忠孝東路

營業中

休息中

今日經過尖沙咀想食台灣野 見到呢間餐廳裝修都幾少女風又有唔少人就入去食啦我地叫左個永和鮮蚵豆腐湯 鹽酥炸雞 招牌忠孝魯肉飯 烏魚籽奶油海鮮意大利麵 整體黎講食物味道都幾正宗 好似係台灣食咁 雖然個豆腐湯份量都幾細 但味道都幾鮮甜~而個炸雞都幾酥脆 個皮個同雞肉唔會分開 每件炸雞都幾大件下另外個魯肉飯既魯肉比例都幾多下 唔洗驚唔夠撈飯食 而個意大利麵出乎意料幾好食 奶油味都幾重 而且好多海鮮 有蜆蝦同魷魚最後我地仲叫左個黑糖牛乳奶蓋珍珠奶茶 估唔到餐廳既飲品會咁好飲！奶蓋偏甜而且質咁好綿 同平時飲開既咸奶蓋好唔多 同埋珍珠都好煙un好嚼口！

難得有時間去搵個好難約嘅朋友放假嘅時候成日都約唔到唯有係佢返工嘅時候約佢食個晏啦因為朋友係要見嘅然後就揀咗呢間台灣野佢個賣相其實都唔差又有下午茶餐但佢個下午茶其實份量都幾多如果本身食咗晏其實我應該食唔落叫咗個迷你滷水拼盤配珍珠飯同烏魚子奶油海蝦球意大利麵冇諗過台灣野會有意大利麵但係味道係幾好食細食嘅我竟然可以食得晒成個係因為佢個味道真係唔差滷水拼盤就反而普通反而我覺得佢隻糖心蛋係出色鍾意食滷水嘅都會覺得佢好食嘅佢個黑糖珍珠奶茶我用咗外賣杯影相出嚟反而係比較靚

今次嚟到尖沙咀國際廣場附近行街好難得見到商場入邊有間價錢平民少少嘅台灣餐廳裝修唔錯空間亦都幾廣闊於是我哋望咗一陣餐牌就入咗去試吓啦由於同朋友都唔算非常肚餓所以就叫咗少少嘢食填下個肚仔忠孝牛肉湯麵$73牛肉都有成四五舊 同相同價錢嘅台灣店舖相比份量算大而且麵嘅質地亦都非常特別咬落去有啲口感有啲彈口唔會話一咬落去就散晒都幾抵讚香酥怪味雞$60由於見到佢個名咁特別就特登叫試吓睇吓佢嘅味道有幾怪 黎到先發現原來佢唔係真係怪味雞只不過係香酥炸雞 配埋鋪頭嘅醬汁可以話係一個幾好食嘅台灣香酥炸雞 千祈唔好俾佢個名嚇親其實味道一啲都唔怪😂😂最後我哋加咗一杯香芋奶茶少甜 $25呢杯香芋奶茶同我平時其他台灣鋪頭飲嘅出奇地好飲因為通常都係得個甜味冇乜香芋嘅味道呢間鋪頭少甜之後香芋同奶茶嘅比例啱啱好個人幾鍾意你推介鍾意芋頭嘅朋友嚟試吓總括嚟講呢間台灣鋪頭開係商場入面地方幾大環境幾舒適嘢食唔算貴幾適合同朋友嚟呢度舒舒服服食返個晏晝夜晚

琴晚行過入咗去試試，叫咗個推介ge意粉，d海鮮難食到一個點，完全唔新鮮，不過宜家生意差可以理解。但係，廚房大部分為內地同事并無人帶口罩，經理係出面又咳，真係非常噁心。求其食兩啖走入。廚房咁樣令人擔憂。

iSquare呢間台灣嘢午市夠曬抵食，免加一之餘，食物夠大份，仲要跟嘢飲。呢度午市餐牌有好幾款揀，其實幾啱兩三個個同事一齊黎，可以一齊分享幾款食物。前菜叫左涼拌酸辣貓耳朵，好爽口，又開胃。主菜我叫左鳳梨黑醋骨（$78），配珍珠飯，份量好大，十足平時散叫一樣，價錢仲好抵！菠蘿大大粒，酸酸甜甜，啲排骨唔硬，用黑醋包圍外層超正，好有水準！飲品我見有薑汁奶茶，午市可以半價，加珍珠就加$5。薑味好自然，唔會太甜，飲到底仲有好多薑蓉同薑絲，非常足料架。呢度仲可以加$25有多碟白菜仔，啱曬我呢啲菜寶寶。熱辣辣炒出來好新鮮架！呢度環境有文青風，仲有啲打卡味，位置有圓枱有長枱，多人少人都啱。

今日去左尖沙咀行街,行到去iSquare就求其搵間鋪頭入去坐低食飯,今日食台灣菜.忠孝東路,坐低就睇中左個二人套餐,$328都好多野食.1.台式自選四小碟 + 2.湯 + 3.主菜 + 4.蔬菜 + 5.甜品麻辣牛肉,麻辣牛筋,麻辣鴨舌,麻辣豬耳好好食,份量都岩岩好,但真係有D辣.牛肉同牛筋最好食,而且唔係好多地方都有得食麻辣牛筋.松山薑絲蛤蜊湯清淡幾好飲,海鮮湯風味而且蜆又冇沙,相當唔錯.但份量唔太多,好唔夠喉.烏魚籽蛋白海鮮炒飯份量都唔錯,而且好好味,仲用左珍珠米炒飯好有咬口.櫻花蝦塔香厚燒蛋角好特別既一道菜,好有蛋味好好食.三杯雞三杯雞好好食,好入味,又唔係好辣但個味道好吸引食完一舊又一舊.而且D配菜例如蒜頭同薑全部都入曬味,相當出色.破布子炒油麥菜個調味好出色,超好食,完全估唔到個油麥菜可以炒到咁好食.甜品好飽,唔係好食得落,但係都好好食.黑魔 $33個奶蓋好珍珠幾好飲巴樂、蜂蜜烏龍茶 $28好fresh好好飲真係幾好食,但二人套餐個份量真係好多.計起上稷其實好抵食.成日係尖沙咀都諗唔到食咩,又唔想成日都食西餐,而家又多一個選擇啦.

今日又黎到尖沙咀，黎到isquare 3樓間忠孝東路食台灣野！平時行過已經好想過黎試下！今日見一個人唔知食咩好！就過黎呢度試一試！呢度裝修幾靚，燈光幾舒服！地方唔算逼！坐得都算舒服！呢度menu好多野食揀！花多眼亂！見有台灣牛肉麵！呢個招牌野一定唔會中伏！果然不出我所料，味道真係唔錯！牛肉入咪又夠淋，唔會乾爭爭，un到咬唔開！麵底都唔差！唔錯唔錯！而另外叫左個慢煮鹽水鴨片，好少見台灣菜有得食！所以叫左黎試！等左一陣先有，排碟幾靚幾精緻！凍食黎！味道清清地，幾新鮮幾好味！一個人食曬都唔覺得好heavy！呢度價錢都算合理！尖沙咀鋪位加埋質素黎講！百幾蚊落樓都合理！

放假去尖沙咀行街,突然好想食台灣野,即諗起之前食過忠孝東路覺得好好味,要再encore.地方又闊落,坐得舒服.忠孝三寶牛肉湯麵,有牛展,牛筋,牛肚.份量好多,牛展筋肉分明,好軟腍,但有咬口,好有牛肉味.牛筋滑,充滿骨膠原.牛肚爽口彈牙,麵質好爽,掛湯,湯底係紅燒牛肉湯底,微辣,牛肉味濃.慢煮鹽水鴨片,鴨皮好光滑,鴨片肉質嫩滑,唔會蘇,鹹香得又有花椒香味,仲有鹽水浸住既生菜絲,減低肥膩感,真係一道手工菜.黑魔,被個名吸引左,原來係黑糖牛乳珍珠奶蓋,珍珠口感煙韌,每粒都有濃濃黑糖味,奶蓋厚身,綿滑,好creamy,仲有黑糖掛杯,超好飲.

係isquare睇完戲想搵tea食，大部分餐廳都好貴唔岩心水，經過呢間「忠孝東路」，見入面咁靚以為好貴啦，一望menu，發現只需4、50蚊，即刻入左去😁裝潢簡約樸素，打卡一流😊點糖珍珠奶茶，中規中矩👍最正就係台灣cheese cake，比係一般西式cheese cake軟屬好多，但係芝士味更濃，一客重要有2件，真係好滿足😋😋下午茶款式多，任君選擇。唔肚餓既可以好似我地咁食芝士餅，餓既就粉麵飯乜都有😁

今日同女友即興去左忠孝東路食午餐，不過係尖沙咀國際廣場既忠孝東路餐廳。門口已經見到製作飲品既吧枱，相信飲品有一定質素。環境比一般台式餐廳舒適，裝潢更加優雅。忠孝東路有午市套餐，附送指定飲品，加少少$就有小食同特色飲品。- 忠孝魯肉飯賣相幾靚，配料有蝦乾，酸菜同滷肉，口感更豐富。滷肉主要係瘦肉粒，醬汁香口，但略嫌太多，食到最後有啲過鹹。- 香濃麻油雞配珍珠飯雞件肉質麻麻，不過麻油味太香，送飯真係一流。珍珠飯口感煙韌，粒粒分明。- 紅油抄手作為小食，份量真係幾小，只有兩隻。不過味道夠香辣，炒手餡料好足。- 涼拌酸辣貓耳朵貓耳朵幾爽口，味道酸酸甜甜，非常開胃。- 寶島珍珠奶茶有少少奶香，珍珠有香濃黑糖味，不過啲珍珠痴埋一粒粒。

尖沙咀國際廣場真係都好多野食, 我同BB今日就去食忠孝東路, 係台北忠孝東路就好似香港的中環差不多, 比較高級貴價一點, 但今日的忠孝東路對比係香港, 都是性價比高既餐廳, 不算貴, 是香港正常一餐的價錢, 咁先同BB叫左幾樣野食同一杯水果茶,我地叫左台式香酥炸蝦卷、忠孝柯仔煎、香酥排骨湯麵、忠孝生果茶, 台式香酥炸蝦卷是腐皮包蝦肉的,他們加了好台灣的胡椒粉, 好似去左台灣一樣, 再配埋個醬酸酸甜甜好開胃, 另外, 忠孝柯仔煎都好足料, 有好多柯仔, 我BB最愛食柯仔了, 正!!!仲叫左香酥排骨湯麵, 排骨是分上的, 又係加左個個好台灣的胡椒粉, 好正, 個麵好似係手打拉麵的感覺。

一直都見呢間野企企理理好想入去試下，今次終於同個frd收工去試，整體黎講幾滿意嘅，最鍾意係佢柯仔煎同水果茶🙆🏻‍♀柯仔煎每份都有6-8隻好大既柯仔，仲要係無蔥！又唔會煎得太燶，少少脆 食落好有口感～ 點埋海山醬好好味！另外試左魯肉飯，溏心蛋冇熟左嘅蛋黃😍而魯肉就唔會太肥，岩哂女仔食！如果再多d魯肉就更好而擔仔面嘅面條係拉面質地(my favorite😛), 湯底係淡d嘅日式醬油湯底！大家記住唔好放到林左先食！飲品就同朋友叫左杯水果茶試，茶味就冇乜，較重水果味，但個人幾喜歡😂同埋水果好足！兩個人，4樣野，埋單$227! tst呢個價，幾好！

喺isquare嘅餐廳成日都轉半年間已經面目全非不過呢間忠孝東路我成日都嚟食😂貪佢抵食又大碗 地點又方便 價錢 都幾合理☺️//💟忠孝牛肉麵 $73牛肉大塊 整得又淋又軟！湯底好香牛肉味 辣味唔算好重配埋鹹酸菜 好惹味😘不過面略嫌普通咗啲 應該唔係自己手打🙈💟香酥排骨麵 $73排骨超多 連骨炸 唔講以為食緊豬肋骨味道有啲似椒鹽同普通平時嘅排骨有層炸皮唔同超大性價比勁高 湯麵個湯底好清 唔會搶咗排骨嘅味💟香酥怪味雞 $60分量好多 同台式鹽酥雞整法差唔多但有個甜甜酸酸嘅汁好特別食落去亦都好開胃 好好味 推薦😁👍//🎀忠孝東路🎀尖沙咀彌敦道63號國際廣場3樓306號舖

今晚約咗個朋友去尖沙咀, 少有地早到 🤭 6:30已經嚟到喇, 時間尚早餐廳得幾枱有人客, 唔使等位😌朋友要遲少少先到, 我負責睇餐牌叫定嘢食先! 首先叫咗個滷肉飯, 啲炸菜都幾香口, 加埋溏心蛋 價錢唔算貴, 值得叫!一段時間冇去過台灣, 所以已經好耐冇食過蚵仔煎, 呢個味道唔錯, 啲蚵仔嘅size都唔失禮, 同台灣嘅比都合格有餘 怪味雞, 份量都幾多, 我同朋友每人食四件, 炸得幾香脆幾好食, 唔算太油 食物唔錯, 性價比高, 唯一缺點係服務麻麻, 晚市客人已經唔算多, 每次舉手叫侍應都要三催四請, 叫極都冇人嚟, 唔知因為侍應係新人還是有其他原因, 需要改善

忠孝東路大家都應該知道在台灣，在尖沙咀竟然有間店都用此為名。一睇個名就知食台灣野,所以就叫了2款台灣美食，牛肉麵和魯肉飯，一試就知餐廳水準。魯肉飯 有少少酸菜等的配搭 ，魯肉和配料混在一起之後,好香，不會乾。每粒肉粹都調味正好，絆飯就最好不過。更配有一半邊流心蛋，一口隻食到不同的味道。確是不錯。而且都幾大碗。另一個忠孝牛肉麵，麵身煮到軟硬適中，而是吸收左湯的味。湯底方面，牛肉味濃，而且飲落不會咸，亦不會覺得口乾。牛肉方面，更是不錯，一片一片肥瘦分明，而且煮的時間控制的很好，不會煮過老，反而相當滑。