平昌

營業中

休息中

想試呢間平昌好耐，今次終於有機會，我地3條女揀左呢度gathering！佢有'大君'同'世子'兩隻menu，大君係基本選擇，加錢可以升級叫埋'世子'嘅menu，其實都係多幾款嘅啫，不過我地都揀左'世子'。食物質素一般啦！吾會好差但又無話好好食咁，個人覺得最好食係豬皮雞亦同醬油蝦，豬皮林得黎好彈牙，油分高但好香口好好食，雞亦隻隻飽滿同幾容易燒，醬油蝦即係生蝦，好香麻油味食落好新鮮！😋肉方面有啲令人失望，升級先叫得嘅大塊牛T骨反而係最難食，又乾又硬又頂住個胃，蠔好細隻燒完之後細過蠔豉，而某啲食材例如帶子鰻魚醬油蝦呢啲(吾知係因為貴定係所有食物都係咁)，根本都吾係任食，叫1份黎3件，叫5份都係黎3件，叫10份一樣係黎3件，吾肯俾人食可以吾擺落menu度嘅，吾好呃左人升級食好啲然後要人有得叫無得食囉，無下次了！

今日約咗2位阿哥係旺角食飯，我地3個都係超級食肉獸，佢2個話想食韓燒，係openrice 睇見”平昌”食評comments 都唔錯，價錢又大眾化，所以決定試一試。餐廳位於旺角兆萬中心13樓, 位置方便。去到個環境好有韓國風味，張櫈設計好好，打開就可以放個背囊入去，唔駛阻手阻腳😆店員細心地講解點樣order食物，同埋自動俾咗生菜、Kimchi，仲喺爐邊落蛋汁，服務周到。打開menu睇睇，梗係唔執輸，叫貴價海鮮先啦………….我地叫咗蠔、蝦，帆立貝、鯖魚和鰻魚.........蠔和帆立貝也是連殼上，睇落好新鮮，其實好想就咁當生蠔食🤤，不過俾阿哥叫住.............燒吓先啦！蠔、帆立貝和蝦都好大隻又新鮮。 仲有鰻魚 ，而家喺出面食鰻魚飯起碼都過一百蚊， 呢度可以任食梗係唔客氣食多啲先。鰻魚本身已經熟嘅，附有醬汁，簡單地燒一燒，已經好香，鰻魚汁甜甜地，鰻魚肉質入口即溶，我哋encore 了幾次。 另外牛仔骨係呀哥嘅至愛，醃得好夠味，肉質又夠淋!  仲有雞肉串燒，一向都係我至愛，醃味香濃鯖魚燒出來好有魚味, 唔會腥喎~飲品方便好多選擇，三個大雪櫃任揀， 有啤酒、汽水、果汁和茶，下次約班飲

同朋友慶祝生日！本來係一件開心事，但環境實在熱爆，好失望。在一開始食不久，熱到我已經要拿橡筋出來束起我的長髮，大家邊食邊叫好熱！好熱！好彩自已有帶風扇，接住.....就係整晚都要開著風扇吹！我見場內已有風扇，但都不夠分配每張枱用，我們也叫工作人員轉過來吹，轉頭又吹左另一方向，整晚就是重覆咁叫轉風扇。真的太熱了，咁本食不下，朋友們也不想再繼續食，快快食完離開就算了， 食韓燒不夠冷氣，真的沒有下次再來。

［任食狂人］有位友人最近減肥完，透露放肆食一餐，於是我揀了這間任食韓燒一齊開懷暢飲！晚上六至十點時段都系$188，連加一都系二百頭，感覺都幾抵環境寬闊，一枱一個燒烤爐，都有燒烤醬料，泡菜同生菜等，樣樣齊全餐牌選擇都多，雞牛豬海鮮都有仲有各類鍋物點了第一輪先特色的烤LA牛排骨、烤牛肉、烤牛脷、五花腩、薄切五花肉同特級豬頸肉、雞翼當然不放過！一邊燒一邊傾計都幾爽！爐邊蛋都好好食！鐘意食海鮮的不要錯過烤帆立貝、烤蝦及烤鰻魚！食材比想像中新鮮，比想像中滋味除了燒烤之外，店內的豆腐鍋都是我至愛；正宗韓式料理亦有煎海鮮蔥餅、韓式炒粉絲、海帶湯等。韓式飲料都是任飲，仲有啤酒可以開懷大笑，再大食一餐！

父親節那日，我們去到兆萬中心附近， 不知道吃什麼好， 女兒想食韓燒， 然後我們看到兆萬有一間韓燒叫平昌， 心諗呢啲舖頭今日應該要等位但係又趕時間喎， 所以同個女講如果唔使等位先坐低食， 咁上去平昌嗰間啦，跟住出睇到勁多位， 已經有少少呆滯， 心諗出事喇。但應承咗個女，佢又想食又唔想再行，咁就硬著頭皮入去啦! 跟住入到到去就問個經理咩價錢啦佢話分兩種一種係278蚊 ，另一種就三百四十五蚊，我地揀左278， 跟住問個女係點樣收費啦， 佢問我個女幾多歲我答佢十歲 ，佢諗咗一陣同我講要成人收費， 咁佢咁講我都信佢呀咁ok啦冇問題啦咁就照入去食啦! 食品選擇又少 、飲品選擇又少、 仲要無甜品， 啲嘢食仲要係冇乜味有冇乜嘢調味可以做到， 又冇鹽喎 ，話左唔會再去食，點知昨日行過兆萬附近，見到有人派傳單，寫住韓燒，咁我又8掛…睇下邊到仲有韓燒啦！一睇原來又係平昌，想揼張傳單之際，俾我睇到:10歲係小童收費，當時真係好嬲，唔怪得之，佢咁多張吉枱😡

好早以前已經聽過朋友講過呢間，不過一路都未試， 今日食完果然好值得去完再去。佢其實係限時任食任飲的，由於佢係韓燒，所以燒物主要都係牛肉同埋豬肉。當然仲有好多韓式湯同埋小食。我哋主打韓式小食同埋料理，味道真係好傳統，同出面嗰啲買韓式料理嘅相比，真心覺得好入味。我哋兩個人總共叫左幾輪，食物上枱速度好快，真係好飽好飽，幸福感覺爆滿。由於佢太多種類，我哋咩都叫啲，睇圖啦。牛排骨，牛肋骨肉，牛脷，五花肉，五花腩，呢啲全部都必叫🤣成枱都係牛同埋豬，當然仲有帆立貝有蝦有蠔。其實仲有啲嘢想叫架，但真係眼闊肚窄，個肚都無能為力。精明嘅朋友如果見到個爐邊圍住啲黃色液體，佢倒左啲蛋漿落去，好快熟㗎咋🤣最後唔講唔得，佢哋見我哋啲肉燒過頭，黐住隻鐵板，佢哋會不厭其煩咁幫我地換個新板既，真係好似出面食buffet幫我地換碟咁，真係唔話得。

同朋友係旺角行街，討論緊夜晚食咩好，就見到前面既廣告牌介紹平昌韓國燒烤，見好耐都冇食就一於去試下！位置係旺角兆萬中心十三樓，一出lift 就已經比佢陣燒烤吸引住～裝修都係跟返韓國既特色，圓枱加埋圓桶櫈，櫈入面係可以比你放隨身物品，唔洗吸晒啲味，不過走既時候記得拎返😅枱與枱之間都幾闊落，唔洗咁迫，坐得舒服啲！Menu上介紹食物有晒圖片，咁就可以清楚知道肉既種類！有牛、雞、豬肉，仲有海鮮，雞肉食落好滑唔‘鞋’口，仲有雞肉串食！豬肉當然唔少得豬腩肉同豬頸肉，食落爽口充滿肉汁，正！牛肉既種類都好多，有烤LA牛排骨，照燒牛五花肉，烤牛脷等等。燒既時候香氣撲鼻，口水都流晒出黎😂仲有韓國小食同熟食任食，同埋野飲任飲，成餐飯好滿足，成肚都係肉！😅

今次再帶朋友黎品嚐美食，我同朋友上到十三樓，一出lift 就已經聞到陣陣烤肉香味～佢地善用空間，成間鋪都好闊絡，完全係韓國風格 🇰🇷 店內既佈置模仿70年代同80年代既韓國，所以裝潢同設計都係充滿舊時韓國既特色 😍冇去平昌一段時間，佢地餐牌竟然換左，唔再係以前既點餐紙，改左呢啲圖文並茂既餐牌，簡潔既兩頁紙完美呈現左韓國特色燒物同小菜。我同朋友一見到五花腩同海鮮，就覺得非常興奮😆 另外仲有大量飲品任君選擇，真係花多眼亂 😂呢個係平昌既任食爐邊蛋🍳 啲蛋好滑好好味 加少少泡菜落去仲正 😋佢地由裝潢到餐具，所有設備都係韓式用具，仲有埋韓燒必備既小菜，例如惹味泡菜、芽菜，同埋包住肉既生菜 🥙肉類拼盤 🍤🥓我地一黎點左各種肉類 有五花肉、雪花牛、牛柳粒、特級豬頸肉、梅頭肉、牛肋骨等等我地真係食肉獸 食曬個盤肉之後 我地又追加左豬頸肉同埋牛脷～ 豬頸肉爽口彈牙 鮮味十足 😋 牛脷係一個意外驚喜 我本身唔太中意食內臟 牛脷呢啲我都好怕 但佢呢到既牛脷一啲都唔羶唔臭 反而好爽口 口感好正 我破例食左好多 ☺️❤事不宜遲，我地立即開動😋 由於朋友係韓國住過一排既關係，佢好熟練燒肉既技巧，所以基本上都係佢燒

要食韓燒，又想方便，揀左旺角既平昌韓式燒肉。入到店面裝潢好有韓國feel, 連d waiter都好似韓國明星咁😍😍一行5人去，每人2百幾可以任食，算抵食，基本上韓牛，雞類，豬類同埋海鮮都可以叫到。仲有韓式飲料，啤酒都係任飲。同行朋友最鍾意食韓牛，牛味好濃郁，又大件，真係好正! 我就鍾意呢度有各式各樣既海鮮，仲包括有燒生蠔同鰻魚，特別係鰻魚，又大件又厚身，食多幾件就值回票價!! 仲有韓式飲料，啤酒都係任飲。好可惜我地叫左一round之後都食飽晒，唔可以叫到第二round。Waiter都好好服務，定時細心幫我地睇下駛唔駛換燒烤板。如果大家like埋佢地既facebook仲可以食埋雪條！ 正呀👍🏼👍🏼

年輕人的世界，我認識平昌係因為平昌冬奧，但今次說的是旺角平昌燒肉料理，地點方便，性價比高。很久沒有吃過燒肉放題，食肉獸開心不已，各式各樣的牛肉、豚肉及海鮮一應俱全。每位 $188 「大君御膳」性價比高的一餐。一坐下首先點了牛肉、冷盤食物、我最愛的鰻魚及熟悉小食。炒年糕跟韓式炒粉絲都是我的喜好，這裏的Kimchi 前菜真是不錯。然後到飲品雪櫃選擇任飲的韓式罐裝飲品，食燒肉伴冰涼飲品最佳不過。牛肉材料豐富，滿滿的一大碟，嚐了不同部位，牛肋骨有點嚼勁，肉味濃郁，醃製口味鮮甜，肥瘦適中，剛好不油膩。辣醬五花腩肉、牛肉入口軟淋鬆軟，香氣四溢，不錯的肉嫩滑惹味。烤鰻魚平常吃也不便宜，自己燒好味道到要一吃再吃。海鮮有中蝦、帶子、生蠔，吃飽肉之後才慢慢燒海鮮，火候要控制得好不能心急，新鮮口感清爽！最後還有韓國雪條作甜品，完美的一餐。店面設計風格走韓國風，望到遠處牆身的壁畫很有玩味，整體氣氛熱鬧，韓國烤肉放題不錯的選擇！👍

下班約了朋友去旺角平昌吃韓燒，是地道韓燒，有燒蛋那一款，一坐下即時點牛、豬肉，款式很多，牛小排、牛舌、五花肉、梅頭肉、豬頸肉和雞翼，我們都點了不少，簡直是瘋狂的盡吃～放上去煎，十分惹味，生菜泡菜也是任吃的，生菜包著肉吃，配少少韓式醬，真美味～ 除了肉類，也有海鮮，我們吃了魷魚、蝦、帶子。熟食有燒鰻魚、韓式炒粉絲、海帶湯，水冷面，還有串燒，如此多款式，我們都吃到飽飽。這個價錢很便宜，飲品也是任喝的，Like facebook還可有雪條一支，我喜歡這間店很環保，不是用紙點餐，直接寫在膠卡上，再點菜就再抹掉，我和朋友整晚一邊燒一邊聊天，過了輕鬆又愉快的一夜～

喺香港通常都係食日式燒肉，韓式燒肉真係好耐無食過，今次揾到間韓式燒烤叫做平昌，位置都幾方便，喺旺角西洋菜街兆萬中心13樓。夜晚韓燒放題有兩個價錢，大君御膳$188同世子御膳$258，我地揀咗世子御膳，所以有更多野食可以揀。個燒烤爐邊邊倒咗D蛋，燒一陣就有蒸蛋食。飲品櫃有好多選擇，啤酒都有兩款。有好多款肉可以揀，雞肉，豬肉，牛肉，串燒，麵，飯，湯連蠔都有扇貝，都算大隻D牛肉既質感唔錯，幾有肉味燒咗一陣，D職員都好主動咁幫我地換個個燒烤板，冇咁易燒到燶哂

這天晚上跟家人到油麻地吃晚餐，我們決定吃「平昌」。出來吃飯，價錢真的不用考慮，都是一樣的貴。既然都是同等價錢，寧願選擇高質一些的。「平昌」有烤肉放題，雞鴨魚牛豬一應俱全, 你能說都有。餐廳內部的環境：算是寬敞, 可以坐得很舒適。餐單印刷精美，上面有各種食物的圖片：店員先把蛋漿倒進鍋裡:另外有兩個配菜: 泡菜和芽菜。接著是無限肉類進場:豬肉有烤豬肉﹑烤五花腩﹑烤梅頭肉﹑烤薄切五花肉﹑烤特級豬頸肉﹑辣醬豚五花肉﹑照燒豚五花肉﹑烤調味豬肉﹑烤辣醬五花腩。也有魚類﹑海鮮和菜:繼續是肉的時間:牛肉有烤LA牛排骨﹑烤牛肉(光陽調味)﹑牛肉腌漬叉肉﹑辣醬牛五花肉﹑照燒牛五花肉﹑烤牛肋骨肉和烤牛脷。芽菜和肉:還有蝦和雞肉串:烤的時候香味四起, 簡直不要太爽:飲品任飲是常識吧:要注意的是酒類飲品好像要收費, 詳情可問店員。埋單$827，平均每人$207，有加一服務費，以晚餐的價錢來說，算是可接受。餐廳氣氛、食物和服務員質素都很高，我們有機會還要再來！

舊同事離職大半年了，之前食過性價比很高，約了他好幾次食呢間韓燒，約來約去都去唔到。今次終於等他結埋婚帶埋老婆見下面。 我同朋友請佢地食飯，興祝他們新婚之喜！他的老婆是台灣人，我普通到極的普通話叫舊同事做翻譯先交流到。她說沒在台灣吃這類韓燒，第一次試都ok. 推介必吃：要食貴個種任食先有海鮮，醬油蝦，靚牛及鰻魚，所以每次都是選貴價個個任食。醬油蝦爽甜必點，只是比較細小。鰻魚不是淋那種，所以好好味，不過要調最細火煎。豬皮：煎個時，冒死比油彈死都要試。千萬不要大火。細火煎軟煎到小小焦香最正。大火煎會韌。海鮮： 真一般，不要浪漫空間。 蝦都可試下。牛肩肉：新年前食此牛肩級數很不錯的，今次食牛質數降低左好多，肥肉多過飲太肥了。五花牛：薄薄的牛反而幾夠味。牛舌：都唔錯，但薄dd. 熟食：我唔會試，因為唔想浪費空間。飲品：又降質了，之前有韓國雪梨汁，現在有的太普通。所以如果好食的餐廳要幫襯多幾次，因為之後你會發現又降了質數，失望，不回頭了！比個終告餐廳： 令願加假也不要降質！

今期又去左食我嘅至愛韓式烤肉，約埋好友齊齊去咗呢間人氣烤肉店，品嚐一下美味烤肉又滿足食慾我地就點左大君御膳任飲任食套餐，已包括多款肉類同一系列韓式美食，坐低就先食下前菜當然有我必吃韓式泡菜開胃一下再來就係烤肉時間先點左幾款肉轉頭就有得食，落單又快又冇漏單正，啱晒我哋啲食肉怪，梗係嗱嗱聲放D肉係爐度烤嗰陣肉味香味四溢聞見都流晒囗水，先食番件牛肉，入口啖啖肉滿口香甜肉汁，而且有多款口味選擇，我地咁食得一定要點晒佢逐一品嚐每款肉，尤其係照燒牛五花肉同烤牛肋骨肉食落滋味十足除左食到美味牛肉外豬肉都係另一個賣點，有人氣必食五花腩同豬頸肉，食完一輪肉係時候品嚐韓式料理，唔少得有辣炒年糕同韓式拉麵再飲番碗海帶湯咁食先至完美食法，抖一抖又再繼續食下海鮮類有帆立貝、海蝦、生蠔、青魚同魷魚，最估唔到仲有鰻魚真係有驚喜再食件烤鰻魚肉質香嫩大塊又多汁，最啱叫碗白飯一齊食，再食埋其他海鮮超滿足，食到最後食番枝雪條又品嚐完一餐韓式烤肉。