忠孝東路

營業中

休息中

好掛住忠孝東路嘅牛肉麵，今日做完facial專登過嚟醫肚。每次必叫嘅生果茶，茶味清新唔苦澀，配上果汁同大量生果，令人充滿元氣！最欣賞佢用嘅唔係普通嘅冰，係用橙汁雪成冰，即使溶化都唔會沖淡味道。每次嚟必食牛肉麵，雖然份量唔多，但紅燒湯底非常濃郁，配上軟腍入味嘅牛𦟌同口感彈牙嘅麵底，配搭天衣無縫，其實食一碗都唔太夠喉。擔仔麵細細碗，係我每次唔夠飽時必叫，湯底係鮮濃嘅肉汁，雖然材料簡單，只有肉碎同鮮蝦，但簡單美好嘅味道總係令人回味。

今日去左忠孝東路食晚餐，因為唔係好肚餓，淨係叫左三樣野食算。呢間餐廳主打台灣食物，我地叫左主打既忠孝牛肉麵，佢地麵嘅份量都幾多，女仔黎講食一半都飽左，麵質地比較硬身而彈牙，而牛肉都有成四大塊，一塊有半個手掌咁大塊，好似牛展咁切成一塊塊，湯底都算濃郁，少少辣味，鐘意食辣既會覺得唔夠辣味；鳳梨黑醋骨比較有驚喜，排骨酸甜適中，而且肉都唔係咁肥，屬於偏瘦嘅排骨，怕肥嘅女仔都可以放心食，佢嘅菠蘿食落唔似罐頭味，應該係用新鮮嘅菠蘿整出黎，所以特別鮮甜，配合埋黑醋汁酸酸咪咪10分開胃！食飽飽後，最後嚟一杯熱嘅寶島珍珠奶茶黎收尾，杯珍珠奶茶同台灣一樣都係比較甜， 啲珍珠較為大粒，而且份量都唔少，食得特別煙煙銀銀，好友𡁻口！另外仲值得一提嘅係店舖嘅環境，喺門口附近有一個壁畫牆，方便鍾意影相嘅朋友喺度打卡，而且臨近聖誕節餐廳出面嘅商場位置都好多聖誕嘅燈飾可以打卡影相，整體來講餐廳屬於行小清新路線，燈光都較為光猛，方便大家傾計食飯！

今次又來到一個人嘅晚餐去咗iSquare嘅忠考東路 台式餐廳 因為我實在太掛住台式牛肉麵入到去之後我帶咗一個花雕醉雞 慢煮鹽水鴨片當然唔少得嘅忠考牛肉麵 黑糖牛乳奶蓋首先如果講個牛肉麵牛肉麵嘅麵質非常軟熟而且佢嘅牛展再加埋佢嗰個牛肉嘅湯啊飲得出佢係淆左好耐 因為完全飲唔到有味精第二樣就係佢個花雕醉雞有好香嘅花雕酒味但係呢佢呢隻就比較甜身 而雞肉入面亦都有好香嘅花雕味跟住個慢煮鹽水鴨片 有少量嘅花椒 呢個做法亦都令鴨冇咁肥膩 最後一樣就係佢個飲品 完完全全係比得上出邊嘅台式飲品舖 個奶好滑 珍珠好Q

前晚去香港文化中心看表演，之前會在尖沙咀晚飯。這晚來了忠孝東路，不十分多人，一向在看表演前到ISquare 吃飯都不十分多人。其實也沒什麼期望，就是兩個人叫一碟肉，一碟菜，一碗湯。驚喜的是白飯，竟然在ISquare小店內吃到可能平生最美味的白飯，煙煙韌韌的，不硬不太軟。叫的竽頭炆雞，麵鼓酱炒A菜，味道也不錯。

到尖沙咀行街，在iSquare 打算食午餐本身以為在尖沙咀這種大商場，還在週末應該cost me a leg and an arm 吧結果在忠孝東路的午餐的價錢是很合理的.忠孝東路是台灣一條很出名的街一看就知道是台灣食物在iSquare 3樓，一上電梯就見到.餐廳光鮮亮麗，座位寬敞有圓卡座方便一班朋友/家人坐.午餐有8款，都是台灣美食每個餐配小食及飲品，又不收加一服務費！.香酥怪味雞 配 珍珠飯雞很香酥脆，是台灣夜市的名物外脆內嫩滑，份量也不少.忠孝牛肉湯麵牛肉是厚切的，而且用牛𦟌，即有筋有肉，比較鬆身，也煮很十分入味，不錯！湯底也是很正宗的台灣口味，與我在台中食到的差不多.飲品選了豆漿及汽水.坐得舒服，每人大約$70左右，下次尖沙咀食lunch 再來！

今日同朋友嚟到尖沙咀，行緊iSquare，肚餓仔，就入左一間台灣店食嘢😌 餐廳仲寫住「有一種味道，叫快樂」好吸睛🤣忠孝東路，令人即刻諗起喺台灣瘋狂食嘢嘅場景，鋪頭好開揚，店舖前仲有一個位置即刻沖製台式飲品，夠哂特色！🥳我哋叫咗兩個主食，分別係「香蔥魯肉伴麵$68」同埋「台式醬油炒飯$78」👅個伴麵質感好彈牙，仲有大量蔥花同蒜蓉，口感非常豐富，加埋台式嘅麻醬，好食🤣炒飯份量好多，炒到粒粒分明，望落去顏色好吸引，個醬油好夠味，令到炒飯更上一層樓。😍之後我哋仲叫咗「台灣大甲香芋雞$108」係台灣地道嘅餸菜，芋頭加埋椰汁好香，做個汁一流，個雞好嫩滑，推介👍🏻👏🏻「墨魚花枝香腸$56」呢個好出色，食落真係咬到粒粒墨魚，夠誠意同用心！🥰 喺度食嘢果然好快樂🙂

今日lunch行左去isquare搵食，見到間個店名叫忠孝東路咁特別就同同事入去試下佢d台式野lunch menu都幾吸引六十幾蚊有個main，仲可以選一份小吃加野飲有飯，有面，我就選左個波羅黑醋骨配吞拿魚沙律另外朋友唔想食飯類，就淨系叫小食台灣鹽酥雞炸得好正，唔會好多粉，不過調味粉略嫌太多太濃味黑醋骨好好食，波羅都好甜而且排骨都好好食，唔會痴住d骨+25蚊仲有份炒菜蒜蓉炒得好香好好食皮蛋豆腐上面肉鬆配埋豆腐好夾豆腐凍既，配埋肉鬆有口感～蛋角個朋友好鐘意食蛋，味道都唔錯上面仲加左d木魚花lunch time都坐爆曬好彩早去都仲有位最後埋單二百幾蚊，食左咁多野算抵

呢度個餐牌寫住有一種味道叫快樂，裝修好有文清feel，我最鍾意係快樂嘅環境下食飯。餐牌設計精美又富藝術感，有時真係好佩服台灣人嘅創作同藝術。慢煮鹽水鴨片好淋，鴨肉好嫩滑，半肥瘦鴨肉切得好薄，佢用鹽水浸住啲生菜，減低肥膩感覺。忠考擔仔麵，份量同台灣正宗擔仔面差唔多，一大口就可以食完一碗麵，男士可能要食兩三碗先夠飽，襯托起中間隻蝦特別大。黑魔係我最鍾意嘅台式飲品之一，啲珍珠好香濃，飲品重黑糖味又唔會太甜，水準唔錯。

忠孝東路，一聽就知道係台北街道嘅名字。雖然呢度嘅環境設計唔太感覺到有台灣特色，望落只係一間普通餐廳，但簡約木色系整體感覺係幾舒服嘅。因為朋友係食素嘅關係，我地點嘅菜式絕大部分都係非肉類。首先係台式皮蛋豆腐($45)豆腐入口非常嫩滑，配上溏心皮蛋同埋咸咸甜甜嘅醬汁一齊食非常開胃。滷水糖心蛋($28)蛋黃晶凝通透而且呈半流心狀，味道較甜。櫻花蝦爆包心菜($68)菜炒得十分香口，充滿鑊氣，惟整碟菜偏向多油。如果落少D油去炒感覺會light D健康D。香酥排骨湯麵($73)豬扒炸得金黃香脆，肉鬆軟，而且份量夠哂大。湯麵選用左較粗身嘅上海粗面，湯底非常清淡，配上香口嘅豬扒一齊食岩哂！好滿足嘅一餐

今日行遠少少lunch..黎ISquare12點半黎到..好彩仲有位！以台灣出名ge路命名..梗係食台灣野啦~餐廳除左做堂食..仲做埋外賣台式飲品入到黎呢句野..好吸我睛！ 不能認同更多waiter哥哥放低餐牌後..又有另一樣野好吸我睛支持環保食物餐牌簡而精..set lunch同小食~鳳梨黑醋骨 配 珍珠飯  $78 set luch包飲品同自選小食..我地揀左吞拿魚沙律黑醋骨偏甜..配新鮮波羅..送飯一流..好開胃！因為我唔食飯ge關係..我地就叫左幾款小食lunch set +$25 ge蒜泥時菜鹽酥炸雞 $44呢個炸雞..arm哂重口味ge朋友呀！送酒一流！香炸蚵仔酥 $48做法同個炸雞一樣~新鮮炸起脆卜卜皮蛋豆腐 $34超多肉鬆係上面..一d都唔孤寒厚燒櫻花蝦塔香蛋角 $44上菜時個d木魚c仲郁下郁下ga2個人...叫到成張台都係野食清哂！

今日行過isquare見到呢一間忠孝東路，都幾台式，咁就入咗去食。 内裏其實都幾簡潔，正合我鍾意嘅簡潔設計 同埋乾乾淨淨。我同朋友叫咗以下:台式香酥炸蝦卷: 作為餐前小食， 呢個香酥炸蝦卷，我覺得炸得幾好， 佢個皮有脆， 同埋啲蝦肉又夠鮮甜 非常唔錯再點埋佢哋個汁， 簡直就绝配。忠孝牛肉麵： 呢個牛肉麵我覺得個牛肉 唔錯，因為牛肉我覺得都叫大塊之餘同埋咬落去有層次感再加上佢個麵都幾彈牙， 仲有其實佢個湯都唔錯， 有幾香濃嘅牛肉味。 每樣嘢嘅配搭我覺得都幾有台式嘅牛肉麵風味算係幾正宗。至於我朋友叫咗以下呢一個麵，雖然我試咗少少，其實佢個麵嗰啲面都幾有彈性同埋佢個湯幾好同清，有D似我以前喺台灣夜市度食嘅麵，所以大家可以試一試呢一個。 見下圖隻蝦幾大隻。最後我覺得呢一間台灣嘢啲嘢食都幾台式，有一啲似喺台灣食嗰種風味，如果大家鍾意食台灣嘢嘅話，唔使去台灣可以試下尖沙咀呢一間。

一睇店名就知係食台灣菜新開的店，裝修風格較為有簡約，用色也是暖色系為主，感覺是現在流行的配色其實店裡有很多套餐，但小妹和朋友不太餓最後點了拌麵和幾款小吃，香炸蝦卷最出色，蝦膠中還保留了蝦粒讓炸蝦卷的蝦味更突出整體的品質也可以，如想在尖沙咀坐得舒服食飯不用等位，忠孝東路不錯唷～

今日同fd係尖沙咀食飯，忠孝東路呢度設計簡約，光線充足，感覺衛生乾淨，喺度食飯都幾舒服1️⃣忠孝柯仔煎$55 賣相好靚！d柯仔好大粒，夠新鮮，呢個小食口感十足，味道豐富，推薦！2️⃣忠孝牛肉湯麵$73 牛肉大大件，幾腍嫩，麵條質感啱啱好，而湯底都飲得出係精心熬製嘅，唔錯！3️⃣烏魚籽香草什菌意大利麵$128炒得好惹味！每一條麵都沾上左魚籽，好彈牙可口，鹹香得黎好滋味！而什菌好有菇味，炸過嘅好似小食咁，好香口！4️⃣芒果綠茶 凍嘅$28芒果味配搭綠茶原來都幾夾，飲落好清新！兩個人喺度靜靜地咁食飯，又或者一大班人嚟食都冇問題（佢有啲座位係裝左個簾，私隱度十足！）

忠孝東路菜式都是比較走健康的路線，整個裝修感覺非常簡潔，坐得舒服，裝修不錯的台式餐廳，餐廳以粉色系列的裝潢，牆上畫了一些畫作及文字，感覺文青香酥排骨面大大舊嘅椒鹽香酥排骨扒，骨位吾多仲要切好上。炸得香酥，口感鬆軟富肉汁。香酥排骨就完全冇骨，油脂比例岩岩好，肉嘅邊緣帶少少酥脆感，而中間肉非常嫩身，只用少少椒鹽作調味，十分非常健康豆醬炒A菜A菜即油麥菜，呢個好食！炒得爽口豆醬又唔會太咸尖沙咀一間幾好食嘅台灣菜，最後見到牆上既有一種味道叫快樂，十分同意今日食得好快樂。———#foodie #hkblogger #foods #hkfood #hkfoodie #likeforlikes #like4likes #likeforfollow #likeforcomment #likeforlikeback #likeforcomments #instalike #followers #followers #photooftheday #amwriting #blogging #newblogpost #instablogger #me #followme #comment💬 #like4me

【鳳梨黑醋骨配珍珠飯】呢間其實之前都食過幾次，算係中規中矩，午市套餐包括8選1小菜、4選1小食同埋飲品（奶茶/咖啡/豆漿/汽水），餐牌間中都會轉下，咁啱上星期去食揀咗呢個鳳梨黑醋骨就覺得真係好味可以推介俾大家。排骨外脆內軟，表面會食到蜜糖甜味，跟住黑醋味慢慢滲出黎，愈食愈停唔到口，配一口白飯，再飲埋杯台式奶茶，唔錯😋