新同樂

服務員態度十分差，結帳時，給服務員第一張信用卡碌不到，服務員表情衰格，很大力放碌咭機在枱面，說呢張信用卡碌不到，之後我給回第二張信用卡，全程客人要睇他面色，多謝都沒有講，下次一定唔會幫襯。…查看更多

🐑虎珀合桃，呢度高級食府嚟講，算唔合格喇，唔夠香又唔夠脆，發揮唔到堅果應有嘅香味。世一虎珀合桃，係嘉麟樓當之無愧🐑百花脆皮乳豬，每次必點，簡單講就係蝦膠釀喺乳豬皮上炸，蝦膠彈牙、乳豬皮脆口呢啲不在話下，重點係蝦膠與乳豬皮中間爆發嘅嗰陣油香，每次食都係驚喜🐑玉蘭帶子蝦餃，全世界嘅蝦餃，再好都唔會有阿一鮑魚6成嘅水準，所以就算喺新同樂飲茶，都一定唔會叫蝦餃。叫帶子蝦餃就唔同喇，厚身北海道帶子打橫開半，放上開口蝦餃上蒸，帶子時間剛好，唔會靱，估計係後蒸嘅，鮮味甚顯著，帶子味甚至已經向下滲咗入下層蝦餃餡中，帶子+鮮蝦混和嘅味道，是但用個腦諗下都想像得到有幾正啦😆🐑蘿蔔糕，煎得好香，第一啖咬落去，臘味嘅味道喺我口中狂爆，再趙落去就係白蘿蔔嘅甜味。賀年年糕我哋都有喺新同樂買過，必須要承認一點嘅係，自己煎，一定冇呢度嘅師傅煎得咁好食，唔係廢話，係肺腑之言🐑魚翅灌湯餃，嚴格來說，呢個唔係灌湯餃，而係湯浸餃。大餃蒸好，再放入魚翅湯中，湯雖只是二湯，但火腿嘅味道，依然可品嚐得出。接近$170一隻，魚翅放晒喺個湯度，一目了然，份量之多🤯，我自己都嚇了一大跳，太慷慨了吧，絕無冇欺場🐑鮑魚酥，牛油酥皮好香，上枱已經聞得到，超熱上桌，保證係即叫即做。鮑魚雖然切成小塊做餡而非成隻放上面，賣相係扣咗少少分嘅，但好處就係，咬入去個鮑魚味確係好重，絕對可以彌補得到賣相方面嘅缺憾…查看更多

唔講唔知，呢間藏身美麗華嘅殿堂級粵菜，默默摘星15年！今日同大家展開一場「午市摘星之旅」🏆，由精緻點心到矜貴主菜，每道都係味覺藝術品 ✨️ 廣東點心薈萃 👉 雲腿蓉燒賣皇：薄皮包住爆滿餡料！🐖鮮甜豬肉混鹹香火腿，爽彈多汁嘅口感，一啖咬落去... 鮮味直接衝擊味蕾 💥 👉 紅菜頭鮮蘆筍蝦肉餃：驚喜度爆燈🌟！柔韌餃皮包住彈牙鮮蝦，蘆筍脆嫩 + 紅菜頭清甜，三種鮮味融合得超完美👉 素餃：純野菌香氣爆炸🍄！健康得嚟濃郁惹味，素食者必試👍 ✨️花膠筒瑤柱燉鮮雞湯頭清甜到犯規💧！花膠滑得嚟有咬口，熱辣辣飲更帶出瑤柱鮮香✨️懷舊魚翅蟹肉罐湯餃傳統手工菜復刻版🫖！超薄餃皮裹滿魚翅蟹肉，浸喺濃厚高湯裡... 鮮味層次大昇華！ ✨️鮮蘑菇蒜燒安格斯西冷牛焦香外層鎖住軟嫩肉汁，牛脂香混合多汁蘑菇🍄，食到停唔到口✨️黑魚籽豆腐蓉蒸星斑球星斑嫩滑，魚鮮味十足，黑魚籽鹹香提鮮，豆腐蓉綿密加持... 高級感滿分！ ✨️紅燒鮑魚燴豚肉蔥油飯原隻鮑魚軟滑彈牙，燴飯濕潤得嚟粒粒分明，豚肉油香 + 蔥油香... 邪惡又滿足！ ✨️煎熬蝦湯鮮蝦水餃稻庭麵蝦湯濃到掛勺🦐！稻庭麵滑溜吸盡湯精華，水餃皮薄餡爽... 鮮味暴擊x3！ ✨️生磨杏汁紅豆燕窩：女士最愛養顏甜品🌸！燕窩多到誇張，杏汁清香襯托粉糯紅豆... 甜度剛好唔膩✨️ 新同樂美點曲奇🍪鬆化到入口即化！腰果香脆收尾，完美句點…查看更多

今天是太太的生日，所以便帶她來到連奪多年米芝蓮食肆吃過午餐。這間以魚翅為主打的中餐廳，在香港非常有名氣，是一眾富豪的飯堂，自然食物質素和招呼都是優質的。黑魚籽鮮蝦帶子豆苗球，黑魚籽帶點鹹香味道，令到鮮蝦和帶子的味道層次更加豐富，豆苗的清新，令到海鮮的味道層次更加豐富，加上表皮煙煙韌韌，這個點心非常有特色。竹笙海鮮金魚餃，這個以金魚為造型的海鮮餃，海鮮味道層次豐富，竹笙的爽脆，和表面的爽口彈牙，形成強烈對比，有創意又美味。松露鮮蝦菊花卷，外型非常近似菊花瓣的形狀，外表鬆脆可口，內裏的松露和鮮蝦味道配合得非常一致。鵝肝窩粑伴茄子安格斯牛粒，鵝肝外表香脆可口，內裏軟綿綿甘香無比，配合鍋巴， 一軟一脆，互相輝映。安格斯牛肉粒煎得外脆內軟，牛肉味道豐富，加上茄子的味道，感覺健康可口。酥皮馬蹄糕，外皮酥脆可口，內裏軟中帶爽，甜度適中，傳統中帶點創意。…查看更多

幾年前來過「新同樂」吃過生日飯後都非常滿意，最近又想起這餐廳，加上母親大人又特別喜歡吃中菜，所以便相約她到此用膳。餐廳環境依舊高貴優雅，此外這裏還有卡座，可以提高私隱度，所以不論是跟家人朋友還是跟客戶到這餐廳用膳都非常適合！百花脆皮乳豬件香脆的乳豬皮釀入爽彈又鮮甜的蝦滑，吃上去不論是口感還是層次感都非常豐富，兩者匹配得宜又美味，令人一口接一口，吃過不停!黑魚籽鮮蝦 帶子 豆苗球如網狀又爽脆的竹笙包裹着滿滿都是豆苗的豆苗球就已經非常美味，配以帶子和鮮蝦的鮮甜更討得我們的鍾愛，再配上黑魚籽的鹹鮮味則更上一層樓！鹿兒島A4和牛咸水角咸水角外層厚薄適中，炸得鬆化之餘又帶點軟糯，內裏滿滿都是惹味又香濃的A4和牛，作為咸水角控的我都非常滿意！奇香粉絲原隻九州大蝦皇這道菜香氣四溢，每吃一口粉絲都感到香蔥和蒜的香氣，味道濃郁得來又不過鹹，配上爽彈鮮甜又大隻的九州大蝦皇一起吃充滿幸福感之餘又美味！龍鬚糖 法式焦糖燉蛋焦糖燉蛋本身甜度不高又充滿蛋香味，配上香甜的龍鬚糖，甜度則變得剛好，令人有越吃越想吃的感覺，難怪我這一位甜品控亦愛上了這焦糖燉蛋。最後，沒想過已幾年沒有到這餐廳用膳，但食物質素卻一如以往的高水準，服務同樣非常周到，環境舒適，難怪母親大人吃得高興之餘，我也很滿足！…查看更多

講起新同樂就會諗起魚翅撈飯！今次嚟食午餐包括創意點心、熱炒佳餚仲有招牌菜百花脆皮乳豬件🩷非常驚喜yummy廚師團隊經驗豐富加上選材嚴謹、用料新鮮俘獲一眾食客嘅味蕾！點心menu會恆常更換~ 新鮮感十足。🔸百花脆皮乳豬件上層係脆皮乳豬，下層係蝦滑口感超級香脆、彈牙、不肥膩！🔸黑魚籽鮮蝦帶子豆苗球豆苗好新鮮翠綠，配鮮蝦帶子、咸香黑魚子鮮香十足，餃皮煙靭，沾埋辣油仲好食。🔸鹿兒島A4和牛咸水角香脆煙靭嘅外皮，中間係和牛餡濃郁惹味。🔸奇香粉絲原隻九州大蝦皇巨大蝦皇蒜到十分香噴噴！蝦殼脆卜卜、蝦肉爽甜彈牙~粉絲炒得好夠鑊氣！吸收哂蝦皇、薑蔥香味，惹味好食！🔸龍鬚糖法式焦糖燉蛋好有驚喜嘅甜品！蛋味好濃又滑！yummy❇️上層係脆脆龍鬚糖，配搭出色！…查看更多

今次帶咗屋企人去摘星之旅，就係連續14年米芝蓮嘅新同樂酒家🌟我哋total食咗$1,185食到超開心，首先環境係超級舒服亦都有privacy，服務員超級細心不停斟茶同埋換碟。每一道菜都整得好靚而且味道超級好，果然係米芝蓮常客😎✨百花脆皮乳豬件百花脆皮乳豬件上面係乳豬脆皮下面係蝦膠，乳豬皮烤得金黃酥脆，搭配蝦膠的鮮甜，整個口感層次直接升級，鮮香脆嫩一次滿足。✨黑魚籽鮮蝦帶子豆苗球上面個網係竹笙，做得超級精緻個皮好薄，黑魚籽的鹹香配上鮮蝦和帶子的彈牙，再加上豆苗的清爽，整個口感層次超豐富。✨鹿兒島 A4 和牛咸水角佢嘅外型係一個梨做得好靚，A4 和牛的油脂香氣完全融入外皮，咬下去外酥內嫩，肉汁四溢。✨奇香粉絲原隻九州大蝦皇King size日本九州蝦大過我手掌，蝦肉又彈又嫩，但係重點係粉絲吸曬啲汁好鮮味濃郁，加埋薑蔥同埋薑一齊炒好惹味。✨龍鬚糖法式焦糖燉蛋最後來個甜點收尾，龍鬚糖的輕盈配上法式焦糖燉蛋的滑同濃郁，一輕一重完美平衡，甜而不膩。…查看更多

「新同樂魚翅海鮮酒家」曾幾何時叱咤飲食界，2025 再強勢加實力重現美麗華商場見近排股票有點斬獲，預訂枱同另一半去慶祝下。我們選擇了一人套餐共兩份。價錢沒有想像中的離地，絕對是星級體驗。小食琥珀合桃香脆可口，令我停吾到－粒粒咁送入口。廣東點心薈萃- 紅菜頭鮮蘆筍蟹肉餃- 羅漢齋粉果 大廚將餡料切得大小均勻，十分細心，有菇類、沙葛、蔬菜粒等，口味相對清淡，餃皮同様煙靱有致。- 雲腿蓉燒賣皇 吃下就知是手剁豬肉豬肉, 咬落特別有質感，肥肉比例不多，感覺冇咁膩，雲腿帶出豬肉的鮮香，調味恰好。花膠筒瑤柱燉鮮雞原條花膠和瑤柱也燉至超軟稔、花膠的魅力實在沒有女士能抗拒，每一口湯也是極致的鮮甜。懷舊魚翅蟹肉灌湯餃灌湯餃外皮柔軟順滑，餡用上魚翅、蝦仁和豬肉，調味得宜，入口即化；湯底以金華火腿熬製，好吃到連－滴湯都吾放過。鮮蘑菇蒜燒安格斯西冷牛主角安格斯西冷牛點了七成熟，切開是美麗的粉紅色，牛肉有嚼勁，肉味澎湃；但經炒香過的鮮蘑菇和蒜片餵上微甜的濃汁，味道濃而不咸，絕不能小看配角的威力。吃過前幾道菜也是鮮甜取悅我們，突然來一道清淡的主菜。黑魚籽 豆腐蓉 蒸星斑球以豆腐蓉墊底，星斑肉嫩肉質飽滿；黑魚籽的咸香足夠令整道菜提鮮，我個人非常欣賞這道菜式的配搭，大廚充份利用食材煮出精緻的手功菜。紅燒鮑魚火腿豚肉蔥油飯原隻紅燒鮑魚放在飯面，仲邊有得輸，鮑魚不須用力已經可以切開，可想像其軟稔程度，鮑魚的鮮昧，齒峽留香；炊飯也用上鮑魚汁煮成，加上其他配料每口飯也是極致完美，值得為它留肚。煎熬蝦湯 鮮蝦水餃 稻庭烏東重點是湯底用上鮮蝦頭熬製，極濃湯絕不輸給日本湯麵湯底；水餃皮薄蝦鮮彈牙， 麵底是扁身稻庭烏東，感覺冇麵咁令人飽濟。來到最尾，連甜品也－絲不苟，店員推出餐車，即席煮出壓軸甜品生磨杏汁紅豆燕窩生磨杏汁口忒，燕窩約有一湯羹份量，加上甜美紅豆，入口清甜，二十四小時照顧新同樂美點腰果合桃酥蓮子桂花糕每道菜式擺款都花上心思，肯定是中菜的Fine dining 體驗，盡顯米芝蓮功架…查看更多

今次終於一試呢間米芝蓮餐廳，試咗午餐，食物高質有驚喜！首先百花脆皮乳豬件真係手工菜，乳豬皮好脆，而乳豬皮下有蝦膠，彈牙又鮮味，口感層次豐富😍 點心黑魚籽鮮蝦帶子豆苗球，呢個組合好精緻！鮮蝦同帶子新鮮，黑魚籽嘅鹹香，豆苗球清新爽脆，整體配搭好有心思。鹿兒島A4 和牛咸水角，咸水角外皮炸得金黃香脆，內裡係鹿兒島A4和牛，肉質嫩滑，油脂分布均勻，好香！奇香粉絲原隻九州大蝦皇嘅大蝦皇大大隻，肉質爽口，粉絲吸晒蝦嘅鮮味，醬汁濃郁得嚟又唔會太鹹，食落好惹味！甜品揀咗龍鬚糖同法式焦糖燉蛋，燉蛋面上有少少龍鬚糖拉絲。焦糖燉蛋滑溜溜，焦糖味幾香！總括嚟講，每一道菜都有心思，味道好，值得回頭！…查看更多

【新同樂 米其林一星的中式匠心盛宴】隱身於尖沙咀商廈的新同樂以低調雅緻的用餐空間延續老牌粵菜館的底蘊更憑藉細膩手藝摘下多年米其林殊榮此次品嚐的廚師餐點恰如其分地展現了傳統與創新的交織魅力首道「百花脆皮乳豬件」便令人驚豔薄如蟬翼的乳豬皮在齒間碎裂發出悅耳脆響底層竟是鮮彈蝦膠取代傳統肥脂巧妙化解油膩感緊接的「黑魚籽鮮蝦帶子豆苗球」猶如翡翠明珠豆苗清香裹著海鮮甜潤魚籽鹹鮮如浪花輕點口感層次豐富各式點心展現了主廚駕馭食材的深厚功力「鹿兒島A4和牛咸水角」打破點心格局酥脆外皮下和牛脂香奔放肉汁與糯米皮交融出驚喜的溫潤「奇香粉絲原隻九州蝦皇」則以手掌大的蝦身演繹鮮味極致金黃蒜香粉絲吸附蝦膏精華每一箸都是海洋的慷慨贈禮最耐人尋味的是甜品混搭「龍鬚糖」細絲纏綿的古早甜味與「法式焦糖燉蛋」的濃郁奶香竟意外和諧象徵著這間老字號在東西新舊間的完美平衡服務員的專業用心更為這場盛宴添上畫龍點睛之筆2人千元的消費雖不是平民價錢但從嚴選九州蝦、鹿兒島和牛等頂級食材到每道工序的匠心雕琢皆體現米其林星級餐廳的自我要求若想體驗粵菜精緻化的極致演繹新同樂無疑是值得專程造訪的味覺殿堂…查看更多

新同樂魚翅酒家是自2011年起連續榮獲米芝蓮星級殊榮的56年老店，不僅是富豪名流的飯堂，更是品味粵菜精髓的殿堂，今日終於同老公有機會來食午餐。黑魚籽鮮蝦帶子豆苗球這道菜宛如一件精緻的藝術品，竹笙包著晶瑩剔透的水晶餃皮，裏面是鮮甜彈牙的鮮蝦和帶子和清香豆苗。竹笙海鮮金魚餃金魚造型的蝦餃栩栩如生，擺盤超美，令人不忍下箸。薄如蟬翼的餃皮包裹着鮮美的竹笙和鮮蝦餡料，入口鮮香四溢，口感層次豐富。松露鮮蝦菊花卷春卷外層炸至金黃酥脆，形似盛開的菊花。松露的香氣與蝦肉的鮮甜完美融合，令人齒頰留香。鵝肝窩耙 伴 迷你茄子安格斯牛柳粒鵝肝的豐腴與安格斯牛柳的鮮嫩相得益彰，搭配迷你茄子的清甜，平衡了整體口感。窩耙酥脆與鵝肝的綿密形成強烈對比，帶來豐富的味覺體驗。酥皮馬蹄糕中式酥皮層層疊疊，酥脆可口，內餡是清甜爽口的馬蹄糕，口感細膩，甜而不膩。總括而言，新同樂魚翅酒家不愧為米芝蓮餐廳，無論是商務宴請還是節日慶祝，相信都能帶來難忘的味蕾盛宴。…查看更多

呢個名我細細個都已經好熟悉架啦，因為長輩都好鍾意喺呢度飲茶食飯。中菜館開業於一九六九年，已經有五十幾年啦。喺香港出名嘅頂級粵菜館，仲係米芝蓮餐廳添!就連佢哋嘅餐具都非常精美，特別係筷子都系象牙造出，真係夠曬珍貴!今日我同朋友嚟食佢哋嘅午市餐$638(位)而且菜式非常豐富：🥟廣東點心薈萃- 紅菜頭鮮露筍蟹肉餃- 羅漢鮮菌素粉果- 雲腿茸燒賣皇🥣花膠筒瑤柱燉鮮雞🥟懷舊魚翅蟹肉灌湯餃🥩鮮蘑菇蒜燒安格斯西冷牛- 係鵝肝窩粑伴迷你茄子安格斯牛柳粒🥠黑魚籽豆腐蓉蒸星斑球🍛紅燒鮑魚燴豚肉蔥油飯🍜煎熬蝦湯鮮蝦水餃稻庭麵🥣生磨杏汁紅豆燕窩🥧新同樂美點成個午餐無論係點心、燉湯、主菜、甚至乎飯類同甜品，都係用左頂級嘅食材，製作成美味嘅佳餚，賣相又非常精美，令人一試難忘!難怪咁多年都可以keep到係米芝蓮星級嘅粵式酒樓!👍…查看更多

今日去咗尖沙咀一間星級食府飲茶,環境闊落,更有廂座,私隱度高。小食係琥珀合桃,合桃鋪滿芝麻脆口,味道甜甜。🔸竹笙海鮮金魚餃呢個擺盤精緻,就像金魚在藍色的湖裏游泳。金魚餃的皮煙韌,蝦肉新鮮彈牙。🔸黑魚籽鮮蝦帶子豆苗球外邊的竹笙網包住豆苗球,豆苗球的皮口感煙韌,豆苗清爽,帶子鮮甜。🔸松露鮮蝦菊花卷擺盤像盛開的菊花一樣,整朵菊花卷炸得香脆,蝦肉新鮮彈牙,最重要是松露味道突出,而且很香。🔸鵝肝窩粑伴迷你茄子安格斯牛柳粒鵝肝煎得焦香,質地肥美軟滑,窩粑香脆唔硬；牛柳粒有嚼勁,肉汁豐富,夾起牛柳粒會發現迷你有機茄子的中心被挖空了,而裏面盛滿醬汁,茄子質地都幾滑,將牛柳粒點點醬汁會覺得甜美,而成個茄子食又會發現醬汁帶辣。🔸酥皮馬蹄糕酥皮酥香唔油膩,入口鬆化,中間的馬蹄糕唔會太甜,馬蹄很爽,底部的曲奇餅都幾脆。侍應招呼不錯,普洱茶入口順滑,點心擺盤精緻。…查看更多

今日老公喺美麗華訂咗位，新同樂魚翅酒家，除左魚翅料理聞名 🦈🍲仲有精緻點心 🥟海鮮 🦞 同傳統粵菜。餐廳環境典雅 🏮服務細緻 👨‍🍳仲曾經獲得星級榮譽 🌟🍴🌿黑魚籽鮮蝦帶子豆苗球🦐 精緻球狀造型，頂部點綴黑魚籽，增添奢華感同鹹鮮風味。整體口感清爽，海鮮鮮甜同豆苗清香完美結合✨🎋竹笙海鮮金魚餃 🐟 造型精緻的點心，外皮製成金魚形狀，內餡以竹笙同多種海鮮為主，如蝦仁、帶子。竹笙脆嫩，外皮薄而透亮，口感細膩🍤🦐松露鮮蝦菊花卷🌼 鮮蝦搭配松露獨特香氣，外層製成菊花形狀，造型優雅。松露濃郁香氣與鮮蝦甜美完美融合，口感層次豐富，既有蝦肉彈性，又有松露高級風味💎🥩 鵝肝窩耙 伴 迷你茄子 安格斯牛柳粒🍆 鵝肝煎至外脆內軟，牛柳粒保持多汁嫩滑，迷你茄子清爽口感平衡。整體風味濃郁，層次分明🍴🥮酥皮馬蹄糕將傳統馬蹄糕同酥皮結合。外層酥皮香脆，內裡馬蹄糕保持軟糯清甜，馬蹄脆爽口感與酥皮酥脆形成對比，甜而不膩新同樂魚翅酒家📍彌敦道132號美麗華廣場1期食四方4樓401號舖#創意粵菜 #懷舊滋味 #尖沙咀美食 #香港好去處 #粵菜 #中菜 #海鮮 #酒家 #銅鑼灣 #新同樂魚翅酒家 #尖沙咀食乜好 #經典名菜…查看更多

週日好節目，預先訂位寫菜，品嚐米芝蓮星級午餐，小菜加點心，慢活人生！連續榮獲米芝蓮二星多年的新同樂魚翅酒家，門面有氣勢，服務貼心，佈置高雅，我們坐卡位，私隱度高，非常舒適，忙碌生活，總要找時間享受。百花脆皮乳豬件 $126*2招牌百花脆皮乳豬件，百吃不厭，在酥脆的乳豬皮上釀入蝦滑，軟脆對比，口感非常好。黑魚籽鮮蝦帶子豆苗球 $88造型精緻，仿似魚網包着菜苗，黑魚籽添鹹香，層次豐富，味道好。鹿兒島A4和牛咸水角 $88維肖維妙造型如啤梨的鹹水角，A4和牛餡料倍增食味。奇香粉絲原隻九州蝦皇 $218非常香惹，以大量蒜子、薑粒、大葱及洋蔥炒香，九州蝦皇非常巨大，肉質細緻彈牙，調味恰到好處，濃郁但不過鹹；粉絲吸盡精華，是另一亮點。龍鬚糖法式焦糖燉蛋 $58*2有趣地加上龍鬚糖，鬆鬆甜甜與薄脆的焦糖糖對比，燉蛋幼滑微甜，吃得滿意。前菜 $25茶芥 $38米芝蓮星級餐廳，實至名歸！附上套餐及優惠作參考。…查看更多