新南苑私房菜火鍋鷄煲 (海德中心) (已結業)

<有各種主題房既好味小炒火鍋>😄🌍😆灣仔地鐵站附近既盧押道，有好多酒吧 好少食肆 . 有既都係d小食檔。 不過新開左間打邊爐鋪 新南苑 坐落喺海德中心 2 樓 樓下有得泊車 方便駕洗人士。 🚗🚕🚙其實我好耐前都有去過旺角總店， 今次再黎灣仔分店 希望都一樣keep到質素！食店既裝修好有心機 以油畫做主題 除左食店中間既圓枱外 仲有好多大少房間 , 切合唔同數量既客人既需要 每一間房 都有一個得意既主題， 好似優閒😆，宇宙🌍甘， 十分用心 . 而大廳既電視亦有得睇足球直播 . 好多樣化！🤓由於較早前旺角總店試過好味火鍋 今次就試下佢既特色小炒🍴薑葱焗生蠔 🍴 168 蚊有大慨6,7 隻大蠔 一上枱聞到好香薑葱味 😋🌱 蠔大大隻 外面炸得好香脆 入面既蠔 夠鑊氣但又保留juicy , 薑葱汁既惹味滲哂落去蠔身 唔錯 !🍴沙姜鹽水雞 半隻🐔🐤🍴138 蚊半隻鹽水雞 份量都算大隻 , 碟底用左沙姜汁 而雞肉 好爽滑😋 浸過鹽水後帶點咸味 再配以沙薑葱汁 咸得黎又有d清 ,雖然外表比較啖色 但味道好好！🐔🤓🍴蛋黃黃金蝦 🍴148 蚊🦐🍳一碟有7,8 隻大蝦 蝦肉鮮甜

今次同朋友去左灣仔新開既新南苑，灣仔食市一向晤算平，但我地係樓下睇到二百幾蚊任食雞煲火鍋，二話不說就上去啦。店內裝修非常有特色，保留當年舊式排檔鐵閘設計，又增添新潮塗鴉畫。令人有種新舊結合的感覺。價錢$278 9:30後仲抵八折$222 ，免加一前菜，醬油。鬼馬雞煲，鬼馬者係油炸鬼加雞煲，辣度可選大中小，加入香脆油炸鬼增強了口感，而雞件份量多，肉質能保持嫩滑，的確不錯。湯底我地叫左花蟹蕃茄南瓜湯，意個湯真值得一讚，味道鮮甜，材料豐富，賣相顏色豐富。好特別用南瓜紅蘿白打成蓉，再放入公仔模，湯滾起就打散變成濃湯。絕對有別一般食市的做法。真心正！海鮮拼盤份量十足！材料新鮮大件。原來意道仲可以代燒海鮮，做兩食。仲要第一次免費代燒。意道係本地牛頸脊，十分好味。肉味濃，夠滑身，仲可任食，好食過一般肥牛多多聲。手打丸都不錯，較喜歡是梅菜豬肉。生蠔夠白夠乾淨，鮮味濃。最後仲有牛奶布甸，不太甜，嫩滑。飲品係自助形式，夠方便。整體意餐大家食得好開心，會再黎食過。

同班姊妹食打邊邊 好耐無食 大家都勁期待這個是放題打邊邊 同雞煲合體 雞煲大家都覺得普通 唔特別；不算好好味，唔會令人想encore 那種；但火鍋材料好新鮮 海鮮好大隻，我們叫了花甲鍋，個湯好好飲，有鮑魚、龍蝦、蝦、魚、貝殼類；之後仲可以任叫一頁的火鍋材料 都唔錯，有蝦雲吞、雜菜、午餐肉、芝士腸、魷魚等等 要的都有；而肉類就要加錢先有飲品也包了 可以自行出去取 有冬瓜茶、椰汁、菊花茶等等環境方面 都好多人食 比較迫 不是很多位置

到達餐廳差不多晚上8點，平日嘅晚上都座無虛席。門口嘅水缸就放咗生猛海鮮，水缸乾凈整潔，啲水好清，可以放心食。我哋點咗個海鮮火鍋半放題餐，有雞煲又有海鮮又有本地手切牛，仲有任食火鍋配料，唔駛諗咁多~飲品、醬料選擇唔多，不過基本嘅都有齊架啦。任食火鍋配料就基本嘅火鍋配料都有得揀。再追加靚牛肉、海鮮就要加錢，不過價錢絕對合理。先上雞煲，一上枱已經香味四溢，流緊口水不過仲未食得架，仲要煲多陣。苦等一陣終於食得，打開蓋已聞到香辣味。雞肉認真嫩滑，而且辣度啱啱好，非常惹味。辣辣地刺激味蕾，可以更加引起食慾繼續食~湯底嚟啦，我哋揀咗新鮮蟹鍋花甲湯底，啲湯係蕃茄湯嚟。湯滾啦，花甲就比較少啲得6粒左右，但隻蟹就真係大隻。試咗幾啖個湯，鮮甜中帶點微酸，開胃之餘又唔會遮蓋食物味道。蟹肉爽甜，蟹羔都唔少。本地手切牛頸脊 - 呢個部位幾特別，每塊牛熟咗後都好似對摺咗咁可以打開，而中間都係筋位所以都有啲咬口，肉質鮮嫩，正~肉丸拼盤 - 有墨魚丸、牛丸、豬肉丸，唔算大粒但新鮮彈牙。生猛海鮮拼盤 - 海鮮配搭會因時令而更改，當日就有鮑魚、蚌、扇貝、蜆、龍躉片、脆鯇片。海鮮新鮮甜美就不在話下，當中啲扇貝、蜆、鮑魚、蚌都

老公做完野後，約我黎灣仔食飯，聽到新南苑，我問：係米打邊爐呀？點知佢話：黎食小菜！我問：真係架？因為之前黎都係食雞煲同打邊爐，唔知原來仲有小菜食🤣🤣黎到依度總係要叫個雞煲，依度個 招牌鬼馬雞煲，加左d 油炸鬼落去，好脆～仲有蔥頭，帶起佢個雞既味道👍🏻加埋d辣椒仔，辣辣地，好開胃！而d雞，唔使講肉質滑，加上吸收左蔥既香，好惹味，老公超 like 😘咸魚蓉馬蹄煎肉餅好香咸魚味，馬蹄爽口，煎得好香脆，送飯一流😋食得出係自己剁，有肥有瘦，好香。而唔係攪爛瘦肉。而且依個餸好講功夫同經驗，如果做得唔好就會外面睇落脆，但裡面其實未熟。但依度既師傅掌握得非常好，裡面岩岩熟，外面非常脆👍🏻鼓油皇生煎海蝦用左鼓油炒，未咬已經聞到個陣鼓油蒜粒爆蝦香味。d殻一定要「損」下先佢先食到個精髓，最後係咬落啖啖蝦肉，混著鼓油香，蒜香，真係好惹味😋蝦下面破開左個殻，去晒腳，方便客人「損」完之後食d肉，好細心👍🏻上湯海皇什菜煲有帶子、桂花蚌、大蝦、鮮魷、金菇、鮮東菇、菜心、蘭花、雞脾菇......好多材料桂花蚌，爆過，好入味，彈牙爽脆仲有白色既蚌，調味足，又彈牙帶子又大又厚，又鮮甜。蝦係用新鮮蝦，彈牙，食到鮮味。材料調味

多天來，天氣都是雨濛濛的，今曰雨後天晴了，我邀屋企人岀來散散心，閑逛途中，也是到開飯時間啦！上來呢間餐廳開餐啦！😋新南苑，屋企人以前係觀塘食過，大排擋咁。今時嚟到灣仔，就裝修靚左好多，大油畫同有校長室？哈哈每間好似小校園。苑內的店員們對我們都是熱情似火的招待👍環境有特色舒服，海鮮都有小龍蝦，大龍蝦做刺身既，今日大家食小菜。每星期幾都有一種茶，今日係苦瓜茶，飲落係有少少甘味，但不是苦的，清熱解毒。我地仲飲左椰子水，nice喔。我地由清淡食到濃味，期待大排擋特色。鮮百合雲耳勝炒肉片，本身有包炒肉片，但我地見已經有雞，就要求不要炒肉片，避免浪費了。鮮蟹肉肉崧蒸滑蛋拌飯一流！蛋好滑身，肉崧多，一口是肉呢。深海龍躉兩味398蚊食2味，有紅燒頭腩同油泡龍躉球。紅燒頭腩內有豆腐 火腩同枝竹。紅燒頭腩份量多過後者。油泡龍躉球，有菜心同三色椒。一咬個龍躉皮好似厚花膠，勁好咬口！肉就大舊，32斤係勁既！前道菜，半隻招牌鬼馬雞煲真係非常鬼馬，店員要每兩分鐘嚟煮一煮，煮3次，再落油炸鬼。依個雞煲有別以往食過既，佢係無汁，純係香料，蔥同雞。第一次炒已經係好香好香。三次後食得了，招牌不可失望！洋蔥爽口，雞肉主角！

新南苑私房菜火鍋鷄煲灣仔盧押道18號海德中心2樓港鐵灣仔站 C 出口, 步行約3分鐘一早已經去過旺角分店新南苑食雞煲打邊爐，知道灣仔有分店，更方便我們放工，餐廳位於灣仔盧押道18號海德中心2樓，裝潢新穎，有L型可打通的包房，每人都只要加$20就可，非常有私人空間。店員介紹是以半自助餐形式，先食雞煲，渴湯再打邊爐；飲品、青菜、醬料都是自助的。雞煲海鮮火鍋半放題每位$278起(三位以上可免費享用雞煲)海鮮火鍋放題包括：招牌鬼馬麻辣雞煲(可選辣度)店員提醒煮6Mins後就每2Mins拌一拌，最後可加入油炸鬼，打開香噴噴，份量足，雞很嫩滑且入味，味道野味，油炸鬼變腍了再掛上雞煲汁，更香。店員服務很周到，不時都會留意我們，十分貼心。原來雞煲還可以再添加雞，真不錯。牛油甜粟米粟米很甜，少少牛油香，很有咬口。花膠豬肺濃雞湯底加+$188限量供應店員提示我們可以先喝湯，之後再加湯再火鍋，湯底是一整隻雞毫不吝嗇，還有豬肺和花膠，湯料豐富不用說。生猛海鮮拼盤(6-8款) 更可選擇數款海鮮作燒烤接著就是海鮮拼盤，賣相吸引，包括有鮑魚、蝦、蟹、貴妃蚌、龍躉片、鯇魚片。我們把蝦和蟹作燒烤，師傅燒烤功力真不錯，都

年頭與舊同學聚舊時曾到過旺角分店，大家讚口不絕，所以今次相聚再次選擇新南苑，但地點遷移到灣仔分店。灣仔分店新開不久，但閒日8點來到已經座無虛席。灣仔分店的裝修與旺角總店截然不同，灣仔分店行校園風，有可愛壁畫、多間獨立VIP房用上「校務處」、「實驗室」、「家政室」等名子作分類，頓時令人回到中學青蔥時代。自助醬料吧。海鮮火鍋半放題每位$278起(三位以上可免費享用雞煲)，我們一行四人所以有一《招牌鬼馬麻辣雞煲》(可選辣度)，我們選擇了「走辣」。在等待雞煲期間，店員先送來一碟四件的《牛油甜粟米》。粟米掃上牛油及燒過，很有牛油香及清甜，粒粒爽脆。期待已久的雞煲來了！店員提醒雞煲要煲6-7分鐘， 每1-2分鐘需要攪拌，最後可加入油炸鬼。雞件入味，而且煲中有大蔥及蒜頭調味，令整體同樣惹味十足。加入油炸鬼後油炸鬼吸了雞煲的精華醬汁，很惹味！而且雞件可以添加呢！//花膠豬肺濃雞湯底//（加+$188限量供應）湯中有一整隻雞，當然還有花膠及豬肺。首先喝湯，然後店員會加湯就可以開始吃火鍋！雞湯味道十足，很香濃而不會帶咸，有花膠的關係湯質亦帶滑身，感覺很滋補。但因每煲用鮮雞淆製所以湯面雞油較多，大家可以先用

今日表弟過開黎灣仔，搵我食飯～於是我帶佢黎新南苑，聽同事講唔錯，而我又未食過，比個機會試下。一入到黎，環境唔錯，好舒服，而且牆上既圖畫好得意。坐低冇來，職員先遞上一壺茶，幾好飲，唔會話好濃！之後睇下menu ~都幾多款小菜wor！我地一人一個餐，每個餐都奉上老火湯～我點左個麻婆豆腐，少麻辣得黎好滋味～不停食完一啖又一啖！表弟叫左個xo 醬西芹炒豬肉~xo 醬好惹味，西芹超爽口，而豬肉好新鮮又淋，唔似平時d 雪藏豬肉咁硬~ 最後仲有個甜品，有楊枝甘露 & 牛奶奶凍~正, 完全唔覺得甜，唔會覺得膩！

之前有人叫我推介旺角火鍋，我推介了新南苑旺角店。然而多人到BOOK唔到位。終於灣仔也新開了一間。事不宜遲，趁未算太多人知，趕緊去幫襯一下。位於灣仔盧押道的商廈樓上，位置未算太顯眼，不過是日目測都相當多人果真是有麝自然香嗎？環境都不用多說甚麼了，新開的，有設計過的，一間間房還有獨立主題好似班房一樣餐具都頗有中國風自助配料區，少不免我最愛的蒜泥系列自助飲品選擇也不少，個人推介是這個椰子水，非常下火，清潤聽說出面賣得頗貴看看餐牌雞煲加火鍋$278位，加一前菜$20，醬油每位$10限時3小時如果9:30PM後會有貓頭鷹時段，8折再免加一、免前菜醬油、坐房就要每位加廿蚊。不喜歡火鍋亦有小菜選擇事不宜遲即刻上個雞煲先招牌鬼馬麻辣雞煲(小辣)煮到咁上下，加入油炸鬼塊…惹味的醬汁，完全「食」晒落雞肉內小辣的關係，完全接受到雞肉保持嫩滑，啖啖肉一不小心吃了很多一碟都係骨重中之重當雞是這個油炸鬼吧吸收晒醬汁的精華，非常入味，而且保留了脆脆的口感，很好味！吃完雞煲之後，店員幫手換了火鍋我知道每個鍋都會有一個卡通人物今次我的是多啦Ａ夢順帶一提，這個湯底是店員推介的招牌新鮮蟹鍋花甲湯底店員注入湯然後多啦Ａ夢就慢

又到了一年一度六月嘅生日飯局，一班人最開心莫過於一齊聚埋打邊爐，千挑萬選下選擇左呢間係灣仔酒吧街附近的新南苑，由於係新開嘅關係仲未有酒牌，所以只好由食客自備酒水。餐廳以套餐形式收費，每位平日$278，六日及假期$340。三位以上送無限🐔煲，之後再轉其他湯底火鍋，每人一份海鮮拼盤，仲有一張任點火鍋配料，海鮮方面尚算新鮮的，其他食物都無特別。餐廳設計係以學校做籃本，牆身噴上塗鴉，很有心思。值得再去！

今日到灣仔找朋友吃午飯，找上了一間吃小菜的餐廳。一人一個小菜SET約$100一位。一個餐包括一個湯，一個小菜、白飯和甜品。*雞骨草湯是日的老火湯是雞骨草湯，沒有油；湯味又清，沒有落味精。*上湯菜膽雞($98)半隻雞$98，而且是堂食，又灣仔這個地段，價錢真的差不多。雞肉味天然沒有調味，雞伕又滑溜；菜膽煮得夠淋又不會煮黃。*紅炆龍躉頭腩($98)經理推薦說，這是用三十斤重的龍躉新鮮切的；肉質爽脆，炆完的魚肉不會鞋口；碎骨不算太多；除了有龍躉頭腩之外，支竹和豆腐，配料很豐富。*菠蘿咕嚕肉($88)這個菠蘿咕嚕肉真的很出色！平時吃的，個皮都已經比汁浸淋，但這個仍然吃得出剛炸出來的脆口。*白飯*甜品是日甜品是一個奶凍，開始還以為是很頹的質素，但又是另一個驚喜；奶凍幼滑，魚膠味不重，很香奶味。

同事話公司附近有一間新餐廳開張，主打私房菜，一向為食的我們，當然要去試一試。餐廳位處於一幢商廈內，進入電梯按2字，好快就到達了。餐廳門口光鮮又貴氣，華麗之餘又有點校園特色設計，每個包箱都以學校的課室命名。翻閱餐牌，超多款式選擇，必定揀到最想吃的菜式。加上新張期內，茶芥加一全免，非常超值。先來個精美靚湯，味道超清甜，豬腱味濃，真材實料。錦醬香辣海鮮豆腐煲份量超多，有很多海鮮款式，如大蝦，鮮魷，珊瑚蚌，帶子，每款海鮮都保留著鮮味，可見餐廳挑選食材很有一手。豆腐很嫩滑，少少辣少少咸，越食越滋味。鮮果咕嚕脆蝦球應該是我最喜歡的菜式，蝦球經油炸後非常脆口，脆脆地還帶一點酸甜的味道，餸飯一流。飯後還有奶凍成為甜品，奶味香濃，很滑口。下次一定再來幫襯

一向都會去灣仔酒吧飲酒睇波，近來發現一間叫新南苑既新派食店。任點任食既套餐，雞煲、打邊爐加燒烤。一次滿足三個願望，二百幾真係好抵食！新舊融合裝修設計，特色塗鴉牆拼懷舊大排檔食設計，別有一番風味！有五款湯底選擇，有別於一般酒樓簡單湯底，是新鮮蟹窩花甲海鮮湯底、豬骨湯底、胡椒豬肚亦有花膠豬肺雞湯底等選擇。設有自助式醬料吧，可以自己條配喜愛醬料。可選辣度鬼馬雞煲，油炸鬼加雞煲，雙重口感，雞肉夠滑，份量不少，食完後，再上主角火鍋。新鮮蟹窩花甲湯，材料十分豐富，熊仔造型公仔是用南瓜紅蘿白蓉製成的。加上蕃茄，令整個湯甜上加甜，好正！套餐主角海鮮拼盤種類多，份量足，海鮮夠新鮮。真的有意外驚喜。原來意道好特別，除左火鍋外，可以免費代燒，完全可以滿足不同朋友需要。十分推介意道既本地手切牛頸脊，肉味濃郁，肉質嫩滑，食到停不到口。燒海鮮用上泰式醬料做法。口感惹味，感覺特別。