新南苑私房菜火鍋鷄煲 (海德中心) (已結業)

一向都會去灣仔酒吧飲酒睇波，近來發現一間叫新南苑既新派食店。任點任食既套餐，雞煲、打邊爐加燒烤。一次滿足三個願望，二百幾真係好抵食！新舊融合裝修設計，特色塗鴉牆拼懷舊大排檔食設計，別有一番風味！有五款湯底選擇，有別於一般酒樓簡單湯底，是新鮮蟹窩花甲海鮮湯底、豬骨湯底、胡椒豬肚亦有花膠豬肺雞湯底等選擇。設有自助式醬料吧，可以自己條配喜愛醬料。可選辣度鬼馬雞煲，油炸鬼加雞煲，雙重口感，雞肉夠滑，份量不少，食完後，再上主角火鍋。新鮮蟹窩花甲湯，材料十分豐富，熊仔造型公仔是用南瓜紅蘿白蓉製成的。加上蕃茄，令整個湯甜上加甜，好正！套餐主角海鮮拼盤種類多，份量足，海鮮夠新鮮。真的有意外驚喜。原來意道好特別，除左火鍋外，可以免費代燒，完全可以滿足不同朋友需要。十分推介意道既本地手切牛頸脊，肉味濃郁，肉質嫩滑，食到停不到口。燒海鮮用上泰式醬料做法。口感惹味，感覺特別。