彩福喜宴

營業中

休息中

今天侄兒放假約我們及婆婆五人飲茶，未到12點已到取票C8、12:10左右叫叫到C6即差一張枱，我們即推老人去到彩福喜宴外等枱，結等了將近一小時飛號都冇叫，但期間不斷有客上樓，不明所以就跟上去看看，但見那些人上到去搵部長就有枱，不明白我問部長，部長解釋是叫飛，我表明在樓下等了一個鐘所有枱都冇叫過飛，部長語塞。等了一小時，因老人家趕住去覆診，唯有離開另覓外找地方去食，真的一肚氣及掃慶，又投訴無門，希望該集團留意他們的服務及有所改善。

本來我跟朋友都幾中意中午嘆茶，以前間中早茶时段都有捧場，但最近呢一兩年经少咗來呢度食嘢，点解？的出品差左，食物又唔新鲜，服務員又愛理不理咁，唯有拉隊去別的地方啦！的出品賣相十分之差，鮑魚烧賣的鮑魚仔跌哂出來，啲粉果又東歪西倒，總之大部分上台見到既出品同預期落差好大，咁都可以得奖？？我朋友问侍應是否换左師傅，以前都唔係咁差㗎！但佢地都話唔知…睇來我地以後又少左一個去處啦最慘係當日手機有少許故障，影低的相唔見左，否則的話定公諸同好…

今天家人生日晚飯，8人晚餐1600幾$其實幾好味，尤其龍蝦、燒雞、魚，樣樣好味。另外叫了一碟炒牛肉粒$115，來到是一碟好似屋企留飯的一人份量，兇悪的男部長教識我地這碟叫做例牌，然後拿回去廚房。三個小孩餓極問下得未，再悪D話：整緊啦。牛肉再度出現，多了幾塊牛肉和大量荷蘭豆，而且仲係幾生的，點俾小朋友食。無言以對，完。食物好，服務超奇差，裝修幾多次有幾靚又如何，香港地好食的地方不止你一度，係咪？以後不會再受你氣。

食到好唔爽，同佢催單，以為我加單，見佢寫野知唔對路，唸住好心話佢知係催單，竟然好唔禮貌咁話佢寫緊，最後同我預期一樣，入左2個，比錢果時我咪話只食一個，佢就衝過黎話我明明要加多個，個樣超級核人憎，極不禮貌語氣，比錢買難受，極唔爽皮！野食中規中矩！

繁忙時間去真係好你真係一次過要叫曬啲點心如果你叫第二第三次的話係唔會有人理你因為我想食第二round等咗九個字個飯都未嚟因為十幾人喺度呆坐我已經不停叫咗唔同嘅人入去催下次唯有醒目啲呢間不嬲都係價廉物美嘅選擇唔知係咪真係繁忙嘅關係啲嘢食開始九唔搭八過wasabi明顯落咗太多wasabi雖然啲人係肚餓 但成碟冇人食涼拌 金錢肚金錢肚太過硬咬唔爛成碟嘢好似冇落過調味咁 好淡口冇乜味但係餃類都算 皮薄餡靚服務都算 過得去但係其中一個男人就淨係服侍熟客

移民咗去英國好耐嘅呀姨特登飛黎香港探我地，佢話佢好耐都冇食過正宗嘅中國菜，所以我地就帶佢去食番夠本！呀姨間酒店係喺炮台山，所以我地都就佢去番個頭食。原來酒店對面個商場已經有一間酒樓，叫彩福，門口話佢地拎過一啲飲食界獎項，所以我地就去試下啦！呢晚七點鐘都唔算好多人，我地都好快有位，坐低之後就睇下叫咩食～從媽咪口中知道呀姨好鍾意食乳鴿，所以我地就叫咗兩隻炸乳鴿，乳鴿真係好嫩滑，外皮脆卜卜，入面又juicy，又夠鹹，好好食。另外我都唔執輸，叫番半隻炸雞，因為我唔識食乳鴿嘅關係，唯有食雞補數，呢度嘅炸雞唔會鞋又唔會韌，個雞皮鬆化到呢，100分！跟著呀爸叫咗甜酸咕嚕肉，個咕嚕肉冇骨，個汁偏甜，幾岩我口味。個粉絲軟殼蟹煲最令我印象深刻，因為唔單止足料，軟殼蟹脆唔洗講，佢d粉絲係下面係好特別，fusion菜，小弟乃窮人一個，唯有粉絲當魚翅食，哈哈。媽咪話天氣涼咗，秋冬食羊腩煲就最啱，所以就叫咗一個招牌羊腩煲。羊肉出奇地稔，又唔羶又入味，係我食過咁多次最好食嘅羊腩煲，再加埋d生菜，真係好開胃，大家一定要試試！我地今晚又傾又食，就同姨姨度過一個愉快的晚上。

敬愛的小學老師榮休，身為班長的我組了三個學生，請老師去酒樓吃一餐慶祝！老師住東區，所以我提議去北角彩福食。好大個魚缸，海鮮好似幾生猛！原來這裡有不少得獎菜式，似乎我沒有選錯地點！中式酒家竟然有炸軟殻蟹，點了一個軟殻蟹粉絲煲！一來到，真的嚇了，$98有一大煲，粉絲反而不算多，軟殻蟹有十多件，炸得十分香脆，汁不算大多，所以軟殻蟹絕對能保持香脆！我們也點了兩隻乳鴿，皮脆肉嫩，size不小，不錯！咕嚕肉也很出色，很怕炸過火的排骨，這個完全不會，酸甜度剛好！秋火起，點了羊腩煲，熱辣辣，好惹味！枝竹好入味，調味恰到好處，濃淡適中！羊肉好夠稔，沒有羊羶味，很惹味！除了枝竹羊腩，還有大花菰、筍，夠足料！我們加了一碟生菜！整體每個餸都達到水準，服務態度亦都好好，不時過來幫手換碟，下次可以帶爸爸媽媽來！

整完甲去北角飲茶傾計，朋友話呢間酒樓有得奬點心，心諗點心都得奬咁巴閉就真係要試吓先。我哋11點到酒樓已經超多人，等左一陣上到去環境唔錯有落地玻璃陽光充足令人精神爽利，好可惜啲侍應非常無禮貌。見到點心紙真係有幾款得奬點心影啲相賣相又唔錯，我哋叫咗其中四款有富貴蝦菌皇功夫腸，原隻鮑魚燒賣皇，港式街頭蝦米豬腸粉，旋風黃金流沙包，加一個叉燒飯。真係要讚下五款食物嘅賣相非常吸引，一向鍾意食流沙包嘅我一定唔會放過呢碟旋風黃金流沙包，表面嘅旋風圖案加上流沙奶黃真係點可以抗拒呢！而港式街頭蝦米豬腸粉用咗三種唔同顏色嘅醬汁點綴，腸粉除咗落甜醬同花生醬仲落咗辣醬，整到我嗰三分一畀晒朋友食，不過食得辣嘅朋友就讚不絕口。富貴蝦菌皇功夫腸用左賴尿蝦嘅頭尾點綴，不過隻賴尿蝦頭尾未有煮熟，雖然係用嚟裝飾但未煮熟嘅味道出咗嚟，不過腸粉就幾好食，春卷皮仲可以做到吹卜卜。原隻鮑魚燒賣皇就真係用咗細細原隻鮑魚點綴，但可惜細細原隻鮑魚冇乜味，如果可以浸下啲飽汁會更好，不過燒賣本身就好好味。最後因為太肚餓仲叫咗碗蜜汁叉燒飯，本身冇乜期望嘅，但半肥瘦叉燒加上強勁嘅蜜汁陪白飯真係超好味。呢餐真係好滿足！

今日朋友特意黎我屋企探我，咁就去附近既酒樓食lunch見到賣飛佛流沙包係得獎菜，當然要叫一籠黎食，再叫埋另一得獎菜 - 芝心海皇千絲春卷呢個流心包外觀有別於一般既流心奶皇包，但食落同普通的沒什麼大分別，可讚的是個包係熱騰騰，中間的流心涵真係好流心，而且唔太甜呢個就係另一得獎菜 - 芝心海皇千絲春卷，講真個display有d求其，望落去有點失望，不過咬落去都有驚喜，唔油膩，同埋好鬆脆朋友要求叫呢個灌湯餃，食完真係要推介，勁足料，又有冬蟲草，又有好多乾瑤柱，個皮又夠薄，所以真係好好味，以前我不太喜歡食灌湯餃，因為食親都好厚皮，又多肥豬肉，勁油膩，但今次食完開始改觀燒腩仔都唔錯，個皮都好脆，不過如果d肥肉比例再薄返少少會更perfect我超鍾意食d煙煙韌韌既野，呢個綠茶煎軟餅就係啦，不過偏油膩，同埋無咩綠茶味，只是不過不失啦

八號颱風過後的星期六，訓到自然醒就同屋企人去左彩福喜宴飲茶，過一個悠閒週末。 海蜇拼掌翼（$48） 海蜇爽口香脆，掌翼鹵得非常入味，是一道不錯的小食！ 櫻花蝦海皇煎薄罉（$26） 平時吃的多數是韮菜餡，櫻花蝦薄罉倒是第一次吃，有豐富蝦香，非常香口。 脆皮牛肋粒（$38） 鬆化的脆皮包住腍軟鬆化我牛腩粒，香脆嫩滑，旁邊仲有喼汁，點埋一齊食味道仲正！ 原隻鮑魚燒賣皇（$35） 呢個原隻鮑魚燒賣皇認真巴閉！ 係榮獲香港旅發局2014 美食之最大賞—至高榮譽金獎殊榮！ 大大粒的鮑魚非常厚身，配埋原隻鮮蝦燒賣味道一流呀！ 真功夫潮州炸粉果（$28） 同樣係得獎點心的炸粉果，榮獲香港旅發局2015 美食之最大賞—至高榮譽金獎。 炸粉果外層脆卜卜，好似咸水角皮咁，內餡同普通粉果無異，仲配埋碗上湯比你浸住食。 另外點了一個套餐$162有3樣食物！ 脆素鵝拼燒腩仔（單點 $52） 燒腩仔皮脆肉嫩好滋味！ 涼瓜龍躉班頭腩炒河（單點 $90） 龍躉班頭腩煮得入味，份量又夠多，底下河粉吸收曬醬汁好香！ 白灼唐生菜 最後點左2個甜品！ 原個椰皇燉燕窩（$38） 燕窩份量

放假當然要同屋企人去食點心，一齊去左試彩福喜宴的得獎點心，感覺唔錯！海蜇拼掌翼（$48）作為小食，份量和味道都很好！海蜇份量夠多，鮮味爽脆可口，掌翼鹵得夠入味。櫻花蝦海皇煎薄罉（$26）薄罉比平日多了櫻花蝦，食落更添一份香味。薄罉煎得夠香，若能再煎焦一點就更加好吃了！原隻鮑魚燒賣皇（$35）這個鮑魚燒賣皇是得獎點心，得到香港旅發局2014 美食之最大賞—至高榮譽金獎的點心。鮑魚非常厚而彈牙，味道鮮，配上原隻鮮味可口的蝦肉豬肉味道很好，不愧為得獎作品！真功夫潮州炸粉果（$28）這個也是得獎點心之一，曾榮獲香港旅發局2015 美食之最大賞—至高榮譽金獎。咸水角的外皮，香脆軟糯的口感，配上豬肉、韮菜、沙葛等，比普通粉果多了一份香口感覺。原個椰皇燉燕窩（$38）燕窩份量很多，椰皇清甜解渴，蛋白夠清香，奶味亦很香，非常滋潤。紫醉金迷（$18）紫薯千層糕一份有4件，紫薯腍香軟滑，甜而不膩，是我的最愛。

老公向來愛吃點心，所以每逢周日假期，兩口子的慣常拍拖節目，除了去行商場和購物外，就是上茶樓嘆一盅兩件。不過住處附近的酒樓，幾乎全部試勻，所以決定近近地，落北角逛逛。從手機 Apps 的附近餐廳找到《彩福喜宴》，原來這間酒樓是位於炮台山國都廣場入面，難怪我倆一直沒為意。由於這天是星期日，所以都預咗酒家會非常旺場，幸好來到時，門外輪候的食客不算太多，只是等了一會兒，便可入座。沿著梯級往上走，原來店內地方頗大，分為左右兩區，而我們就被安排坐於大禮堂一邊。細看四周，裝修雖然說不上金碧輝煌，但禮堂盡頭設有 LED 高清電視大屏幕，配上天花的金屬裝飾，陳設甚具氣派，的確很適合新人用來作婚宴場地。安座後，先拿起點心的價目表看看，星期六、日及公眾假期，午市小點：$17、中點：$23、大點：$28、特點：$33，茗茶每位：$10，點心價錢與市面一般酒樓相若，不算貴，而且點心紙上還列出不少午市精選、星級名廚推介、商務套餐、榮譽金獎點心和仲夏滋味小食等，選擇非常豐富。見幾款得獎點心，賣相吸引，所以決定先選三款試試，再邊食邊揀。率先上桌的原隻鮑魚燒賣皇 ($35)，賣相貴氣。端前細看，肥大的燒賣頂頭放了一隻嬌

因為住附近所以其實都黎過幾十次架啦岩岩裝修完 變到金光閃閃 不過我唔太鐘意彩福係北角都算係大佬黎架啦 相比起其他酒樓 感覺上乾淨的 位置又鬆動的 價錢又唔係太貴 所以基本上每一日既lunch time都係排曬隊 有試過等成個鐘先有位坐食物方面就正常啦 無野彈又無野讚 服務方面又系普普通通不過都會keep住黎既原因就係近😂同埋今日係海馬8號風球都有開 抵讚辛苦曬😁👍🏻

彩福服務非常之差。10月4號晚上，一家人原本開開心心相約吃晚飯。7:15 PM叫了一個三寶套餐，10分鐘後再告訴我們沒有北京田鴨；之後我們再叫另外一個三寶套餐，過了十分鐘後，他們又說沒有另外一種菜式。35分鐘後我們再追第一次落單的炆豆腐。等了另外在30分鐘他才說叫了遺失左張單。終於等到一個鐘零15分鐘才上豆腐。所有服務員態度非常散漫和不負責任。他們態度行動亦很慢。我們以後也不會再來幫襯。😈😈😈

為求方便走到奶奶老爺家附近的彩福酒樓一家16人坐在一枱高高興興與老人家慶祝中秋節。點菜時待應生推薦一味海中蝦，就叫了一斤，當上菜時同枱16人都無法相信有一斤分量，後與該待應生問清楚有否上錯菜，該待應生回覆海中蝦隻隻都有３両重，數一數有11隻啊！一斤有11隻３両重海中蝦，仲好似好 so 我哋，無法理解，態度欠佳。餸菜選擇不多，叫了好幾個多蔬菜的小炒，出來的味道完全一樣。個甜品是燕窩燉椰皇，所謂的燕窩心裹有數，但有椰皇燉過頭，連啲椰肉都不是白色的。