慢理牆城

營業中

休息中

今晚來到 慢理牆城 食晚餐，間店在油麻地地鐵站附近，喺一間小型酒店內上到嚟嘅感覺都幾驚喜，係間有格調嘅餐廳，以可愛嘅動物以及森林作為主題餐牌內部分菜式及飲品名都很有趣我哋嗌左三項食物車厘茄柚子果凍無花果沙律配肉桂蜜糖黑醋汁 $108在西式沙律菜加入果凍好特別，果凍有柚子嘅清甜，而沙律醋特別有蘋果香氣，比較濃稠沙律菜都幾新鮮，小蕃茄多汁，仲有煙煙韌韌嘅無花果乾，係一個充滿果香嘅沙律牛油果忌廉蟹肉意大利飯 $198意大利飯煮得啱啱好，將牛油果片、濃郁忌廉及蟹肉混合，三者是非常之好嘅配搭蟹肉分量幾多，有鹹鮮嘅感覺，配合埋啱啱熟嘅牛油果，再加一口忌廉汁意大利飯，滿滿的幸福感在森林和原野 （Semifreddo al caffe & green tea crumble） $148賣相非常精美！好可愛嘅設計，唔捨得食，咖啡味香濃，配合埋綠茶脆脆，味道不錯整體來講，呢度係一個都幾適合朋友聚會嘅地方，特別係女孩子應該很喜歡這裏的裝修擺設😊

一直都想試下呢間環境悠閒既cafe，上Openrice見有訂座有正價餐牌折扣優惠就決定去食個下午茶。今次試咗佢哋嘅全日早餐，環境真係幾特別，下午三點陽光透過玻璃窗，全店又滿滿植物擺設，仲有唔少店主搜羅既模型同精品可以打卡，感覺有啲玩味但又幾chill。 食物方面好足料，一次過食到焗啡菇，煙三文魚沙律，熱焫焫炒蛋，煙肉同香腸夠juicy，焗豆同烤番茄中和咗油膩感，配埋香甜酥脆既丹麥多士真係好有滿足感。cafe staff會提供檸檬蝶豆花水，味道清香，飲落幾解膩。 另外值得一提係佢哋嘅桂花Latte，杯面鋪滿細細嘅桂花花瓣，散發陣陣幽香，飲落滑順帶桂花香甜，成個體驗令人滿意。 如果你鍾意悠閒慢活feel，又想食返個豐富全日早餐，值得一試！ 一直都想试下呢间环境悠闲既cafe，上Openrice见有订座有正价餐牌折扣优惠就决定去食个下午茶。 今次试咗佢哋嘅全日早餐，环境真系几特别，下午三点阳光透过玻璃窗，全店又满满植物摆设，仲有唔少店主搜罗既模型同精品可以打卡，感觉有啲玩味但又几chill。 食物方面好足料，一次过食到焗啡菇，烟三文鱼沙律，热焫焫炒蛋，烟肉同香肠够juicy，焗豆同

餐廳係喺酒店嘅一樓 鄰近地鐵小食拼盤, 兩個人嗌咗個細嘅但原來份量一啲都唔使有一座薯條山 薯條 有分普通嘅薯仔薯條同埋 番薯條番薯條好長 兩個都係熱辣辣炸出嚟嘅跟住就有兩大隻雞翼 都炸得好脆兩條煎得靚靚嘅腸仲有啲芝士波波 同埋洋蔥圈跟住就嗌 main 菠菜煙三文魚飯 成個飯真係綠色嘅夾雜着忌廉同埋菠菜 口感幾好，而且健康嗌咗煙三文魚 上邊有四大塊煙三文魚同啲飯好夾然後仲叫咗杯嘢飲竹炭黑芝麻豆腐奶昔黑芝麻有營養 再加埋豆腐嘅香味成杯都好順滑

以森林為主題的餐廳，配搭原木及綠色做主調，讓食客猶如置身於石屎森林中的一片綠洲。餐廳內的佈置令人賞心悅目，店內各個角落也有不錯的打卡位。扁意粉賣相吸引，配明太子忌廉汁，口感好creamy，意粉掛汁Al dente，頂層有大量新鮮蟹肉，啖啖鮮味十足。意大利飯每粒都沾滿南瓜汁，非常清甜，帶子煎香，外脆內軟，肉質鮮嫩，整體味道豐富，口感猶如奶油一般濃郁。雞翼好大隻，熱辣辣炸得香脆，甜甜辣辣好惹味，雞肉嫩滑夠Juicy。

位於M1酒店1樓竟然有間充滿特色嘅cafe，擺設特別又有心思，無論打卡定傾計都好適合嚟呢度。而且仲有無限蝶豆花水供應🤣叫左個明太子蟹肉扁意粉，一上枱就覺得好震撼！因為份量唔少，望落好吸引。雖然個扁意粉唔算勁彈牙，但明太子醬creamy得嚟又唔會覺得膩，仲有粒粒蟹籽爆開嘅口感，加埋少少芝士，層次感即刻提升！仲有個蟹肉份量係唔少，鮮甜唔腥。另外叫左個牆城豪華早餐，有焗吞拿魚大啡菇，煙三文魚，德國豬肉腸，煙肉，炒滑蛋，蕃茄，脆薯餅，茄汁焗豆同丹麥多士。焗吞拿魚大啡菇好juicy，煙三文魚幾鮮美，不過煙肉無煎到好脆身，口感爭啲。要讚下個蕃茄好甜好好食，成個all day breakfast份量好夠飽。伯爵茶拿鐵茶味香濃，甜度剛好，拉花仲好IGable！而Mocha嘅朱古力香濃但無蓋過咖啡，同樣有拉花🫶🏻呢間cafe的確係幾高質👍🏼 而且啲staff非常nice，係會想再encore的！✨

今次去了油麻地一間森林系Cafe，整間餐廳綠意盎然，佈置充滿大自然氣息，環境舒適又有氣氛，令人放鬆。餐點方面，份量十足，味道高質。員工態度亦非常主動熱情，提供愉快的用餐體驗。慢落豬 (慢煮西班牙冰花酸梅黑毛豬串燒配甜蕃薯條)黑毛豬選用西班牙冰花豬，慢煮後肉質嫩滑，鎖住肉汁，入口帶有油脂甘香，咬落柔軟且不膩。酸梅醬為這道菜增添了微酸果香，與豬肉的油脂互相平衡，味道富有層次感。旁邊的甜蕃薯條炸得外脆內軟及甜味，整體搭配相當出色。墨西哥香辣海鮮扁意粉 這道意粉的醬汁非常濃郁，帶有墨西哥風味的香辣及帶點酸味，與海鮮的鮮味互相輝映。海鮮部分非常足料，包含鮮蝦、青口等，海鮮亦鮮甜。扁意粉的掛汁能力極強，口感煙韌，每一口都充滿濃郁醬汁，十分惹味。

呢一間Cafe已經bookmark左好耐，今日終於約到朋友去試。一坐低侍應就會遞上蝶豆花檸檬水，顏色藍藍地色好靚，其實飲落去好似普通檸檬水咁樣嘅。呢度啲餐牌菜名玩味十足，好彩隔離都會show翻係咩菜式嚟。慢落豬(慢煮西班牙冰花酸梅黑毛豬串燒配甜番薯條)($288): 有三串黑毛豬串燒，每吋有四大塊，上菜嘅時候都幾驚喜。黑毛豬燒得外脆內軟，食到入面肥膏唔算好多，而且都幾香，同瘦肉一齊啱啱好balance到，而且配上冰花孫煤漿可以減去油膩感。番薯條就正正常常，上菜嘅時候已經配上茄汁，兩者份量都唔算少㗎。泡菜煙肉扁意粉($158): 上菜同樣好精緻，本身以為會係有好多泡菜，但係食落去嘅感覺就似泡菜醬多一啲，泡菜份量唔算好多不過煙肉沉底，食到最尾先發現其實有好多煙肉同埋蘑菇嘅。就算唔食得辣嘅，呢一個都可以食到嘅。總結：呢一間餐廳坐得好舒服，而且佈置好精美，見到中間嘅枱面會有唔同嘅公仔可以坐喺度陪你，相信女仔會幾鍾意嘅。

🏖️環境／設施：呢間餐廳從門口， 到內部裝修都好營造到令人置身於森林嘅感覺，成間餐廳有好多綠油油嘅設計，亦有好多唔同嘅動物擺設，睇得出是精心設計嗰一間餐廳。 🍝食物方面： 當日就order 左個二人餐， 再加多左一款主食。當中包括：小食拼盤、（粉紅）明太子蟹肉意大利粉、 燒春雞、和（淺綠）牛油果蟹肉意大利飯。 呢間餐廳有一個特點粉面飯類是用顏色黎區分😂😂每樣主色隔離都有隻色。當中最推薦個燒春雞配黑松露薯蓉，因為燒春雞外脆內肉汁鮮嫩，一切開是看到有雞油的，好juicy。💞推薦原因：全隻上3個人食都綽綽有餘，在味道上恰到好處， 唔會太鹹，但又做到入味既效果，讚👍🏻另一個樣我好中意既係小食拼盤🍟🧀，因為呢間餐廳嘅小食拼盤好豐富，有薯條、蕃薯條、水牛芝士條、芝士粒、水牛城雞翼和香腸，小份都咁豐富嘅份量，食到好滿足。最後推薦明太子蟹肉意大利粉🍝💞推薦原因：份量真係好多，不但指意大利粉既量，還指蟹肉既份量，堆到成座山咁高😂🥹🥹🥹，味道明太子唔會好鹹，好岩我口味，呢間餐廳意大利面係選用左扁意粉🍝，令到每一啖都有滿滿既明太子和蟹肉。因為當日係去慶祝生日，所以餐廳都特意幫我哋安排咗華同埋送上一個生日頭箍俾

今日同朋友慶祝生日🥳，朋友好鍾意呢一間餐廳嘅環境，所以約咗同佢慶祝。我哋叫咗牛油果水牛芝士蕃茄波波沙律配蜜糖柚子醋作為前菜，呢度菜做前菜真係好啱。牛油果🥑口感香滑，水牛芝士味道濃郁，蕃茄又新鮮，食落去有層次感。蜜糖柚子醋嘅酸甜味幫助開胃，食完後肚子唔會重，正好為後面的主菜做準備。整碟沙律輕盈清新，作為開胃菜都幾好。主菜我哋叫咗一碟明太子蟹肉蟹籽意粉。意粉夠滑，仲吸咗明太子醬嘅香，帶少少辣味。蟹肉新鮮，蟹籽有咸香味，整體食落去好和諧，真係簡單又好味，食過一次又想再食😋另外我哋仲叫咗一碟小食-美式甜辣香脆雞翼，雞翼處理得好好👍🏻外皮炸得金黃脆口，肉質柔嫩。甜辣醬汁味道平衡，帶點甜味同少少辣感，又唔會太重，非常適合配埋飲品。無論係聚會或者當小食，都係一個唔錯嘅選擇。

裝修好可愛，仲有好多擺設比人打卡～食物算好食，個慢豬雖然咸左小小，但都好抵讚，西餐黎講散叫2人食左460（訂坐7折），都合理～服務都好好，杯水飲極都有人湛，服務員埋台都會講聲問聲，唔會嚇親你☺️

餐廳係一間酒店入面，唔睇OpenRice都唔知！木系裝修為主，有details，都好有氣氛～🎶蝶豆花檸檬水黑毛豬串燒🍖超級大既一盤，豬肉好淋好入味，好香，中間到啲椒係到中和口感。仲要係大大舊肉既串燒😂，適合多人分享～ 薯條仲要係蕃薯條👍牛油果蟹肉意粉🍝份量誠意滿滿，自己搞拌後食～ 味道不錯，整體配搭好飽肚竹炭黑芝麻豆腐奶昔🖤有豆腐既口感，飲落都唔錯最後只係叫左以上既食物，兩個人都食唔曬！!

朋友帶我嚟呢間森森系cafe，環境、食物同服務都唔錯明太子蟹肉扁意粉 - 一大球一絲絲嘅蟹肉，上面有滿滿嘅蟹子，一層芝士，濃稠嘅明太子醬汁，配以有咬口嘅扁意粉，味道同口感好豐富好有層次紅菜頭大蝦意大利飯 - 兩大隻爽口彈牙大蝦，紅菜頭意大利飯又健康又有創意，賣相吸引，份量十足羽衣甘藍牛油果芒果沙冰 - 好特別嘅口味，羽衣甘藍、牛油果同芒果嘅味道一層一層，清新清甜，仲有碎冰口感蝶豆花檸檬水 - 提供又靚又清甜嘅蝶豆花檸檬水，值得一讚餐牌提供嘅選擇又多又特別，睇菜名都覺得吸引裝修同佈置都好有心思，有森林感覺之餘仲有好多唔同嘅卡通擺設，整體乾淨明亮，用色豐富，餐具都好精美，喺度食嘢有種有放鬆嘅感覺，值得推介

油麻地酒店內餐廳，超近近地鐵站呢間餐廳喺油麻地一間酒店入面，地鐵站行幾步就到。價錢唔算太貴，整體感覺幾正，值得同朋友嚟打卡～  有d超得意既公仔。芝士焗黑松露薯蓉大啡菇 - $98上枱仲係熱，大啡菇焗到啱啱好，外面芝士係脆，配埋入面嘅薯蓉Creamy到不得了，有兩個一人一件。美式甜辣香脆雞翼（4隻）- $68  呢個真係平靚正！雞翼外層炸得超香脆，咬落脆卜卜嘅快感，甜辣汁啱啱好唔會太濃，食完仲忍唔住想再order多份。明太子蟹肉扁意粉 - $178呢個好滿足！明太子香濃蟹肉都唔係嗰啲假蟹柳，好creamy 但食到最後都唔會覺得膩。青瓜咖啡 - $50  青瓜+咖啡咩玩法？！但試完之後，竟然有驚喜！青瓜味唔會搶晒咖啡味，反而有種清爽嘅感覺，飲落好特別，但未必係每個人啱口味，但我超推薦。士多啤梨接骨木花乳酸梳打 $58 成杯粉嫩粉嫩好靚女，飲落酸酸甜甜，好清新，士多啤梨同接骨木花味道平衡得唔錯。

今次去咗油麻地一間西餐廳食dinner餐廳唔算好大，但係裝修上真係用咗心思😀風格可愛而清新🐻，非常適合打卡食嘢😍餐廳位置喺M1酒店1樓，環境舒適叫咗兩樣嘢食，每一道餸都非常大，好抵食🔸 黑毛豬串燒侍應拎食物黎既時候，第一個感覺就係非常大份😱串燒用上黑毛豬，肉質鮮嫩多汁👍🏻搭配甜薯仔薯條，薯條外脆內軟，味道一流黑醋沙律好refreshing🥗平衡咗整個餐點既味道🔸 明太子蟹肉意粉🦀呢個意粉真係唔可以錯過！明太子味道濃郁🤤🤤蟹肉新鮮，份量又多，意粉煮得剛剛好，口感滑溜，真係好滿足！總結:👉🏻值得推介嘅西餐廳，無論係環境、食物定服務都令人滿意👉🏻每一道餸都係大份量，價錢又合理，值得一試！

「慢理牆城」位於油麻地砵蘭街28號M1酒店一樓，雖然叫酒店餐廳，但其實佢嘅裝修更似一間Cafe，感覺好chill~環境係行大自然greenery, 整體氛圍輕鬆舒適，適合朋友聚會或者情侶約會~叫咗佢哋嘅明太子蟹肉意粉，真係好正！意粉嘅質感剛好，唔會過軟，與豐富嘅明太子忌廉汁完美融合。蟹肉成球雪糕咁放喺面上，再加上一個蟹子塔，視覺上已經有吸引力。明太子忌廉汁Rich到不得了，撈埋一齊食，仲有啲蟹籽咬落去非常有口感，真係令人驚喜~另外，仲叫咗法國油封鴨腿，配上脆炸薯條同黑加侖子汁鴨腿外皮炸得金黃酥脆，肉質柔嫩搭配黑加侖子汁，甜酸嘅味道與鴨肉互相輝映，提升咗整道菜嘅層次感薯條炸得香脆，好惹味~服務方面，餐廳嘅員工都十分友善，服務態度好好~餐廳嘅食物質素、份量同埋服務都好好，食得好滿足的一餐~