文輝墨魚丸大王

營業中

休息中

好耐好耐以前旺角的戲院在開場前會播放好多咐近食肆的廣告,通常是叫你散場後去幫襯,其中一間就是文輝的大碌竹撻粉!但自從文輝在九龍區撤軍後已好少專程過海去食墨魚丸,行過銅鑼灣梗要入去食番碗!因為可以聽到好耐無聽過嘅潮洲話.(識聽少少唔識講)墨丸粘----粘=銀針粉!香港已經很少粉麵店有粘食!鐘意食係因為可以剩係用匙羮唔駛用筷子!連湯一齊放入口的感覺好正!(湯底好味的話)這裡的湯底很潮洲式,碗面有很多冬菜及莞茜葱,枱面還有魚露.墨丸彈牙份量足.好味!

買了墨丸魚札等等回家打邊爐。魚條比坊間一般的粗大而偏白，四兩約莫有三份一條，皮很薄，亦炸得香，用來厚切滾熟，非常爽口。墨丸的墨魚味道不是很濃，而且味道調得較鹹，有點失望，畢竟是主打招牌貨，不過吃落很有質感，不會粉糊糊，尚算可以接受。魚札最快被搶清光，魚肉包着絞肉和甘筍條，魚肉煙韌，絞肉香，甘筍爽口，非常好味！雖然墨丸較爲失色，但整體還是不錯的。冬意漸隆，正好打打邊爐暖暖胃，閒話家常，一樂也！魚札：24元四兩（約九件）墨丸：24元四兩（約八粒）魚片：19元四兩（約三份一條）

真係好彈牙啊。同小白經過﹐就入來回味下。我們都點了3鮮粉﹐粉一定係河粉﹐勝在夠滑。3鮮包括﹐墨魚丸﹐墨魚頭同墨魚須﹐小墨魚皇子。墨魚丸實得來好彈﹐有墨魚的粒粒﹐有咬口。最愛墨魚頭同D須﹐好正﹐口感一流﹐爽口而且彈牙。小墨魚皇子﹐相對比較普通﹐我唔係太喜歡吃﹐怕裡面未洗乾淨。超多紫菜係底﹐都係我最愛﹐好鮮味。叫了碟菜心﹐好青﹐好鮮嫩。

行到渣甸街.成年冇幫襯文輝了, 今晚在女友遙遠控制下, 入了來, 叫了碗雙墨河.即墨丸+墨魚肉當然也有紫菜等.兩三分鐘有得食, 果真超高劾率呢.食一口紫菜, 好爽, 完全唔淋, 一讚.墨魚及丸, 真不愧為大王, 都真係好彈牙, 完全唔腥.粉略淋.汞反而湯幾清甜, 我飲了不少.26蚊, 非常合理了.服務冇乜特別.

又係成日最重要既時候 食野今日終於頂唔順日日響登龍街 唯有行遠少少 走黎呢條街撞下運氣行左一轉 選擇左呢間打正賣墨魚產品既食店唔知食咩 唯有叫招牌貨紫菜墨三鮮河一上就覺得好大碗好似幾抵食但一睇就知d河粉唔得 一patpat咁而墨魚頭又無想像中咁鮮味 墨丸方面我覺得江仔記係好食好多 呢度既墨丸真係食之無味 但棄之可惜水煮既紫菜我一向麻麻地 無咩好講諗住咁多鮮野個湯會甜甜地 又失望左 同無味無分別真係唔試過唔知岩唔岩自己 無論人定係食物都係可能人人鐘意 但我未必岩胃口 都無計無再黎既理由

紫菜墨丸三鮮米紫菜只不過係用黎點綴, 吳見特別出色。墨丸既質素真係吳錯, 大大粒好有墨魚味, 可惜就只得兩粒, 吳夠。其他野就全部都係墨魚黎架, 細細隻, 一口一隻, 而且軟硬適中, 不過有部份入面仲有沙, 影響口感。整體黎講都可以架, 不過不失啦。間野非常多人, 坐得都幾迫, 吳適合去完shopping既人相同其他食評可以去我個bloghttp://hk.myblog.yahoo.com/food_talk2008/

每次到香港，到必定到文輝食碗墨魚頭河粉或紫菜墨三鮮粉．暫以紫菜墨三鮮粉講，內有太子墨數隻，墨魚頭數件，墨魚丸．墨魚頭的咬口極佳，而墨魚丸亦不錯！碗中略添些魚露，醋，辣油，味道更加鮮味．

今日喺銅鑼灣shopping,行到咁尚吓,走左入嚟文輝墨魚丸食番碗墨魚丸河,個名聽就聽過好多次,不過今次都係第一次食!對佢地個墨魚丸粉既印象係...ok啦,因為其實墨魚丸幾好食,而且覺得d墨魚丸都幾好肉,唔會太多粉,即係真材實料!但係碗粉好似味道比較淡,要加大量魚露嚟食先可以令到碗粉入得口!如果唔係個墨魚丸比較好,我可能只係俾個ok佢,但係大家都應該嚟食吓佢個墨魚丸,的而且確係唔錯!

想食墨丸河,諗起文輝喺附近,於是下午茶就係一碗文輝既紫菜墨魚丸河了文輝既墨魚丸真係好好食,另外佢個潮州粉果都唔錯,一碟兩隻,剛好彌補一碗墨丸河唔夠飽既問題,其實係佢地個辣椒油夠香夠味先至令到墨丸河同粉果更加好味再加一d浙醋落碗粉度,保證更加好味

2008年4月3日，文輝想來想去,還是覺得紫菜墨丸最好吃,所以要了紫墨河。河粉是不錯了,但想問一下那個收錢的阿叔,找錢時, 客人伸出手去接,就應該把錢放到客人的手上,不要放在枱上!很沒禮貌的!

食完之後,同意了我食既係紫菜墨魚丸河,坦白講,佢地個墨魚丸真係做得好好食,彈牙,墨魚味足,粒丸既成份絕對係墨魚佔大部份而粉佔少,所以好有墨魚味辣椒油係超辣嗰隻,落少少已經條脷有點痺,加埋魚露落湯食,好野味另外叫多碟粉果食,又係點辣椒油食,好味!

早上十點半揾早餐, 渣甸街麥奀未開又肚餓, 求其揾間頂住先見倒有班國內同胞食撈麵食得好滋味, 跟佢哋點咗沙爹牛撈出事啦！油麵一啲都無咬口，冧截截，　沙爹醬跟麵一啲都唔夾，　個醬又唔香，　好似無炒果就倒落啲牛腩一齊蚊咁，　啲牛腩勁蚩牙，　牛筋未入味彈過象筋，　食到無哂心基．．．粉果皮厚餡無味，　食得半件．．．都知呢間野唔穩陣，　無稔過咁差啫．．．結果．．．我錯啦．．．　浪費食物囉　不過個阿姐招呼幾好，　分開幾次叫佢要呢要路都無問題

一個人行完sogo,肚仔好餓,都唔知食咩好,走左入橫街,見大大個招牌,於是入去試吓叫左碗豬肉丸米食,首先飲啖湯,係無咩味,好似水咁,有點失望,不過正以為食唔到好野之際,畢左更辣椒油,點一點d豬肉丸,噢!味道不錯,辣椒油夠辣,而且仲好香,有蒜味,唔錯;豬肉丸幾彈牙,都ok但係個湯真係好淡,結果要我落左兩更魚露撈埋食先ok

墨丸河$23墨肉丸無味, 又唔彈牙, 名過其實.環境太逼無下次

早幾日去呢度食, 通常只會叫墨丸河+通菜一碟因為食過其他丸類都好一般, 只有墨丸係唔錯(值唔值叫墨丸大王就見人見致)河粉份量都好大, 有花冬菜, 湯底都ok, 食完唔會太口渴地方一定唔好坐, 待應會盡佢所能塞滿個場, 又細場又窄, 都唔可能坐得耐待應態度一般, 全部男人, 粗聲粗氣, 我又對佢地無乜要求我唔會黎呢度叫豆漿, 因為太甜, 而且質素一般D辣椒油好混濁, 雖然夠辣, 但唔敢落(平時去其他地方食, 辣椒油係清澈D架)