斗滾 (適安大廈)

營業中

休息中

對於鍾意打邊爐嘅大滾友嚟講，呢間火鍋店絕對唔陌生！店内環境唔大，人與人之間比較貼近，不過氣氛好好，店員態度亦都好好有講有笑~ 呢個價錢食到咁多野真係好抵食，而且食材保持到水準！😋 麻辣雞煲 ~ 雞肉好夠嫩滑，而且炒得好香，好惹味，越食越辣，越食越上癮！😋 海鮮盛宴 ~ 食咗兩轉雞煲之後，重點海鮮嚟啦！一大盤咁上好 IGable 😍😍 有鮑魚、蟶子、扇貝、蝦、蜆、龍躉，每款海鮮都好新鮮！仲有索晒海鮮精華嘅讚崎烏冬，夠晒滋味！不過留意返呢個海鮮拼盤係計人頭上，唔係任食的~😋 象拔蚌刺身 ~ 即場加咗份象拔蚌，肉質爽口彈牙，非常鮮甜！😋 烏雞養生燉湯 ~ 個湯好滋補好好飲，飲咗幾碗先正式開始打邊爐！丸類同蔬菜類等等都係喺出面雪櫃拎，肉類就要另外 order，今晚食咗好多碟手切牛頸脊都已經回本 😋😋食飽飽之後仲每人一碗椰汁雪燕，食完鹹野食返碗糖水真係大滿足！ 

香港人一年四季都鐘意打邊爐，呢間仲要有得任食雞煲，見佢價錢又唔算貴，平日都係200 幾蚊，梗係要試下啦! 因為平日都好多人，大家最好預早book 定位。一入到去首先就係食雞煲，可以自己揀咩辣，因為我唔係好食到辣所以叫左最少果隻辣，雞肉幾嫩，少少辣又幾惹味忍唔住encore 多次。食完雞煲之後就可以同職員講，佢地會準備蒸好嘅海鮮比大家打卡影靚相放社交平台海鮮就唔係任食嘅，個人黎講覺得普普通通，有部份貝殼類仲有少少沙，不過200幾蚊都唔好要求咁高喇，有得食算係咁。食完海鮮之後就揀湯底準備打邊爐，我揀左+$38椰子雞湯，好甜好好飲強烈推薦大家試下。雖然係任食不過佢d 牛肉都唔錯，唔係好瘦好難咬個d，其他配料就係出面自己拎，種類唔算多，不過都已經好夠食。

今日山長水遠去到西環試雞煲，出左地鐵站行小小斜路就到喇，平日都坐滿哂人，好嘈幾有氣氛，座位都幾逼既一黎就上左個雞煲先，揀左小辣，4個人食d雞既份量都比得幾多，炒得好香好入味之後就上左個好打卡-able既蒸海鮮拼盤，蒜蓉蒸出黎好香，5種海鮮按人頭上，非常滿足，但最正既其實係索哂海鮮味既烏冬金菇呀🤤之後就上燉湯火鍋喇，但可惜我地諗住試下佢既椰子雞煲湯底，但原來要book枱果陣留左先會有，如果唔係賣哂就冇嚕，下次一定要再試下餐廳即場like 社交平台會送手切牛食，質素幾好

難得同事喺外國嚟香港做嘢，所以就同啲同事一齊打邊爐，又知道呢度可以一次過有三個願，就係食雞煲、食蒸海鮮同埋打邊爐。我可以話斗滾呢個價錢食到咁多嘢係非常抵，因為之前都食過佐敦店好幾次，但係發覺西環店呢度嘅服務態度係最差。唔知呢到既店員係唔想幫手呀定係唔夠人手？就好似叫啲店員加水打邊爐，一個好高好瘦嘅男店員，叫咗佢好多次，佢都係冇反應，然後當佢聽到嘅時候，就話等陣先，當佢話等陣先既途中我哋已經叫咗第二個店員幫手。但係西環店嘅女店員會比較好啲。唔知點解西環店個風氣係，但佐敦店啲店員係會好主動幫手加嘢，所以如果你哋覺得呢度係抵食，而且質素好，我好建議大家去佐敦店食。

兩小口情人節去左食，之前同一個舖位都係打邊爐，而家換左舖再去試好味！😄叫左bb辣雞煲麻得過癮😋😋😋蒸海鮮夠新鮮👍🏻👍🏻👍🏻打邊爐唔錯，多款料任食！一次過滿足晒三個願望，good😉CP值高！！！一定會再幫襯😋

之前一直幫襯左好幾年，－排冇去差到一個點。今日晚上去上環店食， 去之前非常殷勤地問雞煲要咩辣，要咩份量仲話幫我哋炒定，一去到就有得食。 嗰下感覺服務同以往都係咁好。但一入到去雞煲未炒， 份量錯嘅， 問過工作人員 係咩辣嘅時候，佢仲要回我一句：我好忙你等一陣先啦。好喇， 十一點就已經話收曬食物櫃嘅嘢食， 已經有啲o曬嘴。 都仲未算，到差唔多食完嘅時候， 催咗兩至三次話佢哋差唔多收工， 一次分別係十一點半，另一次係11點50分。 明明 book枱嗰陣係講到可以食到十二點。 同職員澄清返嗰陣， 佢仲要即刻撳對講機少返上面聯絡我哋嗰個職員。 畀嗰個職員吹到啤啤聲。 所以已經同另一半講咗下次只去佐敦店。 佐敦店啲職員正常好多。

地方比之前嘅舖頭闊落好多 環境唔錯同屋企人朋友食咗好多次依然保持水準 菜品豐富 特別店鋪員工好热情，很贴心（有位員工名：靜 做嘢效率快靚正👍）不時關心是否需要補充食品 上菜快👍會繼續幫襯🤩

呢間係最近大熱嘅火鍋店，事關佢只需每人$388，就可以食雞煲，海鮮，打邊爐同埋糖水，真係超級抵！雖然環境就迫咗少少，同埋有限時兩個鐘，但係咁抵食將就少少都無妨啦雞煲個人就覺得佢啲雞嫩滑過好多知名雞煲舖頭，不過就冇得分別揀辣度同麻度，不過佢就可以任食，仲好體貼咁俾埋隻雞仔鬧鐘你，幾時先食得就可以指意個鬧鐘海鮮拼盤食完雞煲佢就會上海鮮拼盤，一個拼盤有齊帶子鮑魚聖子蜆同蝦，咁呢個就冇得任食嘅，但係佢會人頭上俾你，保證你每個人都食到咁多打邊爐重點梗係任食嘅打邊爐啦，我呢度就加咗$38轉烏雞湯底，咁補一嚟到梗係飲返碗先啦，任食素材喺個櫃度有得拎，而任食嘅牛肩肉就要同職員落單，呢個牛肩肉就係打邊爐嘅重點，就算唔食櫃入面嘅丸類同菜類都要食返幾碟牛肩肉，超級高質！糖水打邊爐打到差唔多夠鐘嘅時候佢就會比呢個椰汁雪燕你，都係每人一碗，但係呢個都係必食，所以就算之前食幾多牛，都要留肚食個糖水

《第一招：麻辣雞煲》 雞煲可以揀辣度 因為我地有同行嘅鼠鼠唔係好食得辣 所以淨係揀咗bb辣 都好夠味同好惹味平時食雞煲都無乜機會自己動手 呢度食可以自己炒下 都係一個唔錯嘅體驗雞煲可以無限追加 但係大鼠建議唔好心急 一定要留肚食後面嘅重點食物.《第二招：海鮮盛宴》根據非正式統計 每一台嚟食斗滾嘅客人都係為咗呢一個海鮮拼盤 IG打卡絕對唔失禮海鮮拼盤包括 鮑魚 蟶子 扇貝 海蝦 龍躉 花蜆 同埋烏冬每一樣海鮮都係非常之鮮甜 而且用咗非常夾海鮮嘅蒜頭嚟調味 略嫌海蝦有少少遜色 其他都係中上水平大鼠好鍾意食佢嘅烏冬 因為佢索曬所有嘅精華 可以食得出海鮮嘅鮮味 Nice!.《第三招：滋補火鍋》雖然四人同行可以免費升級做烏雞湯 但係大鼠都係鍾情於清湯安格斯牛腩湯首先可以飲吓佢哋嘅湯 非常之清甜 飲完又唔會覺得口乾 而且佢個安格斯牛腩都好出色 又冧又重牛味 唔會話因為攞咗嚟煲湯就好靭飲完湯就可以攞呢個湯底打邊爐 只要喺斗滾嘅社交平台留言就可以任食佢哋嘅手切牛頸脊 一定滿足到作為食肉獸嘅大家出邊嘅雪櫃仲擺咗唔同嘅火鍋配料 同樣都係任食 而且種類都好多.《甜品：椰汁雪燕》食完任食雞煲同埋打邊爐已經好飽

位於呢個西環嘅一間飲食嘅火鍋店呢～就真係好豐富好多嘢食～咁首先嚟到係一個雞煲啦，然之後呢個海鮮拼盤可以計人頭！每人一隻蟶子啦一個扇貝啦一隻鮑魚！都好新鮮又好好味啦，仲係已經可以即刻食啦，所以其實佢係任食呢～本身已經雞煲加呢個海鮮拼盤好飽啦！再加埋出面嘅嘢飲又係任飲跟住之後仲有好多嘅菜啊～啲牛啊墨魚滑都好好食嘢食啊👍🏻係自己拎再自己拎黎打邊爐嘅咁！真係大滿足～都係$268一位+1真係好抵又好食，好想快點同介紹大家嚟食！

第一個Step係食雞煲，雞煲係麻辣口味，可以自己選擇辣度，我們選擇的是小辣，雞煲很惹味，我們都refill了一次第二個Step是食海鮮，海鮮選擇也很多，有鮑魚蟶子、帶子、海蝦、魚，海鮮也算新鮮，最好食是帶子真的是鮮甜。第三個Step是飲湯，我們選擇的的是椰皇雞湯，真的很清甜，我也忍不住喝了三碗，很推薦這個湯底🤤第四個Step是打邊爐，任食的牛很好吃很高質，是非一般放題店的劣質牛，很有嚼口，而且牛味都很重，我自己一個人都吃了三盤🫣另外，因為是慶祝生日，所以有送和牛蛋糕，外貌很壯觀，很適合打卡🥰要改進的是等候入座方面，我們預約了8:15，但最後入座的時間差不多是8:40🥹另外，環境會比較逼狹和環境噪音也很大，要很大聲去聊天😅但整體三百多可以吃到那麼多東西，真的很值得，食物質素也很好，值得推薦！！

今次光顧呢間粵菜食府,實在是一次難忘的味蕾之旅。首先映入眼簾的是充滿東方特色的餐牌設計,立即給人一種獨特傳統的感覺。細看各款粵式經典菜式,不禁讓人垂涎三尺。其中,令我最感興趣的是「海鮮拼盤」。這道菜色彩繽紛,採用了多種優質食材如鮑魚、螺肉、海參等,無疑是一道精緻華美的前菜。而且每種食材的烹調手法亦別具匠心,不但保留了原本的鮮味,更能凸顯出各自的特色。佐以獨特的開胃醬汁,更是令人百吃不膩。另一道吸引我的,是那令人食指大動的「清補火鍋」。湯底十分濃郁,配合彈牙的肉片和各種時令蔬菜,令整體口感層次豐富。除此之外,店家亦貼心提供了自製的香噴噴姜蓉,為這一道經典粵式火鍋增添了更多層次。最後,我實在難忘那份上等的牛肉,香味四溢,肉質更是鮮嫩可口。每一口都令人回味無窮,彷彿置身於舌尖上的極樂世界。總括而言,這間粵菜食府匯集了不少廣東地道的名菜,實在是一個尋味之旅的好去處。無論是慶祝節慶,或是與親朋好友一同聚會,都能在這裡找到適合的餐點選擇。我相信我還會再次光臨,一嘗更多粵菜美饌。

收左工同成班同事一齊黎到山道既斗滾食雞煲打邊爐 平日關係所以只係$268 一個人😱（加一後$295）呢個價錢真係抵到爛 真係唔知點做得住🔸大亂斗雞煲先黎個雞煲 雞肉新鮮，切得適中，煮熟後鮮嫩多汁。調味用咗四川花椒同辣椒，我哋叫咗BB辣，非常適合我哋嘅口味 仲要係任添🤤🤤🔸海鮮盛宴佢哋嘅海鮮盛宴真係打卡一流！我地8個人既份量攤開有一大盤😲😲 超壯觀‼️入面有鮑魚、蟶子、扇貝、海蝦、花蜆同龍躉，仲有讚歧烏冬！每樣海鮮都好新鮮，搭配上蒜蓉粉絲真係好惹味😆😆👅🔸烏雞豬展湯湯底十分清甜，味道非常鮮美。烏雞煮得剛好，肉質鮮嫩，搭配上豬展，兩者嘅味道完美融合，特別適合開始轉涼嘅天氣。🔸任食手切牛頸脊牛肉切得厚薄適中，肉質鮮嫩，同埋真係好重牛味😍 用烏雞湯個湯底烚熟去再點埋火鍋豉油真係一流其他火煱配料都係比較普通既配料 但食到最後已經好飽好飽 同埋呢個價錢有雞煲海鮮邊爐仲想點🤣🤣 難怪平日夜晚都長期滿座

係社交平台就見人Po得多，終於有機會約到一大枱人一齊食斗滾。等位入去嘅時候見到好多都係學生，果然係re-u好去處xd 餐廳一個價錢包咗雞煲+雞湯+海鮮拼盤+邊爐任食，雞煲我地就無咩點refill，因為要留肚食牛肉。其實完全係眼闊肚窄，食到嘅嘢唔多，勝在係海鮮拼盤打卡好睇，同埋一班人打邊爐開心。當日比安排咗坐最入面，無咩侍應理入面，同埋後面有啲紙箱雜物。

斗滾一向係我打邊爐嘅首選，今日又過黎幫襯，首先第一步食咗雞煲先，雞煲可以任加，然後就可以食海鮮，海鮮種類很多，有蝦有扇貝有蟶子仲有龍躉肉，然後就揀湯底，可以揀養生湯，之後就可以開始任食牛肉，值得一試😝