我叫咗六樣嘢食加嘢飲, 當中五樣係店家自稱的招牌菜。 擔仔麵 - 份量少, 味淡 肉燥飯 - 份量少, 肉燥香但味不濃, 已經唔係大碗但都覺得唔夠味 黃金蝦卷 - 豬肉味濃過蝦味 鮮蚵湯 - 呢個係最貨不對辦的, menu張相係湯入面入幾隻肥大的蠔, 但個湯嚟到只得幾隻煮到爛爛地的蠔仔, 加一小堆碎豆腐, 個湯冇蠔味, 蠔仔食落唔鮮, 如果個湯唔夠熱應該會有腥味 金萱綠茶 - 不過不失, 茶味偏淡 其實淡味係冇問題, 我唔係味覺失調要樣樣濃味, 但如果味道係淡, 我就期望可以食到食材本來的鮮味, 但佢係做唔到嘅。 另外仲叫咗滷大腸同滷鴨蛋, 都係不過不失。 每枱一坐低會有一樽水, 水入面有唔知係青檸定檸檬, 飲落有陣怪味, 我嗰樽個底係有漬嘅, 嗰兩片薄薄的青檸/檸檬亦已浸到霉霉的樣字。我入坐時約一點, 舖頭開11點半, 我極度懷疑樽水係浸隔夜, 冇奶油如果片青檸/檸檬係當日開舖切, 短短3個鐘會浸到咁樣樣。就算真係3個鐘已經咁, 係咪應該要換? 飲咗一啖, 望住水底撻漬再感受埋個味, 感覺好唔乾淨。我寧願你俾清水, 甚至唔俾水我可能會更好。 其實所有嘢都唔難食, 甚至講得上係賣相精緻。但呢個價錢同份量, 我只係期望一係食得飽, 一係好好味, 但佢兩樣都做唔到。如果上述五樣已經係招牌菜, 咁係更令人失望。 一句講哂, 份量少, 價錢貴, 唔好食, 唔需要再去。

一行九人，本身點咗四川麻辣魚，原價$198，伙記話條魚係班，要$390，咁我地話無問題，照要。 跟住伙記話唔好意思，師傅斬開咗條魚(本身個魚應該要原條上。 上到台，條魚係碎上(每舊約一串，連骨)，有十零舊，食唔出係咩魚。個湯係白色，有好多芽菜，洋蔥。個味係唔咸唔酸唔辣。 我地問個伙記呢個係咩嚟，佢話呢個就係我地點嗰個魚，但個賣相同menu張相根本完全唔同。 之後個伙記話條魚收平啲，收$330。 伙記另外推介事頭婆特登煮嘅齋，係冬菇，烤麩煮齋雞，烤麩未出夠水，好酸。另外仲叫咗個奇味雞煲，味道正常，唔知奇咗啲乜。 貨不對版加唔好味，寧願埋單去第二度繼續食。 伙記服務剛開始時好好，但一話啲嘢唔好食就黑面。 一個齋，一個雞煲，一條魚，三枝青島，兩樽烏龍茶，埋單$880。 四個字，唔會再去。

試咗咖哩雞飯多士，賣相係唔錯的，但食落好一般。最大問題係根本唔夠咖哩汁，同埋個汁太杰，質地似膏多過汁，好難要嚟撈飯，亦唔夠要嚟點個多士。食食吓忍唔住問待應姐姐要多啲咖哩汁，姐姐都好好俾多一碗仔我。 咖喱雞味道合理，飯是白飯(我以為會係炒底)，飯嘅份量並唔多，好飽肚係因為外面層多士。 多士烘得好乾身，而且有咁上下厚身，都幾襟的，麵包聞落去有陣香甜味(我覺得似嘉頓雜餅味)，但食落去係冇甜味的，我覺得陣香甜味配咖哩有啲怪。 $68連埋羅宋湯，個湯幾好味，唔駛落胡椒粉都有陣辣味。 個多士飯都幾大份，唔大食就2個人分啦，唔好眼闊肚窄浪費食物。

好耐冇嚟, 但我記很上一次嚟煮麵師傅同待應小姐都係日本人。 一坐低, 聞到嘅唔係拉麵味, 而係廁所撈清潔劑嘅味道, 煮麵師傳應該係香港青年, 冇戴頭巾, 枱面唔係冰水, 戡水個樽舊得嚟帶點油積, 你望到已經唔會想斟嚟飲, 成間鋪, 我都唔知佢係日久失修定真係唔乾淨, 望到邊位好多積, 連木枱都覺得lup lup的。 麵嚟到, 個湯唔係以前嘅味, 我唔會話佢唔好食, 但完全唔係以前嗰回事。 依家嘅魂, 已經冇咗佢本來嘅靈魂。 我埋單後, 待應小姐叫煮麵師傅拎盒壽司出嚟喺bar枱一齊食。我見到是有點O咀的, 主觀地覺得, 如果仍是日本人打理, 就算要食, 亦不會如此旁若無人, 又或者應該話, 以前係好生意到佢地根本唔會有空檔食。 有冇人知日本師傅去咗邊? 景物依舊, 人面全非, 香港又少一間有質素的拉麵店。

個皮好厚好硬, 切開後入面已被雪糕漿浸淋咗, 成件事唔知想點, 我食完一件第二件已經冇本事食埋個皮淨係雪糕算數。我冇期望有咩驚喜但個炸雪糕我直頭覺得唔應該出現喺menu。 仲有, 待應哥哥態度好一般, 我唔駛你好有禮貌好熱情, 但至少請你唔好俾我感覺到你唔耐煩。

拉麵不過不失, 湯底夠濃, 溏心蛋好味, 但叉燒好薄。
大板燒即叫即整, 係好味嘅, 但份量有啲細。
芝士粟米玉子燒, 非常一般, 無乜芝士味亦欠蛋香, 唔明點解會係必食之選。

三樣嘢埋單$230, 係咪我食米唔知米貴呢? 我覺得呢個價錢真係有啲貴。

鋪頭好細, 係你食完就會走唔會想坐耐啲嗰隻, 鋪頭設有加一, 這一點我是有點O咀的, 要搭枱, 店員全程沒有主動加水, 我食咗一個鐘都冇, 唔係介意俾, 係唔明佢憑甚麼收加一, 可能佢餐牌直接mark up個價錢我會感覺良好啲。

試過就算, 大埔仲有好多好嘢食, 沒有需要再幫襯。

我叫咗個細嘅 ”新春一品盆菜“ 自取，根據呢間嘢個網頁，材料應該有

蠔皇鮑魚 / 高湯燴花膠 / 紅燒海參 / 生晒蠔豉 / 干煎大蝦 / 家鄉炆豬肉 / 傳統魚蛋 / 玫瑰油雞 / 紅炆北菇 / 爽脆魷魚 / 香滑豬皮 / 五香芋頭 / 南乳支竹 / 清甜蓮藕 / 魚露蘿蔔

價錢係 ＄640

結果，我拎到番屋企後，見唔到有鮑魚，因為其實佢啲餸係擺到亂糟糟，並唔係好似佢張相咁整齊，我開頭以為可能喺個底，所以我就打去問佢個鮑魚擺喺邊
接電話嘅哥哥話係執漏咗，佢話一係退差價，一係換過盆
新年訂得盆菜，一心係諗住食，咁我就選擇換過盆啦
結果佢唔係換過盆囉，係揾人用個外賣碗拎4隻鮑魚過嚟！

我再打去，一名小姐聽，我同佢講，頭先位哥哥話係換喎，唔係拎4隻鮑魚過嚟喎
因為我睇睇下，除咗鮑魚，海參都係冇嘅
嗰位小姐最後叫我飽魚照要，佢過完年後會退番差價俾我

到食嗰陣，我食一樣就寫低一樣，到最後同佢聲稱嘅材料一比較後，發現以下嘅嘢係冇咗嘅

蠔皇鮑魚 / 高湯燴花膠 / 紅燒海參 / 傳統魚蛋/ 南乳支竹

真係好過份，執漏都冇理由執漏咁多嘢下嘛！

呢間嘢有三種盆菜供應，最平嗰隻係 ”新春家鄉盆菜“ 細嘅自取係＄405，材料有

干煎大蝦 / 傳統魚蛋 / 玫瑰油雞 / 生晒蠔豉 / 家鄉炆豬肉 / 紅炆北菇 / 爽脆魷魚 / 香滑豬皮 / 五香芋頭 / 南乳支竹 / 清甜蓮藕 / 魚露蘿蔔

就算佢執錯當我係最平嗰隻，都仲爭 “南乳支竹” 囉！

以後唔會再幫襯！各位如果幫襯，收貨前記得check清楚！

上兩個星期, 香港電台有個節目係訪問一班台北的婆婆
其中有一節係拍佢地成班喺度整米苔目
又咁啱, 舊同學約食飯, 諗住上嚟睇吓食咩好, 結果一入嚟就見到呢間老苔目, 所以就嚟咗試

鋪頭個位置係ok的, 唔算難揾, 鋪頭細細, 幸好唔駛等好耐就有位
三個女仔叫左幾樣嘢

1. 米苔目
2. 鹵肉飯
3. 白玉翡翠
4. 鹵水雞翼
5. 炸花枝
6. 冰苔目

從來都唔知咩叫米苔目, 食落覺得係煙un版o既銀針粉
我都唔知佢整得算唔算正宗, 但幾好味
鹵肉飯都好味, 我好鐘意食珍珠米
白玉翡翠係實係椰菜耗住其他菜再點麻醬食
個麻醬好香好杰呀, 但個菜就唔知想點, 係冇味的, 食落同個醬亦唔夾
雞翼好一般, 我覺得自己整會好食過佢

冰苔目其實係類似甜品的物體
糖水浸注竽圓, 少少涼粉同米苔目
個味ok的, 唔太甜, 米苔目亦夠煙un

地方細, 但ok好坐, 3個女仔吹水都吹咗3個鐘
好彩嗰日唔算旺, 唔係阻住人做生意就唔好
侍應服務ok的, 坐咁耐都冇黑面, 亦冇催人走

為慶祝媽媽生日, 所以嚟咗呢度食飯
其實冇打探過有咩係必食, 諗住 royal garden 個 dinner buffet 口碑一向都唔錯, 諗住差極有個限度, 結果, 係有啲失望o既
首先, 對於一個原價連加一要 $500 一位的 dinner, 有要求係當然的
香港人最實際, 所指的要求, 除味道外, 當然亦包括食材係咪好嘢
結果, 一般 buffet 應有的食物如 生蠔, 長腳蟹腳均欠奉
最唔鐘意好多嘢都係要由廚師配級, 可能有人認為這是服務之一
但我認為, 自助餐的精髓, 本來就係「自助」嘛
刺身選擇多, 但唔係樣樣好食
三文魚, 油甘魚同劍魚都新鮮
吞拿魚同魚腩都好一般, 立魚直頭係唔掂

火灸壽師最把鬼, 舊飯大件得嚟似係同機整, 師傅淨係放件料上去再同火熗燒
整完後件壽師基本上係餸還餸, 飯還飯

煮海鮮個檔位選擇多, 有貴妃蚌, 花甲, 聖子, 仲有啲菜同丸類
個湯底係木瓜蟹, 但我覺得啲湯好淡, 唔甜亦唔香, 所以啲嘢洽完後都係偏淡
仲有, 負責煮個師傅冇禮貌, 我只不過係誤以為貴妃蚌係花甲
佢一句「嗰啲係貴妃蚌, 呢啲係花甲囉!」
大佬, 我係咪要同你講聲對唔住?

熱食方面, 出過好多條魚, 條條都係班, 仲要好大條
賣相勁吸引, 但得個樣, 魚肉好梅, 唔係過熟就係唔新鮮
雪藏龍脷都滑過佢........
海南雞飯啲雞好好味, 超滑, 師傅好好人, 同佢講話要脾就真係俾脾
一口牛好有牛味, 但有啲un, 食落有渣, 並冇其他人講得咁好

到凍食, 加菲蟹賣相好靚, 但冇肉食, 而且有啲腥
賴尿蝦全晚不停供應, 仲有藍青口, 蝦同凍蟹
凍蟹啲size睇落有啲發育不良, 所以冇食過, 青口亦唔大隻
但超多醬汁選擇, 仲要個個醬都調得好好味
啲醬為呢堆雪藏海鮮加咗唔小分

沙律有好多選擇, 好多菜同醬汁, 花多眼亂
蟹子沙律啲蟹子多到嚇死人, 超足料

到甜品, cheesecake好芝士, 食一件已經夠哂
荔子啫喱好清新, 但出完就冇咗lu
chocolate moouse cake有紅苺, 我個人麻麻地, 但個味係對辦的
芒果雲吞無論賣相同口感都似雞蛋, 好得意, 但味道一般
冰皮朱古力似朱古力糯米糍, 個皮好煙un

待應服務好, 手腳快, 是大酒店水準
總結, 名過其實, 試過就算

恒生信用咭有八折, 食滿$1000可享安逹中心3小時免費泊車

有讚有彈, 先嚟讚
1. 大量蟹腳供應, 成晚都fill得算足, 仲要大部份腳都係大隻的, 只有少部份係發育不良, 仲要係任拎唔嬲, 蟹迷不可錯過
2. 雪糕係movenpick, 全晚有7隻味供應, 全部都係大路口味
3. 點咖喱食的薄餅好脆
4. 泳池旁的bbq唔錯, 燒菠蘿好甜, 辛苦哂2位師父, 大熱天時要喺露天地方為客人燒嘢食
5. 生果選擇算多

彈
1. 我地6點3倒到, 第一次出去拎嘢食時見到有凍食的蚌, 喺蟹腳旁邊, 第一round有5件, 但拎完後未見佢fill過, 我地拎住個殼問待應點解咁耐都唔見有, 待應話因為太受歡迎, 但我覺得根本係冇fill過, 我懷疑同場有大部份食客甚至連見都未見過
2. 三文魚要配級! 最討厭就係要排完隊先拎得3,4件, 自助餐唔應該係咁
3. 熱櫃啲餐飽唔夠熱
4. 熱食選擇小, 連魚都冇條, 咖喱牛冇牛肉, 得薯仔同雜菜,
5. 全部cake除cheesecake外, 其餘係冇名牌, 仲要係咁個個cake用同一個夾, 個夾痴住勁多屬於其他cake的cream
6. 朱古力噴泉旁的威化餅已經林哂, 好心啦, 喜頓威化都慳, 我寧願你擺小樣嘢出嚟, 都唔好擺啲垃圾出嚟
7. 炸蠔啲粉好厚

如果俾正價, 一定係唔抵食, 但有折的話, 當食蟹腳都可以回本o既~