悅滿軒

今日難得老公話同我出去拍下拖，最後帶我來到位於饒宗頤文化館嘅呢一間法式餐廳。餐廳外面嘅環境充滿着大自然氣息，餐廳室內設計優雅，藍色白色嘅椅子美觀舒服。🥗菠菜苗蘋果沙律配蘋果油醋汁 $128本來以為只係一個簡單嘅蘋果沙律，估唔到可以整得咁靚，一層菠菜一層蘋果粒咁堆砌著，再配上少許goats cheese，味道係酸酸甜甜嘅開胃沙律。🥘香茅燴澳洲和牛膝配意大利飯 $248上菜時意大利飯在熱辣辣嘅窩裡還在起伏著，和牛膝超軟腍，肉味濃郁，飯粒係硬身少少嘅意大利飯亦帶有檸檬草的清新味道。Drinks: Cappuccino $42 & Orange juice $32係重咖啡味，但唔落糖都唔會苦。橙汁解喝唔錯。

朋友仔介紹過饒宗頤文化館有間餐廳，環境非常舒服，剛好今日有時間就同friend 一齊去試試！先到文化館再由保安人員指引向前轉右有電梯上一樓！到一樓。。感覺完全不一樣，清靜優美，打卡好地方！入到餐廳，富歐陸式設計。。。感覺舒適！坐位舒服🤗！打開餐牌，點了個法國泥蟹湯，較小餐廳有此湯供應！頭盤香煎鵝肝配砵酒燴梨！主菜分別點了法國家鄉燴鴨煲同美國安格斯肉眼扒12安士，side dish 要了炒什菌！首先上的是蕃茄乾麵包跟黑水欖牛油。。牛油帶點黑水欖咸味較特別！法國泥蟹湯，每口湯都蟹味香濃帶淡淡白蘭地酒香。。把味道層次提升，配以焗香的蟹肉點綴，更能帶出不同蟹的味感！香煎鵝肝配砵酒燴梨，一上枱未食先有驚喜，擺碟精緻，除煎鵝肝外，還有鵝肝醬👍🤗！先食煎鵝肝，鵝肝夠厚度，煎得剛好，外香内軟，配芒果無花果莎莎醬。。再加另一主角燴梨，中和了鵝肝油膩增添果香！接著要試試鵝肝醬，幼滑香嫩。。口感細緻！很回味喔！美國安格斯肉眼扒12安士，要7成，一切開加分，生熟度剛好7成，保持肉汁牛味頗濃，肉質有口感！有香草醬同另一汁。。不過食扒較喜愛簡單。。配點海鹽或黑椒便可以！配菜焗蕃茄鮮甜juicy, 焗原個蒜頭。。這

母親節當日一日巳book了這地方食lunch, 見食評都幾好，真係有一定嘅期望當日book咗12:30 ，12:17已經入座當日全場爆滿，非常嘈雜，枱與枱之間亦相對非常接近，另外一定要一提今日氣溫有成30度，室內空調非常弱完全好似缺氧我同小朋友一路留住汗，完全冇胃口，所以只叫咗三樣食物，離開時間係13:02分🙄老實講食物好一般，性價比好低，當然本身都諗住係食環境居多，但係連環境都吾ok 就真係⋯值得一讚係母親節當日每枱準備咗康乃馨一支，同可以寫happy Mother’s day響甜品，是唯一值得安慰的事情。另外車位是先到先得，目測車位在10個之內，所以想去嘅朋友要早少少去霸位

最近冇咁忙， 周圍搵啲地方行下， 揀啱咗美孚呢個文化館。 從來都唔知呢度有個咁樣嘅地方， 係一個好文青嘅area。 不過呢個食評嘅重點係我哋發現裏面有一間食西餐嘅， 因為夜晚去到佢哋做獨市生意， 我哋就坐低試下， 順便涼下冷氣， 點知真係好驚喜！！！ 餐廳座位都算寬敞， 不過唔係行好有格調嗰種西餐廳路線， 反而係裝修簡單， 好適合朋友傾計， 一家人慶祝嗰種。一開始睇menu覺得都唔算係非常經濟，所以兩個人淨係點咗少少野share, 點知超飽，覺得好味又驚喜， cp值極高！！ 一開始比左份餐包我地， 已經覺得好有心思， 連牛油都係香草牛油， 一啲都唔隨意！！ Starter 香煎鵝肝配砵酒燴梨（$178）❤❤❤❤❤鵝肝曬齊一人份量， 一如平常地非常好食～令人驚喜嘅反而係個燴梨， 我覺得好出色好好食， 夾埋旁邊一個鵝肝醬， 非常開胃！！個擺盤仲要好精緻， 有呢一個starter已經覺得好期待後面。 Soup 法國泥蟹湯（$78）❤❤❤❤❤本身會冇好鍾意飲西式濃湯， 因為覺得好怕忌廉飲完已經好漏， 不過呢個湯幾好飲， 唔重忌廉反而好重蟹味！！有啲似龍蝦湯嗰種， 不過再甜啲， 好味！ Main

今日喺美孚行行下，經過呢間饒宗頤文化館，覺得啲紅磚牆好靚，可惜已夜深，文化館都已經閉館。好彩見到呢間咁靚嘅餐廳，於是決定入嚟食晚餐。蕃茄麵包配黑水欖牛油$0店員首先送上四片自家製嘅蕃茄麵包，呢款麵包外層幾脆，而內裏就係比較軟熟嘅口感。黑水欖牛油比起一般牛油香好多，搽少少都已經好正。份量啱啱好夠搽曬四塊麵包。蘋果木煙燻野雞$238上檯嘅時候，野雞係放喺煙燻盤上面嘅，然後店員再幫我地夾上碟。值得一讚嘅係隻碟本身已經烘熱左，所以煙燻野雞放上碟之後都唔會太快變凍，可以保持熱度。煙燻野雞有四件，都係雞腿肉嘅位置，所以好滑而有彈性。另外仲有西芹頭茸、椰菜仔同埋墨西哥汁，呢個組合幾特別，比較罕見，但又幾清新，同沾滿醬汁嘅美國野雞幾夾。香茅燴澳洲和牛膝配意大利飯$248澳洲和牛膝好大件，旁邊啲肉幾香，亦有軟骨。意大利飯有淡淡嘅香茅香氣，個汁亦都幾惹味。意大利飯軟硬適中，質感濕潤而又粒粒分明。呢到嘅環境同氣氛都非常好。如果有機會嘅話，下次會想試下中午過黎食飯，順便行下呢個咁靚嘅饒宗頤文化館。

朋友喺美孚附近返工話有一間好有情調嘅西餐廳想介紹我去食下原來喺饒宗頤文化館入邊嘅上咗個小山丘 嚟到恬靜清幽嘅場地跟住路牌一步一步上去就見到㗎啦～雖然佢個名好似一個酒樓嘅名堂但其實係一間好有氣氛嘅西餐廳嚟㗎食物都好有質素價錢屬於中上水平但係絕對物有所值先有自家製麵包裏面有芝麻同埋少少橄欖香配埋佢哋嘅牛油～ 帶有淡淡香草味前菜我哋揀咗一個八爪魚嘅菜式味道非常有特色鷹嘴豆泥配八爪魚擺盤搶眼 非常賞心悅目法式家鄉燴鴨～配油茄汁豆 洋腸 仲有少量煙肉好入味啊 又香脆嘅外皮 同煮得非常冧身嘅肉味道恰到好處 好少喺其他餐廳食到咁好味嘅鴨肉仲有龍蝦意粉意粉稍為偏硬但完全無損佢香濃嘅龍蝦味 食埋檸檬撻就為我哋圓滿嘅晚餐作結

諗住喺去饒宗頤文化館打個卡，搭升降機上樓發現到呢一個秘境。餐廳外邊有個琴，歡迎人哋試彈，真係俾佢種種嘅原因吸引到而入去食飯！👍🏻法國泥蟹湯湯底先要把蟹殼打碎，加上白蘭地忌廉攪拌而成，就算無食到蟹肉都好似啖啖肉咁，真係滿有蟹膏嘅濃郁感！配埋餐廳自家製嘅番茄麵包，作為前菜真係唔錯！👍🏻蘋果目煙燻美國野雞 隻雞上枱職員仲拎埋個煙燻爐出嚟，真係嚇一嚇。佢會再烤一烤再放上碟，價錢包左高質服務！野雞包晒雞髀位、雞胸肉，肉質食落嫩滑，再配搭呢個甜甜地再夾有少少辣嘅汁（好似墨西哥style ) 簡直perfect match！👍🏻+58跟炒雜菇份量都叫做多，菇既熟度剛剛好，帶有小小爽口和咬口！餐廳落咗好多蒜頭去煮，不過都略嫌有少少淡。👍🏻 檸檬撻撻皮都好脆，不過唔係太重牛油香。面頭嘅軟忌廉唧得幾靚！裡面custard 偏酸，撻底有少少似蛋糕質感。👍🏻番茄麵包(落完單職員就會即刻送上)麵包外脆內軟，仲落左番茄乾，味道酸酸地，幾特別。配上混入左黑松露嘅牛油，搽上麵包就更香更軟滑，亦為之後嘅主菜揭開序幕。👍🏻👍🏻餐廳環境超舒服，仲播住啲好柔和嘅音樂，而且提供一次性口罩暫存袋！

今日同女朋友放假，就決定去饒宗頤文化館走走感受一下文化氣息行到6點多，有點肚餓留意到文化館入面有間餐廳就決定入去試下一入到去，見到裝修好別緻好有氣氛，就覺得無入錯餐廳餐牌好多選擇，好多有趣既配搭香茅燴澳洲和牛膝配意大利飯和牛膝份量好大，大過我既手掌用刀切幾乎唔需要用力好軟淋意大利飯軟硬適中好入味2樣加埋好好食自家製手捲粉配牛肝菌 黑松露汁粉既形狀好有趣同傳統既意粉不同口感好好配合埋醬汁好惹味焗酥皮蘋果卷配雲尼拿雪糕酥皮好酥脆，餡料塞滿蘋果肉好新鮮，口感好清新再配上冰冷既雪糕冷熱交融既口感好刺激係一道高水準既甜品

疫情期間，週末必然係本地遊, 今個週末揀左去饒宗頤文化館，做定晒Research 睇左文化館簡介，原來入面仲有西餐廳，參觀完順道可以食埋個晚餐。悅滿軒位於文化館中層，餐廳室內環境舒適，環境優雅，裝修精緻，配上柔和燈光, 有種浪漫既感覺，而且座位疏落並無壓迫感，好適合情侶約會共進晚餐。研究左餐牌一陣，最終決定揀左兩道Main meau： 蘋果木煙燻美國野雞及法國家鄉會鴨煲。上主食之前，餐廳會贈送一客麵包，外皮脆脆地，麵包質地鬆軟，味道帶有微微番茄味，再配上特色牛油，簡單而美味。 蘋果木煙燻美國野雞，上碟方式好有特色，雞肉會放係煙燻爐上，爐蓋打開，一陣陣蘋果木味飄逸, 侍應將雞肉從爐端到碟上，成個過程都好用心地擺置。 味道方面，雞皮煎至微微脆，配上香濃惹味墨西哥汁，雞肉好嫩滑，醬汁酸酸微辣，食到有淡淡既煙熏味，整體感覺味道非常好。法國家鄉會鴨煲, 依一道菜我第一次食，我覺得好有驚喜，油封鴨干煎表面焦黃濃香，入口油香四溢，肉質柔滑有咸香，入口融化。鴨煲仲有法式白肉腸，一片豬腩肉，燴白豆，醬汁近似香草蕃茄醬，酸酸地中和油膩感，成個組合配搭都好出色。

一開始見到呢間餐廳一致好評，都對呢一餐幾有期望......可惜食完，我真係有啲懷疑自己去左平行時空嘅同一間餐廳🙃因為個人認為無論環境、食物品質同服務，以呢個價位嚟講都係水準以下。餐廳內部唔大，枱同枱之間距離都幾近，所以多幾枱客嘅時候都幾嘈吵。食物味道嚟講，sorry係快餐店質素🙌🏻必須一提嘅係有個龍蝦汁手製意粉，個意粉嘅質感係又韌又實。如果話手製意粉就係咁嘅話，OK，我都係返去食Pici好了👋🏻既然之前咁多好評，我諗如果唔係轉左大廚，咁可能係我去左平行時空掛🤷🏻‍♂️

今晚食呢間餐廳喺市區中嘅半山，美孚站行兩、三個字左右，環境清幽，適合拍拖，所在嘅饒宗頤文化館，飯後可以散步吓、影吓相。前菜有免費送嘅每人一份紅梅包，酸酸地幾開胃。【美國安格斯肉眼扒12安士】肉眼扒七成熟，肉質稔唔韌，牛味都幾濃。特別想講吓兩個醬，燒蒜醬好香，牛點咗佢好食；香草醬我超鍾意，草青味，就咁食都一流，點牛反正會被冚咗個味，個人覺得全晚最好食！【碳燒西班牙伊比利亞羊扒配自家製羊肉腸·砵酒汁】呢道菜上碟好靚，羊架好大塊，肉好稔好香好味，同砵酒汁好夾。四條係羊肉腸，好酥好重羊味，真係食羊肉咁，幾特別，好羊人仕必食。以後食法國菜會好慢好慢，但呢道又唔會喎，啱返香港人嘅Style，點完菜好快就上菜，用餐時間大概一個鐘左右。

這是一間充滿文化氣息的法國西餐廳，環境幽靜，談心之選，座位舒適。點餐後，餐廳的職員都會端上熱騰騰的麵包，非常香脆可口。前菜深海黃鮨吞拿魚他他配牛油果 $158分量頗大，很開胃的前菜，感覺很清甜，有驚喜。法國家鄉燴鴨煲$248鴨髀的外層非常香脆，烤至金黃色，鴨肉亦非常嫩滑，外脆內嫩。鴨香味重。香茅燴澳洲和牛膝配意大利飯$248肉質嫩滑，牛肉味很濃郁，肉汁很豐富，非常高質素，飯粒軟硬度適中，醬汁的配搭非常好。

朋友話帶我去食一間隱世法國餐😂，好彩位置都唔算太難搵，一路都有清晰指示。好快就搵到喇😆叫咗2款主菜，一碟Pasta同烤雞🤤。餐前有個餐包贈送，係意大利蕃茄包配黑水欖牛油🤤😍個包好鬆軟，夾埋個牛油好好食，啖啖牛油加蕃茄香味🤤🤤主菜係龍蝦意粉，一上檯已經聞到濃濃嘅龍蝦味！勁香🤤🤤個汁好creamy😍個意粉煙煙韌韌加埋龍蝦大啖食，口感超正👍🏻另外個烤雞都幾特別，係煙燻，有個烤爐仔燻住上，再由侍應放上特別調製嘅配料醬汁上面🤤🤤好食！雞肉好鮮嫩，夾埋個汁好好食😋😋😋最後仲有叫咗個甜薯條😍甜甜哋，勁香甜薯味！又唔炸得好油！好味👍🏻👍🏻

星期日同朋友去左饒宗頤文化館行下影相，順便係個邊餐廳食晚飯。估唔到呢個決左帶來驚喜。餐廳環境十分舒適又寧靜坐位舒服，音樂選歌有品味，而且仲會調燈光，氣氛浪漫，係到慶祝生日或者記念日一流。先黎有附送嘅蕃茄麵包，外層微微香脆，內裏鬆軟，蕃茄味道清淡，可以配埋黑水欖牛油，令麵包分外香軟，但個人就更鍾意沾湯黎食。是日廚師推介湯，忌廉什菌湯，入口香滑。法國泥蟹湯，新鮮有濃郁嘅蟹味，味道鮮甜又唔會太鹹。炒什菌，好入味，切的剛好，而且份量十足滿滿嘅一碗，每一啖都有油香味，令人不覺食指大動。蘋果木煙燻美國野雞，連埋煙燻盤一齊上，打開個瞬間餐廳都充滿目煙燻嘅香味，店員更會現場用夾夾返落去餐碟度，果然係色香味俱全。烤野雞，肉質鮮嫩，外層有蕃茄香草嘅醬汁味，再帶有少少辣味，惹味得來又清新。今日嘅晚餐真係好令人滿意好推介。

喺市區想搵一間有特色嘅餐廳食飯，朋友就介紹喺美孚嘅饒宗頤文化館裏面既法國菜餐廳👍🏻喺美孚站行10分鐘就到，其實好方便！遠處已經見到一座好有傳統特色嘅建築，不過夜晚去啲展覽就已經閂晒😭自家製蕃茄麵包點完餐後，餐廳先奉上自家製麵包，係有蕃茄肉㗎 ！麵包鬆軟，搽上有黑松露嘅牛油，好好味👏👏焗阿拉斯加深海比目魚配蘭度豆昆布蕃茄湯我就揀咗食呢個主菜，比目魚份量好大好厚肉，但係一啲都唔會乾😍同蕃茄湯好夾，而且更能食得出魚肉嘅鮮味。開頭都驚會唔夠飽㗎，不過原來飲埋湯再配埋裏面嘅蘭度豆同昆布，最後係飽到頂住個肚㗎😂香茅燴澳洲和牛膝配意大利飯朋友就揀咗呢個和牛膝，首先一讚係個意大利飯☺️好正宗，粒粒分明，但係又唔會咬唔到喎。而香茅汁又勁香，好惹味。和牛膝食落口有啲似牛腩不過就一啲都唔鞋，朋友大讚好食！😍