影片
更多
2016-10-30
1092 瀏覽
整完甲去北角飲茶傾計，朋友話呢間酒樓有得奬點心，心諗點心都得奬咁巴閉就真係要試吓先。我哋11點到酒樓已經超多人，等左一陣上到去環境唔錯有落地玻璃陽光充足令人精神爽利，好可惜啲侍應非常無禮貌。見到點心紙真係有幾款得奬點心影啲相賣相又唔錯，我哋叫咗其中四款有富貴蝦菌皇功夫腸，原隻鮑魚燒賣皇，港式街頭蝦米豬腸粉，旋風黃金流沙包，加一個叉燒飯。真係要讚下五款食物嘅賣相非常吸引，一向鍾意食流沙包嘅我一定唔會放過呢碟旋風黃金流沙包，表面嘅旋風圖案加上流沙奶黃真係點可以抗拒呢！而港式街頭蝦米豬腸粉用咗三種唔同顏色嘅醬汁點綴，腸粉除咗落甜醬同花生醬仲落咗辣醬，整到我嗰三分一畀晒朋友食，不過食得辣嘅朋友就讚不絕口。富貴蝦菌皇功夫腸用左賴尿蝦嘅頭尾點綴，不過隻賴尿蝦頭尾未有煮熟，雖然係用嚟裝飾但未煮熟嘅味道出咗嚟，不過腸粉就幾好食，春卷皮仲可以做到吹卜卜。原隻鮑魚燒賣皇就真係用咗細細原隻鮑魚點綴，但可惜細細原隻鮑魚冇乜味，如果可以浸下啲飽汁會更好，不過燒賣本身就好好味。最後因為太肚餓仲叫咗碗蜜汁叉燒飯，本身冇乜期望嘅，但半肥瘦叉燒加上強勁嘅蜜汁陪白飯真係超好味。呢餐真係好滿足！
見到點心紙真係有幾款得奬點心影啲相賣相又唔錯，我哋叫咗其中四款有富貴蝦菌皇功夫腸，原隻鮑魚燒賣皇，港式街頭蝦米豬腸粉，旋風黃金流沙包，加一個叉燒飯。
真係要讚下五款食物嘅賣相非常吸引，一向鍾意食流沙包嘅我一定唔會放過呢碟旋風黃金流沙包，表面嘅旋風圖案加上流沙奶黃真係點可以抗拒呢！
而港式街頭蝦米豬腸粉用咗三種唔同顏色嘅醬汁點綴，腸粉除咗落甜醬同花生醬仲落咗辣醬，整到我嗰三分一畀晒朋友食，不過食得辣嘅朋友就讚不絕口。
富貴蝦菌皇功夫腸用左賴尿蝦嘅頭尾點綴，不過隻賴尿蝦頭尾未有煮熟，雖然係用嚟裝飾但未煮熟嘅味道出咗嚟，不過腸粉就幾好食，春卷皮仲可以做到吹卜卜。
原隻鮑魚燒賣皇就真係用咗細細原隻鮑魚點綴，但可惜細細原隻鮑魚冇乜味，如果可以浸下啲飽汁會更好，不過燒賣本身就好好味。
最後因為太肚餓仲叫咗碗蜜汁叉燒飯，本身冇乜期望嘅，但半肥瘦叉燒加上強勁嘅蜜汁陪白飯真係超好味。呢餐真係好滿足！張貼
