帝樂德國餐廳 (Fashion Walk)

營業中

休息中

今晚約了朋友到帝樂 - 德國餐廳，位於銅鑼灣京士頓街8號Fashion Walk新豪大廈地下A及C號舖。店內裝修充滿傳統德國風格，餐廳主打德國美食。 菜式款式多，當晚點了匈牙利牛肉濃湯$98、 德國金裝豬牛肉脆皮腸配酸椰菜$150、 布袋芝士德式薄餅$250、 Berry Party$70、 Apple Jasmine Tea$62。 🔹匈牙利牛肉濃湯🥣 ～ 充滿濃郁香氣，湯頭味道更濃稠美味， 牛肉燉得好軟腍。 🔹德國金裝豬牛肉脆皮腸配酸椰菜🥨 ～ 皮脆內軟的脆皮腸， 入口充滿肉味的油香， 配上酸椰菜一起吃， 去膩又帶清爽。 🔹布袋芝士德式薄餅🍕 ～ 薄餅底香脆可口，布袋芝士口感軟滑細膩， 非常適合芝士控的我。 🔹Berry Party🍹 ～ 賣相靚， 味道酸酸甜甜，開胃解渴。 🔹Apple Jasmine Tea🍵 ～ 蘋果味清香， 整體清甜，很滋潤。 推介喜歡食德國菜的朋友，環境舒適，食物質素不錯。🏷️溫馨提示～ 整個用餐體驗均屬個人分享意見， 只作參考😊。

好多年前喺尖沙咀食過king ludwig，氣氛好好，有樂隊有啤酒，真係好傳統嘅德國風餐廳。今日再戰銅鑼灣分店，想再試番當年嘅德式風味。最可惜係今次只有兩個人食，叫唔到太多食物，只要叫匈牙利牛肉湯、四式芝士薄餅同金裝脆皮腸。匈牙利牛肉湯，我去匈牙利都飲過，今次香港試呢個應該迎合左香港人口味，無落到傳統匈牙利香料paprika，但仍然有香濃牛肉味。四式芝士薄餅，主要食唔同芝士嘅味道，除左洋蔥、火箭菜同少量車厘茄外，就係芝士，所以會有好突出嘅芝士味。金裝脆皮腸係比較正宗嘅德式菜，配有酸菜同薯仔，德國風味濃厚。

銅鑼灣近海嘅德國餐廳，裝修氣氛有濃厚德國風情，分爲室內與露天部分，價錢都唔太貴，同朋友飲返杯德國啤酒🍻或試下來食德國菜都可以！🥣🍅匈牙利牛肉湯牛肉湯經過燉煮後，牛肉好軟糯，用紅椒醃過嘅牛肉粒帶點辣味，使得整個湯酸中帶微辣。🇩🇪🌭紐倫堡豬肉腸厚實嘅豬肉腸唔會過鹹過油，拌菜有薯蓉與酸椰菜，一絲絲嘅酸椰菜中和左腸嘅膩，食幾條都唔會膩！🍕煙三文魚德式Pizza好足料嘅一個Pizza，三文魚與沙律菜舖在餅面上，炒焗過嘅煙肉、蛋、洋蔥芝士與薄餅底融爲一體，非常入味！其實呢度都有好多款啤酒、mocktail等，我地唔太飲酒所以就選了Lemon Punch同Orange Punch！

🇩🇪帝樂 - 德國餐廳位於Fashion Walk，主打德國菜。室内富有傳統德國風味，以自然木質感設計，帶有靜穆深沉的風格，更有德國著名童話胡桃夾子裝飾;室外獨有露天庭院及現場音樂演奏🎺🍲Classic Goulash Soup (Hk$98):源自匈牙利的牛肉雜菜濃湯，軟爛濃郁的牛肉粒配甘筍、洋蔥、蕃茄、薯仔等雜菜， 溫暖飽足🍕四式芝士德式薄餅(Hk$175): 九片方形德式薄餅餅底酥脆，混合四款車打、水牛、巴馬臣及藍芝士，非常'芝'味🥓紐倫堡豬肉腸配酸椰菜(Hk$150):六條的白豬肉腸，腸衣香脆爽口，配上薯仔片及德國酸菜，有去膩的效果🍹Peach Punch (Hk$60): 這款Mocktail濃郁桃香味配上新鮮菠蘿，果氣馥郁🍺Arcobrau Urfass, Lager (Hk$60): 剛好Happy hour優惠，點了0.5L的淡黃色德國啤酒，入口順喉、芳香純厚(All subject to 10% service charge)📍帝樂 - 德國餐廳 (Fashion Walk)銅鑼灣京士頓街8號Fashion Walk新豪大廈地下A及C號舖(港鐵銅鑼灣站 E 出口, 步

好耐冇食德國菜啦，呢間德國餐廳印象中都開咗好多年，之前有食過，味道都幾正宗，有露天庭院及室內座位，而且晚上仲有現場音樂演奏，幾有氣氛～✮匈牙利牛肉濃湯 $98飲落好香濃，材料豐富，有好多牛肉粒，加上蕃茄、薯仔，口感豐富，微酸開胃，好飲✮紐倫堡猪肉腸配酸椰菜 $165多款德國腸之中，最鐘意呢款猪肉腸，燒到少少微焦，食落肉質香濃juicy，可以配搭酸椰菜及酸薯蓉一齊食，亦可以加少少芥末醬，更惹味✮羽衣甘蘭，柚子，芒果，藜麥沙律 $165材料好豐富，柚子肉好甜，令到個沙律食落酸甜開胃，加上仲有蝦仁，口感好豐富最後，一定要飲返杯德國生啤🍺1L裝，好大杯呀😂

同朋友突然好想食德國豬手 就決定黎試下～見到佢個餐幾抵 係$468+1 set for 2 我地就叫左試下！首先係沙律吧，勁多款野食簡，有凍蝦，mussels,煙三文魚，hams,唔同既沙律菜！蕃茄同沙律菜都勁fresh , 凍蝦同mussels都新鮮，前菜都咁豐富😍佢仲有hot dish 簡，有德國式燴牛肉，燒豬腩肉，pizza, 焗芝士雜菜，仲有德國腸😝德國腸都有兩款 ，真係每樣都想食，勁吸引 味道都相當出色😋😋每樣都值得食 黎到主菜 德國豬手😍😍超級大隻仲有薯角真係見到個賣相都留哂口水😝豬手皮燒得相當香脆， 豬手肉既分量有好多，真係啖啖肉！呢個真係signature 必點😋😋最後仲食左生果 相當滿足🤣西瓜好甜甜品蛋糕真係飽到試唔到🥹要下次再試呢個set相當抵食 有沙律 hot dish 有湯 有豬手 有野飲 真係值回價錢😝超級滿足！我一定會為呢個set再番黎！

位於銅鑼灣嘅呢間德國餐廳，環境完美復刻德國biergarten，充滿酒莊特色，仲有biergarten必不可少的戶外環境，唔使搭長途機都可以隨時Prost!匈牙利牛肉濃湯 ($98)鍾意飲湯嘅朋友一定要點呢個goulash ，一款源自匈牙利由牛肉和雜菜煮成嘅濃湯，香港少見，每一啖都有很濃郁的肉味，不過越飲越辣好刺激德國金裝豬牛肉脆皮腸配酸椰菜($150)完全配得上稱為脆皮腸，皮脆彈牙，有時怕不過香腸太鹹，呢款啱啱好，仲有又愛又恨嘅酸菜，非常德國Jasmine Spicetini ($72)非常易入口既一款Cocktail，主要有Gin, Jasmine Tea, Ginger Syrup, Lime Juice，第一啖酒味唔濃，但其實都幾有後勁，薑味唔算突出，以甜度為主又唔太過分

喺香港想食到好味嘅德國菜銅鑼灣呢間位置方便．係唔錯嘅選擇餐廳以木系裝潢．環境寬敞舒適仲設有Outdoor座位除咗熱辣辣 德國豬手之外今次亦係為咗德國腸而來有好多菜式都好有水準✨德國金裝豬牛肉脆皮腸長長嘅牛肉脆皮腸，份量充足外皮香脆．肉汁豐富好Juicy配酸椰菜特別開胃✨匈牙利牛肉濃湯未放入口已經聞到好香嘅味道牛肉香濃軟腍．無筋唔靭加添薯仔．鮮茄口感豐富又惹味有多款酒精飲品 / Mocktail✨Peach Punch味道清新．唔會太甜配上新鮮菠蘿作點綴同朋友飲酒聚會嘅好地方

今日lunch約咗朋友去懷舊外國裝修「帝樂·德國餐廳」，呢間有著傳統德國文化，有德國人喜歡食嘅香腸、豬手、一大杯啤酒，豪邁的風格釀成德國美食的獨特之處。🐃🥣Classic Goulash Soup @$98匈牙利牛肉濃湯～足料濃郁嘅湯底，有軟腍嘅牛肉、蘿蔔、薯仔、蕃茄、洋蔥，豐富又飽肚。🐖🥔 Nuremberg Roast Sausages on Sauerkraut $150紐倫堡豬肉腸配酸椰菜～紐倫堡香腸是紐倫堡最有名的小食，只有拇指粗，由豬肉、肉豆蔻、姜、檸檬、香茅以及芥末製成。外脆內軟，肉汁好juice，唔會好鹹。🐟🍕Smoked Salmon Dennete $230煙三文魚德式薄餅～九格方形pizza，放上煙肉、煙三文魚、車厘茄、紫洋蔥，最後放上火箭菜。🍹Iced Lemon Tea $42☕️ Hot Mocha $38

我最近在銅鑼灣Fashion Walk附近的帝樂 - 德國餐廳午餐，有露天庭院及晚上有現場音樂演奏，黎過幾次，店員服務態度友好，環境又舒適🤩香濃薯仔湯配雞肉 ($85)呢款熱湯薯仔的口感綿密，湯的味道濃郁而不油膩，是一道開胃的好選擇!黑森林火腿德式薄餅 ($320)推介薄餅底部酥脆是我的最愛！火腿的鹹香與蕃茄醬的酸甜完美結合，讓味蕾享受到一種獨特的平衡感，值得一試😋紐倫堡豬肉腸 ($150)濃厚的德國風味，搭配著酸菜和香濃的芥末醬，必點小食😁熱Apple Jasmine Tea ($62)熱蘋果莉花茶非常清新爽口，茶的溫度剛好，使人感到溫暖舒適😍熱Ginger Jasmine Tea ($62)這杯熱薑茉莉花茶具有辛辣的薑味和芳香的茉莉花香氣，這款茶對於喜歡薑味的人來說是一個不錯的選擇!

嚟到銅鑼灣海邊，fashion walk 有好多好有氣氛好似外國特色嘅餐廳。今晚就試吓呢間德國菜先！ 一直覺得德國🇩🇪菜只得肉，肉，同肉🥩🍗🍖。但估5到呢到有開胃沙律🥗揀。 沙律加左橙同䄂子，好清新呢🤗 另外小食叫左豬肉腸配椰酸菜，腸5會好咸，加埋椰酸菜同薯仔🥔yummy 😋由於得2個人，店員話主食叫豬手可能食5哂，提議叫pizza,又一驚喜呢間餐廳pizza 幾出色！好脆底，新鮮熱辣。 呢度食物份量大大碟，下次一定要叫多啲人一齊嚟先可以食更多唔同種類嘅食物先😋！꧁☬小編食左咩☬꧂✅ 羽衣甘藍䄂子藜麥沙律✅ 黑森林火腿德式薄餅✅ 豬肉腸配椰酸菜✅ Lagar✅ 蘋果茶(◔◡◔) ♥️ 人均傷害💰：~ $300 ♥️

🤩好耐無食德國菜啦，所以約左朋友去Fashion Walk呢間好出名既德國餐廳，裝修充滿異國風情，有室內同室外，傾偈飲嘢Chill正！🍻無論你鍾意淡啤黑啤或者小麥啤，都一定搵到你鍾意嗰幾款！🫕匈牙利牛肉湯濃郁嘅湯汁加上大量牛肉、蕃茄同薯仔，小小香辣口感更加豐富！🍝扁意粉配蟹肉帶子蕃茄忌廉汁香煎過既帶子鮮甜厚肉，配上彈牙意粉，酸甜好開胃！🥩✨🍓酥炸牛仔柳伴紅莓汁牛仔柳炸得非常鬆脆，點左紅莓汁層次更豐富，平衡咗油膩感，味道清新好食；仲跟埋沙律菜薯條，份量好大方！🍰火焰雪山打卡超正既一款甜品，店員會係你面前燃點起一道令人驚豔既藍色火焰，溫暖嘅蛋白霜同冰涼嘅雪糕形成一道冷熱交替嘅口感，令人回味無窮！

好耐無黎銅鑼灣食飯，之前坐車經過已經覺得呢間餐廳好有特色，入到去有種去左外國酒吧既感覺都幾開心前菜係凱撒沙律配煙三文魚牛油果香草橄欖汁。生菜非常新鮮、加上煙燻三文魚同生菜的清新味道形成了完美的對比。另外牛油果配香草橄欖汁帶來了清新的草本香氣和橄欖的酸甜味道。另外叫了開心小食拼盤，包括雞翼、青口、魚手指、香腸和薯條配蛋黃醬。首先，雞翼多汁嫩滑，非常入味，每一口都帶來滿滿的滿足感。青口新鮮多汁，魚手指的外層酥脆有口感。主菜叫了扁意粉配蟹肉帶子蕃茄忌廉汁。首先，扁意粉煮得剛好，有著彈牙的口感。它與蟹肉和帶子的搭配得好好，增添了海鮮的鮮甜味道。蟹肉和帶子都非常鮮嫩，口感豐富，與扁意粉非常夾。而且蕃茄忌廉汁的酸甜味都非常開胃不過德國菜味道都略為重，叫左杯生啤即刻清爽曬

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯去開尖沙咀嘅朋友，一定會經過今次介紹嘅《帝樂德國餐廳》。曾經有一次喺德國啤酒節期間經過，就覺得好有氣氛，所以我決定一定要返嚟試一次。凱撒沙律一開頭叫返個沙律係我一貫嘅做法，除咗熟悉嘅沙律菜之外，仲有煙三文魚和牛油果。醬汁汁用上香草欖油醬，所以食落夠晒濕潤。Snack Platter 開心小食拼盤食得德國菜，一定唔少得佢哋嘅炸物。依個拼盤一次過可以試晒雞翼，青口，炸魚手指，素腸和薯條。最驚喜嘅係炸物外皮唔會太厚，內層亦都夠鬆軟同埋多肉汁，就算食多啲都唔覺得油膩。扁意粉總共有兩款海鮮可以選擇，我就揀咗蟹肉和帶子。意粉相當掛汁，而蟹肉同埋帶子都好新鮮，能夠食得出海鮮天然嘅甜味。去得德國餐廳，當然唔少得叫返杯啤酒。我就叫咗一杯麥啤，配搭炸埋一齊食真係一流啊。如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️⋯♡⋯⋯⋯♡⋯⋯⋯♡⋯⋯⋯♡⋯⋯⋯帝樂 - 德國餐廳 (Fashion Walk) (銅鑼灣)銅鑼灣京士頓街8號Fashion Walk新豪大廈地下A及C號舖 ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯

隨心一試嘅德國餐廳，發掘到意料之外嘅美味。今日唔想食太多肉，冇叫到出名嘅豬手，但原來其他嘅菜式都好出色。《匈牙利牛肉濃湯》飲一啖就知道勁足料，蕃茄味濃，牛肉軟淋，比想像中飽肚。《紐倫堡豬肉腸配酸椰菜》同啤酒係絕配。香腸外皮烤得剛好，肉質彈牙又夠juicy，加上酸菜薯蓉。喺眾多唔同款嘅啤酒入面，叫咗果香味重嘅Maisel’s Weisse， 可以暢飲一番。重點想講呢度嘅《四式芝士德式薄餅》， 方方正正嘅薄餅鋪上層層芝士同少許蕃茄洋蔥，餅底煙煙韌韌，四重嘅鹹香滋味超正，會食唔停口！