影片
營業時間
今日營業
17:00 - 00:00
星期一至日
17:00 - 00:00
以上資料只供參考, 請與餐廳確認詳情
相關文章
有沒有想過雞煲、海鮮、火鍋，可以一次過用一個價錢出現在一餐晚餐裏呢？可以滿足到3個願望的，就是斗滾啦~首先會吃雞煲，有五種辣度，我們點了BB辣，不過覺得辣度可以接受，下次可以挑戰小辣，吃起來更加香辣惹味。我們自行在外面拿了豬皮、魷魚、牛柏葉，自製多種配料的雞煲，吃起來更加豐富啊！吃完雞煲之後，就是吃海鮮拼盤，是我最期待的唷！蒸好的海鮮，不用等立刻可以夾來吃～拼盤有鮑魚、蝦、龍躉、蟶子、粉絲扇貝、蛽、烏冬、節瓜、粟米，全部都用蒜蓉來調味，不需額外加什麼調味料，單吃已經鮮甜又惹味！然後就是火鍋了！火鍋湯底我們選了+$38淮山鷓鴣燉湯，這個湯可以健脾潤肺，湯料的鷓鴣不是只有骨架，還有不少肉吃的。另外有瘦肉、雞腳、杞子等，非常足料！火鍋之前我們都不浪費，各喝了一碗湯，味道很濃郁。火鍋配料有任點牛頸脊和豚肉片，肉味香濃，脂肪和肉的比例均勻，兩樣都十分高質素啊！絕對是必點～而外面自取的推介八爪魚和鯇魚片，肉質新鮮。最後是甜品時間，有椰汁雪燕可以自取，椰汁味濃郁配上一絲絲的雪燕，好味又養顏！還有切好的水果，一碗有齊火龍果、西瓜、哈密瓜、橘，每樣都可以淺嘗一下呢～水果全部都很鮮甜，飯後吃點幫助消化，消除一下油膩感。💰298一位✔️餐廳設加一服務費
繼續閱讀
幾年前舊公司搞聚會，我負責揀餐廳，當時我私心地揀左斗滾😂因為朋友推介話好正搞到我都好想試下。雞煲+海鮮+打邊爐先二百幾蚊位真係好抵，時至今日佢都係$268/位。今次嚟西環分店，呢個地方都幾大，仲有兩個入口。開頭落咗樓下見到佢哋啲neon sign好盞鬼。我5:30到咗，朋友未到，侍應叫我坐低飲住嘢等或者可以整少少雞俾我食住先，又幾貼心wor。不過我都係飲住嘢，係出邊拎啲水果食住等。一開頭食咗雞煲先，我哋兩個都係食得辣嘅，佢哋啲辣度唔係好辣，所以我哋揀咗中辣。上咗枱之後要炒四次，每次炒完計時2分鐘再炒，8分鐘後就食得啦。我仲加埋啲皇帝菜落去一齊炒😂芫荽都比我加咗兩兜！一路炒嗰陣時已經聞到好香，果日勁肚餓流晒口水咁喺度等🤤雞肉整體都係嫩滑嘅，入邊仲有豆卜，索曬雞煲啲汁😋食到咁上下侍應會問你使唔使加雞，唔使就可以蒸住海鮮先。食完雞煲啱啱好上盤海鮮。有成六款海鮮，鮑魚、扇貝、蟶子、海蝦、龍躉同花蜆，全部都係蒜蓉蒸。海鮮味道唔錯，蟶子、鮑魚、海蝦都彈牙。其實食完個海鮮都已經好飽㗎啦，但佢仲有得打邊爐咁冇理由唔試埋㗎😂喺佢哋社交平台留言仲可以任食手切牛頸脊。本身諗住食少少算啦，所以雪櫃啲火鍋配料都冇乜點攞。點知佢一嚟即刻一人上一碟牛！食落牛味又幾濃wor，所以2碟食晒😁
繼續閱讀
今日12位朋友去西環山道斗滾，冇記錯已經去咗五次，星期六$328任食任飲不限時，6：00到10：30，次次來都食到超飽走，正呀！火鍋四部曲：雞煲任食一盤蒸海鮮飲靚湯任食任飲火鍋1.雞煲真係冇得頂！雞肉嫩滑入味，醬汁濃稠惹味，配埋炸腐竹，越煮越正，食到舔舐脷！2.蒸海鮮夠晒新鮮！有蝦、扇貝、鮑魚、其他貝類加埋個蒜蓉蒸烏冬喺底，正！3.花膠雞湯好清甜，花膠夠腍滑，雞肉嫩。4.火鍋任食,靚牛肉主打，各式各樣丸類蔬菜類都係唔錯嘅，重有時令水果，飲品種類亦可以，啤酒汽水無糖茶，任君選擇。仲會去第六次第七次第八次，下次見！
繼續閱讀
今次講緊係位於西環 斗滾 最抵 平日$268 係無限時任食打邊爐，酒精類都任飲。仲有我中意ge somersby 蘋果酒水果椰汁官燕都係自助形式，30多款火鍋料🔸雞煲可選辣度，一般人建議BB辣剛好 仲有豆卜吸湯汁，佢地雞煲醬係自家秘製，同出邊唔同味，但都幾惹味🔸蒸海鮮盛宴鮑魚、蟶子、龍躉、蜆、扇貝、蝦 讚岐烏冬 海鮮新鮮無沙，配蒜蓉蒜 無過老不錯🔸湯底3人以上就免費升級老火湯可先飲湯再打邊爐，招牌係乳鴿/竹絲雞湯🔸手切牛頸脊全台人follow 佢地社交平台 , 連牛頸脊都升級任食無限時係吸引不過食到呢度都真係飽左，都唔係好食到火鍋配料，大胃王朋友們不妨挑戰下
繼續閱讀
香港大學站一直有一間好出名嘅雞煲海鮮打邊爐放題餐廳，無論喺呢度讀書或者喺附近住嘅居民都一定識係因為呢間餐廳可以一次過食晒雞煲蒸海鮮同埋牛肉火鍋餐廳門口一入嚟就係醬料區同埋擺放任食邊爐食物嘅雪櫃，超級多醬料可以自己配搭同埋一入嚟見到咁多嘢食真係好開心醬料旁邊旁邊有魚皮王子麵同埋送酒小食另外仲有一個大雪櫃裝椰汁雪燕糖水同埋切好一粒粒嘅水果，仲要雪凍咗，真係好消暑重頭戲嚟啦就係雞煲，我哋嗌咗BB辣雞煲，佢哋嘅BB辣靈魂醬汁真係好入味！而唔食辣嘅同行家人都食得到，仲大贊好食😋我哋仲encore咗多一煲雞煲之後先蒸海鮮而蒸海鮮🦞份量亦都好多，有鮑魚！蟶子！蜆肉！鮮魚件！蒜蓉蒸帶子！中間仲有大大個烏冬，真係啱晒大人同小朋友最後我哋就揀咗椰子雞鍋打邊爐，先飲椰子湯，味道好鮮甜同濃郁，飲完先開始打邊爐！呢度超多邊爐配料，特別係牛頸脊，都係任食！仲有牛柏葉、水魷魚、豬紅、豆腐、蔬菜、不同種類嘅餃子等等任君選擇最後介紹埋飲品，超級多飲品可以選擇，仲有日本啤酒🍻家人表示非常滿意！打邊爐beer 1 beer真係咩煩惱都冇晒
繼續閱讀