平昌

營業中

休息中

星期一晚和朋聚舊，到了位於兆萬既平昌；好耐冇去了就食下味道有否改變先！烤牛肋骨肉：個人比較喜歡食這款牛肉，燒後肉質吾硬仲有不少肉汁滲出。牛肋骨肉細細條好易入口，很推薦比大家啊！烤牛脷：牛脷為薄切，口感不會太un；同樣不會太乾身，配合埋醬汁令整個味道很夾！場內有兩個雪櫃，食客可以自行拎喜歡既飲品，節省左不少時間；場內環境相對上熱鬧既氣氛。烤魷魚：魷魚圈經烤後，口感不會硬口和un口。烤蝦：蝦肉結賁，帶有點點鮮甜味；大小適中的size.烤雞翼：其中一款很喜歡食的烤物，雞翼味道吾會好淡，燒後依然滲出肉汁；如果怕吾熟可以將它一分為二啊！煎海鮮蔥餅：size只有一隻手甘大的，蔥餅很香口；而且口感帶點點脆口，可惜從中未能食到海鮮。韓式拉麵：份量剛好一人，不怕份量太多而食不到其他烤物。拉麵吸入左不少辣味湯汁，令整個麵食落刀有香口辣味。當中因加了旦白，成碗麵更似韓國麵。有點失望的是，當日餐廳職員告訴我們雪條沒有貨；下次再來食吧！

今次跟了朋友去了一間韓國燒烤吃放題，在旺角熱鬧裡，年輕人喜愛聚集地方。朋友是韓國迷，好多「歐巴」她都認識，韓國歌也朗朗上口。餐廳佈置，音樂配合，真的好有韓國feel，仿如置身在韓國街頭裡吃燒烤了。坐下時發現一樣很有趣的東西，就是燒烤爐週邊有些黃色液體。我覺得自己大鄉里出省，猜來猜去不知道是什麼東西。誰不知是我整餐裡最喜歡吃的東西，就是雞蛋。由用燒烤爐慢慢烤熟吃的。烤得好香，很好味，看著它慢慢熟，很療癒賞心悅目，好萌哦。我們還點了招牌菜，烤五花腩，夾些泡菜和生菜，真的好滋味了。烤LA牛排骨、烤牛肉，牛五花肉，牛肋骨肉，全牛宴，肉質新鮮，味道濃郁，口感各有特色。餐牌還有些海鮮點，有我最喜歡生蠔，只是百多元放題，能吃到生蠔，簡直值回票價。今餐吃得真開心，感受自己也有點愛上韓國的文化了。

難得約到一班朋友食飯，當然要食得豐富啦！突然想食韓燒，搵到呢間任點任食重任飲既韓燒，好多選擇，只係二百幾蚊，提議黎呢度食。遲左啲去到，朋友已經幫手燒緊，一去到就有得食❤️🤤主要原因揀呢間係因為見到有扇貝😍不過有啲失望，因為燒完縮晒水變到好細粒，無乜鮮甜味。好彩其他野食彌補返🤣個蝦幾新鮮，唔會梅，幾爽，有鮮甜味。個鰻魚超驚喜！燒完仍然超juicy，可惜太多野食encore唔到！下次要叫多啲鰻魚！個爐邊蛋都好正！慢慢燒，燒到佢變到滑蛋狀態食，好掂呀！調味做得好好，唔會太鹹。魷魚普通無乜特別，炒粉絲都一般，唔夠香麻油味。大部份肉都唔錯除左燒肉，重叫左啲飯同麵。水冷麵有驚喜！睇佢好普通咁，以為只係水浸住啲麵，但個麵好滑好煙韌，食左咁多肉，食返呢個麵清清地balance下。泡菜豆腐鍋都幾好味，唔會太辣，如果唔係留返quota食其他野，我會叫碗白碗😛石頭鍋飯濕得滯，就麻麻地以為用辛辣麵，但唔係，麵質較幼，麻麻地，朋友覺得湯都幾辣。野飲我地最鍾意蜜桃汁，味道唔會飲落飲糖加水咁甜到漏。隔離個罐好飲7up咁。最驚喜係食到尾，有個oppa拎住碟窩夫黎，我同佢對望左下，眼神表示黑人問號緊，佢再點一下頭，咁我再

任點食物方面，豬肉比牛肉吸引。基本的五花腩、五花肉、豬頸肉等都有齊，亦有幾款醃肉的選擇。牛肉基本供應的則只有牛仔骨、牛肋骨、牛脷等，如果要雪花肥牛及其他較靚牛肉，則要額外加錢了!海鮮類有蝦、魷魚、鯖魚、帆立貝、生蠔等，隻蠔細粒到呢，像豆豉般!自己燒肉自己燒、自己剪!我喜歡包生菜吃，零舍爽脆的!任取飲品櫃有韓國啤及韓國汽水，這款忌廉Cider也不錯!店內供應多款韓國酒，當然要加錢啦!改了名之後，這次幫襯就發覺服務質素改善了，少了漏單的情況，店員亦主動來換鑊，及添加生菜。基本食物還算…可以，只是海鮮類明顯較弱。如果任食牛肉的選擇多一點，就會覺得更抵食!

呢個咁熱嘅冬天無阻我再次食烤肉同同事sleeping day 當然要出黎玩下食下入到平昌烤肉 就好似去左擊國烤肉店牆身嘅壁畫 筒型嘅座位好寫實嘅感覺入到去拿拿林叫野食 肉食種類好多 而且上得快 又夠新鮮第一次食到有蛋邊嘅韓燒蛋香滑 滿足左小弟一大願望五花腩 同 牛肋條 係最好食五花腩油脂分布平均 入口唔會肥膩加上附送嘅生菜 包住食 更減肥膩感 牛肋條牛味十足 醬料都好豐富 令牛肉好好食最值得回味 當然係原條燒鰻魚鰻魚醬料入味 而且成條起左骨 唔會吉口再講 佢肉身亦厚實咁難得食多幾條都唔怕！仲唔回晒本！？另外有任拎野飲特色嘅韓式烤肉食得好開心

好耐無去韓燒,記得對上一次都係去平昌,覺得唔錯所以再黎~對比出面價錢差不多,但食物比較新鮮,亦有蠔帶子蝦等等既海鮮地點係兆萬好方便,搭𨋢直到~出𨋢就有人招呼book左7點限時2小時,食物全部自己劃,食物紙可以重用呢點好抵讚!但需要多清潔因為有小小油帆立貝同生蠔都唔差,但要燒比較耐烤LA牛排骨(左上)同牛脷係我今晚最鍾意食!牛脷厚身無調味食到牛味,而牛排骨都啖啖肉,多汁! 豬頸肉都好爽口架!牛脷上面係烤牛肋骨肉,肉味更重其實仲好食,但比較細件懶得燒右面有鴨胸,雞肉串,雞肉,烤豬肉,肉都切得比較厚身,唔會燒到好乾,而烤豬肉有d碎~睇圖以為係一大塊烤五花腩好厚身,可以燒耐小小迫返d油出黎,芝士腸好食,唔係平野蝦好新鮮彈牙,都叫左幾次,最後叫左午餐肉,又係勁好食!應該韓國貨黎!唔會死咸有豬肉味,燒到脆卜卜!但發現得太遲已經飽晒!下次再食!呢度飲品係自助,選擇都唔少埋單188加一,晚飯時段我覺得算平,另外待應非常有禮貌,會主動收碟,換燒板全場坐滿一直有人入,走既時候已經9點,但仍有人等位

最近帶左一個朋友去試一試呢間＂平昌＂主要係食韓國燒肉放題，味道真係唔錯，而且人流好多，去之前最好預先book枱！呢間餐廳要讚一讚，佢哋既通風，抽氣系統做得好好，裡面晤會太過有油煙！飲品係自己選擇，任飲的！爐邊有雞蛋，煮熟左之後非常美味，而且待應會黎幫我地加蛋！呢個都係自由任食的！生菜都可以用黎住D肉，入口無咁油，而且生菜非常新鮮！有好多選擇架，最好食係＂牛柳粒＂，肉質鮮嫩，味道新鮮！另外，仲有好多小食！

係兆萬樓下見到有平昌食旺角依間都未食過~ 而且真係好耐無食放題/燒肉啦諗都唔諗就上左去食$188 一個人 價錢都幾抵食喎之前淨係食過其他分店上到黎估唔到又幾寛敞一坐低 枱面就有生菜 泡菜同芽菜~蛋漿都已經倒好野飲方面有酒 有汽水 款式唔係話好多不過都夠啦~重點係全部都真係韓國野飲黎咖!!menu方面有肉 菜同熟食都會有咁我地就每樣嗌左啲~韓式炒粉絲冷麵~ 都幾大碗 而且麵質好彈牙烤魷魚 雞串~ 估唔到地好食燒完之後啲汁都唔會話無曬茄子~ 超級甜牛舌 勁厚呀仲有豬頸肉肥瘦都適中燒肉又點少得五花肉~最正都緊係包埋生菜食總括黎講 依到野食都好ok 188 cp值好高而且位置係旺角 係正中間點平時如果一班朋友出去食餐飯既話 依到都係個唔錯既選擇

旺角食肆繁多, 好想試吓韓式燒烤，一於光顧平昌。幸而睌上六時許，雖然客人甚多，仍能找到座位。前菜有泡菜和大荳芽，味道相當唔錯，泡菜辣度適中。烤肉有牛類，豬類和海鲜。先點了豬腩肉，牛舌和牛肋條，豬腩肉烤得香脆可口，腩肉肥瘦分明，肉汁豐富，夾著新鲜爽脆生菜葉，完全能減輕油膩感。牛舌香脆，牛肋條牛味香濃，烤帶子又有另一番風味，帶子外脆肉軟，又有嚼口，配合爐邊嘅煎蛋，特別美味，蛋有蛋香，帶子肉鲜，相得益彰。最特別是烤鰻魚.，完條鰻魚肉質肥厚，醬汁甜鮮，再在爐上烤脆，更能提升鰻魚,美味，還有飲品任飲，實在滿足。

在旺角行完街，時間尚早，食晚飯冇咁多人，一於試吓韓國燒烤放題。店舖位於兆萬中心，食肆裝修平實，侍應很韓國look, 有些還說韓文，添加韓國風味。首先點了牛肋條，牛舌，牛味濃郁，燒得非常香脆。海鲜則點了燒蝦，燒帶子。蝦有蝦味，帶子鮮味而煙韌。最合口味就是燒鰻魚，香脆軟滑，肉汁鮮甜，百吃不厭，啱晒喜好鳗魚飯嘅fans。煎餅好美味，夠煙韌鬆脆，韓式炒粉絲又是一項驚喜，蒜香粉絲夾著清甜椰菜，味道一流。還有多款韓國飲品任飲，唔會覺得太熱氣。此處放題食品多元化，是適合家庭親朋共聚嘅好地方。

我見過朋友的食評寫過此韓烤店食物質素很好👍是晚天氣得冷，所都訂了跟我的他一起燒一燒，溫䁔一下😘到達韓燒店，都好多人，但因為有訂枱，所以等左5分鐘左右已有枱😊坐低望下餐牌，豬、牛已有多個部位任君選擇！亦有生蠔、帆立貝、鰻魚等較高檔次的海鮮！都有熟食、炸物供選擇！種類繁多😍飲品櫃有不少種類的飲品，總有幾款合適🍹🍸點菜係用過膠的卡及箱頭筆寫，可重用，都幾環保👍👍爐邊仲有燒蛋，但太多其他好野食，所以無再encore😝起動了！我倆都是「牛魔王」，當然會先點不同部位的牛及海鮮開胃一下☺️非常好味，尤其喜歡牛肉腌漬叉肉、烤牛肋骨肉同牛脷，醃得特別好味🤤另外，咁相宜嘅價錢竟然有烤生蠔同烤帆立貝！仲係新鮮鮮味，讚👍仲有我好鍾意的鴨胸，正😍另一款要特別讚賞的係烤鰻魚，因為鰻魚汁調教得好好味，鹹甜適中，鰻魚又夠厚身，我地encore左2次😋😍都不得不支持一下我愛食的芝士腸同他至愛的午餐肉😋😋😋除左燒物，我地都點左啲熟食，煎海鮮葱餅、冷麵同韓式拉麵🍜我地都覺得韓式拉麵好好味👍👍👍連加一都係每位$207，食物質素又高，真係抵食，下次會再黎☺️☺️☺️

好耐無食韓燒，就同Oppa去搵Oppa。平昌位於旺角兆萬中心，在旺角市中心，地點絶對方便。而且任食時間有2個鐘，足夠我們輕輕鬆鬆由前菜食到甜品。店內環境充滿韓式燒烤氣氛，枱及椅都是用上韓國傳統的韓燒枱椅，好有特色。而部分店員更是韓國人，感覺好正宗。我們叫了大君御膳放題，種類都唔少有豬肉類、牛肉類、雞肉類、海鮮類、蔬菜類和不同的料理，各式其式，而飲品則是採用自助形式。燒烤盤外圍會放上蛋汁，蛋烤一陣就食到脆皮香濃又香又滑的蛋。我們款款也叫一些，豬肉類、牛肉類和雞肉類味道不錯，尤其肉味香濃的牛肋肉和爽口美味的牛脷。海鮮類新鮮，烤過的鰻魚配上鰻魚汁美味，帆立貝、蝦及生蠔新鮮，烤過仍然Juicy。海鮮純豆腐辣湯鮮甜美味，石鍋麵豉湯有香濃的牛肉味，辣泡菜湯湯頭濃厚。所有石鍋都熱辣辣，令人非常醒胃。最後來一碗韓式拉麵，拉麵爽滑彈牙，好有在韓國食到的感覺，正。

同朋友諗住開支紅酒事先問咗侍應，我哋想開紅酒，需唔需要收開瓶費，個時應話OK，冇問題。跟住我拎咗支紅酒同酒杯出嚟！正當想自己開酒之際，侍應同我講開甁要收$100！但我同朋友都冇問題召開，結果等左一陣間都冇人同我開。等左5分鐘我叫侍應嚟，你哋唔係話收開瓶費嘅咩？點解你哋唔幫我開左支酒佢呢？之後佢仲問我借咗個開瓶器。之後最開心嘅場面出現，有四個侍應圍住出餐位嚟開我友紅酒🍷！開咗之後就咁就放喺我張枱度...如果你係要收$100嘅就唔該你做好啲，幫我倒埋酒啦！基本上點解要收開瓶費你哋都唔知，咁點解要收我開瓶費$100呀！

位於劣食之塔的平昌, 其實一D 都唔劣食食過幾次平昌, 今次食好似加左價, 價錢冇分時段, 晚上一律$218加一反而多左一個MENU, $278 可以食多D 款式食物, 肉類比較高級不過我覺得食$218 的已經夠了, $278 的食物其實又唔係太吸引爐邊蛋一早已經在爐邊….. 如果客人坐低後先放蛋會好D囉… 感覺D蛋放起度好耐….一開波就叫左好多肉, 肉係有質素既, 絕對唔同呢D港式韓燒咁, 配上生菜, 中和左燒肉的熱氣感燒蠔是不可一, 不可再!!! 燒完個樣衰都唔想食, 魷魚都不了~ 好似食橡根淨係食燒肉應該會熱氣死, 除左肉類, 仲有多款韓式食物, 當中水冷面我覺得係最好食, 面條幾”煙UN” , 面豉大豆湯飲多幾啖就覺得太咸了!!! 飲海帶湯會好D$240 食到咁多野, 燒肉外仲有多款韓國野食, 仲要飲品都係任飲, 都算係咁啦

今天和朋友來到旺角的平昌食韓式燒烤，價錢唔算太貴每人$188就可以任食。食客可以係膠質料的點餐牌寫上菜單編號，方便點菜！呢個方法既方便又環保。大君御膳的肉類也有很多選擇！有辣有不辣的，照顧不同人士的需要。店鋪的火候很猛！薄切的肉好快就燒好。燒好的肉可以選擇薰醬食用，而我就喜歡包生菜和配菜一齊食！！因爲這樣不但令燒肉更有口感，仲可以減低大量食肉的負擔感，比較健康。餐廳除左燒肉外，還有一些海鮮（帶子，蝦，蠔，鰻魚等等）可以燒。鰻魚肥厚！點多幾次好快就回本。而海鮮亦是挺新鮮爽彈，十分不錯。另外我地仲點左韓式熟食例如辣炒年糕，韓式拉麵和炒粉絲等等，外面更有飲品任拿！！好多都係韓國飲品。如果大家Like埋IG同Facebook 餐廳仲會送埋學條。估唔到呢個價錢都可以食到這麽多不同種類的食物。