影片
港鐵尖沙咀/尖東站 J 出口, 步行約3分鐘
繼續閱讀
電話號碼
38918732
開飯介紹
彤福軒以瑰麗酒店集團母公司新世界集團的創辦人鄭裕彤博士命名，以來自鄭氏家族發源地的廣東菜向鄭博士致敬。餐廳時尚的大廳和七個貴賓房與70年代鄭博士發展的新世界中心同樣坐擁壯麗維港景緻，餐廳專門提供精緻的粵菜，包括來自中國廣東地區的美食，以細緻精湛的烹調手法巧妙地平衡味道和質感。
繼續閱讀
獎項殊榮
米芝蓮一星餐廳 (2024-25)
營業時間
今日營業
12:00 - 14:30
18:00 - 22:30
星期一至日
12:00 - 14:30
18:00 - 22:30
以上資料只供參考, 請與餐廳確認詳情
有關獎賞計劃
相關文章
4361 瀏覽
有親友正月回港，入住尖沙咀「香港瑰麗酒店」，為怕其舟車勞動，長輩特意選於酒店中菜廳「彤福軒」設洗塵宴，體貼之情盡在不言中！六星級酒店餐廳樓底高高，走廊十分闊落。十二人派對安排於「創新世界」廂房內進行，厚厚嘅木門好有氣勢。面積寬廣嘅房間華麗有氣派，空間感好足，前半部份為客廳，陳列架上擺有簡單嘅藝術品及書籍。對住梳化椅有個酒吧，吧枱上已備好晚宴嘅佳釀。入席前，溫婉嘅Saxxx妹妹先以金光閃閃嘅茶具泡出熱茶。廂房後半部份嘅飯廳光線柔和，大圓枱剛好可容納上十二人。落地玻璃趟門身後可見迷人嘅維多利亞景色及聖誕燈飾，騎樓應該係為方便煙民吸收新鮮空氣而設嘅。客氣嘅主人家早已訂下菜單。廂房宴席有專人招呼，菜式均預先分好續位上，所以轉盤上只擺出鮮花裝飾及調味醬汁。每位席上都有齊備嘅自用及公用餐具。柚香水晶柚皮、蜜汁鮮梅頭叉燒、金錢酥蟹盒：為晚餐作序嘅前菜拼盤建議由十二點方位起，順時針方向食。第一件水晶柚皮清新軟腍，當中嘅柚子香醒神又醒胃，第一次凍食柚皮，感覺都幾新穎。第二件金錢酥蟹盒外脆內嫩，層脆皮夠薄且唔油，蟹肉餡心鮮甜不溜滯，香口尤甚！左邊兩件蜜汁叉燒雖看似偏瘦，食落還好夠鬆潤。彤福生拆鮮魚羮：據悉，魚羮獨特在於混集咗幾款魚魚，包括桂花魚肉、東星斑肉、鮫魚肉、大地魚碎，令口感更為豐沛。小肥自認對順德名菜唔係太熟，只係覺得彤福版飲落比較稀，似魚湯多過魚羮，拌入嘅腿絲同陳皮絲嚡硬之餘，仲遮蓋唔到當中陣魚腥味，不吃也吧。金腿欖仁蟹肉鮮奶炒富貴蝦球：金碟上白雪雪嘅蟹肉炒鮮奶清香軟滑，幼嫩鮮甜。墊底嘅「富貴蝦球」原來即係瀨尿蝦，喺高級酒店食連個名都矜貴過人！原條已去殼嘅瀨尿蝦粗粗長長，厚身得黎肉質爽彈唔嚡口，火腿碎有效地添上咸香！松茸罐燒和牛臉肉伴柚皮：厚厚嘅柚皮軟腍冇渣，簡單黏上紅燒醬汁已經好好味；左邊兩條和牛臉肉脂肪唔多，肉質雖則唔算乾嚡，但又冇乜牛味肉香，反而最好食係條翠綠清脆嘅西蘭花苗。沙田脆皮妙齡鴿：如相所示，鴿鴿皺哂皮，咬落層皮乾爭爭仲好韌，皮下嘅鴿肉又有啲老，食唔到有任何軟骨，完全唔似妙齡BB囉！魚腐百合鳳眼果酥豆腐：全枱人都誤以為橙亮金美嘅菜式係甜品，得知為魚腐拼炸豆腐當然係嘩嘩聲啦！頂面球白色波波乃鬆爽嘅魚腐，下面則為脆皮嘅炸豆腐，碗中嘅芡汁用上百合同鳳眼果打出，綿滑芳香中帶出甘甜，飲完都唔覺溜。五彩炒魚麵：妹妹仔介紹招牌魚麵為師傅用魚肉手打而成，絕不含麵粉，固每條嘅粗幼不一，且形狀有異。單尾乾炒魚麵極富彈性，唔洗加點醬油已夠清甜，連同蛋絲、芽菜、荀絲、菇絲及蔥碎食足以增添爽潤嘅口感。蛋白燉鮮奶：熱辣辣嘅燉鮮奶一人一盅，微甜嘅甜品滑嫩滋潤且相當暖胃。尖沙咀名酒店之中餐廳「彤福軒」環境高雅有氣派，有靚景睇嘅私人廂房尤其舒適，服務生專業周到，無奈食物質素就略為參差，但又唔可以話難食嘅，只係估計六星級酒店價格唔會平，福盡享在眼裡，性價比低而已。
繼續閱讀
Last night, I had the incredible opportunity to attend a magical dinner at Legacy Peak in the Rosewood Hotel, celebrating the global launch of the prestigious Nicolas François Vintage 2012 . 🍾✨In an intimate setting with only 24 guests, I enjoyed an exquisite evening alongside Antoine Billecart , the esteemed family owner.We began with deep-fried pomfret, crispy frog leg, and marinated amber jelly fungi, perfectly paired with the vibrant Nicolas François 2012 Magnum. Each dish was a delight, especially the roasted suckling pig and barbecued pork paired with the complex Nicolas François 2007 Magnum.The evening continued with steamed spotted garoupa fillet matched with Nicolas François 1998, and fresh crab claw in chicken broth paired with the rich Nicolas François 1996. We also enjoyed braised baby spinach and maitake mushrooms with Nicolas François 1995, and the iconic Fu Gui chicken with the refined Nicolas François 1995 Magnum.This unforgettable experience was a true celebration of time, tradition, and the artistry of champagne. Grateful to have been part of this remarkable evening! 🍾✨
繼續閱讀
朋友生日，同佢去咗彤福軒飲茶慶生，餐廳剛好安排咗靠窗位置 ，很加分👍🏻 雖然係側海（望北角嗰邊），但感覺開揚，所以都好舒服。食物味道好好，以酒店嚟講，佢哋份量亦算足，我哋個個最後都覺得好飽 🤭可能佢哋當日唔夠人返工，感覺好似得一個侍應做嘢咁，我見得一個侍應serve 4張枱，目測我呢邊廳面都有10個客，1對10，所以service 有啲慢⋯⋯雖然係咁，但都冇影響佢地服務質素，只係慢咗啲，整體嚟講，係一次愉快嘅用餐體驗。
繼續閱讀
呢年為咗食得好啲特別啲，屋企決定去瑰麗酒店嘅彤福軒享用精緻中菜。呢度嘅環境非常chill，係全海景景觀，令用餐體驗更添愉悅，服務亦有星級質素，一流體驗。我哋一行八人叫咗幾款點心，全部都好睇又好食。首先係原隻鮑魚黑豚肉燒賣，鮮甜嘅黑豚肉配上軟滑嘅鮑魚，口感層次豐富，每一口都充滿驚喜。果仁牛肉粒亦非常出色，牛肉粒外脆內嫩，果仁嘅香脆加上牛肉嘅嫩滑，完美結合，味道一流。片皮鴨就更加唔使講，鴨皮薄脆，肉質鮮嫩，配上甜麵醬同蔥絲，每一口都係極致享受。整個用餐過程非常愉快，大家都食得好滿足。如果你同家人或朋友想享受一頓特別嘅精緻中菜，彤福軒絕對係你嘅不二之選！🥢🍴🌟
繼續閱讀