彤福軒

營業中

休息中

食完上一餐，立即又訂位，但都已訂到一個月後了。因接近聖誕，酒店和餐廳已換成聖誕裝飾，好有氣氛❤️今次照樣點了拆魚餃，XO醬斑片菜苗餃，炒魚麵，水準一樣出色，十分美味。另外新試了柚子水晶柚皮，琵琶鵝，脆皮蘿蔔糕，雪山和牛餐包，蝦肉脆腸粉和鮑魚黑豚肉燒賣。特別係柚皮確係正，清新好味，一試難忘😍 所以最後又係食到好飽😂

彤福軒 Lunch~好Grand 既一間酒店中菜廳～真係唔係浪得虛名，貴格得黎係好好食呀！我地8個人叫左8樣野，樣樣都讚不絕口，同平時酒店既中菜廳大大不同🤭佢地既菜式以順德菜為主：香辣豬仔腳～好香既花椒味 個汁 好出色～北京填鴨兩食～個皮脆到呢～勁正呀～脆皮炸子雞～個皮又係超脆 雞好juicy~桂花香酥骨～好鬆化，本身冇點個桂花，點知個桂花醬先係精粹，好得～鳳城五彩炒魚麵～竟然有大排檔嘅鑊氣，真係估佢唔到 超超超好味～已經唔在乎佢又有冇用粉啦🙈百合炒蘆筍～菜都炒得好有鑊氣 又一驚喜～牛肝菌千層滑雞煲～啲雞真係好滑～

難得相約好耐無見的朋友去K11 Musea 行街，一早訂左係Rosewood 上面的彤福軒直落食dinner我地上到餐廳的第一個印象是- 哇超正的環境同國金軒有得Fight 幸好朋友提醒我提前打電話安排，我們不用等足一個鐘食呢度出名的烤鴨。師傅把一片一片香脆的烤鴨片和鴨肉切下的同時，香氣亦隨之撲鼻。烤鴨的質素之高係我在香港食過的top 3 。除左片皮鴨仲有生菜片鴨崧，二食加埋1000 元有找值回票價。其實食左鴨都已經飽左一大半，我地用餘力食埋煎焗魚嘴。魚嘴焗完之後好香，不過連續食兩樣偏油的野未必個個okay 服務員推介了一杯桂花 cocktail 比我地 裡面有桂花 桃 意大利氣泡油，岩曬食左一輪香濃美食的我地balance 下腸胃，準備迎接甜品 甜品係off menu 的炸牛奶。外脆內軟的經典順德甜品真係好考師傅功夫。我自己好種意奶類所以好岩我，我朋友對牛奶一般般 但都話好食。係咁既靚景之下同朋友嘆美食 吹下水 確係一大樂事

因為星期五放假，好好彩用OpenRice 訂到位食午餐。當踏入餐廳門口，迎接嘅服務員已十分有禮貌，等了不太久便安排入座。座位舒適，面對香港呢個靚海景，已滿足咗一半。因為第一次嚟，之前已做定功課： 魚拆餃，炒魚麵，魚蓉羹和蜜汁叉燒係必叫，另外也叫了小籠包，奶黃包，菜苗餃，全部都好好味，用料上乘，手工精細，美味可口，不得不提，個龍井茶又香又滑，好正！甜品叫了甜品拼盤，每款糕點都有一兩件，件件都好食，總括嚟講今餐十分滿意👍🏻👍🏻👍🏻

期待咗好耐嘅彤福軒今日終於有機會試到，試完之後亦明白了點解咁難訂位，李師傅肯定是當今數一數二的中菜師傅。水晶柚皮︰師傅推介的頭盤最有驚喜，入口清爽，少少的酸味帶出了柚皮的鮮甜，不得了。香芋斑蘭包︰好似係呢一個名。芋頭同斑蘭葉嘅味恰到好處，就是這種剛剛好的感覺，配合得宜。順德拆魚餃︰好睇又好食，不過要提大家唔好掛住影相而搞到個拆魚餃凍晒。皮做得好薄，入面嘅魚肉亦都好新鮮。老陳醋海茸紫茄︰另一個涼拌前菜，茄子做嫩，四粒辣椒仔好好味。蟹粉小籠包︰蟹粉好香，味道濃，小籠包的皮夠晒薄，優質。遼蔘餃︰其實已經唔記得咗呢一味叫做乜野名，好食嘅，不過遼蔘同下面嘅釀肉因為始終質地唔同，所以要同一時間咬晒上下兩樣野有少少難度。蝦乾春菜煲︰很欣賞入面的雅支竹，師傅對食材的運用確實有一手。鳳城五彩炒魚麵︰鍾意佢唔太油，魚麵麵質幾好，配料亦炒得夠香。瑤柱脆皮蘿蔔糕︰呢個都好食，不過比起其他的菜式，呢一個相對一般。甜品拼盤︰精緻到唔捨得食，而且樣樣野嘅味道都好好，色香味俱全，完美嘅句號。

🍴瑰麗宴會中菜 🌹參加好友婚禮，在瑰麗設下宴席，品嚐到高質的佳餚。瑰麗酒店只有一家在5樓的中菜廳「彤福軒」，但一般宴會，酒店便會安排宴會廳設宴，這次的宴會在酒店的4樓舉行，無論食物、環境及服務都一流，讓人有賓至如歸的感覺。📍鴻運片皮金豬件黑松露煎元貝作為婚宴，打響頭炮的必然是鴻溝乳豬，每人一片烤得色澤均勻，香脆可口的乳豬片。餐廳巧妙的把乳豬配合黑松露煎元貝，元貝以豆苗墊底，中和乳豬的肥膩感。而紅紅綠綠的配搭，亦增強不少視覺效果。加上松露元貝的質感，又冧又滑，鮮味無窮，為宴會打響頭炮。📍玉簪虎蝦球拼香酥鴿腿玉簪虎蝦球就是以菜心作為玉簪，穿在虎蝦球作為佳餚。一客有兩串蝦球，拼以香酥鴿腿。沒錯！一般飲宴都以鴻運雞件入饌，這裡卻用炸鴿腿，鴿上腿已拆骨，只剩下腿單支骨，鴿肉炸得金黃酥脆，肉質嫩滑美味。值得一提的是，菜式以厚身中空的透明玻璃碗擺放，精緻又新穎。📍日式麵豉醬焗深海鱈魚深海鱈魚焗至外皮香脆，肉質嫩滑多汁。魚皮脆口得來帶有一點黏糯，充滿膠質。這道菜連伴碟的炸樹葉都可以吃，質感就像炸薯片一樣，鬆脆可口。📍松茸菜膽燉花膠一般的婚宴都以魚翅或魚肚羹作湯羹，這裏卻是一人一盅的花膠燉湯。燉湯熱辣辣

Rosewood嘅中菜「彤福軒」可以望住到海景食嘢，而且設計唔同一般中菜廳，以黑色為主調，可以relax下😌 （個景唔記得影相😅）既然係順德菜，當然order拆魚餃，功夫嘢其他地方唔多有，仲要成條魚嘅造型，好食又啱曬打卡另一味用魚做嘢點心，xo醬星斑魚餃，d個外型就無咁特別，同埋魚肉唔多，普通左啲，但個XO醬幾香鮑魚燒賣，正常發揮的話唔洗講一定唔會衰。帶子海鮮酸辣湯，當然唔係川菜個啲，改良版我覺得更加啱我口味，唔會好辣，酸度啱啱好，有海鮮多咗鮮味雞湯花雕煮花甲，個湯好鮮，少少花雕味，花甲新鮮大隻好鮮甜果仁牛肉酥啲個有驚喜，果仁或者講堅果，同肉好夾。牛肉有加孜然，個面應該有麥芽糖黐住啲果仁碎，多個甜味，入面啲牛肉做到一絲絲個質感，所以叫做「酥」。五彩炒魚麵順德經典嘢，麵彈牙，其他地方已經買少見少甜品拼盤有順德嘅大良炸鮮奶（好似春卷個件），酥脆一啲油都無，應該係堅水牛奶，用春卷皮唔係傳統個隻，效果更好。白糖糕，鬆較有白糖味芝麻卷，煙韌有芝麻味，不過太細件芒果糯米糍，個皮唔厚又煙韌唔會黐牙桂蜜鳳眼果，第一次食鳳眼果、個樣似栗子食落似蕃薯，本身應該無咩味，用桂花蜜包住有陣清新甜味👍🏻推薦：草苗

I was planning to book high tea for my family in Rosewood hotel but it’s fully booked till August or September. Therefore, I try my luck to book the Chinese cuisine but it’s fully booked too. The staffs of Rosewood was smart enough to suggest to book the room for my lunch arrangement in The Legacy House . I am impressed to have such reasonably charges to have larbour view in private dining room along with dedicated staff to serve our lunch. The best part was I can pay ahead of time so my famil

五星級環境，服務態度非常好品茶 -訂了房的關係，未入坐先品茶。侍應哥哥比我們任揀不同品種茶試飲，選好了才開茶給我們。香辣豬仔腳 -麻辣味，普通腍身夠入味，不過這是一般酒家應有的水平。化皮乳豬件 - 都係普通，符合其本要求，微暖，皮夠脆，沒有太多脂肪。果仁酥香牛肉粒 - 孜然粉調味，沒有牛肉咪。脆薑酥炸田雞腿 - 這個是前菜中比較出色的一個，不油膩，大隻的田雞腿，肉汁豐富，比雞脾肉嫩滑。XO醬蟲草花拌蟶子 - 這個大家食完都唔知原來係蟶子，所以都講唔出咩味。沙田脆皮妙齡鴿 - 這道菜名係名符其實，老人家食過舊時的沙田乳鴿，讚此鴿夠水準，體型大小適合，脆皮，上庄肉唔會嚡熠熠，下庄肉嫩口多汁，沒有外加淮鹽都夠味。傳統北京烤填鴨 - 香港一般的填鴨，不能和填鴨專門店比較，沒有特別香味，入口都是一般般。潮汕風味蠔餅 - 蠔量充足，每隻都十分飽滿，食到餅中心位始終都比較油，上枱後過了十分鐘便不能吃了，一定要快食。魚塘公煎焗魚嘴 - 脆口唔油，沒有腥味，第一啖食完脆口位，第二啖入肉嫩滑鮮味，好食。方魚鮮菇油泡星斑球 - 全晚最差一道菜，魚肉唔新鮮有腥味，失敗之作。鳳城五彩炒魚麵 - 魚麵彈牙，加枱

柚皮做甜品，完全沒有柚味，一開始就失望。金錢雞用了鵝肝，鵝肝本身燒得好，但顧及鵝肝只能烤短時間，就不能好好燒肥肉，結果毫無金錢雞的香味。完全錯配，花巧，卻缺乏金錢雞應有的香味。琵琶鵝原來只是掛爐鵝（從開放廚房可清楚看見），結果只有面脆，底面完全不香脆。用個琵琶形狀的盤上菜就叫琵琶鵝，有點那個 。釀鮻魚還可以，只是餡料做得過份結實，欠口感。唯一做得好的順德菜是最後甜品的炸鮮奶，用北海道鮮奶製造 ，不錯。總的來說，稱順德菜酒家，未能做出讓顧客滿意的順德菜，加上價格偏高，讓人失望 。

自從疫情冇得去旅行，從舊年開始就同閨蜜展開香港摘星之旅。今次就試彤福軒，訂位都等左大半個月，還要1:45才有位。前一日餐廳打電話confirm 訂位，曾要求可否早一些到，回覆不可以。餐廳面對維港景色，但唔知點解都係覺得暗。被安排坐在類似茶餐廳嘅卡位，加上桌子又是黑色，真係暗上加暗。見到對面有張圓枱沒客坐，要求掉位，回答說已留比其他客人。兩點多侍應説兩點半last order, 見到那張圓枱還是空的，又要求掉位，回答又是客人會來的。最後有位叫Mike 的侍應知道後就馬上去跟reception 聯絡，原來那些位子是留給staycation 的客人，但係都冇出現。Mike 幫我們安排掉位，而且很明顯佢同廚房溝通很好，了解每款點心特色，見到我們叫的炸𧐢餅只吃了少許，知道原來是太多油了，佢就馬上收回。據說重開的彤福軒食物很有水準，我哋覺得都幾好，不過並非一試難忘！印象比較深刻的是由桂花魚和鯪魚做嘅魚麵炒得乾身且感受到鑊氣所在。吃起來爽口彈牙，清鮮好吃，加入椒絲、蛋絲、芽菜及唐芹絲同炒增添風味，其獨特的香氣更可辟走魚腥味。最主要嘅係Mike 為餐廳挽回了不少服務質素分，值得讚賞👍

餐廳環境的確係一流。食物水準都係ok.但未算有驚喜。我個人覺得JW中菜同國金軒食物水準高那麼一點點🤏都試左好多推薦菜式，但都無咩令我特別深刻。我覺得一試無妨，但令我再去的動力唔算太大。

🌹閨密4月約會午餐，終於去了收藏已久的《彤福軒》，疫情期間曾暫停營業，在尋找餐廳時，見到open rice 有位訂即時確認，開心！🌹《彤福軒》位於瑰麗酒店5樓，酒店中菜又是另一股品味，每處擺設、擺位、裝飾都有獨特之處，就像欣賞藝術品一樣。服務員安排了窗邊位讓我們進餐，但當天密雲有雨，海景變得矇矇的，真的浪費了，若然是好天氣，景觀一定很不錯。閨蜜👭與我喜歡多吃不同款式，所以一早預訂點心套餐，食落覺得食物沒有太大驚喜，但味道還是不錯，份量是足夠女生吃，若然與男生來吃，相信要加餸才能飽肚！黑松露竹笙上素餃⭐️⭐️⭐️順德拆魚餃⭐️⭐️⭐️松葉蟹羽衣甘藍棵⭐️⭐️⭐️阿拉斯加長腳蟹灌湯餃⭐️⭐️⭐️⭐️欖菜海茸炒四季豆⭐️⭐️⭐️⭐️鳳城五彩炒魚麵⭐️⭐️⭐️⭐️芝麻卷配順德倫教糕⭐️⭐️⭐️⭐️個人評分味道⭐️⭐️⭐️⭐️服務⭐️⭐️⭐️環境⭐️⭐️⭐️⭐️衛生⭐️⭐️⭐️⭐️抵食⭐️⭐️⭐️回頭率⭐️⭐️⭐️

慕名而來，早前訂了，卻因疫情反覆被取消，今天終於可以跟媽咪來試試～～啫啫芥蘭煲是請大廚煮的，menu上沒有的，不用蝦醬，用了XO醬炒，少了那種嗅覺的刺激，也是可口的五彩魚麵以為有五種顏色混合好搶眼，有黃色韮黃、淡綠色蔥、白色麵條、點點紅色辣椒🌶️、肉的顏色，顏色淡淡的，味道也是淡淡的～～～鵝肝金錢雞是鵝肝、豬腩肉、冬菇三層夾在一起，少有的懷舊菜，但好肥呀～～我見到都怕怕，他們覺得好好味～～荀尖蝦餃很大隻啊‼️有齊蝦、豬肉，水準之上順德拆魚餃顧名思義是魚啦‼️ 樣子可愛，味道也是清清淡淡的～～竹炭流心奶黃包好靚，但不太流心，已經是趁熱食，外面很燙手，入面卻有點失望～～燒味雙拼是义燒拼乳豬，果然是腩义，三個不同肥瘦度連在一起，我最中意又瘦又燶的，乳豬出奇地瘦，完全沒有脂肪，當然啱我口味，他們就不滿意了～～大約四十多元一件燒味，真有點搶錢‼️ 訂位時說是慶祝生日，點了士多啤梨酥🍓，忘記影，但是很好吃的，加送壽桃，很感激🙏🏻泊車只有兩小時，超時$100一小時，嚇窒人啦～～怱怱忙忙就走啦

走進一間五星級酒店的中菜廳，位於五樓，坐位正正能飽覽維港景色，裝修豪華高貴的彤福軒，想享受一餐靜靜的晚飯，在一個柔和燈光下進食晚宴，必然是個好地方。六星級服務食品選擇清淡，order 咗花膠羹材料十足，味道清甜、最重要無味精👍配上精緻的釀蟹蓋、帶子炒蘆筍、最出色的煲仔飯，飯焦香脆，服務員介紹臘味煲仔飯但怕臘味過時令，所以選擇咗蝦乾配豚肉，配料較乾身俾飯焦的香味蓋過咗蝦味添。最後嚟個飯後果，六星級享受呀