手拉麵小廚

營業中

休息中

聽講手拉麵小廚十分好味，於是黎試下是否真係甘正，中午時間去食，喊左個羊肉搶湯拉麵，四十幾蚊，以一碗麵黎講，並唔能夠話平。先試湯底，呈深褐色，味道濃郁，但不是特別鮮美。再試羊肉，都係正常羊肉片，但我本身喜愛食羊肉，所以都幾鍾意。反而是傳說中的手拉麵最令人失望，其實都甚為條理分明，爽彈微韌，但期望太高之下，就覺得冇想像中甘好味。總結黎講，都算係味道唔錯既一餐，只係價錢感覺上略貴。

又到每月一次帶狗狗去新蒲崗洗白白既時間，放低隻狗就去食午餐！最鍾意搵到小店支持下，呢間真係值得去食，什至再食！鋪頭細細，無特別裝修，下晝2點幾都坐滿，一坐低，侍應就問洗唔洗落左小籠包先，因為即蒸，所以要等，即刻落定會好d！小籠包$37/5粒，大大粒，雖然賣相一般，但味道一流！皮薄，入面好多湯汁，肉質相對較散，但溶入左湯汁一齊食，好好食！我好鍾意食担担麵，所以叫左豬頸肉担担麵！一放低，已經聞到好香花生味！湯底香濃，帶微辣，食唔到辣既人都可以食！拉麵煮得剛剛好，林得黎又有口感，配上濃湯一齊食，好正！豬頸肉都係一大重點，好似豬排咁厚，炸得好香口，雖然浸左湯，但都脆口！必食！男朋友叫左京蔥羊肉炒拉麵，好香，京蔥，洋蔥都炒到林晒又帶甜，羊肉無騷味，薄切，好方便咁一夾就可以夾晒羊肉、京葱、洋蔥、拉麵，一齊食！價錢便宜，必定會再食！

兩口子這晚特意相約「私人兼職貓保母（頭銜只是說笑，切勿認真）」到附近吃晚餐，以答謝其於我們外遊時照顧阿柑。在地膽的「推介」下，一行四人來到《手拉麵小廚》，吃一頓平民京川滬菜。就算是平日晚上也要等位，幸好我們早來了點、不用等太久便可入內。到來前已知道店子是港式小店格局，位子有點擠，食客摩肩接踵的。沒錯，華麗裝潢會令人感到賞心悅目，不過食物本身質素才是重點，「有陣時都想自己俾出嚟嘅錢同食到嘅嘢成正比，而唔係俾嚟食『裝修』」。看了看菜牌，定價都不算貴。我們點了客二人套餐，再單點數款菜式及麵食。由於我之前吃過其他菜館的食物份量都偏少，潛移默化之下令我覺得京川滬菜就等如「精緻」，加上很多菜式都想吃，就愈點愈多。隨後店員逐一奉上食物，更差點把桌子「淹沒」，我才驚覺太魯莽。二人套餐（$168）的自選配搭不少，先來凍菜蜜（餐）兩杯。雞絲粉皮（餐），把雞絲、青瓜絲、粉皮與花生醬拌勻來吃，挺爽口開胃。香炸豬扒（餐），比坊間菜館的豬扒厚，炸漿蘸得均勻，外皮焦脆、肉質鬆化帶汁，沒有太重鬆肉粉的感覺。二人套餐包白飯或拉麵 （餐）兩碗，由於後者屬店子名物，當然是「棄飯投麵」啦！麵條是師傅於店內人手拉製，夾起時麵與

小籠包 超好吃👍🏻大大個但美味多汁，肉餡鬆化，不像坊間的一大團肉死實實😋😋醉轉彎 酒味芳香，清爽，尤其愛吸滿了酒香的𣏌子麵食相對遜色，擔擔麵 味道正宗少辣有花生味羊肉搶湯拉麵 略嫌湯頭不夠濃郁但還是比一般麵館出品勝一籌👍🏻👍🏻

寫完新年前後的食評, 趁著一鼓作氣的勢頭, 開始寫回一些欠交很久的食評, 首先寫了"泰仔",  幫趁了好幾次都好滿意, 欠他一個好評, 想寫又無寫, 真是懶到不得了!  真的要慢慢陸續寫其他值得推介的店, 今次要衝出九龍城, 近近地新蒲崗有間叫"手拉麵小廚"都是心水之一.認識手拉麵小廚是看雜誌介紹有點印象, 小店無訂位服務, 找了一個星期六晚故意早點去附近逛逛然後六點正去到, 那麼應該不用等很久了吧?!  果然只有兩三枱客, 廚部及樓面正在輪流吃早飯, 我們選了一個卡位安頓好, 算不錯!   店子格局略迫, 但看看價錢牌, 全部三/四十蚊起街坊小店不可能set太高要求吧!  來一客招牌小籠包, 店名叫手拉麵, 當然要點, 就一碗雲吞湯拉麵, 一碗擔擔湯拉麵, (拉麵的相片又不知失落那裡...)  小籠包汁多餡多, 我喜歡小籠包的皮不會太薄, 這裡做的剛好是我想吃的, 肉有點肉味, 不會食而不知其味, $35蚊無加一, 可謂交足貨, OK!  拉麵是精髓, 自家拉麵彈牙粗幼度適中質感合我口味, 功夫紥實無失手勢, 實實在在, 各位'好'麵之一人值得來試試! 招呼方面, 阿姐們面口平和,

【2015 年 10 月 25 日】新蒲崗好多美食，趁囡囡上興趣班的時候我們無所事事，最好就是去食喇 !!!店舖地方不大，是較舊式的食店就是因為咁，才食到懷舊的味道 ... 好似這碟回鍋肉客飯咁回鍋肉要有點油才好味的，抄得很惹味，拌飯一流蔥爆羊肉炒拉麵一上枱已經聞到好香的羊羶味，每條麵條都沾滿醬汁，好好味麵條是師傅即拉的，所以每條粗幼不一，食起來煙靭彈牙招牌小籠包每枱必點的招牌菜皮薄多汁 ... 就咁睇上去已經見到裡面充滿湯汁外皮雖然薄，但煙靭，夾起來都不太容易穿的裡面的餡料不只多汁，還非常鮮甜食飽飽走的時候在廚窗見到師傅製作豆沙鍋餅一層層疊起來的鍋餅皮有點似西式的千層餅** 以上分享是以我的口味、喜好和情況作出分享和感受，一試 / 合用與否請行決定

住港島，都特登入新蒲崗食呢一餐廳. 都很值得一試架. 都算係平、靚、正之選晚上7點幾一去到店內已經full晒，門口等了大概10分鐘就有位啦. 餐廳其實都算迫算細，坐得唔係咁舒服. 1、酸辣湯雲吞（5隻） 酸辣湯不過不失、同平時食開既無乜大分別比較辣啲啲，但雲吞就非常大隻，味道也不錯. 2、香辣牛肉湯拉麵 湯拉麵，份量很足夠，食拉面未食就要先飲啖湯、個湯微辣、湯底有擔擔面個種小小花生、小小沙爹味，一流跟手就食一大啖拉面啦個湯底咁正、拉面爽口彈牙、而且唔會話好似有啲拉面咁、一條一條碎面、食拉面、個餸我就反而唔要求太多、但呢個牛肉唔算韌、口感同味道都唔錯抵讚. $36咁大碗又好味真係好抵食好驚喜！！ 下次一定會試埋其他湯拉麵，一定都好正！3、小龍包 咁遠黎到都係為佐試呢個大大隻小龍包、熱辣辣，而且真係幾大粒，雖然睇落軟林林，但你夾起係唔會咁易穿破、皮唔算係好薄好薄但都唔厚，而且很彈牙有口感，第二個驚喜就係小龍包內的湯汁非一般地多 肉軟鬆散，但overall都好不錯的, 非常值得一試呀

新蒲崗好多舖頭，大多數都係門面簡陋，但其實內有乾坤，有着隱世嘅滋味。上一次黎，試過佢嘅客飯同小籠包，已經覺得好有驚喜，今次就試一試佢嘅擔擔麵。同我想像嘅擔擔面唔同，佢並非傳統果一種，唔會有好多花生醬同埋紅油嘅感覺，佢比較似食川菜，新疆嗰啲香料咁嘅感覺，帶着一絲絲嘅辣味，唔會話辣到食唔到其他味道，而且香料用得好好，非常非常惹味，好吸引。佢有好多唔同嘅配料可以選擇，而我就選擇左雞排。雞扒非常之入味，而且煎得好香脆，真係好正！佢嘅麵條亦都係自己手做嘅，食落去非常之彈牙，而且烹調的時間亦掌控得好好，整體的味道我俾佢一個好高嘅評價。大大碗面，只係40幾蚊，非常之抵食。我一定一定會再嚟幫襯

剛剛經過新蒲岗,見到網上个个都話這間好好味,約1:00在門口等了15mins 就己經。入到去都算好快. 點了個粉皮及招牌小籠包,粉皮都唔錯但如果粉皮再凍啲一定更好味！☺ 小籠包真係又大又多汁又薄皮. 不過食唔到肉的鮮味,小籠包汁都無乜味.只可以算係一般般.無想象中禁好☺

手拉麵小廚招牌小籠包 $35今日放工之後，終於終於有機會黎新蒲崗食之前大熱小籠包，好開心，因為真係幾正！入到去，環境比較簡單，老實講，坐得唔太舒服，不過要食平價又高質素嘅食物，忍一忍吧！小籠包係超超超超超大粒，皮唔係超薄但頗有彈性，不易穿，咬一口，縷縷白煙立即冒出，裡面有滿滿的湯汁，我個口裝唔哂啲湯，匙上的湯汁都滿瀉了，大家吃的時候要小心爆汁！湯汁味道挺濃郁，顏色較平時在連鎖店食的深色，豬肉及脂肪的比例剛好，肉餡超超超鬆化，唔會好似肉丸咁實，而且調味岩岩好👍🏼一籠五大粒真係幾抵食，我食完都飽了😳-------------------------------------手拉麵小廚 (新蒲崗)新蒲崗衍慶街48號衍慶大廈地下

位於新蒲崗嘅京川拉麵小店，雖然位置唔顯眼，鋪仔細細，但晚上時段會有唔少人等位，需時大約十分鐘以上先入到座。招牌小籠包5隻（$35）司令十分推介手拉麵嘅小籠包，雖然望落去唔太飽滿，扁達達咁款，但裏面嘅肉汁非常之多 咬落去啲汁爆哂出黎，非常juicy、調味適宜，一啖食哂都唔覺咸呀，驚漏既仲可以點啲醋，又係另一種味道。豬扒/豬頸肉擔擔湯拉麵（$42）另外，司令最鐘意嘅係豬頸肉同豬扒擔擔湯拉麵，濃郁帶點辛辣嘅豬骨湯配上熱騰騰豬頸肉。 肉嘅鮮味同香氣非常突出，唔同其他京川拉麵得個辣字。拉麵又係自家製嘅，仲唔去試下！

回鍋牛肉炒拉麵 好耐無食過咁正常味道既回鍋肉味,牛肉都幾多架,估唔到炒拉麵D 麵質都唔錯喎.炒得幾好食.食過想再食.豬頸肉担担湯拉麵個味道唔係花生醬個款担担麵,比較像四川麻辣個款.我個人覺得似譚仔個類湯.我老公幾鐘意食喎.不過麵既份量好少好少,唔太夠.份量同炒拉麵好大對比......豬頸肉上枱時仲脆脆地架.小籠包: 有點失望.似灌湯餃多於小籠包.真係好多熱湯係入面.但肉完全係鬆散,碎到唔會咬得到.夾起上來都無破過皮下次可能叫其他手作小食多過小籠包,反而真係無預期過拉麵幾好食喎.有機會再試

麵質的筋性一般，也沒有蘭州拉麵獨有的香味。對了，我念念不忘的那香味，其實是蘭州拉麵為了增強麵條延伸性而加的蓬灰。這個名字怪怪的蓬灰，其實是用戈壁灘的蓬草燒焦後的碱性物質。和麵時加了它，手拉麵不但會有特殊的香氣，更能拉出筋道有勁、口感爽滑且有不同粗幼的手拉麵。嗯，香港嗎，吃不到的味道。還有，其實大陸已經很少有牛肉麵店用蓬灰和麵了，取而代之的是化學合成的拉麵劑，效果一樣，但風味嗎，還是有分別的。下次我們便來談談我愛吃的蘭州拉麵到底有何特別。

昨晚同朋友約食飯，極力推薦手拉麵。八點幾去到要等位，覺得好食等位冇所謂啦！等左10分鐘就可以入去。好，太肚餓，快快手叫左小籠包，牛肉拉麵同回鍋肉炒拉麵！可能太忙，等左一陣，見到比我地遲落單都食緊，我地仲未有野黎！好！催催距啦，點知一摧就出事啦，黎左個牛肉拉麵，牛肉太韌，拉麵有兩條好似筷子咁粗😠😠好再個炒拉麵唔錯，同埋小籠包真係好好食😋😋皮薄餡嫩多汁，真係冇得頂👍👍

黎新蒲崗有乜好食？未食過呢間既我會強烈建議你黎試下個小籠包同醉雞面。以上呢番話係某香港血統而常駐上海既食貨友人係佢某次回港食住乜翠拉面小籠包。食到成頭煙果時講既。自一試之後。每當我諗起拉面同小籠包。都會揸車黎。冇車的確幾唔就腳。同時拉面師傅亦會幫手睇車。等你你入面安心咁食。唔擔心你坐得耐。因為啲位迫又硬櫈。食完上車坐好過。小籠包一客五隻。個子不小。直徑有近七厘米。皮薄。一定薄過曬有分店果啲。內裡係滿滿既湯汁。不慎唔爆係口而係羹上穿左既話。湯汁係可以裝滿隻湯羹。勁！同餡鬆得黎肉既質地能夠保持。調味亦對口味。一籠不可分食！醉雞面嗎⋯⋯其實要叫一份醉雞另一個湯面先夠喉。無他既。一份醉雞約四份一隻。有齊肶翼胸背。肶滑。胸亦唔會鞋。背就最夠味。唔好放棄啲杞子。都好好味嫁。食完淨返個汁就係時候放個拉面入去吸埋啲精華。拉面質感極好。一吮滑入口。筋度適中有彈性。爽而不韌。唯一係個湯底唔得。不過有醉雞汁仲有邊個會深究個湯底。我諗當你食完一次。你會講呢篇開首果段比你既朋友聽。