文哥廚房

營業中

休息中

文哥廚房係市政大廈3樓，燈光明亮又乾淨，仲可以望到入廚房，見到師傅好專注咁操控爐頭，感覺好有氣勢。佢哋嘅炸乳鴿，外皮炸得金黃色，口感香脆又唔油膩，內裡肉質又嫩滑，真係食得出火喉嘅功夫。跟住叫咗乾炒牛河，果然冇令我失望！牛河炒得夠乾身，鑊氣十足，香味四溢。蒜蓉白菜仔都唔可以錯過，炒得好香，仲保持住蔬菜嘅鮮嫩，鑊氣夠勁，完全唔會乾。最後蒸白鱔，鱔肉肥美，調味得宜，豉汁夠味，豆豉汁如果整得唔好嘅話，會偏酸，呢一度完全唔會有呢個情況。而且，成餐嘅價錢真係好相宜，差唔多比起其他地方平咗三成，真係超值！下次一定會再返去，試多啲其他菜式！

住長沙灣嘅朋友介紹，街市開咗間新嘅鑊氣小炒叫文哥廚房，話啲嘢唔錯價錢貼地，是晚就同朋友嚟一試。而家嘅街市真係好衛生，雖然樓下嗰層都有少少味，但上到三樓嘅熟食市場好乾淨。電梯口一上嚟就係文哥廚房，地點易搵，店家熱情招呼，坐低睇下食咩先😋⭐紅燒乳鴿店家強烈推薦燒乳鴿，叫返一隻試下先，即叫即燒上枱時香噴噴，皮脆肉嫩勁正喎，咬落有油香但唔肥膩，好耐冇食過咁多汁肉嫩嘅燒乳鴿啦😍⭐椒鹽鮮魷再嚟有個香口嘢椒鹽鮮魷，炸到脆卜卜好酥脆，鮮魷厚身有咬口，椒鹽鹹鹹辣辣好惹味。⭐椒絲腐乳通菜最後係炒通菜，好大碟喎，通菜翠嫩爽口，美中不足係腐乳味唔夠濃，食慣左重口味嘛。⭐白飯食好餸唔少得叫返碗飯嘅，大大碗有飯香。食飽飽飲啖茶傾下偈，正👍

街市樓上大排檔午市好抵食街坊學生打工仔飯堂晚市食小菜職員好親民一坐低就整碗 足料例湯放枱原來午市包湯包飲品餐牌仲有好多款湯揀揀咗唔係週圍都有得飲以形補形嘅豬肺湯足料滋潤🍚午市套餐蒸紅衫魚街市樓上嘅餐廳用了非常新鮮 仲要有三條又肥又滑真係好抵食🍚荔芋滑雞煲芋頭又粉又香雞件都入晒味個汁好味道撈飯食🍚蒜蓉蒸勝瓜第一次試厚切 加蒜蓉蒸口感好似食緊肉 又爽口又彈牙仲有新鮮蔬菜嘅味道好好食🍚乳鴿飯隔離台每人一碟59蚊 有湯有飯有飲品真係平時燒臘舖都只係剛剛夠買一隻乳鴿跟住街坊一定冇錯小菜有很多選擇 鑊氣十足好有水準仲有一圍半圍嘅套餐適合晚市聚會食小炒

朋友同我打完波之後肚餓就響樓上熟食市政大廈入面揾餐廳，環境乾淨闊落，位置方便易揾，熟食餐廳選擇多，我地叫左一碟中式牛柳，即叫即炒，獲氣好夠火喉，全部都即叫即整上菜速度都好快，牛柳大大塊酸甜開胃，厚切牛柳。另外叫左一碟炸子雞，雞肉炸至外脆內軟，外皮脆卜卜，咬落索索聲，炸雞雞肉嫩滑。多款小菜之外呢度仲有羊腩煲同打邊爐都真係好多選擇。文哥廚房地址:香港長沙灣保安道325-329號保安道市政大廈3樓CF27-29號舖

保安道街市樓上新開文哥廚房，試過晚飯嘅小菜同埋煲仔飯都好好。小菜好有鑊氣，煲仔飯飯焦都好脆呀。大家不妨多啲幫襯下小店啦，如果唔係以後就淨係可以幫襯連鎖，唔會有咁多選擇㗎喇。