巴希雅海灣重慶燒烤

營業中

休息中

中秋放假去燒烤，紅日去燒$228一位，開爐要$50，每人一罐飲品。開位都好快，但係等個爐就等左好耐。無計，人手唔多，客就多，做唔切就無計。野食種類都算多，牛肉串同八爪魚串就最好食。牛油蒜蓉金菇都好有誠意！

今日天氣好好藍天白雲，去了大埔龍尾泳灘享受日光浴，曬得差不多要熟了的時候飄來陣陣燒烤香氣。原來知名我巴希雅海灣重慶燒烤就在泳灘對面，以前單車經常經過，總是被燒烤味吸引。因為時間尚早，不用訂位也可能食到，自助燒烤3小時任食都只是$198，星期一至日同價，性價比高，食物選擇很多，串燒類，肉類，丸類，蔬菜類都是任食的。另外包左海蝦兩份，青口一份，牛油金菇一份，香蕉一條同菠蘿兩件。每人一罐飲品絕對不足夠，建議加錢轉任飲。喜歡蔬菜的朋友很有福，選擇很多，有鮮冬菇，粟米，原條茄子，大蔥，韭菜等。串燒也有很多有雞軟骨，雞腎，多春魚，煙鴨胸，雞全翼，魷魚，墨魚等。丸類都串好一串串方便燒烤，有我最愛我芝士丸，墨魚丸同台灣腸腸。有超多牛油嘅法包，正正子！！燒到好香脆！！特別喜歡牛油金菇同燒香蕉燒菠蘿，bbq 恩物！！缺一不可呀😂😂😂場地很清潔，但天氣真的太熱了，碳火桌上燒烤，熱上加熱，而且食物要不斷翻面才不會燒焦，好大火呀！！

串燒款式好多，牛肉，豬肉，雞肉，羊架，海鮮，丸類，蔬菜都有，企理衛生。羊架必食👍🏻 肉質鮮嫩，肉味香濃冇羶味雞翼燒到脆卜卜，加埋孜然粉同辣粉，正😋牛柳juicy嫩滑👍🏻 每枱都會有海蝦 青口 菠蘿 香蕉 金菇食物款式夠晒多，值得下次再嚟🤩

大埔大尾篤近來有唔少新打卡景點，呢日去左龍尾泳灘同大尾篤一日遊，夜晚就預約左附近呢間巴希雅燒烤，直接在龍尾灘對出，極為方便！呢度任食燒烤嘅其中一個賣點就係燒烤爐係枱上面，火力集中而且燒足3小時都唔使refill 炭，將串好的食物或扒類都可以就咁放係網上面燒，唔使拎住bbq义，岩哂懶人一族😂。任食價錢只須$198/位 另加爐費$50/個。食物方面選擇多，包括各式瓜菜類，用竹纖串起 方便易燒。自助形式，自己到房仔內取食物，比想像中選擇多，有翠肉瓜，大菇，洋蔥，大椒，原條茄子等，燒烤另類清新健康之選！ 而且材料新鮮，值得一讚。而比較特別的韮菜，蒜頭串都有。燒時候記得加水或燒汁，令佢無咁乾。粟米好好甜😋😋丸類有廚師腸，台式香腸，芝士丸，貢丸，鴨胸等。個人推介芝士丸，質素唔錯，有驚喜。而燒烤重點的肉類，有幾款必食： 羊架，牛肋骨，雞翼，牛柳粒，雞肉串等。羊架醃好夠入味，絕對沒有雪藏味，肉夠香而不羶，個人推介必食之選。牛肋骨亦係重點推介 ，牛味濃 燒烤不需太長，烤後味道更好，肉嫩超juicy, 我吃了幾件。牛柳粒串起 肥瘦均衡，味道濃郁，肉質軟腍，yummy! 各肉類有質素，絕不是雪到實的肉，新

我哋今日去咗大埔巴希雅食任食炭爐串燒燒烤，呢度嘅燒烤好正宗，係用炭爐燒烤，所以燒出嚟嘅食物特別有風味，仲可以加埋孜然粉、辣椒粉調味，又唔使拎住支叉燒，真係岩哂我呢d懶人燒烤場環境空間好闊落，而且非常空曠，食物區亦都非常整潔，有多種肉類、丸類、蔬菜類、魚類、多士等等可以選擇拎住枱面嘅碟就可以去食物區攞食物最鍾意就係佢哋嘅海鮮，就係海蝦，燒完之後個頭爆多膏，加上孜然粉，真係好正！而串燒方面，推介羊架、雞軟骨、牛扒、魷魚而牛油金菇亦都係燒烤必食，牛油已經喺錫紙兜裏面半溶狀態，食完想encore呢度仲可以原條茄子燒，另外我哋仲燒咗菠蘿、韭菜、粟米🌽另外入場券已經包含咗一支飲品同埋海鮮盤，另外到最後可以將香蕉燒熱之後加朱古力醬作甜品

呢度串燒種類好多🤩，牛肉，豬肉，雞肉，羊架，海鮮，丸類，蔬菜……😍有獨立一間房放食物，大部分食物都整好一串串咁，方便企理又衛生👍🏻 同埋位置都舒適闊落，每枱隔離都有把風扇，就算熱辣辣都唔會話好辛苦，值得再嚟😙🌟個人最愛燒雞翼🥰 碳火夠晒火力，燒到雞翼外皮脆卜卜，加上小小孜然粉同辣粉，真係食到lam lam 脷！😋😋😋🌟另一推介係牛柳，燒完肉質依然juicy嫩滑，唔會韌👍🏻👍🏻👍🏻 🌟羊架都係必食推介👍🏻 肉質鮮嫩，肉味香濃，唔覺有羶味😚🌟粟米係超甜粟，加小小牛油燒已經好正~另外，每枱都會有海蝦，青口，菠蘿，香蕉同埋金菇換領卷~ 菠蘿🍍超甜超juicy🥰 而香蕉🍌就要燒到蕉皮變黑，掂落去有小小軟身之後，拎出去比職員，佢地會幫手加啲朱古力醬或者焦糖醬落去，咁就變左甜品laaaa☺️驚喜嘅係，有原條茄子🍆可以燒！不過蒜蓉就要另外收費😅順帶一提，肉類大部分有腌製調味，個人覺得調味恰到好處，只要根據個人口味加返小小孜然粉或者辣粉就夠晒啦😉

今日下午去了大美督海灘游水又到累了見到對面馬路有一個泳灘休息站這是去大美督總站必經的一個燒烤場過去休息期間看了看餐牌任燒3小時還有特別的燒香蕉所以忍不住去燒烤成人$198一位包衣一罐飲品和一份特別食物特別食物包括菠蘿、金菇、青口、蝦和香蕉這是我第一次吃烤香蕉不知道熱吃香蕉的味道如何這裏環境很大一開頭有一位熱心的叔叔招呼我們他帶我們到一個可以欣賞美景的位置雖然這是戶外燒烤場但是一點也不會悶熱爐的旁邊有一把大風扇可以把燒烤的熱氣吹走同事我們也不會感到悶熱領取食物的地方是在下樓梯左邊的小屋裏裏面有很多大雪櫃放了不同種類的食物包括芝士腸、香草腸、羊架、安格斯牛柳粒、丸類、雞翼、魚類和蔬菜類食物都非常新鮮就算不用額外加調味料也很惹味由於我們5:30進去燒烤人流不算多但大約六點左右開始慢慢有一家大細來燒烤最驚喜是燒香蕉整隻香蕉放上烤盤慢慢燒燒到香蕉皮變黑便給工作人員加工可以加朱古力或焦糖醬燒過的香蕉會有一點兒酸但口感比較軟糯配上焦糖醬口感一流燒菠蘿出奇地清甜特別有菠蘿的香味和水果的甜味燒金菇也很特別配上一些牛油和芝士絲燒完的金菇會有芝士拉絲和牛油味總結：這次燒烤10分驚喜，$200可以吃到飽而且食

已經好多年無放過暑假好懷念以前讀書有暑假放可以周圍玩樂 去踩單車🚴🏻‍♀️燒嘢食的時光上星期趁放假 決定去好好回味一下青春的回憶大家都應該去過大尾篤踩單車🚴🏻對🔥巴希雅 應該都唔陌生 我都好多年無食 今次再好好回味下😜入場以人頭計 會派飲品券 職員再帶位去到會見到餐枱上有碟 拎碟岀去拎燒烤食物即可全程自助形式 可以食到咁上下先再岀去揀想食的烤物食幾多拎幾多 唔怕浪費食材👋🏻除咗牛肉、豬肉、雞肉、羊肉 以外亦有魚、海鮮類、蔬菜 等肉類醃得好夠味 當然如果重口味的朋友就可以另外再灑上 巴希雅 好signature的味粉 🤩孜然粉 同 辣椒粉 🌶🌶個人黎講 除左肉類外最鍾意 燒菠蘿🍍有燒烤的香味，咬落去又甜又多汁 🌞 熱辣辣的天氣食一流 😛

大埔真係多左好多野玩,今日約左好朋友去蝶豆花園玩🎊玩完夜晚緊係食埋燒烤玩盡佢啦,咁就緊係要去巴希雅!!咩都唔洗準備夠方便!食物方面:⚪️$198/位 3小時任食🥤包一罐飲品另加開爐費$50枱上有辣粉.水.醬汁同埋燒烤工具💕*我地2個人會有幾隻青口.大蝦.菠蘿.1包金菇(會有埋芝士牛油醬)同1隻香蕉任食既食物用竹籤串好,自己去夾食物種類都幾多,雞牛豬/雞翼/丸類/蔬菜都有👍🏻推介🥰⚪️牛仔骨肥瘦適中,肉質好淋好香好食!⚪️芥末牛丸好香芥末味好惹味!⚪️雞翼雞中翼必食,調味岩岩好,大大隻!⚪️台灣腸仔唔係度度都有得食,黑椒腸好香口!⚪️牛油芝士蒜蓉燒金菇牛油芝士蒜蓉醬加埋一齊燒勁正!整體方面:我地去完蝶豆花園直接搭的士去都唔遠60蚊左右,去玩完就過黎食,都幾方便,咩都唔洗準備😋囉野食既地方都要帶口罩,而且食物都串好哂用夾夾,地方都好乾淨.附近又有得洗水唔怕污糟!!

❤️放暑假去散散心系列同朋友仔講開好耐冇周圍影相於是今日就去咗大埔搵靚景晨早出發，影完相就肚仔餓去咗搵嘢食~喺影相附近有好多燒烤場😆所以我哋就揀咗喺正龍尾泳灘對面嘅巴希雅海灣重慶燒烤~燒嘢食冇錯，係燒嘢食！係咪未見過咁靚嘅燒烤場呢？我都係第一次見，竟然可以喺燒烤場影到渡假風嘅相😍環境靚之餘，每張枱有部大風扇吹到正，唔怕燒到出晒汗，你睇我準備食燒雞翼張相就知我幾爽.講返正題先，呢度係畀你燒足3個鐘，款式都幾多吓我自己係食肉獸😍見到佢啲肉同串燒真係流晒口水極力推介佢嘅羊架同埋牛仔骨醃得好好食，再加埋佢嘅香草粉，好惹味唔食紅肉嘅有雞肉串同腩肉片選擇😍蔬菜方面一樣都係好多款式，個人覺得燒大菇菇係極之吸引加分嘅係個爐，有網架，食物就咁放上去燒，唔洗自己用叉拮到天光都未拮到🤣火力仲超強勁，第一轉我放咗啲嘢上去唔夠一分鐘，竟然已經燶咗🤣真失敗，不過到第二次燒就掌握到個火候燒得好靚喇！燒雞翼就係第二轉燒出嚟嘅傑作💞另外，入場費仲包咗張劵俾你去換一份海鮮、金菇、菠蘿同埋香蕉，飲品只需加$20就可以無限任飲，勁正🎉啲員工仲要好熱情，我哋食咗兩個鐘就飽到上心口，臨走嗰陣有兩個員工叔叔問做乜咁快走咁蝕，包3個鐘

巴希雅海灣重慶燒烤 (大埔)大埔汀角路龍尾村101號今日適逢星期五當然就係想去遠少少嘅地方，同女朋友散吓心休息吓啦，聽講最近有一個新嘅人造沙灘當然就唔會放過去打卡啦而打卡之前當然就係搵吓嘢食啊，去咗一間到幾耐歷史都成日會同啲朋友一齊去食嘅餐廳，喺疫情之下都已經好少出去打邊爐或者燒烤，今次就同女朋友重溫下燒烤嘅感覺咁耐冇食依然佢哋保持到選擇多同埋環境舒適嘅優質優點佢哋做嘅方式就係可以自己控制火候仲可以賠償自然同埋辣粉俾你選擇，佢哋嘅串燒配料都特別多，除咗普通嘅肉類佢哋仲有海鮮供應，佢哋嘅魷魚到大大隻好好味另外佢哋嘅肉類都唔錯，有牛肉串呀雞扒啦楊楊扒同埋豬扒，樣樣都大大份另外佢哋而家仲有燒菠蘿海蝦選擇，整體來講佢哋嘅環境都幾舒適，而且餐廳好少咋每一胎枱會有一個風扇令到你唔會覺得10分熱啱晒游完水，想過嚟燒烤嘅朋友仔

終於放暑假原來已經5年以上無再黎過巴希雅喇地方大左好多呀比以前更舒適炭爐燒方便又快捷而且佢用既係備長炭唔洗換炭可以燒到尾仲有好多風扇唔怕好熱款式又夠多丸肉菜多春魚基本上有齊原條茄子都有雞軟骨同牛肉我最鐘意而且佢係一串串既串燒放落去就燒得連我都搞得掂呀都要睇住會燒燶嫁另外每枱會有一份蒜容牛油金菇菠蘿 蜆 海蝦同香蕉一如既往菠蘿真係又甜又好食金菇入晒味好正性價比高值得去呀3小時任燒198咋好抵呀暑假快d去喇岩晒一家人去

同男朋友屋企人揸車去大尾篤bbq，之前都食過覺得幾高質好食所以再黎食，佢有間屋咁有齊曬丸類，蔬菜，肉類同海鮮咁，我地要左個海鮮拼盤有青口同海蝦，雪櫃夠冰凍，青口幾甜，唔洗沾豉油，海蝦啲殼好易meet證明新鮮，中意食肉既朋友呢到一定啱曬你，超多種類，黑椒牛扒，雞軟骨，牛柳粒，蒜蓉雞翼，多春魚，原塊魷魚等等，連蒜蓉包都有！個人認為最正係佢個爐好猛料，食物好快熟，爐頭熱力分佈好平均，師傅好好人，特登比個風扇位我地坐涼爽啲，野飲選擇都好多，一大班朋友黎啤啤佢就啱曬，建議早啲黎，食耐啲坐耐啲，因為而家9點半就冇得拎野食，10點就要清場啦

好耐冇黎大埔，便相約朋友到「巴希雅海灣重慶燒烤」食下野，好耐之前黎過，今次再來感覺唔同咗，好似啲座位位置變左。不過天公不作美，我哋下車時好大雨，既然一場黎到就唔會走既，不過入到去個地下好似瀑布咁，有點唔方便。但員工招呼很好，介紹邊度攞野食，有蜜糖（另費$15細）及蒜茸（另費$5）燒更好，咁我哋就幫襯下。最後仲教埋我哋燒茄子，最佳員工👍🏻。同埋間唔時走埋嚟睇下我哋有什麼需要。食物：多春魚、牛肉串、牛扒、羊架、雞全翼、雞翼、雞扒、雞腎、雞軟骨、雞件串、腸仔、芝士腸、漢堡扒、貢丸、墨魚丸、魷魚、黑椒腸、豬肉、蟹籽丸、韭菜、豆角、茄子、冬菇、蒜茸包...等等。以上係我取既食物，但仲有好多冇攞，肚仔位置有限，食啲自己鍾意嘅先啦係咪😉青口x2、蝦、金菇、菠蘿另上，每枱一份。香蕉，燒到變少少黑就攞去收銀處附近，有職員處理，整咗個朱古力香蕉，幾好味😋整體來說，食物質素仍然能保持到，尤其係牛肉串特別好食，我哋第二轉攞咗10串，牛肉勁淋身。羊架好重羊羶味，我嘛嘛哋。丸類都唔錯，雞翼都好食😋食物係滿意嘅呢支飲品好好味😋

準備開始時，職員問我知唔知邊度攞嘢食，我答知，然後佢又話要拎埋大碟同夾去攞嘢食，下一句佢忽然問我嚟過未，我答嚟過。然後個職員怪責我嚟過要早啲講，等佢唔使再講。我當堂O咗咀。請問：1. 呢間食肆開咗好多年了，呢位職員何以見得我上次嚟過就一定記得啲規矩?2. 對每枱客喺入場時講一次規矩好困難？3. 如果唔想講，點解唔第一句就問客人嚟過未、需唔需要講解，然後先開始講呢？P. S. ～我哋雖然嚟過但真係唔記得要拎埋大碟同夾去攞嘢食～希望我哋下次幫襯仍然可以牢牢記住要拎埋大碟同夾去攞嘢食而唔需要勞煩職員再講