手拉麵小廚

營業中

休息中

前星期,去畢新蒲崗開會,剛好已過了午飯時候,我是行到邊食到邊的人,但這區真是毫無頭緒,就請人家介紹好吃的吧！對方建議有二,一是米線,一是手拉麵/小籠包/担担麵,米線這個每天早餐也會吃,所以最後我們決定去吃手拉麵.....(人家聽到我早餐食米線也嚇一嚇,幹嗎吃這麼多!?!)店子不大,屬於傳統老麵舖風格,圓枱坐摺櫈,人多時要搭枱那種,今日人多,自然會多叫了幾個小菜分著吃....雞絲粉皮 ($35)青瓜及雞絲一切得細碎,雪白的粉皮滑溜Q彈,拌入花生麻醬後,口味清新,有點住家風製作花雕醉雞 ($60)酒味尚算濃郁，雞肉嫩滑多肉，不過雞味方面比較淡, 60蚊都幾大碟~招牌小籠包($35/5隻)一客五個，大如小孩的手掌，外觀比較塌，不是平時挺身的那種，看見這樣子，的確擔心過會否沒湯汁，扁塌塌外觀實的掉一把汗~~輕輕夾起其中一個小籠包,感覺挺重,不只有肉在裡面,咬開不算極薄身的外皮,發現內裡的肉汁多的是,大概有一湯匙滿滿的湯汁,而且調味適宜,不會太咸,35元五隻,必點之選~~主食方面,我點了豬頸肉担担湯拉麵 ($42),一上枱我已經有點不祥的感覺,為何湯頭這麼稀身,而且帶浙醋般的大紅色的,是什麼東西

這一間小店，我已收藏了好幾年，但遲遲未有機會去試。店鋪位於交通不便的新蒲崗，但客人很多，每次經過都見到需要等位。今次六點半未到就吃晚餐，所以人未算多，不用等位。雞絲冷麵：手撕雞絲伴上爽脆青瓜，入口清新。配合香香的花生麻醬，唔會太膩。招牌小籠包：剛蒸起的小籠包成隻豉油碟般大，雖然這樣的小籠包長得很奇怪，但和我記憶中的上海小籠包有點像。小籠包薄薄的外皮，內藏滿滿的湯汁。夾起時，一隻也沒有穿破。不過，唯一的缺點是肉質很鬆散。豬頸肉湯拉麵：手拉麵爽口彈牙，豬頸肉成塊豬扒咁大，足料！

睇到好多openrice 比好評手拉麵，所以都想試下，由於S先生病左，所以佢冇乜胃口食，唔係應該叫多d野試😂醉雞（$60）呢碟黎到有開心左一下，好大碟呀😱只係$60，比平時果d 60幾得細細碟，算幾好！味道方面就......雞好滑，但入面見血😰又唔係好重酒味，所以，可以下次唔使叫。蔥爆牛肉客飯（$45）好好食呀，牛肉好冧，味道好好，連洋蔥都好好食，不過可能牛肉來價貴，所以份量比較少，但真係要試👍加$3 既凍菜蜜，我諗多左，以為加$3有菜蜜咁好，原來好細杯，細杯都唔緊要，冇諗過咁難飲😐冇味，同水冇分別，如果係咁不如正經加多少少錢比d正常菜蜜客人😥飲飲下有隻野飛上我個杯😭S先生自作聰明再叫多杯，我比佢激到差d暈低，早知叫可樂飲冇咁嬲😒傳說中既小龍包（$35/5隻）個個都話好食，現場都好多人叫，唔叫又唔好😂賣相：軟爬爬好似呀婆心口咁，唔靚，只希望有內涵，入面好多湯同肉，皮都夠薄，但話真係好好食就又唔係，不過咁既價錢叫下囉。

兩次都唔駛等位,因為星期六放1點,行去5分鐘就到越食越多人排隊入面環境很逼,但因為好食同平吸引好多人小籠包超薄又多汁啲拉麵都好正埋單都係百幾蚊兩碗拉麵+小籠包+豆沙鍋餅

今日同舊同學重遊成長固地，耐人尋味之餘又真喺改變唔少！鍾意食上海嘢嘅我，依然記住依間人氣上海拉麵小店！夜晚八點仲要排隊，真喺超好生意！兩個人，一人一個麵，再加小籠包！我自己叫咗碗《羊肉搶湯拉麵》！湯底味濃好味唔在講，麵底彈牙又爽口！自家手拉嘅拉麵真喺靈捨不同！羊肉嘅羊羶味十足，鍾意食羊嘅應該會特別鍾意！同學佬就叫咗《雲吞湯拉麵》！總覺得隔離飯餸香嘅我，點都攞幾舊雲吞食吓！Wow，一個字，足料！饀料多，菜味豐富，真喺做到皮薄饀靚！《招牌小籠包》點都要幫襯！大大舊之餘，就咁望落都超多汁！可能蒸過火，唔夠廷身！不過依然好味，肉汁多肉味濃！ 一樣皮薄饀靚！兩個麻甩每人夾60左右，食到正宗上海師父風味，真喺抵食！

首先讚讚這間店的體貼服務/人性化嘅服務。我們到的時間有兩對情侶係到坐住等緊，侍應姐姐見我們一袋兩袋好多野拎住好似好辛苦就俾左兩張椅子俾我們坐住等。到差唔多到我們入去店舖時，就已經係外面問定我們想食什麼，好讓我們一坐底就可以有野食。到入到店舖時，侍應姐姐好主動地攞椅子俾我們放袋，好讓我們食得較舒服。這間店我態度真係好好。野食方面味道各方面都好好。我們叫了個小籠包和回鍋牛肉炒拉面。小籠包來這間店不得不叫，皮的厚度岩岩好，唔會太厚而裏面嘅汁亦不易流出。汁液注滿整個小籠包，就好似氣球注滿水一樣，不存在任何空氣。一咬，裏面d汁就會湧出來。來這間店一定要試。回鍋牛肉炒拉面辣度剛剛好，拉面亦唔會好散好有面粉味，這個亦值得一試。

手拉麵小廚收藏已久，不是不想到訪，是不知怎樣到訪， 對一個路痴來說，新蒲崗要怎樣才去到，是零概念的。 這天看電影後，與侶伴聊起上海菜來，腦海忽然浮起 手拉麵小廚來，在黃大仙站出後，小妹便跟著他穿過天橋，街市，來到新蒲崗這兒。整條街人流不多，唯獨前面有間店舖，門口堆著人流，是的，就是手拉麵小廚。幸運地，門外等位的都是一家人來的，兩人到訪，不用等位就竄進餐店了。店舖雖然細小，但店員很好哦，從鄰桌拿了一張椅子給我們放下手頭上的一包二包，好讓我們吃得較舒服。店舖設兩人套餐，但我倆都不好菜蜜，因此決定散叫。最先奉桌的是雞絲粉皮$35，雪白的粉皮上堆著雞絲及青瓜絲。汁醬稠身具重量，因此很快就從白的綠的空隙中滲到碟底了。把雞絲粉皮像"撈起"般撈伴，剛才雪白的粉皮和雞絲，都開沾染著花生麻醬了。吃一口，粉皮爽滑微帶點Q彈，青瓜青爽脆口，花生麻醬濃稠度調配洽好，粉皮掛汁力強，吃下帶點漿口但亦不會太乾。只是略嫌花生麻醬有點過甜，若甜度稍減，再多加一點點的咸度，整個食味層次可再提升。店如其名，這兒的拉麵都是即製手拉的，因此製作需時。這是侶伴的豬扒担担湯拉麵$42，與印象中的担担麵略有分別，湯頭較稀身，紅中帶橙

Came here on purpose after reading a foodie blogged about it. It happens that I occasionally come here for business purpose, so it's convenient to give it a try.A very local joint in an old industrial area but super tasty food. The xiao long baos are all half filled with broth. Take a look, you can literally see the liquid gold from the outside. If I were to critique, it will be the texture of the skin is not smooth enough like those of Ding Tai Fung; however it gives you a touch of home made fe

久聞手拉麵小廚的小籠包很出色,愛吃小籠包的我一早將其列入心水餐廳之列,決定聖誕假期到新蒲崗吃小籠包,只因從屯門到新蒲崗只用一程巴士比在荃灣出發更為方便。新蒲崗舊式住宅週邊都是街坊小店,這家小廚也是一貫樸實無華街坊店格局,營業時間剛開始不久,人龍店門外並沒有人龍,月巴客人直入店裡還可獨佔四人卡座,早起鳥兒有蟲吃又一例證。在這街坊小店吃飯真的很有內地風味,只因店員們跟客人對答是操著不純正廣東話,同事間溝通則是煲冬瓜,阿姐也如傳統內地餐館服務員一樣木無表情地放下熱茶後也不會主動招呼客人,只要截停任何一位阿姐直接點菜就成了。那天坐近廚房,聽到廚房裡一輪爆炒聲後由廚師(老闆?!)親自送上的羊肉搶湯拉麵($40)來了,一滿湯碗的很具看頭!像豬膶湯顏色的湯底以羊肉、紹菜及芫茜煮成,濃味中卻沒有太重羊味,有菜有肉煮出的鮮味羊湯比一般湯頭好飲很多,盡量勁飲以免浪費!!白色拉麵份量超多,就算男仕也一定足夠,麵條粗幼不一的是手拉的嗎?!尤以最初煙韌不太軟的食感最好,浸湯後變成稍軟也不會太糊,麵條還是不能慢食才有最佳效果。份量不少的薄羊肉沒有太多羊味,只有跟一般瘦肉相近的口感,間中一片連著一點脂肪的最為甘美,

晏咗起身下晝又要做嘢，於是搵間就近嘅食嘢，好耐冇去手拉麵，所以揀咗呢度。12點幾去到，居然比我霸咗張4人枱差唔多由頭坐到食完(其實我都係坐咗廿分鐘)。叫咗：酸辣湯拉麵－好大碗，湯底有腐竹、冬菇、木耳、雲耳、雪耳等，濃稠適中，唔太酸亦唔太辣，味道還可以。麵質略腍，但冇咗之前湯麵嘅鹼水味。食咗一半留肚。小籠包－每隻有18摺以上，皮有彈性，夾起唔漏湯。熱辣辣放入口，爆汁啲湯好鮮甜。加咗薑絲，鮮味提升。由於天氣冷食到第三個啲湯已經有啲漿口。但啲肉稍嫌冇乜肉香味。

昨日午餐時間去，叫左豬扒担担麵同小籠包，上餐十分慢，要20分鐘，可能係即叫即做原因。先講環境 ：舊，迫，污糟再講服務 ：亞嬸，禮貌不足後講食物 ：豬扒担担麵，豬扒ok，担担麵湯底無担担麵應有既味，得個辣字唔會返轉頭再食佢！

嚟到新蒲崗搵食，上openrice 睇下有咩食，睇見呢間好似水準好高，就搵左呢間試，入到去間鋪細細，但好多人，仲有人排隊，我地就更期待 好正好多汁，個皮好薄叫左個豬頸肉擔擔麵湯好香，味道好濃，但唔多辣，麵質好特別好正，會再來的

阿爸賣外賣返黎俾我..見到係水餃麵亦都唔抱太多期望...因為我不嬲去開食麵就唔會叫水餃..餃皮加麵唔係好飽咩...但係食第一啖就上左癮..極速完成整碗麵同湯....唔知佢D湯係咪用魚餚架呢..好鮮甜....奶白色的....D餃隻隻都勁大隻...有一半手掌心大小....最鍾意佢入面一D肥豬肉都無....我可以放心食用....同埋我發現佢仲有幾舊粟米..雖則唔係大...但我覺得好正....價錢唔算好貴...$30幾蚊....絕對抵食...

未出名前試過係ok既但一出左名就下降曬，出餐慢都唔緊要但出左個比我點餐遲既先叫左個雞排担担面，雞排炸到好黑，d担担面汁得個色冇味，但d面重係即拉都keep到水準真係出名就差左好多

再會手拉麵小廚.叫左:蝦米津白,羊肉搶湯拉麵,回鍋牛肉客飯.蝦米津白:鹹香味重,津白鮮甜.羊肉搶湯拉麵:湯底淡,羊肉唔新鮮冇咩味,個麵好胡,完全失敗.回鍋牛肉客飯:牛肉份量小之又小,香辣夠味,食到尾反而有小小過鹹.涷菜蜜:送嘅冇咩特別.整體:好多人,招呼自然差,但老闆唔落手煮食品就失手啦!