巴希雅海灣重慶燒烤

營業中

休息中

巴希雅呢間餐廳都開左十幾年。十年前食過一次之後覺得好咸。然後就無再諗過幫襯喇。咁啱今日入嚟踩單車，經過見到佢擴充咗。而且望落都好多人幫襯喎。咁就入去試吓啦。整體嚟講。我覺得食物係無以前咁咸嘅。亦都多咗選擇。但我略嫌包一支飲品係少咗啲。如果包多支咁就會好啲喇

燒咗兩塊肋骨, 之後就產生咗呢個問題, "呢件嘢係牛定係羊". 研究咗五分鐘都未能斷定, 最後要問店員. 店員話係牛. 我哋相信可能因為醃料嘅問題, 牛肉都醃到有少少羊肉嘅騷味.重點:- 每位$178, 開爐費$50- 用備長炭, 特別- 食品大部分用竹籤串埋, 乾淨- 贈送的蜆仔煲有特色, 蜆仔很新鮮. 菠蘿好甜- 墨魚丸超正. 青魚, 蒜蓉包, 紫薯粒唔錯. 金沙骨冇乜肉. 其他不過不失, 唔覺得特別好味.- 牛肉似乎用咗香草醃料, 食唔到牛肉味之餘, 仲有啲羊騷味.- 蜜糖要另外畀$15買, O曬嘴- 跟埋用來調味嘅辣粉, 孜然粉, 辣味水, 似乎冇乜用- 每人畀咗一隻碟用, 另有一隻大碟係一枱共用去取食物, 最好畀多一隻碟用來放已經燒好的食物, 可以大家share- 每人跟一罐免費飲品或蒸餾水, 另外再買就 $9- 初頭以為三個鐘好耐, 燒吓燒吓講吓嘢到食飽原來都要兩個半鐘.- 食完有些少口渴, 但不算嚴重.

今次黎到呢間大尾督呢間好多人都識既BBQ場，呢種炭燒既風格真係唔係度度都有，係香港我都算去過唔少燒烤場，但呢種炭火上既爐燒真係最好既燒烤體驗，作為一個燒烤專...專家，強烈推介大家去試一試。燒烤最緊要係乜?最緊要就緊係個爐，用左瓦製既長型爐，只有爐低幾個小孔透氣，令到d炭可以保持係一個合適温度，又可以延長炭燒既時間，個爐設計得好已經成功左一半。平時點解BBQ爐放網d野食永遠唔熟同埋燶曬?就係因為火喉控制問題，而火喉控制重點係個爐度。另外，佢仲用左長條型木炭，大小均一，燃燒火力均勻，而且時間長，最緊要係佢幫你透到d炭全白(合適既温度)，先拎出黎比你用，其他舖就咁一包木炭粒放低，無服務可言。所以你見到，就算唔識燒，都可以好容易就燒到d外脆金黃色，內熟既全翼，加埋d辣粉同茨然粉，再配埋佢士多賣既啤酒(仲賣得好平,一支大青島先$25)，真係無敵。

天氣開始凍又係bbq既好時候，呢日踩單車黎到大尾督，咁就梗係要黎大尾督既bbq場試下佢！呢度既燒烤場用既炭火力好足！由入場燒到走足足三個鐘都仲好夠熱，一次炭都冇換過～呢度既野食選擇都算多，而且醃肉個d都好食！我地燒左幾round雞全翼！真係好正！雞全翼唔駛棟係度燒個鎚都已經熟！好正！同埋入場個陣佢拎左蜜糖水、辣粉、孜然粉、辣椒汁，其實加孜然粉同辣粉d野食已經好好食！ 勁香！另外仲有海蝦同蜆，蜆冇沙份量又多，海蝦好彈牙！香蕉燒完可以去拎海鮮個度搵店員唧朱古力醬！仲有波蘿拎添！勁滿足！仲有盒金菇有哂芝士同蒜蓉.... 放入錫紙盒度燒，燒完出黎好香好正！燒完之後仲可以加d菜入錫紙盒再加d水燒熟佢黎食！仲有大量孜然粉同辣粉，好食！

今日放假同朋友一齊去踩單車，由大埔踩到大美督廿幾公里，諗住燒嘢食食返餐好補下先，點知圓滿嘅人比而依間野破壞咗一入門口收費178如果要任飲要加20蚊，飲品選擇極少，再嚟如果你要牛油同蒜蓉，每一盒$5 ，連最基本嘅蜜糖都要加$20先由，每一個爐有$50嘅開爐費，整體收費喺呢度就完結。佢啲嘢食全部係冇味道，包括醃好左既都系無味，佢枱面上有供應一個燒烤汁，睇落好似好惹味，食落去完全係冇味，淨系有孜然粉同埋辣椒粉，淨係可以食到呢兩個咁單獨嘅口味...（辣椒粉仲要唔係人人都啱）全晚最好食嘅應該就係嗰個燒茄子，但係唔知點解依間野啲蒜蓉係一啲都唔蒜，一啲都唔香勁難食....所以我哋五個人只係攞咗兩次嘢食就冇再食過，明明勁肚餓都搞到冇晒胃口佢個爐仲要勁細同人地比真係爭好遠，但係值得一讚嘅係員工服務態度都幾好

巴希雅海灣重慶燒烤好耐冇去過大美督，難得想同女朋友入去BBQ見人唔算太多, 又係戶外都幾安心去食肉類大部分都預先穿好一串串雞全翼必試, 醃製夠晒味,分分鐘好食過出面買肉類都應有盡有，任燒唔嬲加上 孜然粉，辣椒粉已經好惹味素食冬菇, 香味出晒嚟。海鮮大蜆食到海水味, 正阿幾新鮮大蝦大大隻, 燒出來好好味每位$178+每個爐$50開爐費, 可以燒足3個鐘食物種類多，價錢都算合理啦超讚每張枱都有風扇提供，環境乾淨

秋高氣爽最適宜 #燒嘢食趁着依家天氣開始轉涼對住個火爐都唔使出晒汗約埋三五知己去大美督食重慶燒烤最好不過！一向都鍾意郊區呼吸新鮮空氣仲可以揸車過嚟夠晒方便燒烤之餘仲有得免費泊車就算唔熟路嘅朋友一見到大大個招牌就識得揸入嚟 Yeah~⊰⊹════════════════⊹⊱✎ 食後感 ：✨呢度以 #自助形式 自取食物仲附送一鍋新鮮的蜆 香蕉及菠蘿🍍牛油金菇 新鮮的蝦以下這幾款是我燒烤最鍾意食的食物🤩🔴「 #雞翼 」雞翼嘅口味有多款而且每一隻都好有份量自己放上燒烤爐烹調再加一些孜然粉及辣粉燒一陣就食得雞肉肉質很鮮嫩 正~🟠「 #羊架 」#羊架迷 一定很喜歡因為夠晒大件有我手板咁大隻食落去一啲都唔騷燒到外皮有少少香脆更加好食🟡「 #豬頸肉 」豬頸肉有大有細塊我就鍾意薄薄地容易燒食落去有爽口嘅口感果然係新鮮嘅食材還有不同的丸類、腸仔、漢堡扒芝士腸、鴨胸、就連秋葵都有食物款式夠晒多真的不能盡錄平時食水果就食得多好少會食到燒水果🥳🍌「 #燒香蕉 」🍌估唔到放在爐上燒香蕉一樣好味睇住佢一邊笑一邊滲出香蕉汁食落去外層軟口 內裏有質感多層次的甜品享受🍍「 #燒菠蘿」🍍一大件菠蘿燒出來又幾香口最重要係食落

秋意漸濃，總係心思思想嚟巴希雅燒嘢食，今日趁住週末加上天氣咁好，終於坐言起行！食材放喺一間獨立嘅房間入邊，確保衛生，葷素食材選擇眾多，一串串整好哂，乾淨有條理，而且一眾姨姨喺旁邊密密整，補給及時。除咗燒烤食材之外，仲有秘製咖喱魚蛋，辣得過癮，另外當然唔少得我至愛嘅牛油法包。入場會有一人一張飲品換領券，可以換領九蚊嘅飲品，罐裝飲品選擇亦唔少，仲可以換大嘅樽裝水。一坐底店員就為我哋放好備長炭爐，冇明顯火頭，熱力出奇地持久，食咗兩個幾個鐘都唔需要換炭或者翻炭，而且冇乜炭灰，大讚！食材方面最推薦牛柳粒同雞全翼，牛柳粒肥瘦適中，入口非常juicy！加上辣粉同孜然粉更加係絕配；雞全翼係令人燒得最有滿足感嘅食材，燒嘅過程要好有耐心不時翻動，但成品絕對令人滿足，外皮又香又脆，肉嫩多汁。除此之外鮮魷魚、豬肋骨同四季豆都非常推薦。除咗自取嘅食材之外，每張枱都會有一份蜆煲、大蝦串、芝士牛油金菇、香蕉同菠蘿。大蝦已經剪咗蝦腳以防燒焦，非常細心，蝦肉鮮甜彈牙，仲有淡淡嘅鹹鮮味；牛油金菇以前係冇芝士，加入芝士有微微嘅拉絲效果，更加滋味，另外蒜蓉牛油嘅份量俾得超大方，非常惹味！蜆用煲仔裝住，冇多餘嘅水份，冚蓋放上去

#大尾督必去燒野食 #川式燒烤 .▪️每位$178 任燒放題 (包1飲品)▪️開爐費$50(1-5人) .過左中秋 終於天氣涼返d 可以燒野食啦😏 私心介紹呢間我由細食到大既川式燒烤(雖然有點遠) .星期六晚揸車黎到大尾督 勁大停車場隨便泊 泊好車之後門口計人頭收費 每枱另送(菠蘿,海蝦,蜆,金菇,香蕉) 一坐低就會有職員幫手開爐 亦有辣椒豉油 孜然粉 辣椒粉 配料提供埋☺️.▪️食物方面基本野都齊（主要推介串燒食物 ：雞軟骨 雞腎 牛肉串 魷魚 ... ) 醃肉類不會過鹹 另外中意食菜既朋友好推薦 （平時燒野食 食菜好麻煩Xd) 但呢度原本已經串好一串串 唔怕菜會難燒/散開 仲有重點有原條茄子 🍆 即係可以自己勁落孜然粉辣椒粉燒😆好似出左去食港式串燒咁 😋😋.呢間燒烤幾適合2個人黎拍拖 價錢唔貴 又唔使自己買料咁麻煩 重點係野食串好晒 唔使逐串拮 每樣食一串 岩食再encore 方便又快捷😍 而且因爲呢種炭爐好近野食 爐溫高好多 燒野食既時間唔需要好似一般爐咁耐 👍🏻 .但係真心要秋冬天先黎到🙈夏天應該真係會比較熱。其他都無咩好挑剔🤣 (連廁所都幾乾淨XD).。📌地址：大埔汀角路龍尾村

天公造美，秋風起去左食重慶燒烤特色野😛特別在佢個爐一枱一個自己燒，火喉好平均👍🏻而且個炭可以keep到起碼3個中，唔洗換炭好方便，又乾淨！佢d食物自取，好驚喜係每款食物都有自己醃料味道，唔係劃一一隻味！例如香芧豬扒，香芧味好重；羊架配左一瓶香草🌿；叉燒夠厚夠彈牙👍🏻⋯⋯其他仲有豬頸肉、雞件、牛仔骨，包羅萬有😋另外好深所象係有一串串生蒜🧄、青色長尖淑、牛油多士、洋蔥圈🧅⋯⋯都好特別唔常見！老闆應該精心挑選過食材🙇🏻‍♀️🙇🏻‍♀️仲有不得不提就係個海鮮鍋🦞原來d蜆就咁用個瓦煲焗熟就食得😍仲保留左海鮮味😋同埋隻香蕉就咁燒軟左可以做甜品🤤其實可以request 朱古力醬，但想原汁原味就咁食條蕉蕉都好一流🍌🍌

終於可以呼吸一吓大自然嘅新鮮空氣，難得有假期又好天，一於去郊遊。去左大尾督踩單車，做運動舒展下筋骨！沿途風景好靚，仲有少少秋風，好舒服！夜晚我哋係大尾督食埋飯先走，就揀咗巴希雅BBQ做我哋嘅晚餐，仲可以觀賞到日落。以前都同月友黎過幾次，記得以前個場就無甘大，有啲迫，但而家唔同哂啦又大又寬敞，好舒服！食物佢呢度用串燒形式bbq，亦可以自行落辣粉/椒鹽粉，亦都可以喺呢度買返蜜糖揸！食物無論肉類定蔬菜類都多選擇，肉類既話我最鐘意食安格斯牛肉串、叉燒、雞軟骨、漢保扒同羊架。鐘意食牛同羊架既，食多幾件都已經回本啦。蔬菜類都有冬菇、蕃茄、洋蔥、青椒，最正既有茄子，超巨型，買盒蒜蓉架落去，加埋孜然粉，簡直無得頂。另外包埋人頭份量既大蜆、海蝦、菠蘿、香蕉同牛油金菇，新鮮。另外仲有兩款熱食有燒賣同咖喱魚蛋，啱哂啱啱踩完車既人又餓又攰，食返兩粒先開始燒野食。

價錢昂貴，食物選擇少，乜嘢都要收錢，飲品得一罐其餘要收錢，好似乞食咁，拎野食好似配給咁，比左200左右每人，得到咁樣嘅待遇真係不可一不可再，如果唔係隔離餐廳full booking，我地唔會再入黎食！重點分享：入黎排隊嗰陣已經覺得奇怪，位置好多，但係無乜人，見唔到拎野食嘅地方，只係見到拎野飲同收錢嘅地方，有好處嘅係佢可以一邊涼住風扇一邊燒野食，拎野食只可以拎你枱面嗰一隻碟去裝，食物種類少，你想食嘅野未必會喺度，甚至要主動問佢先有兩條！

好耐冇去過大美督，難得long weekend同男朋友入去BBQ👫。.每位$178（+每個爐$50開爐費）可以燒足3個鐘，已包括🔅飲品一款🥤🔅菠蘿🍍🔅香蕉🍌🔅蒜蓉牛油金菇🧄🔅蝦🦐🔅蜆煲🦪其他蔬菜、肉類都係任燒🌽🥩.BBQ個爐好重要😝！個人覺得備長炭爐好易用，燒得快之餘熱力夠均勻，間唔中翻下食物就可以了。.任食嘅肉類之中比較推薦雞全翼，本身已經過醃製夠晒味，表面燒到好香脆，自己燒好食過出面買😋。羊架肥瘦均勻，食落有少少羶味☺️。.素食種類有成十幾種，以鮮冬菇🍄同粟米🌽最易燒又最好食。冬菇簡單燒一燒香味就出晒嚟。粟米可以加少少牛油（from 蒜蓉牛油金菇），食落特別香。.整體價錢唔貴，而且食物種類多，間唔中拍住拖燒下嘢食都唔錯👩‍❤️‍👨。.🥢巴希雅海灣重慶燒烤 (大埔)大埔汀角路龍尾村101號

🔸重慶燒烤任燒三小時 $178/位🔸開爐費 $50/爐-入咗秋咁耐中秋都過埋，梗係要去bbq啦！平時去得多大欖小欖，今次轉場試吓都好出名嘅巴希雅，都係任食三小時嘅燒烤，同平時圍爐bbq唔同，呢度用嘅係小型啲嘅炭爐，唔駛撥爐透火，兩個人去燒都好方便。巴希雅嘅食物大部分都預先穿好一串串，無論燒同食都方便得多。丸類、蔬菜、肉類，都應有盡有，任燒唔嬲，啱晒各位大胃皇吖！今次去都未試得晒所有食物，特別推薦原條茄子、卜卜蜆、新鮮菠蘿，一定要試啊！

難得假期又好天，今日就同屋企人入大埔BBQ, 今次呢間我地未去過的，係朋友介紹， 因我今次唔想係用燒烤叉那種BBQ, 係想燒重慶燒，一細串那種。呢到入場後會有蝦，蜆，菠蘿，香蕉一份比大家，野飲每人包一支， 其他食物就任燒任食。今次我超開心，因為去燒野食我最喜歡多春魚，但自己吉永遠都整得唔好，燒到條魚斷左咁呀。但呢到吉好一串串，我負責燒加上d 孜然粉，辣椒粉已經好惹味。另外呢到的牛柳串，羊架，雞翼都好正， 海鮮又新鮮， 蒜蓉包燒兩下就已經好脆， 呢到有原條茄子夠哂正。差唔多食飽，燒最後的香蕉， 工作人員好細心，拎香蕉時已經提我地燒完後拎出來加朱古力醬。呢到幾好，每張枱都有風扇提供，仲有幾個洗手位，岩哂我呢d怕痴立立的人， 呢d細心位唔係間間做到。