平昌

營業中

休息中

約了朋友在旺角吃飯，記得這家店有燒肉放題，價錢不貴，肉類選擇蠻多。第一輪先點了一個海帶湯清清口腔，還有一堆肉。照燒牛五花肉有驚喜，薄薄一片但牛肉鮮味，烤牛肋骨肉，肉質厚而嫩，不少得牛舌，比較厚切，點上燒肉汁，惹味非常。😋燒五花腩也不可少，脂肪燒得很香，肉質偏淋，可以一試，還有特級豬頸肉，肥瘦剛好，很有嚼口！這幾款都加添了兩輪，還有烤干貝新鮮，還有煎海鮮蔥餅，煎很很脆身而且不會很油，容易入口！😍飲品有很多款式，啤酒仼飲，如想要清酒可以加錢享受！👅

今晚想吃韓燒，兩個人最合適就係選任食既，上到餐廳好快店員就上左泡菜、芽菜同生菜，重倒左蛋漿比我地。飲品係自己出去拎，有汽水有啤酒，仲有茶。至於燒物方面有差不多20款選擇，仲有部分韓國小食，包括泡菜煎餅、石鍋飯、海鮮豆腐湯、炒辣年糕等等，第一時間就叫了我最喜歡嘅牛，我就叫了T骨,牛胸肉,牛肉眼 還有牛五花腩 ，牛肉肉質鮮嫩色澤亮麗，調味啱啱好唔會太重。烤五花腩、豬頸肉，肥美肉質爽彈，外脆內軟。值得留意鰻魚，蘸滿鰻魚燒汁，稍稍烙熱就食得。最後like同佢哋Facebook 有雪條送。整體黎講呢間韓燒食物有質素，地點又方便。

想在家樂坊附近隨意找家餐廳吃晚飯，在兆萬看到了廣告牌，韓式燒肉放題$188很吸引，剛好也有位，便決定試一試。店鋪面積大，每張台有獨立抽氣，椅子下還可以放個人物品，隔除油煙味。吃韓式燒肉當然最想吃牛肉，牛肉都有很多選擇。照燒牛五花肉、牛脷和烤牛肋骨肉都不錯，調味足而且肉質以任食放題來說實在超出預期。除了牛肉也有其他肉類和海鮮蔬菜等等，種類算豐富，一整晚都不會吃膩，加上無限任添的爐邊蛋令大家一整晚都吃得滿足。熟食方面有驚喜，韓式年糕煙韌又辣得過癮，海鮮神豆腐辣湯很足料。飲品方面有啤酒和韓式飲品等選擇，最喜歡蘆薈汁和忌廉鮮奶。$200可任食兩小時，絕對是和朋友聚會的好地方。

一家人出去食飯，突然想試真正嘅韓國燒烤，平時有啲韓燒好濫做，上網搵到呢間價錢唔錯，有分兩個價錢$218/278。其實星期六晚飯時段，就算兩個價錢都好抵！而且仲有得畀我地book位，而$278 個價錢會多啲嘢食，但第一次嚟食就諗住試吓$218先，但嘢食都好多款式。雖然五花腩係肥左d...但係梅頭都好食，佢係冇醃製過，所以唔會好鹹....而野飲都有唔少款，但雪櫃嘢飲唔多夠凍，到最後仲有雪糕食，不過個雪糕只係一般好食。

今日去接朋友放工所以喺旺角出現， 一向好少去旺角，所以唔係太識路，我朋友話想食韓燒，但唔知邊度有得食，即刻上網搵搵先，見到‘平昌’好吸睛，平時日式燒肉放題大家食得多，但韓式燒肉放題就好少見，重點有海鮮😍仲有雞/牛/豬/蔬菜/湯/粉絲/飯/拉麵，飲品任飲，即刻睇吓有冇位先，walk-in唔駛等即刻有位, 韓國Oppa招呼我地入座，仲有識得講廣東話，介紹咗我哋試牛肋骨，蠔，鰻魚同蝦每樣要少少試試先，全部顏色好靚，睇落好新鮮，好快全部掃晒入胃，我地一共叫咗3輪，我最欣賞鰻魚同鯖魚，朋友就最鍾意牛舌，牛肋骨同蝦，我見佢不停係咁叫啲三樣嘢，我諗佢好快會再嚟。

同個朋友喺旺角做完facial好肚餓，就喺附近搵嘢食。朋友話想食韓燒，我就諗起喺旺角兆萬中心有間平昌，可以食韓燒放題，由正宗韓國人主理，價錢仲只係$188，等於食一餐韓國料理咁嘅價就可以有任食，抵到爛！地方唔太大但一樣咁多人！女士quota有限，食肉主要都係瘋狂食牛！ 牛肋肉肉質幼嫩，牛舌牛味香濃， 要翻點多幾碟！ 包埋生菜泡菜一齊食真係一流！朋友怕泡菜湯太辣，點咗個石鍋麵豉湯，都幾好飲。除咗豬牛雞同料理之外，仲有海鮮可以揀！ 帶子同鰻魚都喺選擇之內。韓式炒粉絲雖然會飽肚，但好食，真係不能抗拒。食飽飽又落番樓下繼續行街。

今日收工約左班Friends一齊去旺角gathering，食飯飲野就走唔甩架啦～(｡･ω･｡)ﾉ 行到去兆萬中心食肆多到唔識揀，比呢間係13樓的平昌的餐牌吸引到，呢到係專門做韓燒，兩小時半自助放題的形式，啱晒我地呢班大食架啦，一於上去食返夠本。食物選擇有好多唔同種類同款式，豬肉、牛肉、蔬菜類、連海鮮都有，呢個價錢真係好抵玩😋😋小菜都係任食，有韓式芽菜，好開胃！燒新鮮仙貝、牛肋骨肉！🥰🥰個人覺得照燒牛五花肉幾正，一般牛唔洗燒好耐，配上照燒汁，啖啖肉😍😍仲有新鮮海蝦🦐！沾上韓式泡菜同辣醬一齊食，又係另一種風味🇹🇼

周未與朋友一起去吃燒肉放題，晚餐時段有兩款，我們選了比較便宜的那款，有燒肉有海鮮還有熟食，牛肋條及炒粉絲都很好吃，其他食物味道就一般。而飲品是任飲的，有韓國牌子的飲品，也有啤酒。

第一次去到兆萬中心食韓燒，嚟到呢間「平昌」嘅餐廳，一去到門口就見到呢度好熱鬧，好似真係去咗韓國街頭嘅燒烤餐廳一樣。呢度嘅韓燒係食放題嘅形式，唔單止肉類任食，仲有好多款汽水同埋各種熟食！首先點左餐牌入邊嘅海鮮，我都食咗元貝、生蠔、大蝦、魷魚等等，特別推介呢度嘅元貝係有好多膏，而魷魚亦都爽口新鮮！而呢度嘅肉類都幾多款式，無論係豬或者牛，都好多唔同嘅部位可以選擇！個人就鐘意排骨同牛舌～要數呢度最有特色嘅一定係任食烤鰻魚！係我少數見到韓式餐廳可以食到嘅菜式，所以我都不知不覺返點了幾次鰻魚！好抵食！最後一定要食無論係韓劇定係綜藝節目都見到嘅韓式拉麵！佢仲加咗隻蛋俾我哋好貼心啊！

✿╮❤╭✿ ✿雜感女生   好味日記✿ ˚*•✰。平昌．CP值高高掛。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤韓國的燒肉文化由來已久 朋友堆在一起都中意圍住食 計起來，旺角兆萬中心的平昌放題 絕對是抵食之選重點是不只有靚的牛肉、豬肉、五花任點 啤酒汽水任飲 更有即點即做的熱食 令人可以邊食邊燒時間花得非常充實肉質有幾好，看圖有真相 五花腩係必食 原味牛肉、豬肉、雞肉都有水準肉汁多，調味版的亦可一試論價位：HKD188/人(需加一) 論地點：旺角，超方便，食完可以行街 論味道：肉質新鮮，牛味勁 論抽風：抽風吸力強，拉上拉下很方便，韓燒bbq之後衣服亦難免有油氣 論服務：上菜快而準，韓國OPPA很親切結論：適合大胃王，可以一吃再吃

男朋友覺得好耐冇食韓燒，就book咗呢一間諗住試吓。而且喺旺角近近地，行完街就去食。入到去餐廳，覺得好似去咗韓國食燒肉咁。坐低左之後，店員就俾咗餐牌我哋，睇吓有咩食～點完嘢食之後，食物好快就送上。食食下都有啲口渴，見到飲品櫃嘅選擇超級多，除咗有汽水，茶，蘆薈汁等等，連啤酒都有兩種選擇。仲有我最愛嘅忌廉溝鮮奶。啤酒我就比較喜歡黑啤，冇咁苦。因為呢度嘅食物份量唔多，所以可以每樣都叫來試吓，我哋叫咗唔同嘅肉類，豬牛雞都有。仲有串燒tim！最推介係烤牛肉，（光陽調味）好juicy! 調味很好！除咗燒肉之外，仲有好多熱食嘅選擇，我哋叫咗韓式炒粉絲，豆腐湯，韓式煎餅，酸辣面等等，選擇好多。我最欣賞呢個韓式炒粉絲，又唔會炒得太林，又有啲蔬菜食下，都幾健康。飲水囉除此之外，仲有海鮮，有生蠔，魷魚，帶子等等，一次過滿足晒幾個願望。咩餐同男朋友食到好飽好飽，好似乜都食勻晒 好滿足。

本身想去佐敦店, 但上OPENRICE先發現原來已結業唯有去淨番既呢間旺角平昌....訂左枱食晚餐, 早到左少少, 但要夠鐘先有枱比到我地無冷氣一入到餐廳已經覺得油煙味好強烈入座之後, 情況更差,我地張枱係靠外牆位置完全無冷氣, 熱到要開手提風扇, 仲無哂胃口好似焗桑拿咁, 熱到紅到面哂 相都無心機影7個人得一個爐加一張摺枱....好迫, 同埋因為有限時, 個爐都燒唔切咁多人既食物另外, 天花有明顯積塵, 清潔不足食物食物係可以既, 對得住個價錢, 無咩大伏但亦都無咩特別好食飲品啤酒任飲最滿意, 蜂蜜梨汁&烏龍茶都唔錯不過都有傳統放題既問題, 叫幾多樣野係比唔足咁多樣野你

同事同我慶祝生日，見一班人，最好就係放題嫁啦，今次想食韓燒。呢間「平昌」之前已經食過，記得唔錯既。🤔一早book左位，去到唔洗等位就可以入座啦。—果到有酒飲，啲同事好開心，Happy Friday！—叫左啲海鮮食，係幾大隻既，不過唔係特別新鮮，味道尚可。😮—肉類相當唔錯，我地當晚翻叫左幾次牛肉，色水好好，幾新鮮，肉汁好夠！藍妹最鐘意牛仔骨，好正！😍我地幾個都諗緊點解個鐵板咁細，想一次過燒多幾塊都唔得。😂不過夠哂熱，好快就熟，食得！—韓燒放題，地方一定好熱鬧嫁啦，成間鋪都係燒肉味。200蚊唔洗，呢個價錢食兩個鐘，飽住走，抵嫁啦。😜

高質素韓燒一向都唔平，一小碟牛肉都已經差不多要$100, 所以都係選擇放題著數d, 係openrice 見到”平昌”既食評唔錯，價錢最平$188(大君御膳)，相片中既食材係高檔貨式，所以約埋食肉獸朋友試吓!我地6點半到，仲未係好多人，店員送上前菜同埋唐生菜，有我至愛既kimchi😋, 再係爐邊倒蛋汁。我地睇睇menu都有唔少選擇，初初梗係叫回本值高既海鮮先，我地叫咗烤生蠔，元貝，海蝦，鯖魚和鰻魚。衆多海鮮都好新鮮，生蠔同元貝都唔細喎👍，蝦身好彈牙。鰻魚燒一燒個皮已經好香脆。肉類我地主打進攻係牛肋骨肉、牛排骨，醃得好入味，肉質軟腍，燒出來好香肉味。其他仲有雞肉，雞肉串燒，菇.......。熱食類我地叫咗煎海鮮蔥餅、韓式炒粉絲、辣炒年糕，海帶湯...........各樣味道都唔錯，最愛辣炒年糕，辣得很惹味，煙煙靭靭，有口感😋任飲種類好多選擇，仲有酒類飲品，我個人推介呢款韓國烏龍茶，生津解渴👍下次再來要試埋高級版”世子御膳”先得🥰

早幾天有朋友約我都這間平昌吃韓式燒肉，我覺得整體上都挺不錯的👍🏻價錢便宜又可以任食！而必須一讚員工的效率🥰在點餐後食物很快就到！令我最驚喜的是生菜🥬或是泡菜快要沒有的時候，不用說他們就會添加，這份細心絕對要給個讚👍🏻這裏點餐的方式也比較環保很抵讚♻️基本的肉類部位也有提供！挺喜歡這裏的牛舌，厚度很適中。而韓燒的精髓：五花腩，厚度剛剛好又有豬味，加上泡菜再用生菜包着是我最喜歡的吃法😋推薦調味豬肉，醬汁甜甜的，是韓國吃到的味道啊！韓式料理都有不少選擇，辣炒年糕並不會很辣，不能吃辣的也能接受～我吃燒肉的時候喜歡吃冷麵中和一下！石鍋麵豉湯料好多，味道也相當不錯👍🏻