斗滾 (適安大廈)

營業中

休息中

《第一招：麻辣雞煲》 雞煲可以揀辣度 因為我地有同行嘅鼠鼠唔係好食得辣 所以淨係揀咗bb辣 都好夠味同好惹味平時食雞煲都無乜機會自己動手 呢度食可以自己炒下 都係一個唔錯嘅體驗雞煲可以無限追加 但係大鼠建議唔好心急 一定要留肚食後面嘅重點食物.《第二招：海鮮盛宴》根據非正式統計 每一台嚟食斗滾嘅客人都係為咗呢一個海鮮拼盤 IG打卡絕對唔失禮海鮮拼盤包括 鮑魚 蟶子 扇貝 海蝦 龍躉 花蜆 同埋烏冬每一樣海鮮都係非常之鮮甜 而且用咗非常夾海鮮嘅蒜頭嚟調味 略嫌海蝦有少少遜色 其他都係中上水平大鼠好鍾意食佢嘅烏冬 因為佢索曬所有嘅精華 可以食得出海鮮嘅鮮味 Nice!.《第三招：滋補火鍋》雖然四人同行可以免費升級做烏雞湯 但係大鼠都係鍾情於清湯安格斯牛腩湯首先可以飲吓佢哋嘅湯 非常之清甜 飲完又唔會覺得口乾 而且佢個安格斯牛腩都好出色 又冧又重牛味 唔會話因為攞咗嚟煲湯就好靭飲完湯就可以攞呢個湯底打邊爐 只要喺斗滾嘅社交平台留言就可以任食佢哋嘅手切牛頸脊 一定滿足到作為食肉獸嘅大家出邊嘅雪櫃仲擺咗唔同嘅火鍋配料 同樣都係任食 而且種類都好多.《甜品：椰汁雪燕》食完任食雞煲同埋打邊爐已經好飽