文輝墨魚丸大王

營業中

休息中

年初二的食評，現在post出來當天看完戲後，當然走到渣甸街找食店發現呢間有多款小食...就試下睇店名，知道墨丸同粉麵最出名因為見周圍人都食粉麵五香豬扒，煎出黎不太油...食落口感，咬落去是可以撕;開，唔難吞...炸球，我忘記了名最記得炸出黎特別形狀，金黃色的.魚片，是煎的...感覺很普通的小食不過口味不錯...淨係食小食下次應該要捧場食粉麵

This place is quite famous for a few things, cuttlefish balls, baby squids, and octopus heads.The noodles served here are basically flat rice noodles but luckily they had spinach noodles as well.I ordered the spinach noodles in Satay sauce with octopus, the noodles were slightly chewy.The fish rolls were yummy, it had carrots and spring onions inside.When they were served, they were inflated, and after cooling, they shrivelled up!

系銅鑼灣不是沒有好吃，只是太多好吃而不知道應該去邊度。突然好想吃魚蛋同墨魚頭，毫不猶豫地就走去文輝。下午2點，門口仲大排長龍，入面逼爆啊，好彩等了一陣就有位，果然系講效率的小食店。餐單好簡單，來來去去都系墨魚拼墨魚丸或者紫菜湯，我早餐吃得太飽，唔想吃主食，所以就點了一個紫菜墨魚拼+沙爹墨魚頭。D適應好快手啊，速度快！一講咗之後就馬上上菜，大大一碗，果然系物超所值啊。我見到有d遊客點咗個八寶拼，2個人吃都吃唔曬，簡簡單單地幾十蚊就可以吃得感飽，系CWB實屬少見。紫菜墨魚三鮮湯：好好味啊，大大一碗，吃到我好飽啊，墨魚頭墨魚蘇墨魚丸每樣都好多，紫菜好大海鮮味，的確名不虛傳，值得！沙爹墨鱼头：感覺比上次縮咗水喔。。。不過依然系感彈牙爽口，沙爹味都好濃好適合！每次系依度吃完都會捧着肚子出門口，見到甘多人冒名黎吃，價錢對得起食物，會多d黎幫襯！

又係銅鑼灣, 想30幾蚊攪掂一餐下次可以黎試下呢間!今次我就叫左一碗四寶河, 仲有一碟魚容付皮巻,朋友叫左一碗五香豬排河.四寶河有豬肉丸, 魚蛋, 墨魚丸, 魚片, 仲有紫菜.呢度最好食既始終都係墨魚丸同豬肉丸.付皮巻10蚊有6條, 熱啦啦襯熱食, 味道ok.試左朋友小小五香豬排, 好好味,見佢一碗裡面都有2塊剪開左既排, 份量都幾多.唔錯唔錯, 會再黎.

昨天係大球場睇波,之後行返出去搵野食 行到文輝 見到有很多人在食緊野 於是就入去一坐低 見到25蚊的墨魚九河 決定點到這個招牌菜來到之後 一共有四粒墨魚九 可是墨魚九不是太過爽口 味道也教差唯一好的地方是份量較大 足夠令人飽肚最後都是失望而回

$24。墨魚丸米粉：約4,5粒墨魚丸，無想中中咁好，墨魚丸不夠彈牙，略淋，或許因浸得太耐，整顆丸也變得軟身了，個湯幾好，不過飲完好口渴..........環境較嘈和迫

從前在中環上班，偶然也會到上環的分店吃墨魚丸河。店面帶著歷史陳迹，細細的店放著四五張長椅，如坐滿食客，也相當擠擁。銅鑼灣的分店未去過，今天約了友人在銅鑼灣行書店，也特意一訪。銅鑼灣的分店一如上環，店面小而人客多，差不多十時了，還是坐滿客人，名店果然名不虛傳。除了店面，侍應的術語是一樣，點了紫菜墨三鮮河，侍應大叔便高聲大叫「大仙河」，所謂墨三鮮，即墨魚丸、墨魚仔(又種墨太子)，與及墨魚鬚。文輝的墨魚九，相當美味，而且沒有粉的感覺，完全是感受到墨魚的鮮味，而墨魚鬚及墨魚仔相比下，雖也鮮味，但仍不及墨丸美味。此外文輝提供的辣椒油也相當夠辣，一小匙已足夠。友人很少到這些「地道」的店吃飯，有點不慣待應的態度(當然你可說待應的態度不夠好)，但這種大聲落單，行走極迅速的風格，是這些店的文化，有時吃這些老店，也可以同時領略香港另類吃的文化。

許久沒來，叫了魚三味粉絲，這裡面的魚蛋，魚皮鮫和魚扎全沒有魚味，粉絲極腍

不想吃得太Heavy，晚上只吃碗粉好了，人在老銅，想吃得豪真的很容易，但要吃碗真正美味的魚蛋粉，又好像突然腦閉塞，想不起，糊里糊塗走了來老字號文輝，這個老字號，上年吃過，有點江河日下之勢，今天一於又試試看。永遠也是想什麼也試一點，就一於來一碗紫菜四寶河，因為本人也很久沒有吃過紫菜伴河粉了，入到店內，被店員阿叔耍了一大輪，因為地方有限，位要安排到坐更多更多的人，最後移到了一張超級迫的面壁式的吧枱，也沒關係，來吃碗粉就走。很快都有得吃了，其擺法有如雲吞麵一樣，河粉蓋住了四寶及紫菜，用筷子一舀，紫菜都挺多的，但吃起來就一點都不香，湯沒有被紫菜的味道及顏色影響丁點，喝起來又是一個鹽水湯底，真可怕，那粉又如何？河粉都算夠薄夠滑，但也不要要求有米香了，而且份量夠，都是用來飽肚的貨色。那四寶又如何？在發掘之下，原來其實有五寶，分別有魚蛋、豬肉丸、魚皮餃、魚片及墨魚丸，魚蛋咬起來又腍又沒咬口，一點嚼頭也沒有，而且魚味欠奉，都是用來蘸辣椒油吃好了，辣椒油不算特別的香，但至少夠辣又夠惹味，加幾滴到鹽水湯底更好。其餘的豬肉丸、魚皮餃及魚片也好不了到那裡，魚片比魚蛋實一點，但也是味道欠奉；豬肉丸怪得不得了，咬

二月九日 (星期二)做完gym後,老公仔就提議吃文輝,都好,反正要吃點粉麵,減肥呢!我點了常餐:奄列牛油麵包,本想吃多士,不過要加$1,都不要了!方包都幾鬆軟,而奄很多火絲五香肉丁米粉,當然好吃吧,用罐頭的老公仔點了豬肉丸河粉,碗比較少,都有四粒的!味道好!彈牙呢吃完了一便簡單的晚飯後,就快點回家了!因為是日比較累呢

系銅鑼灣一個人食野, 見渣甸街 .超大個招牌, 自封 . 咁就要試 Low.入到去好爆, 坐邊度無權話事, 伙計安排.來個雙丸河~墨魚丸, 唔彈牙, 好淋. 但都有點墨魚味. 無舍特別. -只怪我食過高流灣墨魚丸. 所以, 呢個 - 不合格! 豬肉丸, 唔爽口. 無肉香味, 可能粉多. 普通啦貨.呢度 墨魚丸, 豬肉丸都是普通街邊貨色. 反而, 個河粉要讚! 好滑. 唔會硬身, -值90分. 咁, 應該改為 先啱 Wor.

在上環吃過文輝的墨三鮮，一試就愛上。但因很少去上環，一直也是想吃而無法吃。有一次經過銅鑼灣，見到文輝，當然想吃，不過女友不太喜愛，所以一直試不到。今次與朋友同行，終於可以回味一下了。這兒的價錢，在晚餐時段來說，真是很平，所以一入去已經爆場，我還見到不少遊客來吃，不知是不是旅遊書有介紹過呢。想也不用想，又一碗紫菜墨三鮮粉。一點很快就放在抬上，很有效率。一上來，不見送的? 原來都放在底了，所以要找它們出來照相。這兒下的紫菜幾香，不過個人覺得紫菜很長，又咬不斷，而且很痴牙，所以都是少吃一次半次好了。墨三鮮就是墨魚丸、墨魚仔和墨魚鬚。墨魚丸大顆，不算彈牙也不用彈牙，重要是入味。墨魚仔淋淋的，咬下去是鮮味誘發，感覺不錯。墨魚鬚有咬口又不會太韌，也是很鮮味呢。三款餸的數量不少，河粉幼身，份量也不少的。不用講太多，大家試過就知好了。

今日同男朋友去開銅鑼灣行街, 行完sogo見有啲餓, 又落兩, 就近近地嚟咗呢度見佢講到自己啲墨魚丸咁出名, 咁就叫咗個四寶紫菜河同一個墨三鮮紫菜河四寶個魚皮餃最好食, 又大粒, 墨魚丸我自己覺得一般, 係新鮮打, 但味道我又唔覺得好有驚喜魚片幾爽, 都好味, 另外仲有一粒丸, 唔太肯定係咩, 但我估係豬肉丸, 味道ok la男朋友碗墨三鮮反而幾有驚喜, 因為有墨魚仔, 第一次食有墨魚仔o既河粉但味道我自己覺得都係一般, 不過墨魚仔食得出係新鮮的, 男朋友好鐘意碗粉個份量都幾多, 我自己就食唔晒, 同埋佢啲辣椒油真係幾堅, 我落咗小小已經好夠辣

銅鑼灣之旅另一站係文輝, 今次寫佢地係因為味道比上次食好好多今次係食紫菜雙丸米同一碟粉果! 上次食, 我仲記得唔係好好食, 因為湯無味, 只有墨魚丸比較好少少, 但今次, 印象完全唔同哂喇雙丸米的湯夠哂味, 我食哂啲粉次外, 湯都飲大半碗, 好味吖嘛 原來佢除左墨魚丸好味之外, 豬肉丸都做得唔錯, 好食!粉果熱辣辣, 一碟三隻, 只賣九蚊, 點特辣辣椒油食, 刺激又好食如果次次都可以有咩嘅水準, 我都會成日嚟食o架

今天的任務是和薑餅人去鴨利洲試酒，在去目的地之前， 我建議去文輝吃粉作午餐。其實去文輝的原因是看到食友説這裡有銀針粉賣。 我愛吃銀針粉， 也對銀針粉有情意結。 年少時我和弟弟每逢在暑假， 總會在外婆家住宿一至兩星期， 婆婆在下午會煮湯銀針粉給我倆吃， 那時的配料多數是叉燒椰菜炸魚片， 材料雖十分普通， 味道也十分家常， 但至今仍回味懷念不已。 説回文輝， 星期六下午店內人頭湧湧， 好不容易被安排坐在擠迫的位置， 坐下便覺冷氣不足， 吃時不斷流汗， 只想快快吃完便走， 有點未能細嚐的掃興。我要了墨魚頭銀針粉， 薑餅人就要墨魚丸銀針粉。墨魚頭厚身爽脆，墨魚丸好像細粒了， 但都彈牙。 主角銀針粉當然好吃。之後的試酒旅程竟令我們有意外驚喜呢， 很surprised啊～～