手拉麵小廚

營業中

休息中

與媽咪特地走到新蒲崗來, 因為聽聞這家拉麵及小籠包很好吃,  中午時間沒有很多人, 不用等位已可坐喇, 我們2人點了3個菜, 一個羊肉嗆湯拉麵$48, 羊肉不夠淋, 且有點鞋口, 但拉麵很好吃, 有手工口感,有水準, 值得再試, 我們再點了出名的招牌小籠包, 是一般的水準,  不夠多餡料,  想試多一樣,就點了豆沙煎餅, 很油, 媽媽只試了一塊, 我也沒把它吃光. 

以前唔鍾意食擔擔麵 但呢間擔擔麵我覺得好好食🤭🤭佢有少少麻辣既感覺 但唔多 花生醬味唔重既 岩哂麻麻地花生醬既我🤩雞扒擔擔麵既雞扒係炸過的 普通⋯而同事點既炒拉麵賣相都唔錯！佢既麵好好食 好彈牙同埋有咬口！

之前睇朋友Instagram，去過呢間上海拉麵店，見佢好似好推介， 於是去試試。本身好少去開新蒲崗，發現原來新蒲崗都幾多好嘢食，去到呢間手拉麵，七點左右已經都有人排緊隊，門口仲有拉麵師傅表演拉麵。等左唔算好耐大約5分鐘就有得入去食，店舖比較細所以都要搭枱， 餐廳食物價格都算偏低，我哋叫咗一個擔擔麵一個小籠包同埋雞絲粉皮，兩個人食啱啱好。所有食物我哋都比正評，拉麵口感同湯底都好值得一讚， 而且配料都有好多選擇有雞扒豬扒豬頸肉等等。小籠包亦都非常一流， 呢個價錢來講實在非常之抵食。雞絲粉皮都好好味，見到好多人叫口水雞， 下次可以一試！

在新蒲崗打完波, 老公帶我去出名的街坊老店食手拉麵~環境:真係幾細, 6-7張枱, 有卡位, 有圓枱, 卡位理應坐到4個, 但係瘦小的4人....坐得比較迫, 唔太舒服~ 但亦因為咁, 大家都快快食完就鬆人, 又可要到下枱客~所以雖然食晚飯時間人流很多, 但都係等一陣就有位~食物:老公黎親都係叫豬扒担担湯拉麵, 睇到同食過之後, 我明白了....豬扒厚身但唔un, 仲切埋一件件, 好方便入口, 扒同麵既份量都好大份~男仔都覺得好飽滿~女仔既話, 應該都要同人share下~ 到我自己個碗雲吞担担湯拉麵, 雲吞粒粒大大粒, 無欺場, 味道係好味既, 但比較過豬扒担.... 就會覺得雲吞比較普通....但個手拉麵絕對係正既, 淥得剛好, 麵唔會好淋, 少少煙un, 滑身唔痴牙, 條條麵都好均勻~ 好好食~ 個担担湯微微辣, 花生醬味唔算重, 配埋d冬菜(定榨菜?)多一重口感, 食落個味好豐富, 係濃湯但又唔好膩~ 好正呀~~ 可惜今次兩個人, 而且唔夠餓, 老公話小龍包都係正既, 皮薄灌滿湯, 下次一定要食~!服務:一句到尾~ 快! 落單上菜都極有效率~ 雖然人多, 待應姐姐都係好友善既安排

叫左2人餐，4個餸前菜，涼拌前菜，雞絲粉皮🐓：🐓雞絲同🥒青瓜比例大約7:3，麻醬幾好味，粉皮都okay䓤爆羊肉🐑：呢啲天氣食羊肉就補啦😍，一上菜係幾香既啲鍋氣，不過就洋蔥🥗太多，同埋比較多油，羊肉就比較迷你小籠包🍞，2人餐有5個幾抵，不過啲皮比較厚左啲，肉的口感都okay, 湯就唔算太油，都接受既蝦米津白：蝦米好少，味道同平時食開個啲一樣，冇乜特別總括黎講，新蒲崗雖然係舊區，但出名既唔算多，呢間2人餐$178黎講，性價比都okay

偶爾遊遊新蒲崗點都要搵地方開餐🍽🍽呢間舖面細細 好易行過都唔知😅😅店舖座位亦不算多 好容易客滿😵叫左個套餐蝦米津白 無特別驚喜普通水準雞絲粉皮 麻醬好香 粉皮做到薄同滑 👏🏻👏🏻再來上籠包皮算厚 好明顯係人手制 唔係買即叫即制 等左一段時間但肉餡確實鮮味 肉汁濃而鮮甜👍🏻👍🏻但略嫌皮真的厚左d😢值得改善呢個真心推薦👍🏻👍🏻羊肉薄 但味濃調味好野味但整體菜式不會太油膩👏🏻👏🏻附餐包2碗白飯🍚🍚及2杯菜蜜餐廳價錢貼地小區絕對有驚喜🎉🎉

朋友同我講過幾次呢間小籠包好好食 講左咁耐終於都帶我去朋友食過幾次話夜啲會多人 當日我地去到7pm等左10mins到啦 下一枱到你既時候職員已經幫你落定order 咁就好快有得食啦 加分本身我想試下朋友介紹既豆沙窩餅 可惜咁岩賣晒 下次我要早啲黎試下黎到呢間舖人人都叫小籠包 我地當然都唔例外 即叫即蒸 上到枱仲係熱辣辣我同朋友叫佢做大籠包因為佢既size真係好大😱佢個頂相對較厚 不過就方便大家夾 一食落去就feel到有好多肉汁出黎 好滿足呀羊肉搶湯拉麵 $48麵條係由師傅手拉 ，很有咬口相當好吃!羊肉係薄切既，食落去唔會話好濃味，羊肉麵冬天食就岩晒啦！雞絲粉皮青瓜切得夠幼細,加埋雞絲同粉皮 做前菜就岩晒啦！

黎新蒲光 冇食過e 間小籠包唔好話黎過新蒲崗晚上930都坐滿人 仲要排隊地頭蟲朋友帶我來食 多謝佢啦門面外就見到師父用心拉麵好吸引入到去是小店小枱 都有卡位與幾個知己家人來食fit 晒唔洗講一定要叫小籠包啦大大粒 juicy 正過 x 太豐啦酸辣雲吞 d 雲吞又係好大粒好足料酸辣不太酸我唔食辣覺得辣 食辣朋友應該鐘意豬頸肉担担拉麵 d 麵超煙刃雞絲粉皮 d 粉超滑樣樣都咁好食 點算？？？下次一定再encore叫埋屋企人黎試其他野 yeah

今日去新蒲崗探朋友，探完朋友之後問佢新蒲崗有咩好食，佢就提議新蒲崗有一間好出色嘅拉麵小店，強列建議我去試擔擔麵，話非常非常惹味 ，佢講到咁好我當然要去睇下係咪真係咁好食啦。一日到舖頭門外，佢門外有一個玻璃可以睇到個廚師喺度整麵，或者包小籠包，我地今次非繁忙時間，唔使等位，入到去發現鋪頭都係一般小店咁嘅裝修模式。（如果繁忙時間記得早d去，因會好多人）。 好難入正題，呢次我點咗一個豬扒擔擔麵，叫完等一陣就會上枱，未食之前照舊呷一啖嗰個湯 ，花生味唔係好濃帶微辣，豬扒都幾大舊，份量足夠，當食面嘅時候你會發覺啲麵有粗有幼，，證明佢係現場手拉，唔係機器做嘅。總括嚟講，豬扒好食，個湯好味，個麵夠彈牙。 唯獨好似鹹咗少少，如果大家有時間去開新蒲崗記得試下幫襯呢一間小店啦。

FIF都係新蒲崗出沒多，今日聽同事講附近有間手拉面幾出名，所以今日LUNCH就去試吓！去到門口見到師傅隔住玻璃窗係到拉粉團，聽講呢到既面全部都係手拉，所以先叫手拉面！一埸黎到當然要食拉面啦！我不嬲都鐘意食坦坦面既，所以今次就試一試「雞扒坦坦面」！嘩！一上台已經聞到好香啊！簡仲下碗面先，佢有一個面底，有芽菜仲有一塊雞扒。雞扒係炸過既，但又唔係炸到好似吉列咁，外皮少少香脆，但肉保持嫩滑，唔錯！而湯底都幾有花生味，仲有少少微辣，好開胃！重頭戲黎啦，就係面底，FIF細心睇，原來佢每條面大細都唔一樣，所以真係手拉嫁！食落去都好有口感！絕對可以黎多幾次！不過最可惜係面有D少啦～唔係好夠飽。見到其他客人都有點小籠包，如果有機會既話，一定會再叫面加小籠包！環境方面，因為始終係小店，同普通茶餐廳差唔多。每一個客人都會有一杯茶，落完單都好快有得食！總結黎講，手拉面係一個食lunch既好選擇！

又黎食都出名既小店，我都真係幾鍾意鋪仔細細，出面櫥窗會見到有個師父係到不停手拉緊d麵坐低叫番碗出名既，羊肉搶湯拉麵，個湯認真唔識食有乜，但好濃幾好味，羊肉當然唔騷，加上手拉麵，都真係幾ok因為我食緊既時候，我對面有位佰佰，飲緊大啤食緊碟抄麵，我見到覺得好和味，所以決定第二日我再黎食當然第二日就叫碟蔥爆牛肉拉麵，不過叫可樂🙈日頭飲啤酒件事太麻甩，黎到嗅落其實幾似干抄牛河，但食落個醬油味係唔同d，加上手拉麵口感，真係ok,果然配大啤係個好選擇之後我見到前面有人叫左小籠包，同雲吞麵，兩樣野都半個拳頭大，好想試下，俾錢埋單個陣，咁岩見到碟豆沙鍋餅岩岩炸起，又好想試😂一條友試唔到咁多野

雖說以往去過這間小舖，其實起初剛剛進去，不太認得小店的裝修，因為確實非常不同，好像新簇了很多，裝修雖然沒有以往那麼舊式，但是其實餐牌和外面的門面也還是差不多。上次吃過的羊肉搶湯拉麵，今次還是有點，有點羊羶香，湯非常熱，羊肉不算太多，拉麵份量反而不太少，但是友人表示有點兒失望，因為在外面看到的時候，以為拉麵應該會彈性正常，甚至極硬極彈。怎料到，原來羊肉搶湯拉麵，拉麵比較林，因此有點兒失望。反而我的京蔥炒羊肉炒拉麵，比較吸引，因為拉麵份量也不少，而且彈力非常強勁，彈性很強，不算太鹹，味道剛剛好。剛炒出來。鑊氣夠盛，味道剛好不太咸。最出色的就是小籠包，果然，枱枱都叫小籠包，真是非常出色。雖然叫做小籠包，但實質像中式湯包那般。大大個小籠包，蘊含豐富湯汁，咬開一個孔，可以喝到香味濃郁的湯汁，然後再慢慢吃肉及外皮，幾口盡是汁，一流。小店仍然非常少，擠迫非常，有三張圓枱，四張卡位，所以如果在晚餐七時許、八時，定必非常多人。

今次係九龍城廣場行街，行完又唔想食泰國野🇹🇭，咁就去左新蒲崗食野啦。上網睇睇openrice食評，發現e間餐廳好似唔錯咁，咁就黎左e度食野啦😂😂。今次就食左小籠包，沙嗲肥牛湯麵同雞扒湯麵。1. 小籠包小籠包皮厚度岩岩好，唔會一篤就穿。肉同湯既比例岩岩好，豬肉都好香👍，唔錯。2. 沙嗲肥牛湯麵E個湯麵🍜有小小辣，唔算話好辣🌶。最特別係拉麵真係人手拉，好彈牙，粗幼適中，拉麵值得一讚👍👍。肥牛就正常邊爐肥牛，唔算太特別。3. 雞扒湯麵E個湯麵湯底好似日式拉麵豬骨湯底，唔算好濃，幾清淡👍。雞扒煎得幾香，都算唔錯。人手拉麵就同上面描述一樣。餐廳比較細，類似普通茶記。拉麵🍜同小籠包值得推介。

黎到手拉麵小廚，小籠包就一定會叫嫁啦，嚴格黎講呢個應該叫小籠湯包點解？因為一上菜，就會見到五個扁身既小籠湯， D 湯充滿曬係個小籠包入起，一夾起d湯就會係入面就會浪下浪下。食之前咬個細口，然後倒番D湯落個匙更到飲，咁就可以一滴不漏咁品嘗曬所有湯汁之後叫左個豬排手拉麵，炸豬排好味，手拉麵彈牙有口感，個湯仲要好多配料，又唔會好重麻醬味，做到個味道好特別，唔係其他鋪既湯粉湯，好惹味成個配搭唔係好多地方食得到之後大小姐叫果個蔥爆牛肉炒手拉麵都到左，手拉麵炒落無一舊舊，條條分明，但係食落就咸左D同油感重，食開輕口味既人要注意下

雖然新蒲崗唔係熱門行街地方，但其實好多飲食小店，仲好有驚喜！因為行過附近見到門口有人即席拉麵，見到門面又乾乾淨淨，所以先試下。小店裝修梗係簡約 d,，不過就都乾乾淨淨。餐牌選擇有麵有飯，有小菜，有小籠包。難得我呢個鐘意食羊既人遇到有羊既菜式，所以唔駛考慮叫左碗羊肉手拉麵。等既期間，店內都見到師傅整梗。熱辣辣已經增加唔少食慾。等左一陣，終於都見到喇~~本身我就好鐘意食殿粉質既。呢碗手拉麵唔會太粗太幼。剛剛好，掛住充滿羊味既湯汁。Delicious ~~香港人咁鐘意食日本拉麵，其實本地都有唔少出色既代表。希望大家都支持下本地小店，一樣咁出色架！