念川居 (MOKO新世紀廣場)

營業中

休息中

Moko新裝修後都無黎過，上星期有時間去行下，原本想去食shabu shabu, 點知經過呢間見到竟然有四川菜食，而且門面都好似唔錯咁，就入去試試佢。。。坐低已經被D餐具吸引住。。。。一翻開餐牌原來都幾多選擇，有辣有唔辣，仲有唔少睇落好精美既點心款式呢味都幾特別，無諗過腩肉同咸蛋黃配起來係咁甘香的，有少少肥但就唔膩，唔錯小籠包食得多，但麻辣小籠包好少見，佢裡面既湯汁好濃郁，肉汁鮮甜，忍唔住想一食再食口水雞味道做得好正宗，麻同辣好平均，雞肉算係幾滑唔鞋口，送飯一流仲有叫左個水煮桂花，不過顧住食唔記得咗影相。。。。。桂花魚好滑，索埋湯汁既味感覺唔會腥，必食之選最後叫左個芝麻卷做甜品，perfect ending!!

今日在Moko行街，搵到呢間好似係新開既川菜，好辣的我忍唔住要入去試下。可以時間尚早，唔洗等位可以直入，不過走既時候都有人等緊枱了。水煮魚坐低望望Menu，心大心細又想食水煮魚又想食酸菜魚，最後叫左水煮魚試。呢道菜簡直不可錯過，先講魚片，夠厚身唔會散，重點係食極都有，CP值超高。配料好特別，用上粗身既花生芽菜，索汁一流。水晶粉係用闊身的，口感chewy。兩個人食，份量真係好夠。胡椒蝦胡椒菜式一向都係至愛之一，呢間既胡椒蝦做得好出色，有別於一般炒完撈胡椒的煮法，呢間既胡椒料似係調過味的，辣味香味咸味配合得剛剛好，上菜用砂煲令香味持續得更耐，下次要再encore。炒土豆絲鑊氣之選，炒薯絲看似平平無其，但上菜時果度鑊氣真係唔講得少，薯絲好爽脆，可惜最後先上，食完之前幾度菜已經好飽下，最後都食唔哂。整體感覺良好，特別一讚既係環境好好，坐得又舒服唔會好嘈，服務亦算唔錯，下次來MK想食辣野一定會再來。

媽咪鐘意食辣野，上OpenRice見到依間四川菜環境同食評都不錯，而且佢地大廚都有啲名氣，OpenRice book枱又有85折就試下啦！去到門口姐姐好有禮貌，佢地制服都好有特色，環境寬敞舒適，牆壁掛有手畫嘅畫，好有中國藝術氣息，加上背景嘅七八十年代經典歌曲，媽咪話即刻好有回到舊時年代嘅感覺。首先我地開左壺蕎麥茶，味道好香好特別，出邊酒樓好少有，屋企人亦都好鐘意。之後我地叫左豬耳、炸豆腐、豉蒜花生芽西瓜皮做前菜，豬耳不錯，可以再辣啲，反而個花生芽幾有驚喜，同一般嘅芽菜好唔同，爽口清甜。之後當然唔少得一大堆嘅四川主菜啦，我地叫左口水雞、水煮厚切牛舌、辣子炸大腸，同酸菜魚。個水煮厚切牛舌我地一家食到讚不絕口，牛舌夠淋而且十分入味，個汁勁香口，我地即刻叫左白飯撈飯食，好好味好少自己食哂一碗飯，而且佢裹面仲有好多配料：鴨血、勁有咬口嘅水晶粉皮同花生芽！ 不過媽咪話唔夠辣，個服務員問我地食物質素如何時同我地講下次可以叫加辣，媽咪即刻話下次要挑戰。至於個炸大腸我地睇少左佢，入口好香指天椒同麻辣味，無肥膏無油益無嗅味，師父處理得好好，開頭食落去以為唔辣得個麻字，點知後勁好強，屋企人食到shushu聲

我上星期日夜晚同屋企人去飯，慶祝我生日，點知食一餐飯我張枱就出現兩隻巨型曱甴，成隻食指咁長，仲見到有毛，好噁心🤢首先，我食食下feel到有好大隻毛茸茸嘅嘢係我手踭爬，好驚即刻尖叫撥左落地，隔離枱有個男仕用紙巾捉了，交左俾衝過來的侍應。我用消毒濕紙巾抹了手，當自己唔好彩，算數。點知，食完飯，俾完錢，拿起個袋，就發現袋下又有另一隻巨型曱甴，全身毛管戙，即走，個經理過來請我留低聯絡方法，我冇留，只想盡快離開，覺得作嘔🤮，好想喊，明明是我生日正日食飯慶祝，從來未試過在任何食肆遇到咁恐怖經歷，莫講話一間價錢都算中上的酒樓🤮🤮🤮🤮🤢🤢🤢🤢唔知去食環投訴麻唔麻煩，我覺得對食客好不負責任，唔想有人再中招

慶祝老公生日來到位於旺角新世紀廣場的念川居，新店優惠埋單有八五折同三小時免費泊車優惠！由於兩個人叫了個招聘炸鴨血，水煮牛肉(小),樟茶鸭半隻，担担面和冷面！所有食物美味，尤其是水煮牛肉，牛肉醃得夠味道，吃得出廚師用心製作！另外，有青瓜、红薯粉及鲜甜的大豆芽菜和筍做配菜，非常豐富，而且麻辣適中！值得再次光顧！樟茶鸭肉質彈牙，夠滑！吃到不能停！所以忘記了影相！而且跟上四個漫頭配煉奶！值得一提係叫了侍應取多個煉奶，侍應姐姐好快幫忙给我，而且換给我俩乾淨的碟，十分友善！還要了一jar 酸梅湯解辣，最後叫了我至愛的甜品:炸蜜瓜奶！

上次吃過酸菜魚,又想再吃,所以順便試別的菜。酸菜桂花魚(小): 因為上次吃過,覺得很好吃,所以再點ㄧ次! 不過,這次太辣了,没吃很多!已叫了少少辣,可惜是大辣的感覺。乾鍋黄鱔: 上枱就很香,有花椒,洋蔥等配料,雖然都是辣,但很香口,黄鱔的份量適中! 值得推介給喜歡香辣的人。高湯鮮蝦韮菜餃: 韮菜餃味道ok,可惜那高湯,我不懂欣賞! 感覺似味精湯。燴炒土豆絲: 這個菜挺考廚師功夫的。要快炒才能保持土豆絲的原味,當然也保留了"川"的辣味, 可説清而惹味!

經openrice 預約有折，所以同朋友慶生就揀左依間。入到去，環境幾好，有sofa 位，舒服既，d姐姐店員個個都好有禮貌，一早打嚟都知道要收切餅費100元，都可接受的炸豆腐，整得幾好，個皮好薄好脆，入面豆腐好滑，幾好食賽磅蟹，幾好食，一般酒樓水準本身俾佢個樣嚇親，點知又幾好食，魚好滑，入面有芽菜，青瓜，粉皮，係有d辣，所以要叫杯火龍果沙冰浸下條脷😂😂個火龍果沙冰好清新，幾好飲，又解到辣姐姐店員推薦，唔錯，幾滑，皮炸得脆成個晚餐都好愉快，就係想叫個眼鏡男人上個蛋糕時，佢突然黑面話有下個booking ...要埋單😑我地唔行去問佢拎蛋糕，佢係完全無提過有time limit ,我地入座時都無店員講有時間限制，外面亦人影都無隻，成餐晚飯就係俾佢搞到好無奈。。加上我地入去已同多個店員講明會切蛋糕，同俾100元切餅費，如果食到一半佢話有下一個booking ,要快d,我地都接受到。但無任何人提過埋單13xx元，食物質素一般，本身感覺ok,不過眼鏡男人已將我既興緻掃走左，千幾元既，大把高質選擇，所以byebye

MOKO新店, 唔食辣野既我, 竟然來gathering. 難得moko有新店, 就來試試佢, 支持下! 店內環境舒適, 彷如酒店內的中式餐廳. 侍應招呼亦都好好, 店內客人唔多. 我地一行五人只點了一個口水雞, 其他都點不辣的. 如果同我一樣唔食得辣, 店內有提供唔辣既選擇. 不用怕. 總共點了四個餸和一個炒飯. 口水雞半隻份量橙紅色的口水雞, 顏色好靚. 雞肉嫰滑, 份量算大咕嚕肉這碟古嚕肉是特別的. 配菜新穎味道亦很好念川居另外一種咕嚕肉是冰上的. 應該是脆脆的. 白菜仔湯煮白菜仔 ok整體ok不限時間，吹水好地方

第一印象：環境美 有充足空間 吃得舒服食物？不知道是不是正宗叫的也不全是四川食物我和朋友一致覺得春風得意米網腸最好吃不過應該不是四川點心小籠包，無論是鮮肉的或是麻辣濃湯的個人認為味道偏鹹和單調四川擔擔麵和紅油抄手合格整體感覺？價錢合理 服務一流 食物合格

今次是第二次光顧，食物質素好好，師傅手藝精湛，點心好好味，看得出師傅是有用心製作，但服務員需要加強訓練，因為價格亦反映服務員質素，會再次光顧，如果開店時間早1小時更加理想

朋友之前經過Moko 知道這間念川居是新開的，睇到個川字就估到係川菜，係咪全部都辣菜呢？唔食得辣咪無選擇呢？咁這間念川居就唔洗擔心，因還有好多唔辣的菜式選擇，店內全部圓枱裝修古雅。今晚點了沒有辛辣的菜式，招牌新鮮吊燒雞皮脆肉滑，高湯粉果好鬆脆，椒鹽九肚魚大廚夠細心去了中間的魚骨香脆夠惹味，花生芽小炒王第一次食花生芽，一條條白色比大豆芽粗好多的， 古法咕嚕肉炸得夠脆皮，竹笙露筍，賽螃蟹，家鄉煎魚餅，招牌炒飯等等味道都ok 好味, 最後點了甜品蛋白杏仁茶和酒釀小丸子有代改進，埋單每位茶水$15，餐前菜有兩碟每碟$15，另有加一服務費，服務員都很有禮貌，店員還介紹點心都整得好味，叫我們下次可以試下午茶，如我下次來可以用openrice apps 預早訂位好方便。

中國菜源遠流長，博大精深，雖不敢多譽為最多元化的菜式之一，但相信亦不遠矣。中國八大菜系中，當然首推粵菜為港人至愛，但隨著大眾口味的改變，川菜也漸漸融入了我們生活當中，重慶火鍋、麻辣雞煲開得百花齊放，而最近筆者就造訪了一間以川菜為主打的新開餐廳，除了傳統川式烹調之外，還為筆者帶來了點點新驚喜。餐廳位於MOKO新世紀廣場5樓，店內佔地頗廣，以深淺對比色系為主調，配上由集團專業畫家操刀的一幅幅氣勢斑斕畫作，中國風得來帶點現代氣派的感覺。座位坐得舒適，枱與枱之間間距甚闊，加上恬靜時尚的環境，讓人感覺悠閒舒泰。餐牌上菜式選擇甚多，大都以川菜烹調為基本，亦有一些新派創意菜式，午市更有點心供應，融合了川菜與一盅兩件的特色，風味獨特。黑松露野菌餃，餃皮以韭菜打汁搓成水晶皮，晶瑩剔透，菇菌內餡加入了黑松露醬和白松露油，松露沒有蓋過菌香反而豐富了層次，入口軟糯，清爽怡人。紅菜頭麻辣水晶果，亮麗晶瑩像水晶波波般的造型十分吸睛，紅菜頭、冬菇和蝦肉粒內餡配上川式調味，咬落外皮Q軟，爽口多汁，麻香辣度均算突出，比起一般港式做法來得瀟灑，放膽地將辣度融入點心當中，帶出了蠻有驚喜的效果。麻辣濃湯小籠包，皮薄多汁，富彈

呢個又忙嗰個又忙，每月辣局大概已壽終正寢，想要刺激一番的話，唯有另約三數名辣友去吧！只是，本地似樣既川菜館，來來去去嗰幾間，尤其是九龍區，不過，最近有間新店子引起大家注意。說的是新開張既念川居，據知其川菜大師以及點心總廚均是大有來頭，令對川菜有些要求的筆者，帶有一點點期待。       既然點心總廚非泛泛之輩，當然要試幾款點心。先吃不辣的酥，酥皮非常鬆化。叉燒酥平日食得多，加入了蘋果粒，製作難度增高了，卻添一份清新感覺，蠻不錯的說。啡色皮的小籠包，似曾相識，大概是在某八色小籠包店嚐過。這兒的，同樣皮薄多汁，夾起不容易穿，辣勁卻更甚，嚐辣的朋友肯定中意。另外的紅菜頭麻辣水晶果，晶瑩剔透，不黏牙，內裡餡料豐富，辣度不比剛才的小籠包弱，好刺激。接下來有幾份涼菜，原隻口水雞，像粵菜般會切番隻雞出來。雞皮爽，肉質不致死實，配合調味恰好的紅油，合格有餘。蒜泥白肉爽口，皆因用上胰島肉，重點是磨成溶的蒜泥，令菜色更上一層樓。另外，腩片中芯釀入了咸蛋黃，邪惡度爆燈，但我們素來是愈邪惡愈快樂。一口黃金豆腐吃得多，送啤酒一流，但將豆腐換成鴨血，不諱言我是首之見識。外酥脆內煙韌的口感，挺特別的，值得試。是的

試試新餐廳-念川居環境大，坐得好舒服2個人見大家拎著好多野都俾左張4人枱，服務員態度都幾好1.炸鴨血-是第一次見呢，好似平時飲茶炸豆腐果隻薄薄的炸皮，連隻味粉都一樣入面粒鴨血都好食，冇腥味，值得一試呀2.黃金白肉-又係第一次見呢好邪惡呀！有粒咸蛋黃係塊豬腩肉中間，有驚喜！必試！3.水煮魚-食落係中辣，叫多一碗白飯食另外入面徐左有好多魚，仲有有鴨血，薯粉，筍，好足料咖！傳菜2個人食左700幾，少少貴，但手工菜這值錢都可以食下！

🙇🙇謝謝兩位長輩為我預祝8月生日🎂，同時也謝謝他們的禮物🎁 昨天朋友推薦念川居這家食店，兩位長輩就選這家餐廳，感恩為我預祝生日🎂 傍晚18：30分，我們一同四人到達食店來個親身體驗。結果如下👇1⃣地點：交通方便2⃣環境：懷舊格調，地方整潔，座位舒適3⃣服務：態度熱情，並能勤換碗碟4⃣出品：👇①雞油花雕蒸蝦兵蟹將 HKD $598蟹👉感覺肉薄水多，肉質鬆散；蝦👉蝦殼飽滿，但肉離殼且韌而不爽；蜆👉殼大肉小。 最令人費解的是，一籠蒸海鮮，本應上桌時就熱氣騰騰，但我們的蝦兵蟹將可能太累都洩氣了，上桌時溫度屬於暖和，而且很快就不熱了。②新鮮脆皮吊燒雞（半隻）HKD $278👍👍的確是皮脆肉滑，可能是童子雞，體積有點小了。③招牌脆皮血旺 HKD $108血旺算是滑的，但略嫌不夠脆皮。④川滷鴨舌 HKD $118 店長說是川味麻辣鴨舌，我們嚐試後，感覺鴨舌既不麻也不辣，只帶有一點淡淡的滷水味，有點強差人意。⑤蒜泥白肉 HKD $118 值得一提是，其他食店所謂的蒜泥，一貫是採用蒜粒當作蒜泥的省時手法，但這家是名副其實的蒜泥，