手拉麵小廚

營業中

休息中

優質嘅小籠包，要做到以下幾點：1. 足料餡靚夠大粒同多汁2. 皮要鎖得住裡面嘅湯汁，唔會一夾就散，但又不能太厚，否則有礙口感香港唔係好多賣小籠包嘅地方做得到以上要點，但呢度做到了。呢度嘅小籠包應該係我食過最大粒嘅，要夾起唔爛唔散唔漏汁幾乎冇難度。一籠五大粒，我有時單拖嚟到就咁叫一客就當一餐，很飽滿。同朋友嚟就會每人叫個拉麵，再分一客小籠包。呢度嘅拉麵係現場手拉，非常有咬口，又係高質之作。真係抵佢每晚都食客滿座。