慢理牆城

油麻地 慢理牆城我真係bookmark左好耐，知道店主搜羅咗好多關於森林嘅裝飾，好有心機去經營❗️上星期去開果欄就「的」起心肝前往，溫馨提示🔔Openrice Book 位有折架！餐廳位於酒店1/F ，出𨋢就見到內面森林裝飾，包你肯定唔會去錯地方，店員會先確認有無訂位，位坐可以自由選擇，估計係比大家方便唔同地方打下咭！有公仔陪坐的座位同森林裝飾牆最受歡迎，如果想坐到心儀位置最好就早一點入坐！最特別佢地係提供蝶豆花水，成杯紫色好鬼靚，咁多位店員都係好細心有禮貌，值得一讚！🌟牆城豪華早餐 $168 （ 未計Openrice 訂座 折扣）好豐盛既All Day Breakfast ，最出色係炒蛋又香又滑，香腸係豬肉腸同埋有煙肉，麵包都有二片，蕃茄差不多用一整個，我一個人絕對無法完成！🌟小食拼盤（S ) $188 (未計Openrice 訂座 折扣）我見網上都好推薦小食拼盤，S Size 份量都已經有點驚人😂，如果L Size 到底要幾多人食先食得哂呢？個雞翼好好食，除左炸得好脆，佢個醬汁辣辣地好刺激，仲有二條大豬肉腸，蕃薯條同炸薯條🍟好多呀！🌟竹炭炭燒榛子咖啡 $58 (未計Openrice 訂座 折扣）🌟玫瑰咖啡$50 (未計Openrice 訂座 折扣）📍慢理牆城 (油麻地)油麻地砵蘭街28號M1酒店1樓Follow me💪Follow me🌟Follow me🫶🏻…查看更多

油麻地呢間cafe我已經幫襯過n次， 依然好滿意好滿足， 每次帶新朋友去試，佢哋都會覺得好驚艷。 餐廳係熱帶森林風格， 成間餐廳有超多玩偶，店員服務好好， 食物有誠意有創意， 菜色改名好有趣，好多菜式亦好精緻，甜品亦超有藝術感， 令人印象深刻。牆城小食拼盤（$188/小份）幾乎每次嚟都有叫呢個小食拼盤，每次都驚嘆小份已經咁巨量，到底大份係會多成點。 小食拼盤有德國香腸、甜辣香脆雞翼 、脆炸薯條、脆炸甜蕃薯條、脆炸黃金圈，以及三角流心芝士。每樣小食都炸得非常香脆可口 ， 唔會炸過火，配有餐廳自家製嘅黑松露蛋黃醬及茄汁， 明知好熱氣但都會忍唔住食曬。煙三文魚流心蛋大啡菇（$98）呢個都好有驚喜， 外形好似一個漢堡， 頂層係流心蛋，中間係煙三文魚，底層係肥厚嘅大啡菇， 流心蛋輕輕一𠝹， 蛋液就傾瀉而出， 大啡菇非常肥厚多汁，好Juicy，配上蛋液令成個口感更濕潤同充斥蛋香， 味道同口感都好有層次好好味。原隻美式燒春雞配黑松露薯蓉（$278）之前已經試過好多款意粉同慢落豬，今次試下燒春雞。 燒春雞燒嘅火喉控制得好好， 燒到好鮮嫩多汁， 咬落有淡淡炭燒味，唔洗點芥末亦已經好夠味， 雞油香氣充斥整個口腔，但又唔會太油膩。Come芒，占土（$88）改名真係好有趣， 其實佢係三層芒果牛奶，但要飲佢都好有講究， 首先要喺飲品中間𢳂起一啖cream， 挖出一個洞， 再將牛奶由呢個洞中倒入填平， 然後喺上面放上棉花糖同脆脆，就大工告成。 芒果同牛奶互相唔會蓋過對方嘅味道，亦唔會太甜，但美中不足係份量較少，如果大杯啲就更好。…查看更多

呢間 慢理牆城 Wall Is Eat喺油麻地算係打卡級人氣 café，環境有種森系放鬆感，綠植牆同木系裝修，好有文青氣息 🌿。氣氛靜中帶暖，坐得舒服，非常啱慢慢歎餐。 今次叫咗三樣嘢，一樣都無踩雷😍👇 🥢 推介菜式：1️⃣ 黑毛豬串燒（$288）呢個真係必試之選！即燒黑毛豬，外皮香脆得好誇張，一咬落去「卜」一聲超滿足！🔥 入面啲肉仲保持到嫩滑多汁，帶少少甘香油脂。最重要係 「一定要趁熱食！」因為凍咗會變硬少少，但啱啱燒起上枱果陣真係完美口感——又香又脆又腍，好邪惡但令人停唔到手！ 2️⃣ 明太子蟹肉扁意粉（$178）份量充足，忌廉醬汁濃厚得嚟唔膩，明太子鹹香加埋蟹肉鮮味，層次好豐富，啖啖 creamy 滑順。上面仲有蟹膏堆得似小山咁，打卡都靚😍。 3️⃣ 美國香炸雞翼（$68）炸漿香脆唔厚粉，雞肉入味嫩滑，配埋少少甜辣汁，食落又爽又開胃。旁邊有沙律平衡油膩感，好貼心💚。 ---🪑 環境與服務：餐廳光線柔和，氣氛舒服，環境乾淨企理。 店員好有禮貌，笑容親切，上菜速度都快👍。 入座即送蝶豆花水 💜，清新又打卡靚，非常加分！ 📌 總結：慢理牆城真係名副其實「慢慢享受」嘅地方——食物質素高、環境靚、氣氛好。 **慢落豬皮脆肉腍，趁熱食一流！** 推薦俾想歎慢 brunch 或約會打卡嘅朋友～💚…查看更多

最近終於去咗油麻地慢理牆城西餐廳，之前已經bookmark咗好耐，今次同朋友一齊去試，真係超級滿足！餐廳位於M1酒店1樓，出𨋢就見到好靚嘅森林主題裝修，成間餐廳都充滿童話感覺，仲有好多公仔陪坐，影相打卡一流📸！店員服務超好，細心又有禮貌，仲會主動幫手添水，係蝶豆花水，紫色超夢幻💜！今次我哋點咗：🥗菠菜三文魚飯 $188（走芝士）呢個飯真心健康之選，三文魚配埋菠菜，食落唔會太油膩，味道夠清新，唔加芝士反而更突出三文魚鮮味，啱晒想食得健康嘅朋友！🍝明太子蟹肉意粉 $178（走芝士）意粉賣相好靚，明太子同蟹肉份量足，啖啖都食到鮮味，白汁配明太子，味道夠creamy但唔會太膩，走芝士都一樣好味，蟹肉好新鮮，推介！🥭Come芒占士 $88餐廳飲品名好有創意，呢杯Come芒占士其實係芒果牛奶，三層分明，先食cream再倒牛奶，最後加棉花糖脆脆，好玩又好味，芒果味濃但唔會太甜，唯一美中不足係份量偏細，如果可以大杯啲就perfect啦！💰合計$454，加10%服務費$45.4，總共$499。以呢個價錢嚟講，食物質素同環境都絕對值回票價！👍整體嚟講，慢理牆城西餐廳真係油麻地必試Cafe之一！環境舒適，食物有創意又健康，服務又好，打卡一流，適合同朋友聚餐或者情侶拍拖。下次一定會再嚟試其他菜式！🌟🌟🌟🌟🌟#油麻地美食 #慢理牆城 #打卡餐廳 #健康美食 #西餐推薦…查看更多

本身透過OpenRice見到呢間嘢係油尖旺區好出名，今次慕名而來。係樓下位置唔係咁容易搵，係後巷有小小黑，最好下晝去，不過平日夜晚唔係好多人。今次嗌咗斑馬二人餐 698💰佢嘅份量真係好大，三個人食咗二人餐，另外加多一個意粉，完全係要打包兩盒主食帶走嘅程度。但份量大之餘味道估唔到完全唔敷衍。原本以為間餐廳以量為主唔走心。最好食係黑毛豬串燒影唔到有幾大但真係好好味，肉質好Juicy，甜甜地。配咗甜番薯嘅薯條，反而唔係薯仔。第一啖食到嗰陣好驚喜，因為冇油炸同埋油膩嘅感覺。建議平日嚟飲杯咖啡同朋友chill下。…查看更多