜，果然特別香😍，鹹鹹蝦醬味帶出鮮嫩通菜味道 再配白飯🍚可樂🥤，真係好回味嘅海鮮餐😋

今日同朋友去咗長洲玩，想食啲海鮮去咗呢間菜館食飯。我哋揀咗三款海鮮一個炒菜嘅套餐，$258，炒菜都有好多選擇我哋叫咗腐乳通菜，通菜唔係好鹹都炒得幾爽口嘅。蒜蓉蒸粉絲比較遲先到，粉絲份量合理，蒜蓉都好多架，扇貝唔算好新鮮，但有經典嘅蒜蓉粉絲味，之後豉椒炒大蜆，蜆肉每粒都有豉椒味，之後有椒鹽炒蝦，今日咁啱冇賴尿蝦可惜，椒鹽嘅辣味好出，炒蝦都幾夾，都有八隻。見到其他海鮮嘅選擇都幾多，下次去都會試吓其他。

同家人揀左平日到訪長洲，一落船屋企人已經嗌肚餓，去左附近既海鮮菜館一嚐長洲風味。經過海濱長廊，見到易拉架寫住「康記菜館」精選套餐特別推介，套餐一早set好哂價錢，四款海鮮加上精美小菜、炒靚油菜，只不過＄368，相當抵食，二話不說即刻入內試下！🚩 薑蔥炒蟹｜蒜蓉開邊蝦｜豉椒炒大蜆｜椒鹽鮮魷｜椒絲腐乳通菜｜菜遠牛肉 ＄368✣ 薑蔥炒蟹－餐廳用上肉蟹，好幾隻都有蟹膏，仲幾好肉！✣ 蒜蓉開邊蝦－絕對係工夫菜！平時係屋企開邊都要整好耐，估唔到有得嗌！開邊蝦蒸到岩岩好，再用豉油熟油，加上爆香左既蒜蓉鋪上面，一碟真係唔夠分！✣ 椒鹽鮮魷－炸到脆卜卜熱辣辣，非常香口，小朋友都食唔停口！✣ 豉椒炒大蜆－蜆處理得非常好，每一粒都冇沙，而且份量唔少！✣ 椒絲腐乳通菜－菜都有好多款式同煮法揀～腐乳咸香，炒得非常有鑊氣！✣ 菜遠牛肉－牛肉嫰滑兼份量多，菜心好靚，好清甜！🚩生炒排骨 $88｜白飯 $10✣ 另外再點了生炒骨，酸酸甜甜，汁醬濃度剛好，非常開胃！ ❥ 提外話：套餐可選擇的海鮮、小菜，甚至油菜款式都頗多，而且每款都在合格之上！

尋日長洲好大雨⛈避咗成個鐘雨我哋形容呢個係防守戰兩個人兩把細遮 係咁喺度挨打不停淨係喺度諗 點樣可以令自己冇咁濕🥺到4點啲雨先開始細我哋就去咗食大魚蛋個人推薦東源 除咗魚蛋比較彈牙之外大家都係$10兩粒 佢可以逐粒揀味🍡再之後就搵咗個亭 休息到大家滿意就join埋啱啱入到黎嘅朋友一齊食晚飯見門口姐姐好落力推介就揀咗呢間新康記菜館try try咁啱有位就安排咗我哋坐海景枱望住個海食都幾chill六款海鮮+精美小菜+炒靚油菜套餐 $568蒜茸蒸扇貝 🙆🏿‍♀️蒸到啱啱好 都唔算好細隻好多蒜 蒜茸味道好出 但又唔太鹹連埋粉絲食一流椒鹽鮮魷 🙆🏿‍♀️好入味 而且香口又唔厚粉呢個大推豉椒炒蟶子 💁🏿‍♀️相對之下size稍為遜色但勝在份量搭夠 而且都幾肥美同埋好重要一點係唔會得堆殼 味道都重隻隻都沾滿豉椒汁辣酒煮花螺 🙆🏿‍♀️呢個都大推鍾意食辣嘅必點！都幾夠辣味 粒粒都好爽口只係啲牙籤可能會斷🤭蒜茸開邊蝦 🙆🏿‍♀️毫不留手嘅蒜茸+開邊好難抗拒因為開邊蝦最容易入口手都唔駛用 食吓又大隻 食吓又一隻😋薑蔥炒蟹 💁🏿‍♀️又係舊舊都有薑蔥汁都幾均勻 同埋以呢個size嚟講都算多肉 美中不足係要用手食😂相對比

難得星期六放假，同朋友2人入左長洲當渡假。而入得長洲緊係要食海鮮啦。海傍果條街有好多間海鮮酒家。當中有幾間我之前已經試過，今次就試下新康記先。我地2人揀左$258, 3款海鮮+1碟油菜1.蒜蓉蒸扇貝2.豉椒炒蟶子3.避風塘炒蟹4.腐乳炒通菜蒜蓉粉絲蒸扇貝: 食扇貝大部份人都係加粉絲同蒜蓉蒸架啦，但無諗到佢竟然有4大隻！仲要每一隻都大大粒！😋之前食過其他餐廳都係得兩隻，仲要係細粒嘅。豉椒炒蟶子: 蟶子雖然睇落細粒，但勝在夠多，仲要粒粒都係有肉嘅，唔會淨係得個殼。係略嫌個豉椒味淡左少少🤏避風塘炒蟹: 呢個一上枱已經聞到勁香嘅炸蒜味！隻蟹係正常size, 由於炸到好脆，啲殻好易咬。我係咁食炸蒜撈飯🤣😋腐乳炒通菜: 佢呢個有得俾你揀要生菜、菜心、通菜等等，再睇你要咩方式炒，我哋就揀咗腐乳炒通菜，碟菜份量都幾多，正常味道。