巴希雅海灣重慶燒烤

營業中

休息中

$178/位再加$50開爐費大埔踩單車成日經過見到啲燒烤場，今次揀一間黎試。呢間開左好多年，應該唔會伏？！.配料任食，自助形式，款式不少，想食既有齊豬頸肉，一口牛柳粒，金沙骨，多春魚，魷魚，大葱，最驚喜就係原條茄子同牛油蒜蓉多士個啲都有，啲野無左都refill得好快.入場兩個人會俾一隻大碟你去拎配料，大部分野食都切好一口size, 吉好一串串，易拎易燒.戶外炭火爐，啲嘢勁快熟晒，完全無坐係度乾等既情況出現，keep住密密有得食。.唔好心急，分多幾轉燒，每次燒少啲會穩陣易控制啲平時傳統燒烤叉起碼燒成十分鐘，塊扒先熟炭火燒仲要好有風味，又燒晒啲油出黎.入場都會送一隻大海蝦，一大鍋蜆，一盆金菇，一條蕉同菠蘿🍍。香蕉燒完可以拎去counter 俾佢切，佢仲會幫你吱埋朱古力醬或者焦糖醬.你都可以自己帶啲海鮮去燒.仲有免費泊車，個車場勁大，任泊唔嬲

有班朋友好中意黎呢度食，因為一定有位，同埋唔駛卜都食得，但我真係食2次，2次都痾到七彩，我唔知係佢啲嘢唔乾淨定點，同行朋友就唔係全部痾，但都有1-2個話食完個肚唔舒服。佢個廁所係貨櫃改建嘅，當然唔乾淨得去邊，所以肚痛係有啲煩，試過2次都肚痾，之後我都唔敢再去。同埋佢拎食物係有啲遠嘅，要人多先夠手一次過拎多啲，如果唔係你就要行好多轉，個地下係爛車場咁，夜晚較暗，見過有細路跌親，自己睇路小心啲。總之呢個價錢咁嘅食物質素，我唔會特別推介，去食燒肉好過。

突如其來即興燒烤，話行就行，想做就去做！下雨天那個濕滑的司機，那條濕滑的隧道？鍚紙焗牛油金菇，掉係網上不時轉位務求解受熱平均，牛油只在最外層沒有滲入，親手將牛油撈得每梳金菇都沾滿，牛油水水味淡，好彩金菇健康爽甜多汁。海蝦，燒蝦殼的氣味極為引誘口水流，不用燒兩分鐘魚肉變為白色不透明，起動！退去殼成條塞入，估唔到雪藏蝦都爽甜，只係鮮味不足。沙白蜆煲，平價卜卜蜆只要夠新鮮都可以非常美味！厚厚脹卜卜，彈牙爆汁回味再回味！牛柳粒，半肉半肥膏帶點筋，油潤甘香唔難食。醬油雞全翼，高難道我鍾意！用極限耐性處理，雞膇結實、中翼肥美、翼尖黏滑，全部香甜味美，損骨滋味無窮。雞柳，滑滑彈彈，雞皮連肉享用，快靚正！雞腎，爽脆雞味濃。腸仔，十分正常雞肉腸，貼近廚師腸質素味道，彈彈而咸甜平均。紅腸，有著獨特腸甜味，腸皮香脆。魷魚翼、魷魚鬚，沒什麼味道，燒得焦香一點還可以。雞扒，鳳脂澎湃特別甘甜，滑滑油潤連皮帶肉大啖咬，興奮莫名。牛仔骨，薄薄鬆化牛仔肉，表面焦脆裡面嚥韌，筋膜爽爽，牛味牛脂濃濃，多重享受。牛西冷，結實肉質，味道沉實，牛味濃郁，出點力嘴嚼，其實幾好食架喎。醬油雞中翼，主打食材，燒得兩面金黃略脆，兩焦少少

早兩個禮拜，入咗大埔踩單車，諗下諗下都唔知食乜，回想返六至七年前左右，同屋企人去過有一間一串串嘅重慶燒烤，搵吓搵吓終於見到個名，踩踩下單車仲要經過，二話不說6:00交車之後就行過去，佢都係剛剛看Pro正在整理東西，我記得之前冇咁大地方，今次去到見到佢超大地方，座位好闊落，環境都乾淨嘅，不過行去攞嘢食要少少距離囉，不過款式真係好多，只係有少少失望我記得之前有好多唔同味嘅米粉俾我哋選擇，而家就只得兩個味道

係大陸返黎趕到我傻，遲成個鐘先到步，抱歉。幾乎每次重慶燒都由我幫忙煮理，火光熊熊熱死我，燒蕉中！好采帶多件短袖衫替換。香草羊架，羶香肥美，中度羶加少許肥膏，迷迭香氣味清新，豉油味較突出。牛仔骨，薄薄快熟方便醫肚，陣陣牛羶味搭牛脂香，筋膜爽爽，瘦肉鬆化多汁。有骨豬扒，最緊要條骨，連骨格外香份外甜，質地結實但不乾鞋，醃味得宜損得快活。海蝦，入場贈送每位 1 隻。明顯雪藏白蝦無可置疑，竟然在我想像之上！蝦甜蝦味重，爽爽多汁，只係鮮味稍削。錫紙焗牛油金菇，無蒜蓉架？淨牛油比較淡，少量牛油加金菇出水變得水汪汪，牛油味道極淡，幸好金菇鮮甜味夠濃厚，爽脆多汁索索聲。花蜆煲，唔洗落水架，慢慢焗就會出水。靜靜地聽得到蜆係煲內打開的卜卜聲，繼而聽到滖起的聲音，禮成立即起動！打開白煙直噴，鮮蜆氣味飄逸，立即連環吸啜幾隻，蜆仔雖細但鮮甜肥美，熱辣辣停不下來地搶攻！醬油雞中翼，不知道為何多數會比雞全翼肥美。燒得飽滿脹卜卜一咬使得汁液噴射！焦香雞甜加醃味醇美，食得過！醬油雞全翼，真的特別多汁鮮甜，因為只有一個切口會讓肉汁精華流失，可以完完全全鎖住靈魂所內，雖然要花多點時間燒烤，不過可以一次過滿足三個願望喎！雞膇、

疫情開始左之後好耐冇去過郊遊，難得呢排情況穩定番，即刻約左朋友帶埋Ｄ狗狗去大美督活動下。一早計劃好郊遊完要去附近ＢＢＱ，上網見到呢間燒烤場評價唔錯，食物種類多，重點係可以帶大狗入去，仲要好闊絡下，於是就訂左台。去到原來個場仲可以免費泊車，有超大個停車場！價錢＄１７８一位，加＄５０開爐費，野飲加＄２０仲可以無限飲，燒３粒鐘，帶狗入場唔會另外收費，算係咁啦。每張台都有一份調味料同燒烤工具，好正。而每張台都會送硯，大蝦，菠蘿，香蕉一份，其他野食就任食，有牛，豬，雞肉呢Ｄ係基本野，我最中意食佢個雞軟骨，同原條茄子！熟食就有燒賣同魚蛋。講真佢Ｄ食物算衛生，全部都一串串整好晒，仲有專人係到睇住入去拎野食既客有冇帶口罩。最後我地個個都食到好飽同好滿意咁走，如果下次去大美督玩都會幫襯佢。

去親大尾篤一定要黎le到食埋個晚餐先走，甘平日就$178一位平日可以加$20變野飲放題再加$50開爐費！加$20有飲品放題wor梗係俾啦（唔計啤酒）！甘佢野食都係任食可以入去揀自己鍾意食嘅嘢然之後攞返埋位燒，我就覺得佢d牛肉串燒、八爪魚、雞腎、雞軟骨幾唔錯！幾他野食如果有鐘意都可以燒下黎食😛佢就有d海鮮係跟埋俾你，例如海蝦同蜆不過個人就覺得佢啲海鮮麻麻地🙁而且佢仲有菠蘿同香蕉比你燒，食都最後可以當甜品咁食😋佢le到d野食好好味而且有海景望下好寫意😌去開大埔、喺大尾督踩完單車或者咁啱好想食炭爐燒嘢食就一定要黎食下！😋

自助燒烤場由黃昏開始入場，仲可以燒三粒鐘。真係可以由天光燒到夜晚🤭🤭無論環境同氣氛都好好！食物有相當之多嘅選擇，質素好唔錯！有原條茄瓜、雞全翼同埋唔同嘅蔬菜🥬海鮮🦐🦑最後食埋呢個燒香蕉，就完美🍌🍌

好耐無入大尾篤玩，一般玩完之後都會去巴希雅燒野食，貪佢不用自己起爐，又不用自己準備食物，食飽就可以乾乾淨淨咁返屋企，而且場地免費泊車，岩哂我地揸車人士巴希雅啲食物都很多款選擇，肉類、腸仔雜丸、多款菜提供，而且包一隻蝦、一煲硯、一兜金菇、一條香蕉和菠蘿，岩哂我地咩都想食啲啲既人，唯獨是包一罐飲品太少，而且飲品起價偏高，建議包兩罐或者加錢任飲。另外我覺得最近要注意一下，因為我地好早就入場，所以空間都好大空氣都流通，但越夜就越多人，工作人員就安排哂所有人坐同一區，人與人之間距離就好近，建議可以安排啲人坐鬆啲，令空間闊落啲。

食過既希雅好多次啦不過呢通常都係星期六日嚟，平日黎呢更加抵加$20呢就飲品可以任飲，除咗茶係要補差價！平時如果驚兩個人燒嘢食要攞好多嘢例如炭呀等等，喺呢度燒嘢食呢就唔使擔心呢一個問題因為所有嘢食咩都準備好晒，又可以享受炭爐燒嘅美食！嘢食嘅種類呢都算多嘅，基本上燒烤會有嘅丸啦，扒類同埋蔬菜類都有齊！我最鍾意食就係佢個羊架，肉質好鮮嫩！另外我亦都好鍾意個卜卜峴，好新鮮又有少少海水嘅鹽味！調味料方面呢佢會有豉油，同埋辣椒粉仲有一個唔辣嘅類似係椒鹽粉，美中不足嘅地方呢係蜜糖要自己加錢購買！環境好衛生，更值得一讚嘅係呢一間餐廳可以帶狗仔嚟，非常方便！

第三次黎食呢間燒烤，每次都係去完大尾督黎食野，第一次有個外籍人士員工，態度非常好，超級主動幫忙協助，今次再去已經唔見左佢，換左一班黑口黑面嘅職員，特別有幾個員工，可能係老闆唔憂做啦，態度極為惡劣，同我地一行15人講，「你地3隻碟仲唔夠咩？3個鐘食得幾多野？」又詢問我地有無比錢，我地以後都唔會再黎呢到！未見過態度如此惡劣嘅員工/老闆！祝你地長做長無！

呢日同朋友嚟到大尾督呢間燒嘢食，佢出名夠哂方便，啲嘢食拮好哂俾你。178一個人，加廿蚊任飲，包咗雪花啤，其他啤酒都可以係度買，30蚊枝左右。嘢食種類還可，有羊架，魚，牛肉串，同啲丸咁。菜都有一啲揀，係差在冇韭菜！仲有蒜蓉包，呢樣燒嚟食真係一流！呢度係枱面疊起俾你網燒嘅，但可能多咗炭，真係好大煙，有幾吓攻到流哂眼水添🤦🏻‍♀️除咗啲俾你任拎嘅嘢食之外，佢仲限咗每枱有啲蜆，蝦，菠蘿同香蕉俾你燒咁，香蕉燒完有得淋朱古力醬底者焦糖醬，又幾特別。總結呢度真係燒嘢食唔錯嘅選擇，但真係要控制好個火，唔係就自己受苦啦

本身諗住去踩單車再BBQ， 但隔日星期六落雨，唯有只去Bbq。去到大埔巴士站搭75K 直接到呢間舖 落車再行前少少就係～好方便。自助餐都幾多嘢揀 同埋食材都幾新鮮 會醃製好 烤嘅時候唔需要放太多調味料 都夠曬味。比較考驗嘅係 燒烤嘅功夫🤣 好唔好食 在於識唔識燒 會唔會lon🤣鍾意食雞軟骨 烤耐d 好香脆～ 蔬菜類要keep住刷水 偷懶少刷就會好乾唔好食。烤完香蕉可以拎返去叫staff幫忙淋d朱古力醬，但加埋我會覺得好甜～ 因為本身香蕉烤完甜味出曬來 再加朱古力醬會太甜。最記得係 女廁入邊有冷氣同埋好乾淨，燒燒下覺得太熱可以去廁所涼陣先🙈

其實食過呢間BBQ好多次, 質素仍然一直可以保持👍🏻雖然位置比較偏僻, 對於市區人來講唔係非常方便, 但如果假日想同家人或者朋友BBQ, 呢個係一個唔錯嘅選擇入場包一人一支飲品, 一隻蝦, 一件菠蘿另外有兩人share一鍋蜆同一隻香蕉其他肉類或者蔬菜類嘅食材就係任食嘅, 而且食物質素唔錯, 我每次去都必定會食佢哋嘅雞全翼同茄子, 枱面上面提供三樣調味料, 包括豉油, 辣粉同孜然粉我每次都落勁多辣粉同孜然粉😍😍😍今次咁啱我哋去嘅時候做緊優惠, 免開爐費喺呢間鋪頭燒嘢食最大嘅好處係佢用嘅係備長碳, 即係話你燒烤嘅中途唔需要臨時移開食材加碳, 而且傳統燒烤通常座位同爐嘅距離比較遠, 如果坐得耐嘅話都比較唔舒服食重慶燒烤最好嘅好處就係一班人圍住張枱好似平時用餐咁, 相對就舒適好多👍🏻記得以前開初知道有呢間鋪頭嘅時候座位冇而家咁多, 每逢週末要去BBQ都必須預先訂位, 而家店舖已經擴大左面積, 訂位就相對容易好多👍🏻

不錯重慶bbq星期五收工同朋友計劃好去大埔巴希雅海灣重慶bbq，一行六人，揸車入去幾方便。每人$178任燒3小時，+$20任飲野，+$50每個起燒烤爐費，我地要2個爐，即係總共$1288，除開每人$215，都ok。野食選擇都多，好多款肉類串燒，牛肉、豬肉、雞軟骨、雞腎都有，可能因為豬瘟事件，就唔好豬肉啦。 蔬果串燒都有好多選擇，翠玉瓜、冬菇、番茄、南瓜、粟米、洋蔥、大蔥、原條茄子、生菜、蒜頭。加工製品串燒當然都有，司華力腸、腸仔、龍蝦丸、漢堡扒、紅腸等。另外仲有牛扒、雞翼、牛仔骨、羊架等。燒烤入場都會有海鮮同生果，每人各一隻蝦同一舊菠蘿，每個燒烤爐一煲蜆肉，一條香蕉。我哋煮完蜆肉，食到尾加咗水，用嚟碌生菜。我自己比較鍾意食佢個羊架，質素都OK。