忠孝東路

營業中

休息中

iSquare呢間台灣嘢午市夠曬抵食，免加一之餘，食物夠大份，仲要跟嘢飲。呢度午市餐牌有好幾款揀，其實幾啱兩三個個同事一齊黎，可以一齊分享幾款食物。前菜叫左涼拌酸辣貓耳朵，好爽口，又開胃。主菜我叫左鳳梨黑醋骨（$78），配珍珠飯，份量好大，十足平時散叫一樣，價錢仲好抵！菠蘿大大粒，酸酸甜甜，啲排骨唔硬，用黑醋包圍外層超正，好有水準！飲品我見有薑汁奶茶，午市可以半價，加珍珠就加$5。薑味好自然，唔會太甜，飲到底仲有好多薑蓉同薑絲，非常足料架。呢度仲可以加$25有多碟白菜仔，啱曬我呢啲菜寶寶。熱辣辣炒出來好新鮮架！呢度環境有文青風，仲有啲打卡味，位置有圓枱有長枱，多人少人都啱。