平昌

營業中

休息中

前2日同朋友仔一齊去韓燒，任食，簡呢間係因為朋友仔話識人食過話ok, 地點又比較就腳，算平，點知就賴嘢啦，啲質素真係好差，本身款式已經唔係多，好食既真係得個1/2款，熟食個海鮮餅係唔錯既，其他真係up唔出有咩值得食，伏味濃

呢幾日，屋企人突然講起好掛住之前喺韓國食過嘅燒烤，於是，我就扚起心肝，搵下香港有無咩高級嘅韓燒喇！我見唔少網民都對一間叫「平昌」嘅韓式料理讚不絕口，所以就決定搵晚帶屋企人嚟呢度朝聖。Blue Monday......大約七點半，食肆已經坐滿近八成食客。好彩我哋等咗五分鐘左右，就有得入去。餐廳播緊時下最熱門嘅K POP music未點餐前，侍應已經喺我哋張檯度放咗好幾碟「餐前菜」，有醃製過嘅荳芽同泡菜，岩哂我哋開胃呀！好啦，點菜啦！！因為係星期一晚市嘅關係，我哋每人只需畀$188（未加一），就可以享用「大君御膳」。講到食韓燒，我哋當堂變身成為食肉獸。肉、肉、肉，全部都係肉.......一連三碟都係肉。我哋可以自由挑選配搭唔同醬料嘅豬肉、牛肉或者雞肉部位，例如：烤梅頭肉、烤特級豬頸肉、照燒豚五花肉、烤LA牛仔骨、烤牛肉（光陽調味）等等。好開心呢度嘅肉類唔單止新鮮，仲非常嫩滑，燒完之後一啲都唔粗糙，極易入口。我個人最鍾意呢度嘅烤雞肉串。每串雞肉都澆上秘製嘅鹹甜醬汁；經過烤製，我哋食到何謂「惹味一流」。除咗燒肉之外，我哋都有試食呢度嘅海鮮架。因為烤爐火喉十足，無論我哋喺燒魷魚、生蠔、帆立貝，抑

平昌係旺角不用去韓國那麼遠，之前都試過佐敦個間，今晚食肉獸家姐話未食過，我就帶她試旺角分店那間，總之就我近近地咩都無問題。旺角分店設計風格比較似韓國，牆身壁畫都很趣味，整體氣氛不錯！👍這裡是放題式任飲任食任燒，食肉獸們可真開懷暢食了！正👍來不及等燒烤物先點個湯熱下身，我倆各有不同口味，我點了辣泡菜湯，因我喜愛辣辣地口味，作為餐前湯水有助開胃。👍家姐就點了海鮮豆腐辣湯，材料豐富滿滿的，嚐了一口味道鮮甜，辣度剛好不槍喉。🥢進入主菜環節，先來一客只供晚餐時段供應的牛肋骨肉試下咩料先，哇..😁果然超入味又淋又鬆，我放下筷子用三爪指根盡情品嚐，😋確有點齒頰留香，這個可來多二碟。🥢燒煙鴨胸同雞肉嫩滑惹味，不用蘸任何醬汁都相當惹味了。🥢另外厚切烤牛脷都不錯，有點嚼勁。🥢烤幾隻蝦哈蝦先，仲有梅頭肉，最後烤鰻魚回本菜其中之一項😂😂，烤爐散發陣陣香氣四溢，邊烤邊飲樂透了！🥢辣醬五花腩肉同牛肉醃味恰好，新鮮爽脆生菜用來包烤肉同食有助解膩，兼夾口感清爽！🥢冷麵，嚐了一口冰冰涼涼，炎熱夏天來一碗都不錯。✌🏼雪條時間到👏完美無缺的一餐。滋味開心價每位 $240 為任食 「大君御膳」餐。

平時日式放題就食得多 今次就試下食韓式放題🇰🇷🇰🇷🇰🇷平昌既放題有肉類、海鮮同韓式料理有啲菜色仲要係晚市限定一開始餐廳已經上定小菜 同爐邊蛋係等上菜晚時候 就可以食住小菜先👍🏻餐廳既爐邊蛋係淨蛋醬因爲之前係其他餐廳食過泡菜爐邊蛋好好食所以我就剪左啲泡菜 自制泡菜爐邊蛋給果效果好好😍😍😍大家都可以試下牛排骨同牛肋肉肥瘦適中👍🏻煙鴨胸燒完都好野味估唔到放題都有帶子食仲要係連殻既帶子值得一讚加小小鹽就好好食😋食左咁多燒肉 就叫左個豆腐辣湯同海鮮餅食最後埋單都係$188加一仲平過平時散叫韓國野😋😋😋

兆萬中心相信黎旺角搵野食都一定去過...地點超方便之前成日都疑惑究竟搭港鐵去兆萬中心...油麻地站近D 還是旺角站近D…因為前排經常出入廣華醫院又趕返工的時刻...爭分奪秒的哈哈 我計算埋旺角E出口上到地面「水洩不通」時的步行時間...最後我都幾肯定去果個位置油麻地A出口近D…嘩 講到九丈遠...講返正題先...呢間烤肉店想食好耐啦一來好多好評二來呢排食左幾餐韓燒烤肉食上癮...好餓就諗到想任飲任食...而放題...自從消委會報告有關「魚生...」我都減少好多食日本野...反而多左食韓國野...地點：旺角西洋菜街1號兆萬中心13樓港鐵油麻地站 A2 出口, 步行約4分鐘平日「大君御膳」每人$188環境：地道韓式烤肉店格局服務：店員熱誠，勤換燒板食物：任飲任食店員細心Set好個鍋旁邊倒了蛋汁睇到烤肉拼盤後真係食指大動分別有烤梅頭肉、烤五花腩、烤牛肋骨肉、牛肉腌漬肉梅頭肉軟嫩肉味比較重 五花腩肥瘦適中烤熟之後油味非常香加上生菜食又唔熱氣又冇咁油膩牛肉腌漬肉就比較甜而牛肋骨肉就相當重牛味肉質嫩滑又有有咬勁愛食牛的我一試已經愛上呢度菜啦韓國D人都係咁食嫁包五花腩肉加上生菜食好香豬油味又冇咁熱氣

旺角兆萬不嬲都好多唔同種類既餐廳 今次我同朋友就試下呢間平昌韓燒 因為見佢價錢合理 又有燒肉同韓國熟食😋我地揀左平啲既大君御燒不得不讚下呢度既落單方法！佢係用張膠卡 配可以擦得既marker 比出面好多放題都環保好多！又方便！我地一坐低 就有齊配料同爐邊蛋 食住泡菜等野食到😋我地一開始咩都嗌左啲 佢又有雞牛豬 又有好多款海鮮👍鯖魚要燒到好香口 乾身 塊皮都脆卜卜就岩岩好啦😋魷魚圈都好適合韓燒 夠juicy又唔怕un 👍蝦 帶子同蠔都好大隻！鰻魚就已經加曬醬油 但原來重未熟 侍應會提醒我地要再燒熟先食得~肉類都黎左好多款 我最中意雞肉 鴨胸同牛排骨😋雞肉好嫩 唔會好乾😎鴨胸就好中意佢既汁 似出面煮既感覺😎牛排骨就好重牛味 肥瘦均勻😎燒野食都食到好飽 下次再食先試埋啲熟食🤣

一行五人去食lunch，係門口問職員問題嗰時，個職員就客客氣氣解釋，點知轉頭坐低咗之後就毫無服務可言，我地見明明5個人，但係得3份醬，所以就問佢話差2牒，點知個職員勁大聲又無禮貌咁應：2個人share，唔夠先再攞！我心諗：啲汁好貴咩？居然提供一人一牒都唔捨得，而且已經偷左雞，3格既醬油牒只係提供2樣，其中餐紙上面寫左既麻油係無俾到，而且出面邊間韓燒會咁寒酸，要2個人share啲“汁”。而且亦唔太合衛生，多口問下旁邊張枱個4個女仔，佢地話都係得2牒，職員都係要求佢地share，難道呢間餐廳所有人都認為朋友就必須口水交流？而到落單方面，我負責落單，朋友睇餐牌，由於大家都係第一次嚟呢間餐廳食嘢，所以佢地一時大意無留意原來餐牌下面有少部份野食只限晚餐供應，佢哋照講number我又照寫，跟住落單之後 本身喺門口答問題幾有禮貌嗰個女職員就變到超冇禮貌，黑口黑面走埋嚟，語氣好差咁講一句：下面啲嘢食定係晚市供應嘅咋！麻煩再落個單喇！跟住轉身就走，後尾啲嘢食又黎錯曬份量，寫左一碟魷魚，前前後後嚟咗三碟，都算數，我哋都照食晒，5個人KO三牒份量唔少既魷魚，後尾居然仲嚟第四牒，就忍唔住同佢講我地只係叫左一牒

朋友話兆萬有間韓燒好抵，仲可以任飲任食，所以我地就打算去勁食一餐。餐廳內有好多圓枱圓櫈，好有韓國feel，張櫈可以打開，將D袋&外套放入去，唔駛吸晒D油煙味，設計值得一讚。·食物種類都幾多，豬頸肉、五花腩、牛仔骨、牛舌、雞翼、無骨雞件、鰻魚、扇貝、蝦……另外仲有D熟食，例如韓式炒粉絲、冷麵、韓式拉麵和一些炸物……應有盡有。食物調味不濃，相信只有用新鮮嘅食材先可以做得到，而餐廳提供嘅醬油亦不錯，少少甜甜地，更加可以提起食物嘅鲜味。飲品有啤酒、果汁飲料、汽水無限供應，抵食。

約咗三五知己喺旺角行完街，諗住食dinner，見到呢間喺兆萬嘅韓燒只係百幾蚊，仲可以任飲任食，即刻搭上去睇吓。一開門，就已經係餐廳。見到有好多圓枱圓櫈，好有韓國feel，張櫈可以打開，將D袋&外套放入去，唔駛吸晒D油煙味，呢個設計真係值得一讚。食物種類都幾多，豬、牛、雞、魚、海鮮都有，仲有D炸物、冷麵等等。可以滿足不同人士嘅口味。當中，豬頸肉、五花腩、牛舌、鰻魚、扇貝和雞翼都好味，因為調味濃，所以可以食到食物嘅原味，而餐廳提供嘅醬油亦不錯，少少甜甜地，更加可以提起食物嘅鲜味。飲品亦是無限任飲，以罐裝茶、果计、汽水、啤酒為主。真係食到好飽。

旺角眾多食肆林立，正正兆萬中心一棟大廈已經有很多間的餐廳食肆。最後我和朋友去了13樓的平昌，一間可以任食韓燒的餐廳。其實我未去過這間餐廳，但是朋友說曾經與其他朋友來這間餐廳慶祝，聽她說環境氣氛和食物質素都不錯，有一些圓筒鐵罐做櫈，打開鐵罐的蓋子就可以把自己的手袋放下去，於是今次就和她來吃一吃。餐廳職員一開始先替我們倒蛋漿，蛋漿未熟時，我們就忍不住手握一支筆，揀選其他食物。餐牌主要是有一些肉類，海鮮類和牛肉類，豬肉類。當然都有一些蔬菜類和餐廳的大君料理。我們叫了烤牛脷，燒幾下就已經熟，爽口好味。燒五花腩更加是出色之作，五花腩一層肥膏，一層豬肉，但燒過之後，不但沒有肥膩感，而且咬口十足。( 再沾上醬汁，好惹味。）海鮮烹調時間都好短，就好像蝦： 燒兩燒，蝦身就已經轉成橙紅色，剝殼之後沾醬汁食，熱騰騰的滿足感湧上心頭。而我食完一串又一串的是燒雞肉串。因為雞肉串已經用醬汁調好味，再經燒制之後，雞肉入味，肉質又嫩，還有甜甜的味道，好喜歡！忘了這間餐廳有伴隨泡菜和芽菜這些前菜，又有一碟生菜，所以可以把燒肉放在生菜內包住來吃，感覺有點兒像泰式包生菜，但風味和惹味程度，當然是韓燒包生菜比較好吃。飲品亦都

今晚為食四人組又出動了！喜愛食野既我地，提早兩星期便預約了<平昌>，貪圖旺角方便就腳，而且係出名可以任點任食既韓燒，適合我地四個一邊燒肉一邊聊天！餐廳位置非常易找，位於旺角放題最多的商場-兆萬中心！我地大約七點到達，人流不算太多。一開始跟接待員交代我們的預約時間，才發現餐廳的員工是oppa，所以有需要便要用英文溝通！餐廳安排了我們坐近窗的位置，比較寬敞，而隨身物件亦可放入椅子內，一來不用怕隨身物吸到韓燒的氣味，二來自己坐著椅子，不用怕被人偷走隨身物，真係非常窩心體貼！我們一坐下，就急不及待點了不同的肉類及小食，不得不讚的，餐廳不是用紙落單，而係用可擦式既板，非常環保！在等待食物送到前，大家可吃桌上一早放置既小食，泡菜同芽菜！另外仲有一盆生菜，方便配肉吃，味道更新鮮更健康。等左五分鐘左右，我們點的菜就陸續送到！由於我地都係食肉獸，所以點左好多不同的肉，雞翼豬頸肉雞肉五花肉等，叫得出的肉都差不多點齊相信淨係看照片都感受到我地既瘋狂，食物叫完一碟又一碟，真係好吃到停不了口，而我個人特別推介雞翼，牛舌及鰻魚！呢度燒雞翼不像bbq般容易燒燶，相反韓燒火喉較易控制，所以重覆反轉幾次

餐廳椅子用圓筒形，可以放衣服在裡面，非常似韓國地道的燒肉餐廳。因爲太肚餓，我和朋友忍不住點了拉麵，大家一定會亮放題吃這些不回本，但很好吃喔，拉麵裡有加蛋，辣味不會太強勁，麵質有咬口，只吃肉有點悶，吃個麵也不錯。燒鰻魚很有特色，而且店家的鰻魚不錯，脂肪夠，燒過後軟軟的很好吃，味道香甜。雞肉是我最喜歡的，餐廳很貼心已經切掉脂肪位置，肉嫰，一口一塊，生菜包著吃可增加爽脆口感。雞翼大大隻，烤到半熟要剪開，有肉汁，肉也是很嫰。

今天晚上，我們去了平昌吃韓燒，七時已經全餐廳也坐滿人，還好我們訂了一張枱不用等。跟平常吃的韓國燒烤有一點不同，雖然是放題但是是每種東西自己選擇點選什麼份量什麼。我們首先把所有的牛會分我們首先把所有的牛每種點了一份，牛排骨烤牛肉牛五花牛舌都是我的最愛，要讚一下牛排骨牛舌真的超新鮮。配上餐廳裏的韓國醬料，吃下去真的令人震懾味蕾。而腌制的牛肉，味道也非常出色。我吃過牛之後就點了很多不同的豬肉。我很欣賞五花腩和豬頸肉，厚度剛剛好，吃下去不油不膩，一定要試辣將醬五花腩，只有一點微微的辣，卻令人開胃非常，包着生菜吃，清新也香口。生蠔和帆立貝也非常新鮮， 加上一點檸檬汁，切忌別烤太乾，因為帆立貝會縮小，緊記。吃過豐富的烤肉，只要在Facebook打卡一下，就會送上你韓國的冰條，我選了咖啡味的，高級的冰條真的讓人想吃完再吃。要讚這一間韓式餐廳，油煙味不多，跟平常的有所不同，我回家後衣服也沒有很大的油煙味，服務也很周到，有空我也會想去光顧。

餐廳環境好有韓國地道風味，員工態度親善有禮，出餐好快，餐牌內容名字很有趣「大君御膳」及「世子御膳」，可選擇的食物頗多，食物份量足夠人數，食物肉質、味道不錯，泡菜食完自動更新，吃足兩小時，值得再來。

喺佐敦附近放工揀咗呢間韓式燒烤同老公撐枱腳佢哋有分幾款餐我哋揀咗國王御膳 $278任食食物種類都好多選擇牛肉嘅種類都有好多款第一round我哋每樣都叫咗少少嚟試吓啲肉睇落都OK新鮮牛有唔同部位選擇啱晒我呢個牛魔王食韓燒我最鍾意就係有蛋格放蛋汁依家有少少特別佢哋嘅蛋汁入邊放咗粟米燒到半生熟嘅蛋夾埋燒肉同菜一齊食就最正除咗肉類之外都有一啲海鮮選擇我自己幾欣賞虎蝦大大隻夠彈牙除咗燒肉之外仲有其他熟食不過我哋食咗一輪肉之後都冇叫太多熟食叫咗一個泡菜湯試吓泡菜味都好濃夠辣買家每人$300左右價錢都算合理不過就略嫌呢間餐廳嘅抽風系統麻麻地，店內油煙比較多如果改善下就更好啦