手拉麵小廚

營業中

休息中

住附近地膽極力推介既麵店，冇介紹錯！招牌小籠包 $40/5隻，性比價高，皮薄爆汁，抵食！點醋食，提鮮之餘又冇甘膩。豬頸肉擔擔湯拉麵，湯底濃厚，豐富花生麻醬，極為香口，麵質彈牙，豬頸肉燒得乾得黎又吾柴，爽口惹味，仲要份量多！

趁住今日放假男朋友又帶我出城食好西今次就帶到我黎鑽石山附近既新蒲崗男朋友話呢間係該區都算性價比高既餐廳我地去到既時候咁岩撞正放lunch時間所以都要等一陣先有位好期待呢！係時緊位既時候一於就把握時間諗下食咩好喇小籠包基本上每個人都會點我地都唔執輸！樣子比起平時食開既圓好得意皮薄但餡就比較鬆散但都算係好味而我就決定食擔擔麵配雲呑！雲呑好大粒餡都唔少！麵粗幼軟硬適中 雲吞都好大粒所以都幾飽肚最後啲麵都食唔哂男朋友就點左呢個三絲冷麵味道都唔錯 好惹味青瓜都算新鮮總括而言性價比真係唔錯價錢唔貴 份量多 味道亦唔錯唔怪之得會係得獎食店

曾經有一段時間喺上海公幹，收工後都會同同事周圍去覓食！我地都係小籠包fans，試過連續幾晚都係食小籠包做晚餐，試過好多唔同店舖嘅小籠包，大湯包都試左好多。雖然稱唔上係小籠包嘅expert，但應該都算半個小籠包知心食家！.呢度既小籠包，大大粒，又多湯，價錢亦好抵！皮唔會太厚，飲完啲湯汁唔會口渴。其他野食都好唔錯！呢晚食左小籠包、雞絲粉皮、醉雞同雞扒擔擔麵，個人認為醉雞一般，其他嗰幾樣就會想以後再覆桌。

新蒲崗嘅一間小店，佢嘅門口唔係好吸引但係就會覺得係一啲好傳統嘅老店，而且望入去都好多人喺度食，所以都特登入去試一試。特別推薦嘅就係佢呢一個小籠包，一個一個蒸完出嚟非常之肥嘟嘟，夾起嚟嘅時候雖然好驚佢爛，但係食晒成籠都冇呢一個問題出現，而且入邊嘅湯汁真係非常之多，肉亦都好新鮮，好嫩，感覺上比上海食嘅小籠包更加好味，而且個價錢完全唔貴。另外佢呢一度做嘅擔擔麵比起出面都唔同，佢除有麻香之外仲會有醋香，酸酸地好特別。

相隔差不多一年，想念呢度既小籠包於是又散步黎到新蒲崗黎會一會面，2個人叫左4樣野，飽到傻，每人都只係食左80蚊度雞絲粉皮~好濃既花生醬味，配上雞絲，青瓜絲，粉皮，汁夠份量好足夠，每啖食落都有濃厚既花生醬味，粉皮好滑，留意此店既雞絲粉皮味道有點甜甜的，作冷盤確實不錯小籠包~一共有5件，之前介紹過，呢度既小籠包係肉碎多，好爆汁，夾既時候小心d...唔好浪費d汁，仲一定要趁熱食豬扒拉麵~拉麵係門口位見到師傅即制，每條都好長，夾唔斷，好有麵味，口感亦都唔錯，每次黎都習慣叫1碗拉麵，食得出師傅既巧手後加既菜肉雲吞~用白菜仔配上豬肉，相比其他菜式有點普通，而且皮有點厚，一碗都有8粒，大大粒

早前見到雜誌介紹，和「開飯」網友的食評後，便一直很想來試。今日終於專程去新蒲崗，試試馳名的招牌小籠包。我揀了午飯後的非繁忙時間，以免要排隊。店內座位不多，難怪食客多時要等候了。我只點了一客小籠包，因不喜歡吃羊，加上只有一個人，故沒再叫店中另一熱賣食品羊肉拉麵。我喜歡吃多汁液的小籠包，但不著重外皮是否夠薄。因為如果汁多而皮薄的話，夾來吃時，外皮很難不穿的。那麼吃時不單只狼狽，更失去了原汁原味的滋味。這裏的小籠包，做得正合我意。一籠有五隻，是名符其實的「包」，因為體積較大，底部直徑接近6cm。透過外皮，也看到每隻包的底部，都浸著黃金的汁液，行內稱為「豬皮凍」。雖然這個小籠包的外皮稍厚，但我用筷子夾起時，外皮仍然穿了，汁液滲湧出來。為免浪費了精華，我馬上用湯匙盛著汁液，並試了味道。濃稠的肉汁，油潤而不肥膩，極之美味。雜誌介紹，這裏的「豬皮凍」是用老雞、雞腳、豬皮、豬骨等熬成。別處的小籠包，即使體積較細小，但吃兩隻，已覺得相當膩滯。但在這裏，我整籠五隻都啃掉，沒有點醋來吃，也沒有濃膩的感覺。也許是整個包的用料，比例都恰到好處，過量則會膩。稍嫌不足的是，小籠包的豬肉餡較為鬆散，不必咀嚼，已在口腔

好好味😍😍小籠包又大隻又多汁我地叫左個二人餐$188有雞絲粉皮 回鍋牛肉 小籠包 蝦米津白 兩碗拉麵or白飯 兩杯凍or熱菜蜜 甜度岩岩好 岩我平時飲少甜既😍抵到爛 男朋友平時大食都話飽下次可以試下散叫😋😋

侍應態度惡劣要你坐那裡就坐那裡。晚上8時左右來到這間上海館食上海菜。(當時人不多）去到坐下圓枱，後來卡位有人走，我同個仔轉去坐卡位（因為一人一個大背囊）每人坐一邊，嗰時應走埋嚟同我講：我地兩個人坐埋同一邊。（我見館內所有坐卡位的人全部人都係一人坐一邊卡位）我同侍應講如果有人客黎我哋先坐埋一齊啦，佢叫我們現在坐在同一邊卡位。我跟她說兩遍，侍應還在唸唸有詞。其他人就可以一人坐一邊，我為何不可以加上我跟她說有客我就坐埋一邊。還比面色我看，我就即時閙佢，跟著就走。今時今日在新蒲崗大把美食，還要食飯受氣！你厨房整得幾好食，樓面在趕客。咁嘅服務態度仲有人會幫襯

新蒲崗美食臨立，臥虎藏龍，這裡是舊區，小店內有高手，此手拉麵是也。店內只有廿個位子，搵食者一看餐廳門前排了滿滿的人就知。店內有一窗，可以看到老師傅親手製作拉麵及包皮過程，一差一拉，看到工架精微。點了擔擔麵及小籠包，來到一定要吃它的手工麵，老師傅手工製作真的不同，非常彈牙，好回味。小籠湯包亦是必吃，肉不多但爆湯不絕，湯香而濃，真心好吃！老闆娘人很好，看我們帶個小孩，雖然外面排大隊，也安排卡位讓我們坐得舒服，有人情味的店子！

今日同花先生黎新蒲崗，竟然唔係食魚蛋粉，值得一記！當時已經係下午兩點多，係魚蛋粉附近有間小店有幾個人排隊，羊群心理下去睇睇。見只係等兩張枱就等下啦。都算幾多選擇小籠包，五大隻，皮唔算薄，但有勁多湯，唔錯！羊肉搶湯拉麵，幾特別，羊肉軟淋，少少羊羶味，可以接受，拉麵正常。酸辣湯拉麵，等左好耐，我食完碗羊肉拉麵都未有。花先生仲話無乜特別，好普通，大打折扣！羊肉搶湯拉麵值得一試，係我既新嘗試。花先生話唔會再黎

《尋味新蒲崗》出得黎食，預咗要還！禽晚又去新蒲崗打泰搼🥊🥊🥊還quota,還完梗係食返啦！隨便走入洐慶街，搵到呢間#手拉麵 「手」字行頭，梗係自家手作！冇錯！師傅就係玻璃後面表演拉麵俾你睇。我地叫咗個二人餐$188，已經包：雞絲粉皮🐔 - 雞絲唔鞋，青瓜清爽。小籠包 - 粒粒脹卜卜，充滿湯汁，係湯汁，感覺好肉上海既湯包小籠包混合版。回鍋牛肉🐮 - 呢個有d多油，豆乾最好味。蝦米🦐津白 - 份量都ok，我地叫咗走蝦米。😝仲包兩個飯🍚/拉麵🍜、兩杯菜蜜再加多個手作菜肉雲吞$40/8粒，大大粒，菜同肉好balance! 埋單每人$60，都算抵食，可以翻兜！👍🏻請keep住留意 食玩焗煮遊世界 *㩒埋like&follow,可以即時收到新post通知。#食玩焗煮遊世界 #尋味新蒲崗 #手拉麵小廚

今日放假 專登周圍搵好野食我係晚飯時間過去超級無敵多人入面座位有限 地方不算太大不過好彩等得唔算耐好快就可以入座了小籠包一定係必點 我自己都可一食哂一咁多大推必食喔！入面仲要超級多汁 美味而雞絲粉皮好好滑好正 yummy雞肉都好大大條架加埋d青瓜一齊食 Wow 超級搭架真係我地其實仲叫左d面食架。。不過我格離個個太肚餓 俾佢一黎就搶左去食 影唔到相超級用心既小店 真係值得俾個like你啊一定會番轉頭繼續幫襯你地架 good

好難得做野過晒lunch time，聽之前介紹呢間野嘅上海野好味，就膽粗粗一個人來試下。舖頭細細，行過都唔覺眼，推門入去，下午兩點七、八都坐行晒，坐位唔多，廿個都爆，好彩自己一個，搭枱就ok！睇到餐牌，見到個羊字就興奮，就叫左碗羊肉搶湯拉麵。但當日我朋友係介紹餃子俾我，但我睇極都無，亦唔係吸引，我坐左半個鐘之後，終於都記得出名係小寵包，人人都叫，隔離枱四個女仔，一人一籠，勁！等我下次都要試下！講番我個麵，賣相已經好吸引，又熱辣辣，羊湯好濃郁，係有so味，食羊重點係要有so味，少少「un」係可以接受，因為配埋椰菜絲，中和濃郁so味，正！加上D麵軟硬適中，入晒味（唔係即叫即上枱，係真係等佢係廚房拎出來），麵條一咬就斷，加埋D湯入口，簡直係完美！我相信會係不久將來，再去試番佢個小籠包，一定係好好味！走時，有對情侶都走，佢地都只係叫左兩籠小籠包，食完就走，我絕對相信係正野！

曾幾何時，朋友帶我來光臨過這裡的小籠包+擔擔麵再次光臨，已經事隔數月雞絲粉皮@食極都唔厭的涼拌小菜，加了芝麻醬，簡直是必勝組合，食到唔停得口！又消暑又開胃擔擔麵@唔好俾鮮紅佢外表呃到你，湯底只屬輕辣，而且食落唔會有一陣油膜咁，所以麵質食落更清爽彈牙粗少少幼少少唔係重點，重點係麵質軟滑彈牙而且吸收了湯底味道小籠包@不停冒著熱氣，讓人也不免好奇入口的滋味如何？夾起不易爛，個皮做得幾好。湯汁雖不太多，但入口都感覺到肉同湯比例剛好，令肉餡更濕潤。另外加分位係因為個湯汁好濃肉香

呢間野已經黎過幾次，每次都淨係食羊肉搶湯拉麵，見到隔離枱嗌成幾樣餸好羨慕。難得最近鬆動左，就忍唔着要黎試佢其他嘢食！我地兩個人嗌左羊肉搶湯拉麵、招牌小籠包（5隻）、蝦米津白、上海炒年糕🍜羊肉搶湯拉麵就係不嬲都咁鍾意食嘅，首先佢個湯好正，好重羊肉味得黎又唔酥，啲拉麵條條都粗幼唔一樣，係人手拉出嚟嘅，全部都好煙韌。入面仲有啲羊肉同一啲配菜，啲羊肉就有時比較酥。我哋兩個人share嚟食，所以侍應都有幫我地將啲麵剪開兩份🍙招牌小籠包（5隻），啲皮好薄，隻隻都超大隻而且好多肉湯，個包有啲難夾，我哋要用筷子慢慢推佢上匙羹先食到🍲蝦米津白就比較普通，蝦米既味覺得可以再濃啲🥘上海炒年糕啲年糕唔係好煙韌，但全部都好黏有啲痴牙，嗰醬汁濃度適中唔會過咸兩個人食呢四碟菜都好飽，可能將其中一個麵食轉做其他小食會好啲。餐廳雖然唔近任何地鐵站，不過揸車人士都可以喺外面泊街。總括來講餐廳嘅性價比好高，適合任何人士黎食！