手拉麵小廚

營業中

休息中

我對麵食一直有著近乎魔性的熱衷。這次是來寵幸下新蒲崗的這家手拉麵，第一次是老婆帶我去的，因為她在附近工作，附近值得一吃的幾個地方她都帶我去過，我尤其喜歡其中的幾家麵食館，之後都會介紹給大家，今天是新蒲崗麵食第一扒。據我吃過幾次的經驗，手拉麵這家店應該有兩個特色，第一手工拉麵，第二小籠包。當然，我們只談第一，第二就不多說了。身為第一，自然有第一的覺悟，小小的麵店竟然有個臨街透明玻璃廚房，這個廚房就是一場為拉麵準備的秀。我等位的時候就會盯著廚房裏面的師傅，手上拉的麵，以為自己望的久了，自己也會拉麵了。味道喜歡兩種，你問我有沒有第三種，不好意思這種事我不記得。第一種是湯麵，簡簡單單沒有太多花哨裝飾，湯，肉，麵。湯底不錯，肉吃過羊肉、牛肉，麵更是關鍵，小勁道。另外值得一提，份量略大，每次我都吃一碗半，我老婆吃半碗。因為味是較濃的，所以吃多了會有點膩，我這麼中肯的說出了不喜歡的地方，會不會太誠實，畢竟我之前說過對麵食的熱愛是魔性的。可能越喜歡越苛刻。第二種是炒麵，我真的很愛炒麵，同等熱愛的還有拌面。這裡的回鍋肉炒麵是一絕。這是一份回鍋肉，這是一份炒麵，回鍋肉炒麵！不過這款不適合外賣，時間一長後會

今日老婆過想食小籠包，就話之前去過呢間都幾好又抵食，等了10分鐘有位，叫了三個餸，主打當然叫小籠包、上海炒年糕、雲吞湯拉麵。三樣野水準比之前食既差好遠，小籠包除左保留到多汁之外係無左肉味，雲吞湯拉麵既麵好有蛋味，好似食緊雞蛋咁，湯同雲呑都還可以，最離譜既係炒年糕，黎到既時候同枱一對情侶都有叫炒年糕，兩碟年糕上到枱你眼望我眼，咩事！？碟野小到無朋友，好似一碟變炒兩碟分開上，大佬碟野唔平架$52一碟，睇落似茶仔下午茶size，算！照食，點知中伏，成平野味道係豉油炒年糕，無肉，津白炒燶左，食左幾舊已經食唔落，呢間野下次可以唔洗再去。

小籠包質素差，只有汁，沒有肉。又喊有沒有肉味道。所謂招牌小籠包，完全失敗。酸辣湯麵，酸辣湯沒有酸亦沒有辣。只是一般。同埋好多味精，食完好口乾。衛生不合格。有好大味。令人不安。我不會再幫襯

今天上午到點了小籠包，老板娘為了盡快空出位置把我的小籠包給了比我晚十多分鐘的三個客，直的非常失望！味道亦只是一般，以前曾食過覺得味道不錯，當時老板娘亦非常親切，但今天就唉！相信都不會再食了。

星期日中午因事到新蒲崗，事先做定功課睇下有咩好野食，最後選了這間小館~見到介紹話手拉麵和小籠包都是名物，就叫了個香辣牛肉湯拉麵、小籠包、回鍋肉炒年糕~先說拉麵，個湯底只是微辣，加上有花生味，容易入口，但麵條冇驚喜，質素一般~小籠包則等了10多分鐘才上枱，是即叫即蒸熱騰騰的，皮簿，充滿湯汁，可見師傅手工唔錯，但餡的肉沒有鮮味且鬆散，用料麻麻~最後是回鍋肉炒年糕，這個是最好的，年糕一片片厚度適中，炒得亦十分香口，令人食唔停~總括來說這店子還不錯的，如果小籠包肉質用料可以改進下就更好了~

竟然比我手機壞左影唔到相._. 不過照例寫一篇食評啦。之所以黎係見到開飯喇 上面好多人讚，又到係街坊小鋪，就過來食一食。本身鍾意食麵，所以對手拉麵真係好大期待，反而湯呀餸呀對我黎講冇咁重要。睇下個餐單，係依區算係幾貴，不過唔緊要喊左先。豬扒拉麵好快就到，豬扒大塊，酥香可口。再飲一啖湯，係唔錯嘅湯底，比一般略佳，未去到好好好飲 最重要嘅拉麵啦，麵條好滑，而且帶點小小彈性，食落好爽同好順口，平心而論，確是不可多得嘅好麵，不過同神級仲有唔少嘅距離，只可以話有點小失望。

🔑 小籠包BB 🔑————————————————————#招牌小籠包💦 (HKD37)✔️👅：7.5/10✏️ 不能抗拒的爆汁灌湯包😍 汁多皮薄！肉餡更嫩滑就完美🤓#雞絲粉皮🐥 (HKD37)✔️👅：7/10✏️ 最喜歡麻醬！！😚 看起來不多吃起來每口都是麻醬滋味❤️#香辣雞絲拉麵🍜 (HKD38)✔️👅：5.5/10✏️ 相對普通 雞絲較粉皮中的雞絲鞋口 我們認為不夠辣 於是瘋狂下了🌶️醬🙊⭐️ 要排隊 醉雞也是每座必點 不過我們胃太小了🙄

係舖頭外面已經睇到師傅係度出行力拉下拉下，已經感覺拉麵既質素應該五差入到去，座位不多，坐得比較逼夾，尤其係用膳時間，麻煩排返2，3，4個字先啦。兩個人點了一碗羊肉搶湯拉麵同一籠小籠包。哇～個拉麵真係好食，好滑溜，羊肉切得又簿又細，加埋香茜同黃牙香菜絲，湯底香濃得黎又五漏，正小籠包雖然係鎮店之寶，賣相睇落好飽滿，但食落雖然多汁，但五夠清香，肉質較粉碎味道一般

小籠包係多湯汁係大隻，但一啲鮮甜味都無仲講到咁巴閉話又用乜用乜嚟整個湯汁雲吞拉麵，雲吞好咸呢餐食完要勁飲水，相信味精成份都幾重下喇最後，服務態度十分差，未叫埋單就同我拎咗張單去，呢樣都算喇，食咗百幾蚊俾張500蚊佢找，佢地夠膽死唔係將要找嘅錢拎番去俾我，而係要我自己行去櫃枱自己由枱面到拎

今日去上堂，經過這店就入嚟試下，一直聽人講啲小籠包，好食又多汁。今次一行三人叫咗雞絲粉皮、蔥爆羊肉、醉雞同馳名小籠包侍應放底個雞絲粉皮時，第一個感覺「咁大碟」真係大蝶，味道一般麻醬應該只係街上隨便可以買到的，所以無咩驚喜。到蔥爆羊肉，真係好多⋯⋯⋯⋯洋蔥囉，大蔥相對很少，最少嘅係咩？羊肉吧！估計都有十小塊。個味道都ok,但未夠香口。醉雞方面, 雞肉嫩滑入味，但我覺得唔夠酒香。但都可以再試最後就當然係我最期待嘅小籠包啦，上枱熱辣辣一咬落去啲汁真係流哂出嚟，可惜⋯⋯⋯⋯⋯肉味完全不夠鮮，可以話無添，仲要係散哂嘅肉。真係有失望。總結，應該唔會山長水遠嚟食

食完雞蛋仔後吃小籠包的思念還不停纏繞,忽然眼尾一閃即刻叫車爸爸停車因為我看見一間老店手拉麵小廚 見到在廚窗前包緊肥美的小籠包喎^0^那便一枝箭衝入去外賣一客小籠包上車食啦!!入到去見裝修係切頭切尾的老店,還有一絲*味道*心想不過外賣啫不打緊啦!!即叫即蒸的關係我又等了15min終於有得食了,一客5隻身型頗大的小籠包售$38~夾起第一隻時已撲通一聲的穿掉那皮多滑也徒然啊!!肉醬散落在匙羹上係呀係肉醬,試一口湯汁毫無肉香心裏現在只得*粗口*

今次晏就去1點去食 星期日唔洗等位 真係諗都唔諗就入去坐地方位置不變為一變就係價錢今次冇叫小籠包 叫左兩個拉麵我女友叫左一個辣牛肉 我叫左豬扒拉麵辣牛肉個湯底有花生味 唔算太辣 小小咁接受到牛肉就好淋 料亦好多 麵就岩岩好口感 唔算硬亦唔算淋但我個豬扒麵就等左10分鍾 (上次叫炒拉麵都20分鍾啦)次次我都要等好耐._.我個湯底就真係好正 豬骨湯 一飲就知仲有個粟米同一條菜但個麵可能岩岩拉好 有小小硬 同我女友果個比有D分別但係豬扒份量就真係好多 最少都3塊食極都仲有個湯到最後都唔會覺得口乾 唔錯今次冇叫小籠包 怕食唔晒 下次再叫

係一個平常既上班時間 與同事見手頭上既工作將近完成 當然要出去食返個lunch 附近其實沒大多好食的快餐 唯獨依間，樓面雖小但日日都有人排隊等候。我與同事見今日早左食飯，唔洗排隊，就狗衝入去試下。2個人食唔到太多野，於是一人一個拉麵加籠小籠包我叫左個麻辣雞絲拉麵 同事要個雲吞拉麵雞絲麵湯底香濃，有花生醬味，不算太辣，仲好易入口添。雲吞面係清湯底，相信附近既麵食黎講，依間算有誠意，起碼入味先丫...最後就係小籠包喇，我地放涼左陣至食。黎到既時候漲卜卜 ，咬開好多湯，肉粒juicy ，食完好開心！！！ 會再黎食

新蒲崗上海小店。間中就好鐘意去 雖然環境比較迫 食完就要走 唔坐得內。但都是我的定期飯店。小籠包 皮雖然唔係好薄 但湯汁夠曬多 唔會太咸 肉球肉質幾滑 沾上醋 好味。口水雞 麻辣醬汁做到唔錯 好香花生味。雞件其實好滑 但我好怕剛剛熟 帶有少少血紅的雞 黎而老公好鐘意。回鍋肉炒年糕 正！夠鑊氣 好惹味 年糕煙韌 回鍋肉唔會太肥。不過略微油膩左少少。性價比高的上海小店。

某天下午，在這兒附近等待參觀「麻雀館展覽」，於是一個人來這家著名麵館吃下午茶。其實搶湯是什麼來的🤔？我都不知道。只不過看見現場不少人都在吃「擔擔麵」湯底，但是當日天氣炎熱，又恐怕吃到汗流浹背😥，所以隨便點了個羊肉湯麵😏。其他食客的食物，好像等了很久都未到來，原來他們都是要炸物，炸雞扒、豬扒、豆沙鍋餅都要等很久。不久之後，我的湯麵便來了。湯底有一陣羶香，有陣香料味在湯裏，所謂的拉麵不是非常之彈牙，但是有粗有幼，不算彈牙也不算爽身，但是仍然有少許嚼勁。羊肉輕微羶香，薄薄的舖在湯面頭，數量也不算少，麵條的份量也剛剛好。湯裏面亦有少量椰菜及香菜，喝點湯吃點麵，份量也不算太少。但是看到同場的一對情侶，一個吃炸物擔擔麵另一個吃雲吞或水餃擔擔麵，似乎比較吸引，下次一定嚐嚐擔擔麵了。