忠孝東路

營業中

休息中

最近香港的餐飲業一片死城，昨晚上堂前到尖沙咀isquare 搵食，眼見好多餐廳都空空如也，可能仲早啦，不過心都幾‘up"。去左間新開無耐的台灣店的「忠孝東路」，舖面簡潔新穎，用橙白色做主色。當然要試下招牌的「忠孝牛肉麵」， 汁濃郁，牛筋炆得腍滑，炆得入味， 大口大口的好滿足，麵質有嚼勁！值得推介！香蔥魯肉拌麵一端上餐枱，已有濃濃的蔥香魯肉味撲鼻，果然，拌面沾有濃郁醬香，非常可口！珍珠奶茶當然必叫，也沒有令我失望！ 茶香、奶味兼備。 珍珠煮得岩岩好，夠煙韌！雖然社會經濟不景氣，但仍要一起共渡時艱！多幫襯小店!

忠孝東路，餐廰名字充滿台灣FEEL，裝修非常簡潔，有一種【快樂】的味道。午市套餐包括了台灣著名的菜式如牛肉麵、怪味雞、魯肉飯等，不設加一收費，並可以半價轉飲其他飲品。我和朋友二人點了香煎虱目魚配珍珠飯配小食涼伴酸辣貓耳朵$98，虱目魚非常肥美，又香又滑，貓耳朵味道酸辣可口，夠晒醒胃！餐廳除了台灣美食外，飲品也非常出色，二人各點了一杯凍香芋奶茶(跟餐)$12.5和一杯凍紅豆奶茶$25，香芋味中帶有奶香，很好！

旅行癮忽發，卻因公事繁忙未能請假任性出走。幸於鬧市一隅尋得這隱世台式餐廳，就當是一趟到台灣的快閃之旅吧台灣簡樸而乾淨的裝潢，令食客感到無比舒適。精美的餐牌，令人食指大動。先介紹的是這道台式慢煮鹽水鴨片，因慢煮的關係，鹽味不會覆蓋鴨味，鴨片鮮滑，令人一試難忙。忠孝魯肉飯，仲有鹹酸菜的鹹香中帶有甜味，加上炸蒜伴味，香脆的味道令我們讚不絕口說到台式美食當然不可不叫這碟忠孝蚵仔煎，足料的蚵仔，絕對係必點之選。餐飲也很值得點，奥利奥牛乳沙冰賣相吸引。甜點則不得不提這忠孝芋圓，台灣特色甜點，加上台式麻糬窩夫配朱古力泡沫果仁，為這程台灣快閃之旅畫上完美句號。

於尖沙咀工作的朋友提議來一個台式便飯，這裡午市套餐不設加一收費感覺非常好。我們各自選了友人選鳳梨黑醋骨入口甜度合適，加上有鳳梨更開胃，配合好感煙韌的珍珠飯，自家制凍豆漿豆味不算太濃但甜度適中。至於小食涼拌酸辣貓耳朵入口爽，小小酸辣的確令人開胃。至於 L 則選乾扁四季豆配珍珠飯，小食則選香辣小黃瓜，飲品則是台式奶茶。四季豆制作時應該有起油，令入口更香口。四季豆內裡亦不乾身，小黃瓜亦爽脆，清新亦中和辣度。奶茶甜度合適。忠孝東路是臺北市東西區交通往來最長的軸線，途經之處大多為臺北市的精華地帶。高雄、彰化、桃園市及新北市其實都有一條同名道路。餐廳盡頭有兩張大圓枱，多人吃飯都沒有問題了。

香港人雖然愛去台灣，但在香港的台灣餐廳只有小部份受喜迎和需要拿飛等位。這間便是小數要等位的，他的成功因素包括食物有質數和舒適的環境。午餐套餐80元左右，份量足，又有小食和大杯飲品。讚。

今日去左尖沙咀食飯，lunch time好多餐廳都滿座，要排隊等好耐。同事去左isquare食飯，我又同佢一齊食。見到有間台式餐廳環境好大好chill，lunch menu選擇好多仲有小食，包埋飲品都唔使收加一服務費，好抵食！難怪12:30門口已經要排隊啦！我同同事等左20分鐘終於可以入座啦！我叫左滷肉飯，凍豆漿。飯粒熱辣辣好有咬口，唔會太淋。滷水半肥肉，瘦肉比較多，岩哂我口味。我最怕食肥肉。醬汁咸香！

在isquare有間非常不錯的台式餐廳，佔地挺大，裝修以暖色系為主，簡約得來又帶點溫馨。說實，我於周六日經常幫襯這家餐廳，皆因它們推出的悠閒時光套餐不設加一，而且選擇多，價錢平易近人，由$45 - $78不等，而套餐已包飲品。鳳梨黑醋骨配珍珠飯我點了鳳梨黑醋骨配珍珠飯，黑醋骨份量非常多，排骨煮得夠入味，入口甜甜酸酸，口感嫩滑不粗鞋，用來佐飯一流。香酥怪味雞配珍珠飯香酥怪味雞份量同樣足，怪味雞外層炸至金黃色，口感酥脆，內層雞肉嫩滑多汁。台式奶茶(+$3)及黑魔(半價轉飲)這裏的奶茶味道不錯，味道非常溫和，就是奶味較濃，入口不會有濃濃的重茶味。黑魔就是黑糖鮮奶珍珠奶茶，奶蓋沒有重鹹味，相反，味道厚醇，與黑糖的甜香味很搭，配上煙韌珍珠，讚。

HB needed to go to dr appointment at TST, there was a little break between check ups so we decided to check out what’s good at Isquare We passed by this Taiwanese cafe, the environment looks chill and cozy and we were attracted by their lunch set. Seats are comfortable and spacious. Taiwanese style beef noodle The appearance looks good but I’m quite disappointed in the soup base. It was VERY SOUR 😣 the beef was good, noodle texture was good but the soup ruin everything. HB picked fried chicken w

今日同屋企人特登嚟到尖沙咀食晚飯，因為屋企人話想食台灣野，所以就帶咗佢嚟iSquare呢間台灣餐廳度食嘢。其實我都係第一次嚟，不過喺OpenRice見到好似幾好味咁，就決定嚟試吓。晚餐佢有個二人套餐，三百幾蚊但係有超多嘢食。前菜有牛筋、豬耳、牛肚、紅燒牛肉，我最鍾意食嘅係個牛筋，佢煮得好琳好入味呢個叫蛋角，唔係好食得出入面有咩材料，不過好有蛋味，煎得好好食個三杯雞煮得好入味，不過啲雞就有啲乾有個櫻花蝦炒椰菜，不過唔記得咗影，幾好食個炒飯佢唔知係咪落得太多鹽，好鹹二人餐可以半價叫兩杯嘢飲，叫咗個生果茶同埋一杯柱桂茶，杯生果茶好甜，桂桂茶即係桂花荔枝茶，開頭飲落都OK，但之後越飲越澀另外加咗個牛肉麵，啲紅燒牛肉煮得好琳好好味，不過面煮得偏硬，屋企人表示唔係太鍾意，但我就覺得OK

尖沙咀商場眾多，今次黎到Isquare覓食。自從ua isquare結束營業，真係少咗個入isquare嘅理由。見到呢間台灣菜未食過，就入去試吓。星期日下晝 都有 lunch set 主菜＋小食仲有飲品。價錢又唔貴。 不過枱同枱之間距離有d近，所以會聽到隔離枱傾d咩，我講野都不自覺細聲少少。海鮮麵線 配抄手最鍾意食台灣麵線，如果好似台灣咁 可以自己再加醋 蒜 同莞茜就正啦。抄手一般 但麵好食。朋友食牛肉麵，都唔錯，配黑松露雲吞。再叫兩杯飲品

一大清早去了尖沙咀睇戲，完場已是中午十二點，剛好午餐時段。I Square 是一座不錯的商厦，餐廳食肆選擇多。今日揀選了嚟間，因為裝潢簡單，色調和諧，有親切感的台式餐廳。週末午市套餐幾抵食，主食，小吃和飲品。鳳梨黑醋骨配珍珠飯份量不少。黑醋醬汁惹味，不是漿粉那種杰撻撻，排骨夠入味，酸甜開胃。炸菜鴨腎一小碟，鴨腎非常爽口有嚼勁。炸菜不過鹹，跟鴨腎夾味。餐飲可選台式奶茶，咖啡或豆漿，但我偏愛水果茶，套餐可以一半價錢的優惠享用。味道略為甜些少，整杯尚算ok。

iSquare開咗台灣料理一邊都算坐得唔錯見到加入仲有午餐供應而且價錢非常之抵，一般都係$60-$80左右，包一款小食，仲包飲品。揀咗滷肉飯配沙律及台式奶茶，滷肉飯足料，夠多滷肉，而且仲有啲酸菜及滷蛋，沙律份量就少少，台式奶茶都幾好飲唔會太甜有茶香。另外，叫咗鳳梨黑醋骨配珍珠飯，呢個黑醋骨有驚喜，我覺得幾好食，而且份量重好多。小食揀咗鴨腎都唔錯。餐廳價錢抵食，性價比高，尖沙嘴區又多一間抵食午餐～～

簡述：1. 食物質素中上 香酥排骨蛋炒飯有驚喜？2. 2主食 1小食 1飲品 計埋加1 $261 價錢黎講 係尖咀叫中規中矩 3. 座落尖咀中心 去食野方便 食完野行街都方便 4. 裝修簡潔得黎幾靚 張枱上面有燈 影野食影得好靚（當然佢既食物都排得好睇）5. 服務一般般 有個呀叔好似唔想做生意咁serve😂 後生仔反而幾好放工同女朋友去尖咀行街食飯 記起iSquare鰻魚飯隔離有間台灣野 裝修唔錯 就膽粗粗上去試下 少有咁冇一道菜係伏 最少都中上 下次會再去試埋其他野食 我地叫左芝麻雞絲粉皮 忠孝牛肉湯麵 香酥排骨蛋炒飯同桂桂茶先講香酥排骨蛋炒飯 強烈推薦 排骨即係厚豬扒 塊扒幾瘦 帶少少油 配埋佢既味粉 好香口 又唔油膩 個飯夠鑊氣 加埋係面既炸蒜食 omg😂 好好味呀～ 唔係講笑雞絲粉皮足料 超多麻醬 唔洗怕食食下唔夠醬牛肉湯麵用既係牛展 又林又重牛味 叫左白湯 有d似酸菜魚個湯 唔係話好夾 但都ok既 桂桂茶係荔枝玉露既清新版 帶少少茶味 飲落好舒服 中意荔枝玉露既話必嗌！

喺尖沙咀行到有啲攰 決定去食個下午茶見到呢一間台灣小店 有新出下午茶 仲要免加一 ，所以就去試吓啦我哋兩個人都分別叫咗鳳梨黑醋骨珍珠飯 $62香酥怪味雞配珍珠飯 $60附送免費豆漿 或者半價選購特飲我們就叫了一杯豆漿及一杯招牌忠考生果茶怪味雞分量挺大 有六七件揸得脆脆的雞塊 問了店員拿蛋黃醬 吃下去一流！鳳梨黑醋骨則有很多塊小的 味道酸酸甜甜 令人食慾大增豆漿是一如以往的好喝生果茶很大杯 內裏放了不同的生果有橙西柚檸檬士多啤梨藍苺等等 味道亦都不太甜 感覺相當健康最後埋單141元 性價比甚高呢！

冫近排大家都很不快樂。經過「忠孝東路」見到有句宣傳語系：有一種味道叫快樂。很令人感動，即刻想入去食下野感受下。餐廳風格簡約，很有台式氣氛，門口買飲品，可外賣，店員很熱情。午市套餐好抵食，配野飲，又另外可以加小食。供應時間糸11:3-15:00。所以中午食飯的打工一族勁多人。忠孝魯肉飯，賣相靚仔，糖心蛋十分糖心，很入味。魯肉大粒,肥瘦適中，加上台式小食皮蛋豆腐，好滿足。皮蛋豆腐，豆腐嫩滑，台味十足。牛肉麵，湯底清甜，牛肉口感好冧，質素晤錯。香酥炸蝦卷，好香脆，春卷皮包住厚厚蝦膠，彈牙香口。