川火堂

營業中

休息中

好味到我食左兩碗飯😂真係勁耐冇食川菜喇，見到銅鑼灣呢間新開張的川菜館忍唔住黎試下! 食完講真好有驚喜我真係會encore! 坐低職員就介紹有咩推薦，而且餐廳會根據客人接受到的辣度作烹調，所以唔使擔心會太辣。由於太多野想試我地都係揀左做緊特價的二人套餐$238，仲送埋2碗白飯，另外再加左四季豆同麻辣麵，唔係講笑真係食到勁飽! 麻香十足的麻辣香鍋送飯食真係無敵正，配菜有萵筍、蓮藕片、花椰菜、牛肉片同雞肉。再試佢大推的脆皮豬手，賣相一上台已經精緻加分，食落好有驚喜，滿滿骨膠原的豬手一點都唔膩，表皮焦脆又香口，煙煙韌韌好有口🤤而且有六大舊真係非常抵食!再黎就係佢的手拍青瓜加埋蒜粒，爽得黎有少少甜，我地要求職員畀辣椒加撒落去食,更加開胃又消滯。手工紅糖糍粑手工紅糖糍粑熱騰騰又香口，外脆內軟糯，配上紅糖汁好味道！又點少得解辣又吸睛的熊貓冰粉呢?真係睇得又食得！熊貓造型棉花糖同白涼粉咬下滑溜溜咁，而且真係好大杯，建議大家記得要拌勻，如果唔係食到底的紅糖水會好甜。額外order左紅油及肉碎翻炒四季豆 $72Well!!非常有穫氣，而且夠曬嫩又冇渣，伴炒的肉碎肥瘦適中而且又入味🤤！由於家姐唔食飯，叫左

喺銅鑼灣返工嘅朋友，可以去食吓依間川菜，好夠鑊氣，而且辣得夠爽，今次小編同朋友一齊食晚飯，叫咗個香鍋，另外仲叫咗兩個小菜-清炒萵筍絲+ 蔥爆牛肉，最後仲叫咗個熊貓冰粉香鍋方面，首先揀咗口味先，就試咗秘製醬香，少少辣，至於配料方面，就揀咗五花腩肉片，午餐肉，蓮藕片，四季豆，茄子，豆腐乾，份量超大兜好夠鑊氣，味道超正，食唔停口，另外小編仲加咗啲清炒萵筍絲落去一齊食😂蔥爆牛肉，鍾意食蔥嘅朋友一定要試吓，有海量嘅蔥同埋牛肉一齊爆香嚟炒，味道好正😊熊貓冰粉：冰粉再加上黑糖，解辣一流，另外仲有個熊貓仔喺杯嘢飲上面，打卡都好靚

今日收工同朋友食川菜，一黎就叫左個酸菜豆腐青花椒烤魚。好大條，而且都好厚肉。淺嘗左一啖湯底，酸酸辣辣，好開胃。而且酸菜幾好食! 魚肉厚身，而且好滑。魚既外皮煎到好香脆，好正。豆腐滑嘟嘟。另外，再叫左個膠原脆皮豬手，就咁擺係台面，未食都聞到好香。有少少似平時既避風塘口味。清炒萵荀絲係每次食川菜都會簡，好爽口。另外我都好推介黃金小饅頭，出面炸得好脆，入面就係軟棉棉既面包，再加埋鍊奶! 熊貓冰粉好解膩，食完辣野食冰粉好透心涼!

冬天又將近，寒意逐漸迫近，吃吃暖胃的料理是必須的，川菜的確是一個不錯的選擇，跟朋友到銅鑼灣購物，看見這間川菜店，即時進內嚐試一下，環境不錯，有古式古香風味，空間也闊落濃湯蕃茄魚 228元香濃蕃茄湯，健康暖胃，魚肉及蕃茄份量頗多，魚肉鮮嫰沒有小骨，可放膽大口吃，湯內亦有滑溜水晶粉魚香茄子 75元雖然有大量紅油，但吃後又不會感到太油膩，茄子香辣入味，加上肉碎，配白飯吃一流黃金小饅頭 46元小小一粒剛好一口一件，鬆軟香脆，沾滿煉奶一起吃，口感非常好熊貓冰粉 32元有熊貓造型棉花糖，賣相可愛，打卡至愛，冰粉有花生碎，提子乾等配料，加上黑糖香甜不膩，吃川菜解辣必備恩物川火堂銅鑼灣駱克道401-403號榮華商業大廈地下B號

好耐冇去銅鑼灣食晏，突然又好想食川菜，路經駱克道有一間新開川菜飯店，就入去試吓。我哋三個人就叫咗三款客飯——金湯酸菜魚、潑辣水煮牛、香乾蒜苗回鍋肉。另外再叫咗招牌菜之一嘅紅袍辣子雞小食有蔥油煎餅金湯酸菜魚，份量好足，湯好濃，魚片好入味，魚片數量算多，最重要係用鱸魚，出面好多餐廳都用急凍魚柳或普通生魚片，除左多魚片之外，配菜都非常豐富、有大量豆芽、萵筍片和寬粉。潑辣水煮牛，牛肉嫩滑彈牙，同樣有大量芽菜同寬粉，水煮系列仲多咗一款配菜就係鴨血，麻香味濃郁。香乾蒜苗回鍋肉，用蔥段豆豉炒五花肉片，炒得唔會太乾，加埋豆豉咸香，整體好惹味。紅袍辣子雞，配菜有紅椒、花椒、花生、芝麻、川菜味十足，辣子雞炸得香脆可口，雞肉充滿麻辣香味，真係食到停唔到口，佐酒一流。蔥油煎餅、薄而鬆軟的餅皮，外層煎到金黃酥脆，內裡則帶有蔥的香氣。

天氣開始轉凍，成日都想食番d辣野暖暖身。之前係銅鑼灣食lunch都食過幾次，今次特登帶朋友黎試下酸菜魚。內裡相當寬敞燒椒茄子$52非常醒胃的一道菜，結合燒椒與茄子，口感細緻爽口，辣度適中。金湯酸菜魚$228酸菜魚大大碗非常抵食，2個人食都差d食唔晒。至於味道，湯底酸味十足，辣度剛剛好，魚肉嘅份量非常多，肉質非常嫩滑，入面仲有寬粉、萵筍、芽菜等等，水晶粉非常煙韌，萵筍鮮甜爽口，芽菜吸哂湯底嘅味道，非常惹味。宮保雞丁$98宮保雞丁除左雞粒外仲有好多青瓜粒同腰果，口感豐富。同時醬汁都非常惹味，辣度適中，配白飯一流。川火堂📍地址：銅鑼灣駱克道401-403號榮華商業大廈地下B號舖

銅鑼灣有間好正宗嘅四川菜，今日趁經過就同朋友嚟咗～🍽️酸菜豆腐青花椒烤魚 $228烤魚味道好正宗，越煮味道越香濃，開頭食嘅時候唔覺得好辣，魚肉亦都好掛湯汁，超惹味又啖啖肉，之後嘅辣就慢慢湧現～配料仲有豆腐，索晒湯汁好好食！🍽️膠原脆皮豬手 $128呢款超推介！食得辣嘅朋友一定唔可以唔食！豬手炸到脆卜卜，加上炒到好香嘅辣香料，值得encore，重點係香港好少地方有呢度菜式！為咗呢度菜會再返嚟～🍽️油渣手撕包菜 $78雖然油多咗啲，但真係好香口

朋友推薦銅鑼灣有間新開性價比高既川菜餐廳👍🏻👍🏻 餐廳食物選擇多，主打川菜，必點魚類😋店內座位寬敞舒適，人流同外賣不斷，提供各式各樣嘅魚料理👍🏻係可以行到肚餓時坐抵抖抖食下辣野既地方😋😋✔ 膠原脆皮豬手〔真心推介😋〕$128Crispy Pork Trotter👍🏻 大件👍🏻 膠質重👍🏻 惹味👍🏻 香口✔️ 酸菜豆腐青花椒烤魚〔真心推介😋〕$228Grilled Fish with Pickled Cabbages and Tofu👍🏻 海量魚肉👍🏻 無骨👍🏻 豆腐嫩滑👍🏻 微酸👍🏻 微辣加配 嫩牛肉〔真心推介😋〕$38Sliced Beet👍🏻 嫩滑👍🏻 量多加配 炸枝竹〔真心推介😋〕$18Fried Beancurd Stick👍🏻 掛汁👍🏻 入味加配 水晶粉皮〔真心推介😋〕$18Green Bean Sheet👍🏻 入味👍🏻 Q彈

-酸菜豆腐青花椒烤魚 $228.0烤魚好大條, 魚肉嫩滑, 份量十足, 配上爽脆的大豆芽菜, 香甜的洋蔥, 香滑的豆腐而且豆腐十分有豆味, 仲有大量青花椒, 個湯吸收晒魚同酸菜的精華, 集合了麻, 酸、鹹、鮮，辣的味道,, 麻香味濃, 口味辛香, 麻辣兼備, 口感層次分明, 辣度十足, 真係好有四川風味, 真係超正.-流沙香辣雞脆骨 $128.0識食一定要食呢個, 全港獨創的, 雞脆骨脆卜卜又有咬口, 唔會炸到乾晒無肉食,湯圓是芝麻流心的, 外脆內軟，鹹鹹甜甜, 鹹甜交集又夠辣, 十分過癮，必食推介-熊貓冰粉 $32.0熊貓造型的冰粉,真係超可愛, 冰粉配上大量花生碎及提子乾, 味道微酸且甜, 冰冰涼涼的冰粉, 完全將舌頭降溫了極有解辣之用,大滿足.

川菜雖然辣，但百吃不厭，好快又會想刺激一下。今次銅鑼灣川菜地點方便，比人傳統川菜的感覺。熊貓冰粉呢度最吸引真係個冰粉，賣相可愛，熊貓拌冰粉，川菜食咁多麻辣野再食一啖冰粉，解膩解辣。金湯酸菜魚金黃的酸菜魚湯再加花瓣幾令人期待。有大量芽菜，酸菜等配料，帶出香濃酸辣味。魚肉嫩滑，亦有寬粉，啖啖滿足。膠原脆皮豬手豬手拳頭咁大隻，皮脆肉滑，加上椒的麻辣香，好惹味。乾煸四季豆四季豆夠乾身，肉碎椒粒炒得香，餸飯一流。

呢間餐廳位於銅鑼灣仲有好多座位,都有好多客人叫外賣ORDER既,我地叫左一份酸菜豆腐青花椒烤魚,原條烤魚仲要用火煲住,一路食一路送飯好正,辣辣地好過癮咁,條魚肉質好軟,口感新鮮,仲要好滑,大大條魚肉配埋豆腐底配料真係好正,另外我地仲叫左一份膠原脆皮豬手,呢份豬手加埋洋蔥同辣味配料好香辣同好夾,好有骨膠原,肉質好軟熟好味,熊貓冰粉川菜必食推介,熊貓造型棉花糖配埋冰粉加入黑糖口感,好FRESH同解辣,大大杯好好味。

今次同朋友來到灣仔&銅鑼灣交界，新開的川菜小店晚餐。裝修頗簡單，但環境都幾舒服。店員非常親切有禮，有像回家吃飯的感覺。店員問到我們食辣的程度後，介紹了幾款招牌菜～ 🥢酸菜豆腐青花椒烤魚是四川重慶的萬州烤魚～烤魚預先過油，令到魚身外酥內嫩。份量都夠大，迫滿整個鍋爐。旁邊仲有豆腐，而口感意外地嫩滑無渣。再加埋配料&自家製醬汁，非常惹味。值得注意係花椒比較多，酥麻感覺比較重~ 不過就越食越刺激。好味~🥢幹煸四季豆都是花椒滿滿，比較刺激酥麻感覺的一個菜式。味道比較濃，伴飯一流🥢膠原脆皮豬手骨膠原滿滿，辣度都偏高，惹味好食🥤熊貓冰粉熊貓🐼形成的棉花糖好可愛～ 黑糖較多而且冰粉份量滿杯，味道較甜，加上冰凍口感，解辣良方。

早前來到銅鑼灣的川火堂 食正宗川菜，老闆推薦少辣嘅豆腐酸菜青花椒烤魚，適合港人口味。另外喜歡辣嘅朋友仔可以食水煮魚。 條魚炸過，加上乾辣椒 花椒的調味，夠曬香，大大條魚份量超多！食到好飽啊。裡面還有芽菜和滑嫩豆腐，配料多多，好豐富！脆皮豬手都係呢度嘅招牌菜，上面有蒜頭辣椒，好惹味啊🤤不過都幾辣架另外叫左個家常啲嘅番茄炒蛋，炒蛋滑嫩番茄酸甜，好下飯呢😆呢家做緊二人餐真係好抵食，食酸菜魚每人60幾，佛心價🤭

燒椒金色皮蛋兩樣嘢都做得到位，燒椒就即係酸嘅的青椒，傳統四川食物，多多鹹、少少酸、少少辣，非常醒胃。而金色皮蛋，亦是近來大熱，難得的是……佢個皮蛋非常流心。經典香鍋第一次食香鍋，會有火俾你熱住個鍋，真正的熱辣辣。 個鍋有正常配備，較特別的是，入邊嘅有雞粒，又有豬肉，加埋其他配料，非常豐富！口水雞以鹹味和辣味為主，味道大膽，唔似得一般茶記的口水雞，這是一個有個性的口水雞。雞質彈牙、紮實，仲起埋骨，可以大啖大啖咁食。脆皮豬手豬手過火會硬，呢間炸得非常軟糯，麻辣味十足，加埋二荊條和蒜粒，啤一啤，非常過癮。手工紅糖糍粑紙包外層有薄薄的脆面，用來吸收紅糖汁，加埋分量充足的黃豆粉，整個菜式糯糯，比大酒樓炸得更加乾身香脆，完全無油膩感。熊貓冰粉叫做熊貓係因為有熊貓棉花糖，仲有竹葉做裝飾。配料有花生和提子乾及紅糖漿，配以冰粉，適合用來解辣。啤酒餐廳有酒牌，可以叫啤酒，有藍妹同青島揀，大啤$28 ，價錢正常合理。

之前係小紅書睇到哩間熊貓冰粉超得意，啱啱好今日行銅鑼灣，咁一定要試試。鋪頭唔大，裝修得幾溫馨。可樂，食開辣一定要叫汽水，解辣一流。川式口水雞，前菜分量都唔細，醬汁醬香味濃，叫咗小辣都唔會好辣。雞肉好嫩滑，搭配埋醬汁一齊食一流。蒜苗回鍋肉，哩碟炒得好有鑊氣。豬肉切得好薄身，大火逼出豬油油脂，食落唔會好油膩。豆花麻辣牛肉，哩份份量大到唔洗叫其他餸都夠食。豆花係香港好少見，係四川特色，食落少少似嫩豆腐。成碗睇落好辣，食落OK。豆花同牛肉嗦曬麻辣湯底，好惹味。仲搭配埋薯粉,萵筍，芽菜等，其中萵筍同薯粉最好味，反而比起牛肉更加好食，全部食曬真係超飽。熊貓冰粉，做得真係好得意。熊貓頭係棉花糖，食落好Q彈。冰粉同四川食到嘅味道一樣，加咗紅糖糖漿，提子幹，花生等配料，作為飯後甜品黎講一流。食到好飽人均都百幾，真係好抵食！