斗滾 (適安大廈)

營業中

休息中

暴風雨嘅前夕，一樣無阻我哋「飯聚」嘅興致🥳 千里迢迢嚟到 #西環 咁遠，都係為咗嚟 斗滾 朝聖😎 由「香港大學站B2出口」再行上斜路唔使2分鐘就到，原來間 #火鍋店 都唔係我想像中咁隔涉，而且老闆應承咗我哋呢晚冇限時任坐，咁大家就唔使食得咁趕啦😉先上枱嘅係 #麻辣雞煲，雖然我哋要求嘅係BB辣，不過入口嗰種「麻」都唔嘢少，雞件連埋特製嘅醬汁同埋啲洋蔥、芫荽一齊炒，口感特別惹味🤤 之後再嚟嘅係 #海鮮拼盤，賣相都唔錯嘅，不過海鮮嘅鮮甜味只屬一般，尤其係過熟嘅鮑魚，入口有啲韌、冇晒鮮味… 整體冇特別嘅驚喜🫠 而用嚟 #打邊爐 嘅 #火鍋湯底，味道認真唔錯，湯底裡面加咗 #烏雞 、#桂圓肉、#紅棗，同其他 #藥材，最啱比我呢啲「咁虛」嘅人補一補😆 服務員知道我哋有朋友仔生日，仲特登送咗個「牛肉蛋糕」過嚟同我哋賀壽，認真sweet🥳 不過除咗啲牛肉，其他 #火鍋料 選擇唔算多，加上我哋有朋友仔唔食牛肉🐮 咁啱嗰晚佢哋嘅豬肉🐽又冇晒存貨，感覺上爭咗啲囉🫠 不過勝在佢哋啲服務員夠晒熱情，而且用餐時間冇限時(需要特別要求)，今時今日以$298(+10%服務費)呢個價錢，算係唔錯嘅選擇😉📍 斗滾 (適安

真係無諗過一次過可以任食雞煲(雞煲要自己炒，好得意，而且雞肉新鮮，雞煲又入味，讚😋我同朋友都忍吾住食左兩煲)、同一個新鮮嘅海鮮盛宴(拼盤非常豐富他魚、聖子、花蜆,龍躉 扇貝,海蝦, 讚岐烏冬); 跟住仲可以打邊爐，有30款以上的火鍋配料任食，仲有十幾款以上罐裝飲品可以選擇!最尾仲有一個清潤甜品:椰汁雪燕，真係滿足到不得了!而且最值得讚嘅係，店員服務態度真係好好，非常殷勤有效率👍絕對係值得推介嘅火鍋店😋比少少資料大家:星期一至四$268(1位)星期五至日 假期前夕及公眾假期$298 1/每位 (*須另收加一服務費)

首先，一入到去就已經睇到嘔吐清潔費為500元，一餐飯先300蚊，感覺已經不妙 即係話有人係度嘔過啦 果然 食物質量確實一般 雞煲太少 要加4輪先至感覺有食到野 海鮮蒸左半個鐘 然後打邊爐得返半個鐘 店員服務態度頗差 居然用木鏟將冷氣風口調上 確實太唔講衛生 之後另外一個店員問都冇問就收走我罐野飲（明明罐野飲仲有一半以上）之後個冷氣自己吹返落黎 就叫店員去提高冷氣溫度 可惜店員選擇無視要求 成程比個冷氣吹到正一正最後死死地氣用現金埋單 感覺今次真係比人「滾」啊！

預祝各位平安節和聖誕節快樂，因為今個禮拜唔小心中咗COVID，所以就少咗出post，不過我仲係有貨嘅放心，聖誕除夕都會凍，咁凍當然去打邊爐，2022 年將至，數較為受歡迎嘅火鍋店應該有佢-斗滾，唔使我多講都知道有幾難book，佢係出名食到你飽食到你嘔，低至$268可以食到雞煲、燉湯、海鮮拼盤、全枱打埋卡可以食埋牛頸脊和椰汁雪宴，雞煲不過不失雞係滑既，職員好細心教我地要炒四次、焗四次，到咗打邊爐請嗌湯底我哋叫咗烏雞養生燉湯，唔錯，夠鮮但唔重藥材味；唔記得幫牛頸脊影相，一定要任食呢個，以放題來講叫高質素，牛肉味濃、肉質感嫩滑；至於個海鮮盛宴，食過就知排場有幾誇張，越多人食越誇張，有齊鮑魚、聖子、花蜆、龍躉、扇貝、海蝦；最後係壓軸預約前要預訂嘅象拔蚌刺身，合格水平，夠薄夠爽。#火鍋 #打邊爐 #斗滾 #斗滾火煱 #火鍋放題 #雞煲 #hk #hkfoodie #hkboy #foodie #foodporn #foodphotography #hotpot #seafood #happy #holiday #merrychristmas #christmaseve #taiknowshowt

有四款食物！一個價錢食晒！首先嚟嘅係雞煲，有唔同辣選擇，雞煲好惹味雞肉亦都好大好嫩，仲可以無限任添！出面有一啲打邊爐食材可以加落去一齊炒～會有服務員講解食法之後係蒸海鮮，數量係根據人數而決定，不過可以加錢嗌，海鮮就普通，味道唔係好夠，不過都算新鮮，烏冬調味都偏淡，不過出面有醬料區可以自己調，食落都唔錯之後就係燉湯，呢個係烏雞燉湯，有原隻雞，以為雞肉會好老，但係食落都唔錯，湯熱辣辣好好飲飲咗一陣就可以打邊爐，出面有唔同嘅打邊爐食材，仲有好多款嘢飲離地鐵站都好近平日268 假期就298 性價比都唔錯

臨時興起今星期一齊食斗滾🤗本身想約TST果間可惜每日都full booking😅唯有book返西環呢間食啦雞煲任食有5種唔同辣度分別係BB辣、小辣、中辣 、大辣同走辣🌶️今次雞煲試左小辣同中辣小辣完全食唔出辣味而中辣煮果時聞唔到味道到食果陣先知咩叫辣味道香而麻辣、雞件入味我唔係太食到辣所以食到中辣都算有個交代🙈雞煲後就有個蒸海鮮有扇貝、鮑魚、聖子、蝦、蜆、烏冬等……每款海鮮都好多蒜同炒絲味道一流之後有個蟲草花竹絲烏雞湯飲左個湯先再打便爐打便爐仲有手切牛頸脊最後仲有個椰汁雪燕糖水送俾我哋👍

一次過滿足哂雞煲、海鮮、邊爐三個願望🤩仲有任食手切牛頸脊🐂同黑豚肉🐖依度嘅火鍋真係贏左，除左滿足到上面三個願望之外，仲要價錢好合理，真心推介雞煲🐥：依個係任食嘅有五種辣度，分別係大辣、中辣、小辣、bb辣同埋走辣🌶️ 我哋就揀左中辣🌶️ 譚仔嘅話我哋食開小至中辣，依度嘅中辣我哋就覺得啱啱好又滿足到食辣嘅慾望雞煲醬好出色，味道香而麻辣，雞件好入味好正😋海鮮拼盤🦐：限每人一款海鮮有多款海鮮，包括扇貝、鮑魚、蟶子、海蝦、花蜆、龍躉， 質素唔錯都算新鮮，而且每款海鮮都勁多蒜同埋粉絲，打卡一流😂火鍋🍲：任食火鍋配料火鍋湯底有幾款，我哋就加$38升級左蟲草花竹絲烏雞湯湯底一黎到就試飲左先，味道濃郁飲得出真材實料，之後都冇口渴就知係冇加味精😂 食材方面如果like左社交平台仲有任食手切牛頸脊同埋黑豚肉添😌 任食手切牛出面真係冇乜邊度有，仲要質素係好，牛肉味香濃，食得出真係手切唔係冰鮮除左牛同豬之外，仲有多款自助火鍋料，比多啲選擇大家最後就係甜品啦，椰汁雪燕，食埋個糖水就完美啦😌

雞煲好高質🤪食咗兩round!!手切牛頸脊好好食🤤encore再encore食完真係捧住個肚走❣️😋味道　：8.0 / 10💰性價比：8.5 / 10💕回頭　：8.0 / 10星期一至四 - $268 /每位星期五至日 假期前夕及公眾假期 - $298 /每位*須另收加一服務費🍴 第一式: 招牌大亂鬥 任食雞煲🍴 第二式: 海鮮盛宴🍴 第三式: 滋補火鍋🍴 第四式: 任食手切牛頸脊及黑豚肉🍴 椰汁雪燕

Bookmark 左呢間餐廳好耐，終於book到個時間嚟食😍！點解咁吸引？因為呢度一個價錢就可以食到雞煲、蒸海鮮同任食手切牛頸脊，完全係一次過滿足我3個願望🥹🌕 一開始會上任食雞煲，有5種辣度揀，我呢啲唔食得辣嘅都cater到！雞肉好入味又好嫩，可以食到夠😋。然後上海鮮盛宴，有齊鮑魚、蟶子、扇貝、蒜蓉開邊蝦、花蜆、龍躉同烏冬，仲可以加錢追加其他海鮮添！整體海鮮味道都不錯。最後就係打邊爐環節喇！任食手切牛頸脊及黑豚肉真係好正，好中意佢個牛頸脊，肥瘦適中又有牛味，最後食到好飽捧住個肚腩走人😂👍🏻📍 斗滾西環石塘咀山道54-66號適安大廈地下A號舖及1樓AB號舖🧧人均消費$330

📍西環 斗滾今日同一班朋友黎左呢間位於香港大學站約5分鐘路程既斗滾。一入到黎已經聞到一陣好濃郁既麻辣雞煲味。成間店幾乎都坐滿左香港大學既學生，睇黎呢一間都係佢地既飯堂。👅٩(˃̶͈̀௰˂̶͈́)و• 麻辣雞煲第一樣上菜既係雞煲，我地加左兩次，分別係唔辣同小辣。雞肉既質感都好滑溜，而家份量都好夠，所以我地加左一次都已經夠哂。• 海鮮拼盤就係圖中既嗰一碟了，個人認為整體上quality都好高，都好新鮮，唯獨佢既調味唔係好夠，個人最鐘意佢既鮑魚🤍• 打邊爐湯底係老火靚湯，所以每人飲左一碗靚湯之後先開始打，湯煲得非常濃郁，非常推薦。食材係可以自己出去拎，都係普通既丸、餃子等，個人最推薦係佢個黑色墨魚滑，調味非常好。而牛肉方面，店員會叫你follow佢地IG，之後就有牛頸脊可以任加。٩(˃̶͈̀௰˂̶͈́)و味道：🐱🐱🐱🐱環境：🐱🐱服務：🐱🐱🐱CP值：🐱🐱🐱

斗滾 聽就聽得多今次借住屋企人生日就突登早個半月前book枱因為日日都好多人去食佢地係一個價錢包哂5樣野❤❤(雞煲, 蒸海鮮, 飲養生湯, 再打邊邊, 最後有甜品)真係勁豐富😋😋😋雞煲 香噴噴有提供計時器 店員教要炒4次香味濃~~ 我就簡左bb辣👍 惹味😋😋可以refill 架~ 不過我一心想食牛牛所以就只食左一次蒸海鮮起初以為會係蒸海鮮鍋個種點知原來係蒸好哂一大碟比你入面勁多海鮮😍😍😍 按人頭計(蜆,扇貝,蟶子,半邊蝦,鮑魚,魚片,烏冬)用蒜蓉,粉絲,蔥蒸中間啲烏冬先係精華冬蟲草烏雞燉湯勁滋補❤❤ 好濃好好飲 真係有成隻雞架👍👍跟住再用呢個湯打邊邊今次我專攻食"手切牛頸脊"幾乎只食呢樣野 保守估我食左十碟起另外 都有拎啲萵筍, 脆魚鯇同手打墨魚😋😋最後有椰汁雪燕做甜品❤❤員工們真係好快手 制服同人一樣收到 幫緊你

等咗勁耐都冇嘢食，會想吃東西的話，大家請避免光顧。今日星期五，同一大班同事岀去食飯。都唔知幾耐都試過咁多人。 共有11人食飯，坐咗兩張枱一張枱坐三個，另一張坐8人，都幾迫，so sad！一開始嘅時候大約半個鐘食雞煲，食完個雞煲，叫佢上海鮮，原來要等12分鐘，會等咗20分鐘都未黎。 有兩個爐，另外一叫佢上火鍋，無啦啦黎個咸到爆嘅湯，都唔知做乜。搞吓搞吓，成個鐘頭都未有火鍋食。牛就黎左但冇湯底，都唔知搞乜！結論係唔需要再幫襯。

斗滾都算係食過性價比極高嘅餐廳🤩一個價錢已經包咗任食雞煲🐓、打邊爐🍲同埋每人一份蒸海鮮🦐今次已經係第二次嚟食，依然覺得回頭率極高🤣🥘雞煲一坐低先揀個雞煲要食幾辣，有走辣到大辣，總共有五個Level可以揀🤔每2分鐘要炒一次，總共炒四次就可以起筷啦🤗一度炒已經入到聞到嗰種花椒香料味🤩食落口我就更加震撼🤣鍾意重口味嘅人，不妨食埋雞煲入面嘅豆卜，超惹味😛🦐海鮮盛宴食完雞煲下一樣嘢就係重頭戲招牌蒸海鮮啦😍當日可能係冇蟶子嘅關係，每人改有兩隻扇貝，鮑魚、蝦、魚、蜆各一配埋蒜蓉粉絲同烏冬🥰 鮑魚幾彈牙🤗蜆就出奇地有啲細隻但明明個殼幾大🤔成枱人都對個烏冬都讚不絕口因為蒸都吸晒啲海鮮精華得好入味🤣🍲燉湯打邊爐錢先飲燉湯🤩當日係鹿茸燉竹絲雞烏雞湯🤗超級真材實料🤩湯底，足足有半隻竹絲雞🐓，五六嚿大嘅瘦肉，同埋一大堆菇🍄 個湯燉到超級入味，忍唔住足足飲咗兩大碗先開始打邊爐😆🥩打邊爐識咗成個幾鐘，終於嚟到打邊爐啦🤣其實已經飽咗一半有多🤣包左牛頸脊同埋黑豚肉任食同埋30款以上火鍋配料! 牛頸脊嘅牛味十足😍雖然發覺送上枱既牛質素有啲參差，有時比較碎同薄，有時會大塊啲🤣但整體質素都不俗👍🏻 配料方面推薦手工丸墨汁墨魚

斗滾是我念念不忘一年的餐廳，住hall時是大家吃樓飯的最佳場所，但每次都因爲難夾而擱置了，終於在一年後成功托男友的福吃到了！ 在斗滾用餐能一次過享受香港本土三件套: 雞煲+海鮮+火鍋 雞煲及火鍋都可以任食，而且不限時； 價格很實惠，星期五六日人均 $320！ 不過一定要打電話預約，walk-in 應該不會太大機會成功  ① 雞煲 第一步先吃雞煲，每個煲大概有半隻雞，可自行選擇辣度，芫荽會分開上；需要食客每2分鐘攪拌一次，重複4次就可以開吃！我們分別點了小辣、中辣、大辣、特製勁辣；最後發現中辣的程度具挑戰性，入口已經感覺到了，而大辣比起中辣更重口味，不過就不太辣；而勁辣則是後勁超厲害，沒有辦法可以吃第二口🥵值得稱贊的是，配菜中的平菇在炒的過程中吸收了雞煲醬，十分入味 ② 招牌海鮮拼盤 苦等一年就是爲了它的海鮮拼盤！海鮮的分量會根據人數而變，海鮮的種類大概有6款，包括鮑魚、蟶子、扇貝、蒜蓉開邊蝦等，亦會有烏冬及萵筍等配菜；印象最深刻的有著麻油香味的鮑魚，柔嫩细滑、爽口弹牙；比較可惜的是蜆並不新鮮/未蒸熟，有少許腥味；墊在底的烏冬吸收了海鮮的湯汁，不過稍微過熟，口感偏軟 ③ 養生火鍋 一行人

近排有個說法👦🏻小孩子才做選擇👧🏻作為三心兩意嘅大人💃🏻我唔揀 我全部都要💪🏻🥘🍲🍽由於呢間餐廳都幾受歡迎下, 所以早兩星期已經book位🙌🏻 經whatsapp book位, 店員都非常有善, 好耐心咁幫我搵available 嘅時間👍🏻終於可以正式食啦😋大致上個流程係先上個雞煲,可以揀辣度🌶個醬汁好好味💯喺食野期間, 見到好多人特登入嚟買酒樽雞煲醬👍🏻非常足料, 冇記錯我兩個人食,佢suggest我地先叫半隻雞, 唔夠可以再叫, 店員喺我哋食到7788嘅時候都有主動問我哋添唔添, 值得一讚🫶🏻食完啲雞已經有少少飽, 不過見到呢盆海鮮🦞😋啲食慾又返晒嚟啦😀 完全唔係行貨🍽 啲海鮮款式又多!!又超級鮮味!!調味點到即止💯本身個人養生啲,所以揀咗招牌嘅藥膳湯做邊爐湯底,不過就要加錢先有🙌🏻 店員仲好好,俾咗兩隻碗我哋落火煱料前品嚐下個湯先! 嘩, 一入口簡直有驚喜😆 藥材味非常足夠, 飲完一啲都唔口渴, 真材實料值得讚😀店員都有提我地, 讚好社交平台就送手切牛肉😍都唔使我多講,睇圖片就知道啲肉有幾靚🉐食完真係飽到上心口,性價比超高所有食物嘅味道不錯, 真正嘅大夥兒聚會之選💪🏻