影片
港鐵上環站 E2 出口, 步行約6分鐘
繼續閱讀
電話號碼
53921105
開飯介紹
以獨特的跨文化燒肉體驗為理念，結合京都風格與多元文化元素，打造出與眾不同的燒肉餐廳。特別推薦的菜式包括「自選COMBO午市燒肉套餐」，可自由選擇不同國家的優質肉類，如日本華味鳥、澳洲和牛等，滿足多樣化需求。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
今日就約咗朋友嚟到九如坊食晏，其實呢條街都幾特別，只喺跟下面威靈頓街、上面歌賦街一街之隔，但感覺就好似進入另一個空間，以中環嚟講，特別寧靜，加上呢度四周都喺舊樓，又有個公園仔，顯得格外清幽。是次到訪嘅「延燒肉」是家日式烤肉店，主打自選烤肉套餐。鋪面已顯得有格調，走進店內，雖然店子細細，座位唔算多，一邊喺4人卡座，一邊喺吧枱位，數一數都喺十多個而已，但裝修骨子，一派和風日系嘅淺木色系配搭，簡潔，感覺舒服。正所謂工卻善其事，必先利其器，調味用嘅醬油、鹽、檸檬已在枱上，仲有燒烤夾，而燒烤爐用下抽風式，抽力強勁，食完都唔會一身油煙味。雖然午市都有散點，但當然嗌套餐抵啦，店家嘅午市燒肉套餐玩法喺任選兩款肉類，部份肉類或海鮮需另外加錢，此外，套餐仲包咗是日小菜、湯品、季節時蔬拼盤、白飯及甜品，起錶價$158。我哋就無特別加錢，都喺食番最基本嘅4款肉，只喺加咗隻新鮮雞蛋。淨喺睇啲肉，色澤紅潤，有光澤，足見來貨靚。此外，仲奉上一小嚿和牛膏，喺俾客人燒烤時焫一焫個烤爐，減少黐底嘅機會，認真細心。是日小菜、鮮嫩生蛋食日本定食，都會附上冷盤小碟，是日就有醃海帶同泡菜，前者爽脆帶點鹹鮮味，又富麻油香，後者酸香帶微辣，呢個辣度啱晒我，兩者都好送飯。而雞蛋用上蘭王蛋，色澤較深，圓潤靚仔，將烤肉沾上蛋漿，口感更滑！石狩西京魚湯定食慣常都喺俾麵豉湯，同樣，呢碗麵包喺，不過，加入大量三文魚，個湯本身已經好有麵豉香，又夠熱焫，而啲三文魚油潤嫩滑，仲伴有好多洋蔥添，夠晒營養。美國黑安格斯牛肉、薄切鹽燒牛舌先喺試碟安格斯牛肉同牛舌，其實，睇見成碟肉已經好吸引，油花平均分佈，仲有一小粒青檸嚟添味，份量亦喺唔少。先分享牛肉，由於喺牛嘅關係，加上薄切，基本上兩面焫一焫都已經可以入口，先喺一片原味，再一片沾上醬油，最後一片沾上鹽巴，肉質嫩滑，牛味濃，富油脂香，真心好食。牛舌切得大片，表面已睇到灑咗鹽同黑椒作簡單調味，所以，燒完之後反而唧番啲檸汁落去就入口，咬落口感有種彈牙感，帶有牛舌獨特嘅味道，加上微微鹹香，亦好唔錯。日本華味鳥、日本宮崎豚肉第二碟喺試試其雞肉、豚肉，前者喺厚切，後者就依然薄切，但色澤紅潤，同樣好靚仔。雞肉無咁多脂肪，所以，再搵嚿和牛膏掃勻個烤網，費事黐底。雖然啲雞件裁得較厚身大件，但得3件真喺未夠喉，不過，啲肉食得出有鮮味，質感非常之嫩滑細膩，雞皮燒燶少少，變得金黃脆口。而豚肉都睇到，脂肪甚豐，所以，落網時非常搶火，燒得火光熊熊，好有氣勢，由於喺豬肉關係，比起啲牛同雞，都燒耐少少，更逼出唔少油脂，食起嚟有焦脆感，既有油香，又唔好肥，再唧少少青檸汁，更具去膩之效。季節時蔬拼盤此刻嘅野菜有黃椒、大蔥、雞脾菇、翠玉瓜，正好為成餐都喺肉嚟平衡一下，其實，只要啲菜夠新鮮，燒出嚟嘅效果自然好食。順帶一提，套餐仲包一碗日本青森縣白米飯，飯粒飽滿，口感黏糯有米香，之前日本仲鬧緊米荒，唔通賣晒出國等我哋食到好嘢！牛乳雪糕是日嘅限定雪糕口味喺牛乳味，相貌就肯定平平無咩特別，但一入口，嗰份超濃郁嘅奶香猶如大爆發，湧入口腔，加上質感軟滑，為今餐飯有個整全嘅結尾。食得出啲食材都喺靚料嚟，所以，以日式燒肉套餐而言，算得上物有所值，加上服務非常好，侍應有禮，又主動幫忙調校火力、收拾碗碟……等等，讓人食得稱心，喺妙不可言嘅用餐體驗。
繼續閱讀
上環一向多美食，今次黎左呢間燒肉店，裝修都幾日系風是日小菜：海帶牙+泡菜石狩西京魚湯🐟🥣 有粒粒魚肉，湯料非常豐富！喝下去尤其暖胃！自選Combo-兩款肉類燒牛肉之前，記得放一舊油脂燒，以防痴底！日本華味鳥🐓雞肉超嫩滑，雞皮燒成金黃色平時少吃雞皮的話（雖然有啲邪惡），都忍唔住食晒佢～溫馨提示：一定要放上青檸🍋🟩汁！有提鮮作用！薄切鹽燒牛舌👅牛舌👅都幾大size，由於師傅已經係表面混上鹽粒基本上不用蘸任何醬汁，即可食得出牛舌嘅鮮味！美國黑安格斯牛肉🥩超靚紋路嘅牛肉，基本上每邊燒15秒左右，再放上檸檬🍋汁，即可享用！季節時蔬拼盤🥬🥒前面食得多牛肉，可以食返啲蔬菜中和一下口腔的肥膩感！日本青森縣白米飯🍚粒粒米飯，非常飽滿鮮嫩生蛋🥚將蘭王雞蛋🥚拌勻，再蘸上牛肉一起吃，口感更易入口！開心果雪糕🍧食到粒粒開心果，真材實料，在這個夏天吃一口尤其舒服！Sapporo啤酒🍻食燒肉一定要配啤酒🍻帶點微微的醉意真係好chill
繼續閱讀
復活節長假期大家唔係飛出去玩就係北上，小編就趁呢個時間好好享受少人既香港haha今次黎到上環食燒肉，餐廳有提供午市燒肉套餐，$158起就食到兩款肉120g、前菜、米飯、湯品同甜品，性價比幾高。午市燒肉套餐自選-COMBO-兩款肉類（120g） $158 美國黑安格斯牛肉 +$38 海之極味+$68 日本華味鳥 小編都朋友都選擇了海之極味，再各自點了牛肉和雞肉。安格斯牛肉厚切，咬下去肉質滑嫩，油脂分布均勻，味道濃郁；海鮮有帶子、蝦和海鰻，味道鮮甜；華味鳥嫩滑，皮脆肉Juicy。小菜 是日小菜是海帶 ，海帶清爽，口感脆口輕淡，適合搭配肉類。食事 日本飯｜鮮嫩生蛋 +$10 米飯粒粒分明，生蛋滑溜，混合埋一齊食happy happy湯品 石狩西京魚湯 湯底香濃，魚肉滑口，味道帶有淡淡的甜味，店員都提醒我地要趁熱飲季節時蔬拼盤五款 +$28 有黃椒、大蔥、菇同南瓜，蔬菜新鮮，色彩繽紛甜品 是日季節水果（菠蘿） 菠蘿酸甜適中，清新解膩，為整餐畫上好結尾
繼續閱讀
外觀有很高級而隱世的日本小店感，內裡貫切品牌簡潔木系風。小店分吧枱和卡位區共十個位子左右，Off hours來到竟然差不多坐滿。🥓這裡主打燒肉，是每兩個人一個烤網，烤網邊已有抽氣，所以整家店都沒有太大油煙味。午市套餐包括120g肉類，可選兩款肉類。🎌雖是日式燒肉餐廳，但這家特別推廣跨文化理念，所以肉類有🇺🇸美國/澳洲🇦🇺/日本等選擇，而前菜更是加添了韓國風情🇰🇷再用京都燒肉風格呈現🗾。美國牛肉較為深紅色而肉味強，安格斯牛肉大片且厚肉，是我們覺得這次最好吃多汁的選擇。而三筋肉則是牛後肩胛的稀有部位，像葉脈般的雪花很好看🥩，也因此較為爽脆。牛舌雖然薄切，仍有肉感及多汁，鹽味調得剛好提鮮🧂。日本的華味雞則是在九州用專用飼料養的，肉色呈粉紅，肉質彈牙鮮嫩，很值得吃！🐥時蔬拼盤是日有🥒翠玉瓜、雞髀菇、甜椒和大蔥，全部都很爽脆甜美，而很難得的是就算不多加留神也不會燒得太焦，加上前菜有海帶芽和泡菜很是解膩。最後來個鮮甜的石狩西京魚湯，令吃過燒肉的喉嚨很舒服🍲不過不知道是否因為太多booking的關係，我們即使預約了，還是要一小時交枱，而且還漏上了套餐的甜品。雖然看其他人的食評是🍈蜜瓜或是冰淇淋🍨，但感覺還是有點不好。始終燒肉從頭到尾都是客人自己燒，店員只負責下單和端餐的話更應注意點。-自選COMBO午市燒肉套餐 ($158)：~美國三筋肉 (+$28) | 美國黑安格斯牛肉 (+$38) | 日本華味鳥 | 薄切鹽燒牛舌~季節時蔬拼盤~食事(日本飯🍚)~石狩西京魚湯~時令季節水果 (從缺)
繼續閱讀
午市燒肉套餐實食分享🥩🔥上環呢間日式燒肉店主打午市燒肉套餐，環境乾淨，設有開放式吧枱，可以望住師傅即切，體驗感十足！📋 午市燒肉套餐 $158起可以自選兩款肉類（120g），仲包白飯、味噌湯、前菜、燒野菜同甜品，性價比唔錯。🥩 肉類選擇多我今次揀咗美國安格斯牛同薄切牛舌，肉質靚，油花分布平均，牛舌爽口彈牙，牛肉燒完肉味濃郁，蘸少少醬汁已經好有層次。🍚 配菜齊全白飯煙韌，味噌湯有三文魚！夠暖胃。前菜有海帶同泡菜，開胃又解膩。🥗 燒野菜有南瓜、翠玉瓜、洋蔥等。🍨 甜品餐後有一球豆腐雪糕，豆味香濃，幫你解膩收尾。🏠 環境店內裝修好靚，坐bar枱可以睇住切肉過程，有少少日本居酒屋感覺，氣氛好舒服。💬 總結午市燒肉套餐份量啱啱好，肉質有水準，配菜同甜品都唔馬虎。午飯時間想食好啲但又唔想太heavy，上環呢間係唔錯嘅選擇！
繼續閱讀