平昌

營業中

休息中

好耐無食過韓燒過啦，於是放工之後同朋友嚟到平昌烤肉食地點太方便，地鐵站一出就到，上到13樓一開𨋢就係餐廳啦～牆身都有唔同嘅壁畫設計，因為太餓啦，唔記得影低呢度嘅肉類都好多選擇，仲有熟食呀，啱曬肚餓又心急嘅朋友，除咗肉類之外，仲有海鮮呢，出面嘅韓燒放題好少見。於是我哋就點咗生蠔同扇貝，放係爐上面慢慢烤。我哋仲點咗烤博切五花肉同烤調味豬肉，味道啱啱好，唔洗加醬汁都食得。因為燒緊肉嘅關係，所以好熱呢。而飲品係自助形式嘅，有可口可樂、台灣烏龍茶、韓國樂天飲品同啤酒，總有一款啱飲啦。

見Open rice 咁多好評就訂位，點知伏到爆，忍唔住要嚟講吓。價錢同質素完全唔成正比，叫咗個貴價任食，肉，海鮮都唔新鮮，帶子無味，生蠔燒完變咗豆豉咁成場都油煙，餐牌，坐嘅位置都滿佈油煙。唔知幾耐無大清潔過呢。食食吓真係忍唔住咁勁油煙，未食完都要走。香港韓燒有好多，好多抽煙都做得好好，唔係任食價錢都無我食呢度任食一個人咁貴，最慘係質素真係唔得，好食嘅就話，唔好食真係無嘢好講，以後唔會要去油多到呢，一路燒一路彈油最正係支真露，另費嘅

本來諗住喺兆萬食放題，但又俾韓燒廣告吸引咗，最後都係食韓燒放題。一出𨋢就已經係餐廳，冇乜油煙，但就已經好香烤肉味。一坐低就上咗伴碟，有生菜、泡菜同大豆芽菜，仲有爐邊蛋。豬肉、牛肉、雞肉、海鮮類、韓式料理一應俱全。呢一轉嗌咗烤生蠔、烤帆立貝、烤鰻魚、烤五花腩炒梅頭肉、烤特級豬頸肉同埋腸仔。 烤鰻魚肯定係必食之選，鰻魚汁香濃，肉質鮮嫩，食落肉質彈牙。 生蠔同帆立貝都算幾大隻，同埋新鮮。飲品係自助形式，有各款韓式飲料、韓國啤酒同埋普通汽水等等。烤牛脷、烤薄切五花肉、辣醬豚五花肉、烤牛肋骨肉。值得一讚嘅，係豬肉大多數都切得比較薄，所以只需輕輕烤熟就可以食，既令肉質保持鮮嫩，又能保住肉汁。除咗烤肉，亦都試咗幾款韓國料理，分別有韓式炒粉絲同埋煎海鮮蔥餅舖頭嘅抽氣做得好好，每個爐都有獨立抽氣喉，所以烤落唔會好大煙，即使食完身上亦唔會沾有太大烤肉味。

因為要去旺角買點東西，難得姐姐也在旺角，所以約了姐姐一起吃晚飯。買完了所需的東西後行經兆萬中心，見到樓下廣告牌有韓式燒烤食，姐姐一直說很想去韓國燒烤，所以我們就來了13樓的平昌吃晚飯✌🏻這裏有兩種不同價錢的選擇，我們選了較便宜的大君御膳($188/1位)，但可吃的菜式種類也不少。飲品可以自己取，連啤酒也有☺煎海鮮蔥餅:有驚喜，煎得很香脆，姐姐立刻又加單👍🏻海鮮純豆腐辣湯:不太辣，有蜆肉，豆腐很滑！烤生蠔:加了一片檸檬，蠔肉更鮮。烤鰻魚:厚肉，沒有腥味，總共叫了3次👍🏻冬菇:來了雞脾菇？薯仔:很香薯仔味，很想加單但奈何太飽了😂牛肉類:有肉汁，很濃牛肉味豬肉類:吃了幾轉，大愛五花腩肉類的話自己喜歡包生菜一起吃，減少油膩感👍🏻臨走前見旁邊的客人都走了才拍下環境，個人隨身物品可以放在椅下，不怕沾上燒烤味👍🏻

記得呢個韓式放題以前更青春中學時期都同同學食過，來到兆萬中心好多回憶都還返晒黎。今日再嚟呢度成日食佢個放題睇吓有冇唔同D先。嚟到環境都算幾大，不過美中不足嘅係我知道旺角分店係冇雪條櫃供應非常之傷心💔相比起佐敦就唔同呢，佐敦店就會有雪條櫃供應，唉，好後悔呢~同埋始終一嚟到都覺得好大煙同埋油煙味比較重，我覺得要改善排煙系統因為畢竟坐喺度咁耐，長期吸入呢啲油煙都係對身體有害無益。咁我哋就坐低左都見到有已經有啲中學生同埋其他潮男潮女喺度食緊。即刻叫燒肉同埋啲熱食醫下肚先！我非常之欣賞呢度嘅係佢好環保♻️👍👍👍用膠片過d紙，用白板筆落單。落完之後擦咗佢，菜單紙可以一直重用！唔會嘥！相比起好多放題店寫一張紙就掉一張，要幾多張紙幾多本厚簿都唔夠用啦！呢度呢個概念非常之好！我覺得其他餐廳必須要仿效呢個環保趨勢！做一個有良心嘅企業同埋有良心嘅人！呢度豬肉都幾多款式，叫咗鍾意食嘅豬頸肉啦同埋呢度嘅梅頭肉，好大片啊非常之抵食，梅頭豬肉食少落去唔會咁乾肉質更加鬆軟。不過豬頸肉就比較難燒啦可能比較厚。仲有牛仔骨！牛仔骨好少食，一小舊肉連埋骨非常之鮮嫩。仲有一串串雞肉串啦已經調好晒味，再點埋鋪頭提供嘅醬汁，酸酸甜甜

旺角一向有好多餐廳選擇，今次就揀左間任食嘅平昌韓燒，貪佢夠多選擇，價錢又唔貴裝修係一貫嘅韓燒風格，類似鐵桶嘅座椅方便擺放私人物品，但環境嘅油煙味較大我地揀嘅係大君御膳，餐牌嘅選擇都足夠有牛、豬、雞同其他熱食，連海鮮都有，呢樣比較少見一坐低店員就幫我地整爐邊蛋，仲有韓式小碟提供，倒如泡菜芽菜飲品可以任飲，檸檬茶、果汁、啤酒、烏龍茶等等都有，可惜冇雪條食材好快上枱，牛肉色澤紅潤，最喜歡烤牛脷，因為切得薄身好快熟，而且肉質容易食，另外嘅牛五花肉肉味濃厚，脂肪較重雞肉串配合醬汁食甜甜地，啖啖肉可以用生菜🥬夾肉一齊食，減少肥膩感，亦可以加醬食，自己控制味道叫左唔同肉燒嚟食，正！店員會主動過嚟執嘢同換烤板，服務唔錯食韓燒少見有海鮮，呢間餐廳居然可任點生蠔、帆立貝、蝦、饅魚，值得一試生蠔同帆立貝充滿海水味道，不過燒得耐會縮細，建議大家燒夠就即食熱食就叫左海帶湯，可以暖暖胃，飲完覺得冇咁熱氣餐廳都有幾多後生仔幫襯，始終位置方便，價錢抵食，星期一至四晚只須$188再加一，食物質素同服務都唔錯，係韓燒嘅一個好選擇

女兒真係好喜歡韓國，每次約我食飯都係首選韓國菜，今晚就選左平昌食韓燒放題，佢話平昌食材質素高，味道吾錯。每次來平昌都是坐無虛席，好在女兒有訂位，等左一陣就有位。多款韓國飲品任飲。落單紙有一層膠面，可以循環再用，十分環保。配菜和爐邊蛋都預備好了！可以落單叫野食。燒烤食品都有很多款，牛、豬、雞、海鮮等都好新鮮，醃製食品都好入味。我們點了燒雞肉串、烤煙鴨胸、烤梅頭肉、午餐肉、腸仔烤蝦、烤生蠔、烤青魚、烤雞肉、燒雞翼、烤帆立貝。材料本身好，都要配合燒烤技巧，才能食到真正的味道！除了烤肉，還有熟食任食。食韓國菜少不了韓式炒粉絲和煎海鮮蔥餅，炒粉絲夠鑊氣，味道調較得好惹味。蔥餅煎至金黃色，香脆可口！

今日行完街就搵嘢食，經過兆萬見到好多人排隊，原來呢座嘢裏面有好多嘢食， 最終左揀右揀，我就揀咗食韓燒放題。八點半嘅晚市都全場爆滿， 有點兒誇張。地方好大， 抽氣做得幾好，上到去唔會好烏煙瘴氣。肉類都比較新鮮而冇任何醃製， 燒完之後可以自己再點喜歡嘅調味料， 分別有鹽味或者燒汁味。韓式炒粉絲粉絲熱辣辣和夠晒煙韌， 味道唔會太濃，非常惹味。烤鰻魚鰻魚成本都比較貴， 呢度竟然可以任叫， 老闆一啲都唔吝嗇。燒魷魚魷魚比較大件， 有種黏口嘅感覺幾特別燒雞肉串雞肉串已經醃製了，肉質唔會太淋，不用加任何調味料已經好夠味。烤帆立貝帆立貝唔算好大隻， 味道比較鮮甜而且沒有沙。辣醬牛五花肉呢個簡直係我嘅摯愛， 一食簡直停唔到口。 辣味唔會太辣， 牛肉薄而且好入味， 好有入口即溶嘅感覺， 忍唔住都食咗好幾碟。嘢飲款式都算多，可以自己隨意攞。餐牌款式雖然唔算好多，但簡而精，已經好夠食。188呢個價錢簡直冇得輸，加埋一都係二百蚊左右，真係好抵食。

幾唔錯的生日飯～朋友生日問佢想食咩，佢就sd咗呢間平昌燒肉嚟，我一睇，嘩喺兆萬！通常喺得兆萬十間有八間都伏，但朋友話佢之前食過覺得ok咁就信佢試一試啦！入去前先揀咗食邊個任食set先～坐低就有前菜到，係芽菜同泡菜，勁肚餓嘅我馬上食晒然後再叫店員fill～肉類款式都還好 例牌雞牛豬 個人覺得牛舌幾正😋同埋好中意佢個爐邊蛋！好味！我地仲會自己放啲泡菜落去～韓燒來講呢間算係唔錯！相信會再有下次～開始對兆萬改觀😜

旺角有唔少抵食韓烤放題， 今晚去咗頗受歡迎嘅平昌。 餐廳就喺兆萬中心， 揀咗最早嘅時段， 還好不用等位就入坐了。好地道嘅韓國平民烤肉餐廳， 圓桌圓櫈方便朋友聚會暢飲。 平日入場任飲任食都係$188 (大君御膳)， 呢個價錢絕對冇得輸， 因為除咗烤肉 仲有其他地道嘅韓式料理。 其他傳統韓國餐廳一碟 烤肉都唔止呢個價錢。前菜豐富 ~肉類主要分豬，牛，海鮮。牛肉可以試吓牛五花肉同牛肋條。烤牛肋條尤其出色， 切得細細塊好快就烤熟， 完全冇醃過，少少脂肪，咬落勁juicy 軟腍有肉味。 烤LA牛肋骨相對亦唔錯。 牛仔骨雖然冇醃製過， 但一D都唔韌， 仲好有肉味。另一款比較薄身嘅漬牛肉亦不要錯過， 入味又juicy！海鮮有生蠔，蝦，魷魚和鯖魚。 生蠔唔算肥美， 燒完之後更加會縮水， 建議臨食之前再 把蠔肉直接放上去烤一會， 會更加香口 有蠔味。 因為生蠔本身冇調味， 隔住蠔殼嘅蠔水 煮熟隻蠔 完全唔 鮮味。燒青魚太難掌握， 魚皮容易黐底， 令整個烤鑊充滿魚味。海蝦唔錯 ，雖然細隻 但亦鮮甜。純豆腐海鮮湯， 同韓國餐廳單點嘅湯一樣熱辣辣上， 味道正宗 帶點嗆辣， 海鮮味濃，細細嘅份量啱啱好！海帶湯亦

尋晚放工同陪frd子買嘢順便嚟咗呢度食燒肉放題飲品櫃選擇都算多有啤酒有黑啤檸檬茶唔太甜幾好飲韓式煎餅好香脆配料好多唔太油膩我一個人食咗兩塊好味點咗d燒蠔、牛肉、雞肉、牛舌、豬腩肉上菜速度好快店員相當勤快d肉都好靚好新鮮豬腩肉加辣醬包生菜食好好味好鐘意食牛舌、肉味濃又有d咬口雞肉甜甜地咁好嫩滑鰻魚好新鮮冇骨肉質有d彈性朋友最鐘意食爐邊d蛋食落有d似玉子豆腐滑滑有雪條櫃食完燒肉食最正同朋友拎咗咖啡雪條同草莓夾心雪條食完透心涼呢度抽風系統做得唔錯

朋友想食韓燒，佢話呢間價錢唔貴，食物質素又ok，所以同我試吓7:30 到達已經坐滿8成（好在有book 位）我哋坐下就奉上2碟前菜（有泡菜/芽菜），另備生菜；烤爐旁加上蛋漿，要幾嫩，有幾嫩，自己決定，仲可以無限添加㗎食物款式都有好多選擇，豬/牛/雞之外，仲有海鮮同熱食我哋先飲個海帶湯，湯裏面有好多海帶，夠哂清熱再試蠔/帶子，兩者都大大隻至愛烤LA牛排骨：肉質軟腍烤牛脷：厚身又juicy辣炒年糕：如果辣D就更好烤五花腩/辣醬豚五花腩等都好入味。飲品都有多款韓國飲品選擇，我至愛蘆薈

晚市訂枱，抵步入坐後沒有人招乎，經過誤點菜，才有待應來解釋套餐。我們點了每位大約$300的套餐 ，下單後上了一set前菜：包括幾款肉及醬油蝦，醬油蝦不錯，蛋也不錯，而大部分牛肉很乾。第一張單等了良久，經詢問後才知漏單。餐廳硬件質素一般，爐鈑欠油易癡底，抽氣系統非常不足滿，煙霧瀰漫，讓朋友吵著要離開，一行人眼球佈滿紅絲而回。而且有一位態度惡劣的待應，把這間本身已經算中庸的餐廳打了個折。對於我們來說，這都是一個非常難忘的一晚

食物質素很差，雖然平，但不會再想去食。海鮮質素特別差，特別是生蠔，變了。最令我不爽的事，是放題點餐，但完全不跟order 份量來。我地3個人，第一次下單，下了6隻蝦，6牛肋肉，3 魷魚，3個雞。兩個湯，其他牛肉下了一兩個。蝦只來了三隻，牛肋肉6，魷魚一大碟10多條以上，雞來了一大碟，有15件雞以上，真的理解不了他的份量如何計數。而湯，由一開始叫，到叫到三次員工吹單，到最尾 埋單先嚟。而蝦除了第一次黎個三隻，之後再叫都無黎過。完全感覺是在騙人。加上員工服務一般，有兩三個常企在一旁傾計，不停揮手都見不到你。

同朋友行完街 突然間好想食韓燒 去OpenRice左陣就揀咗呢間 因為個價錢都幾吸引 $188 上到去唔算好多人但過多陣就開始fullMenu其實好簡單 肉嘅種類唔算多 但整體質素幾好同其他韓燒餐廳一樣 張凳入面可以擺褸同手袋避免吸味有幾碟前菜 可以無限refill 的 有爐邊蛋嗱嗱聲係咁燒 太肚餓啦肉類調味得好好 燒完其實唔使點sauce都食得職員都好主動幫我地換燒烤爐 值得稱讚雪櫃有嘢飲任拎 種類唔太多最後值得推介係呢個韓式泡面超好味 面質彈牙 $188再加一物超所值!