川大哥

營業中

休息中

放假捉咗朋友仔出去陪我食川菜，喺OpenRice搵到間一致好評嘅「川大哥」，餐廳主打酸菜魚、雞煲、麻辣小龍蝦、串燒、川菜，仲有生啤，啱晒同朋友飲返杯🍺食下辣野😋麻辣雞煲足足一隻雞，上枱時一大煲，入面有大量配菜，青椒、洋蔥、唐芹、蒜頭等，加熱後香味四溢，雞肉唔乾夠嫩滑，辣辣地夠晒惹味，配返罐黃老吉就prefect組合B（12串）雞中翼、厚切牛脷、黑豚五花腩、墨魚丸、雞軟骨、脆皮芝士腸呢度嘅串燒組合認真抵食，只需$149就有12串串燒，平時出面食都要起碼20幾蚊串😆上枱時底下個鐵板仲熱住架👍🏻雞中翼肥大juicy肉質嫩滑，牛脷外面焦香裏面軟稔，五花腩肥瘦相間，燒過後將啲油份迫晒出黎，一啲都唔會覺得油膩🉐泡椒鳳爪鳳爪Q彈爽口，用花椒、泡椒醃製，味道酸辣中帶麻，多層次嘅風味，鍾意食辣嘅朋友必點🌶️蒜香茄子大大條嘅茄子上面鋪滿蒜蓉、香蔥、辣椒，茄子燒到軟稔順滑，入口勁香蒜蓉味，超正👌🏻📍川大哥 (深水埗)深水埗黃竹街29號地舖人均消費：$200-300食物：⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐️

陪老公去深水埗買嘢，之後佢帶我去黃竹街食串燒，川大哥是間火鍋串燒專門店，主打烤魚和串燒，餐廳裝潢設計簡潔。黃金酸菜魚鍋，有大或小鍋，生魚或鯛魚，辣度選擇，因為鯛魚已賣晒，所以揀大鍋生魚，小辣。上枱一大鍋好足料，生魚起肉做成魚片，配上四川酸菜、泡辣椒、花椒和辣椒滾湯而成，湯底味道又酸又辣，惹味開胃。生魚片啖啖肉，肉質鮮嫩，酸菜和大豆芽菜都好爽口。食完重可以打邊爐，但我哋叫咗串燒，所以冇食火鍋。雞中翼：時間燒得啱啱好，皮脆肉嫩有肉汁，唔會燒到乾晒，加些調味粉好惹味！脆皮芝士腸：外層酥脆可口，內裹的豬肉和芝士口感豐富，豬肉的肉質鮮嫩，芝士的口感濃郁，口感層次分明。墨魚丸：帶有墨魚的特殊香氣和鮮味，口感豐富，帶有微妙的鹹味和甜味。黑豚五花腩：花腩是黑毛豬最美味又最適合燒烤的部位，因為燒過後肉質爽口而不肥膩。蒜香茄子：茄子味道較為清淡，配搭濃香的香辣蒜蓉醬燒係好夾，茄子口感軟綿綿，蒜香味濃郁，非常惹味。令人食不停口，立即再來一條。

今日同朋友去咗深水埗，行街行完之後朋友我就話想去食辣嘢咁啱上網就見到呢一間近期都幾出名嘅川菜餐廳！餐廳嘅裝飾同裝修都非常新穎，而且都係一個現代嘅風格坐落去絕對唔會有太迫嘅感覺而且我哋咁啱安排到卡位我同朋友都非常滿意呢一個位置，因為唔會好似傳統食辣嘢嘅餐廳咁非常迫！我哋兩個坐呢一個位置簡直就係非常闊落，餐廳老闆亦都好熱情咁樣為我哋介紹佢哋嘅餐牌！首先想推介嘅有佢嘅辣子肥腸，一上枱已經非常靚仔，而且我哋叫咗小辣，餐廳都好配合我哋冇做到好辣，肥腸一份兩日都好多亦都洗得好乾淨絕對沒有異味！每一條肥腸都非常脆卜卜加埋辣椒嘅味道非常好食！份量嚟講亦都幾多$98呢一個價錢其實都算幾抵食，相比起出邊嘅餐廳嚟講性價比真係幾高！另外我哋叫咗串燒拼盤有每樣兩串嘅串燒，比較鍾意食墨魚丸同埋芝士腸，笑得非常好食而且加埋辣椒粉味道亦都好正，另外我哋加咗牛肉羊肉粟米，三樣嘢都做得非常好食！牛肉唔會做得好un，而粟米真係燒得好香，做到啱啱好！再加埋啤酒，簡直係一流，朋友就叫咗日本嘅檸檬紅茶都話幾好飲，有機會會再返嚟支持呢一間餐廳，鍾意食辣嘢嘅朋友唔可以miss!

川大哥裝修嘅用上大量木系傢俬，比一般川菜餐廳座位寬敞好多，重點係乾淨衛生，每張枱都有盒紙巾，用餐體驗好好👍🏻食物選擇好多酸菜魚，雞煲，烤魚，水煮魚，燒烤，涼拌小菜等等，今次試咗餐廳推介嘅麻辣雞煲，同埋私心想食嘅燒烤sss. 麻辣雞煲（一隻）- 小辣上菜個時就比賣相嚇到，食材新鮮又豐富，堆砌得好高，海量嘅蒜頭粒，紅洋蔥，青椒同紅椒，芫荽，比一般雞煲更滿足，特別喺洋蔥煲耐咗會好甜，爽。雞件嘅份量都多得嚇人，重點係雞頭，鳳爪都有，真係比足一隻👍🏻味道喺比較麻同辣，小辣都幾刺激，唔食得辣嘅要叫微辣，醬汁喺比較水嘅，下次可以試吓叫叫火鍋料打邊爐。羊肉串（2串）羊肉有肥膏，唔柴，臊味都冇。雞軟骨（2串）粒粒有肉有軟骨，香脆惹味豬頸肉（2串）有咬口，唔會過韌，比想像中大塊，抵食。蒜香茄子蒜蓉量好多，配上青椒，紅椒顆粒，香口但唔會咸，茄子燒得剛好，易起似得嚟仲有水份。厚切牛脷 （2串）牛脷夠厚夠大，咸香雞中翼 （2串）一串2隻，燒到剛好仲有肉汁，脆皮，好可以👍🏻蒜香燒蜆上菜會配上熱架，一直保溫，冇認真數蜆數目，但起碼有2/30粒，蜆一等大細，新鮮冇沙，調味剛好。

深水埗真係好多好嘢食隨便行入一間都好地道真係好方便今次辣妹搵到「川大哥」 淨係見到啲辣辣美食嘅圖片已經流晒口水急不及待要試一試舖頭都幾寬敞 坐落都幾舒適其中一個小窩心地方係冷氣唔會吹住個頭好多呢啲火鍋舖頭一開始入到去會覺得好凍雖然食食吓會熱辣辣 但係都會有個冷氣吹住個頭「川大哥」有冷氣隔 我覺得係幾甜心講返食先舖頭嘅食物種類其實都幾多一大班朋友一齊嚟嘅話，應該可以試好多但係我哋兩個人食一款主食都足夠種類都幾多：有酸菜魚、水煮魚、雞煲、火鍋、小菜同埋烤魚我哋就揀咗烤魚除咗有幾款唔同嘅湯底口味仲有四款嘅魚揀；我哋就叫咗唔多骨肉質又實淨啲嘅海鱸魚（中辣）魚肉有彈性大大條 都幾好食！（越食越辣😂 所以唔食得辣嘅人就要小心）食完烤魚加埋少少火鍋配料就已經飽到上心口叫埋我大愛嘅紅糖糍粑外脆加軟糯 正中下懷（入面有紅糖）飽咗成晚🤣🤣🤣

今晚同男朋友嚟到深水埗食川菜，有酸菜魚、雞煲等，食完打邊爐，亦可以直接叫火鍋湯底。叫左黃金酸菜魚鍋(小)，選擇生魚片及微辣。酸菜魚一上枱賣相吸引，香味十足！煮滾之後就食得！首先飲咗個湯底，有酸菜、辣椒、花椒、芫荽等香料，除咗魚片仲有娃娃菜、豆芽等配菜，酸辣味好香，辣得黎帶蔬菜嘅清甜，又有點麻辣，味道濃郁！魚片已經去晒骨，入口即化，配酸辣湯底，非常好食，推薦！我叫嘅湯底係微辣，但係個湯底會越煮越辣，所以唔食得辣嘅，可以一開始已經將啲辣椒挑出黎！食完酸菜魚可以叫侍應加水，轉成火鍋。加配咗娃娃菜、金菇同手工麵。由於個湯底非常之濃郁好味，配唔同蔬菜都非常好食！手工面睇落去細細舊，但係其實煮開咗都好大，口感似刀削麵，爽口彈牙！又叫左串燒組合B (12串），有雞中翼2串、厚切牛脷2串、黑豚五花腩2串、墨魚丸2串、雞軟骨2串，$149有12串，性價比好高！可以選擇辣度，全部串燒以孜然同辣粉調味，味道好香，燒到金黃色，色香味俱全！串燒會放喺火爐仔上面，保持住串燒嘅溫度，唔怕變到凍冰冰。最後叫咗個甜品，紅糖糍粑，同出面將紅糖漿淋上糍粑嘅做法唔一樣，哩個糍粑炸到脆身，咬開有紅糖漿流出來，整體外脆內軟，好特

朋友仔約我去食飲啤酒食串燒，揀左屋企附近既川大哥，地方環境都唔錯。串燒要左個併盤，好抵食140幾有12串，每串都大大串，可以揀大中小辣，我哋揀咗小辣。 其中牛舌都幾大塊，燒得好嫩口，夠晒惹未。 蒜蓉蜆啱晒我胃口，因為勁多蒜蓉，蜆本身都好肥美，夠大隻，夠鮮味。拍青瓜🥒，久唔久食一塊，微酸小辣夠清新。另外主角係小龍蝦，其實唔多地方有小龍蝦食，分量比我預期中大碟，可以盡情食，非常過癮，食完見到成盤殼真係好療癒。 食咁多惹味嘢，梗係要配啤酒，呢度食吓串燒，剝吓小龍蝦，飲下啤酒…其實都幾輕鬆舒服，係一個幾好嘅傾偈食飯地方。

最近口啖啖想食下啲辣又香口的食物刺激下味蕾😌😌今日經過深水埗，見到呢一間川菜覺得正合心意就入左去試下。餐廳環境以紅磚小屋為主加上有不停轉換燈光的燈，感覺很適合一大班朋友坐下把酒談歡，一邊食住串燒一邊飲下野一邊傾下計，下次要叫多幾個朋友黎。一坐低就有麻辣花生做開胃菜，即刻想繼續食辣，非常期待。黎到一定要試下酸菜魚同串燒，首先我同朋友兩個就叫左一個細既黃金酸菜魚鍋配鯛魚片（小辣）($198)。個鍋一路用電磁爐慢火熱住，確保熱辣辣。開頭仲以為小鍋份量好細，但是一出場就發現魚片的數量都幾多，絕無欺場，份量十足。除左份量之外，魚片爽口彈牙又入味，酸度足夠。呢個黃金酸菜魚鍋非常值得推介。除左酸菜魚，我地亦叫左超抵食串燒組合B。$149 就包左12串，真係無改錯名～超抵食🤩🤩！12串包括有雞中翼、厚切牛脷、黑豚五花腩、墨魚丸、雞軟骨，脆皮芝士腸各二串。最欣賞佢用鐵碟上，下面仲有兩個小蠟燭保溫，慢慢進食的時候就唔怕些串燒唔夠熱😋😋串燒夠熱之餘，仲非常惹味。我地另外仲叫左個辣炒椰菜($68)，呢個夠大碟，好有鍋氣，而且愈食愈辣愈想食，不知不覺間比我清左成碟。最後，我地叫紅糖糍粑（$48)作結。一碟有五舊

又去物色一間新既酸菜魚福店，下次會去試烤魚🥢黃金酸菜魚鍋 (鯛魚)鯛魚本身肉質偏爽，魚片切得好大塊，加埋酸菜一齊煮，味道更加開胃。魚肉嘅鮮味同酸菜嘅酸味好夾，食落去有一種獨特嘅平衡感🥢尖椒皮蛋尖椒帶嚟微辣嘅味道同新鮮嘅香氣，而皮蛋就有淡淡嘅鹹味同獨特嘅蛋香，質地滑滑嫩嫩。尖椒同皮蛋嘅結合令味道既有微辣嘅刺激感，又有鹹香嘅層次感🥢麻辣娃娃菜佢面頭加左一層麻辣醬，娃娃菜嘅清脆口感同蔬菜嘅甜味平衡咗辣味同麻味，食落去有一種辣中帶甜嘅口感🥢串燒---組合A(12串)抵食之選，除番都係每串10幾蚊，有豬、牛、羊、雞翼、腸仔，我地簡左唔辣，味道會偏淡小小，但都好香口。四川串燒燒得較乾身，牛肉咬落有肉汁同嚼勁，羊肉都唔會太膻，雞翼大隻又嫩滑🥢支裝汽水有樽仔汽水緊係唔可以錯過，食辣野飲汽水個配搭一流🥢黑糖紅棗杞子茶原壺上，仲要個茶壺好有特色，飲完仲可以再加水。味道濃郁香甜。黑糖有一種濃郁既甘甜味道，而紅棗帶有自然甜味，飲落好清新，唔會比黑糖既味蓋過左

今日陪朋友回診，順便在附近找吓有什麼好吃…朋友突然話在附近…有間食酸菜魚幾好食，而且又有串燒食…「川大哥」是川菜館....我揀咗2個串燒套餐，估唔到份量很足…每款有2串…有，雞中翼串，雞軟骨串，雞腎串，牛肉串，羊肉串，雞肉腸串，牛脷串，墨魚丸串，黑豚五花腩串和芝士腸仔串等…雞中翼好大隻🫢 牛脷厚切和好大塊😗 黑豚五花腩也是厚切…串燒調味適中，不會太濃味👍 酸菜魚我揀咗鯛魚片，估唔到細份也不細🙈 鯛魚片份量很多，而且不是薄切，有口感，又新鮮！調味酸辣，剛剛好！不錯！

我最近探索深水埗發現一間川菜館，真係唔似啲普通嘅川菜館咁！佢間店裝修用啲舊木色，仲有好闊落嘅地方，加上佢嘅燈光好昏暗，有種幾浪漫嘅情調🎶。我就想黎試吓佢嘅招牌菜。首先，我哋揀咗佢嘅招牌菜─黃金酸菜魚鍋（大）$258，唔錯。我地揀咗鯛魚微辣，真係超正😋。佢哋俾咗一大盆上枱，好靚好吸引！即刻開爐加熱，一滾就可以食啦！鯛魚片嘅量都幾多，配菜豐富，而且好新鮮同埋彈牙。佢仲用埋芽菜同酸菜嚟做配料，加咗啲拉面／粉👍。另外，我地仲試咗佢嘅串燒組合B，只係$149，真係抵食到冇話講！拼盤有牛舌、黑豚豬腩肉、雞軟骨、墨魚丸、芝士腸同雞翼，每樣兩串。啲串燒燒到焦香，好香好味，特別係啲牛舌同芝士腸，令人愛得癲🤣，但又係辣辣地，真係又愛又恨啊！總括黎講，🎈川大哥係深水埗一間特別嘅川菜館。佢嘅黃金酸菜魚鍋絕對係值得一試，鯛魚片嘅份量夠多，仲有酸菜湯底，味道鮮美，又啱晒香港嘅口味！而佢嘅串燒組合B，真係平到抵啦，12串唔同嘅滋味，燒到你上癮。不過要小心，啲串燒可能會辣到你又愛又恨咁哈哈！咁樣嘅特色餐廳，大家不妨去試吓啦！記得記住地址：深水埗黃竹街29號地舖

喺香港如果食四川菜都係一啲比較老太嘅餐廳，今日喺深水埗經過見到川大哥主打酸菜魚雞煲，環境唔錯，於是同朋友一齊去試吓。一入到去老闆娘十分之殷勤問推介佢哋嘅拿手菜式，因為朋友唔識粵語，所以我哋今次就叫咗半隻麻辣雞煲，串燒組合，蒜蓉娃娃菜，仲叫咗豬頸肉同腐竹做火鍋配料。麻辣雞煲半隻雞煲麻香味10分足夠，我哋今次點左中辣啦，竟然喺香港搵到以前去成都旅行食過嘅雞煲味道串燒組合餐廳平時串燒一串唔平，依度竟然$109就有12串串燒，仲要下面有火爐唔會令到串燒凍咗，非常抵食，好有內地街邊串燒feel,非常好食。蒜蓉娃娃菜估唔到一碟咁普通嘅娃娃菜都好有心思用火爐暖住，用好多蒜子同蒜頭炒香非常惹味。豬頸肉份量足夠非常爽口另外腐竹份量都非常多兩個男人差啲食唔晒。黎開深水埗，又想食辣嘢一定要試吓川請大哥大哥。

酸菜魚（鯛魚） 份量超足料，除左魚片之外，仲有芽菜、黃芽白、勁多酸菜😍。 湯底酸辣度剛剛好，酸味不會嗆喉, 魚肉去左骨，肉質嫩滑鮮味，湯底充滿濃湯魚味，忍唔住飲左幾啖，最緊要係飲完唔會好口渴。仲可以加配料落去打邊爐。今次人少少，淨係叫左一份粉絲，索晒d湯汁，超好味。串燒 拼盤有6款唔同，每款兩串。牛舌芯, 口感好爽，濃厚牛舌味，仲好油香好惹味。雞翼，皮燒得好香脆又肥美。五花腩半肥瘦、芝士腸、墨魚丸、雞軟骨，好香既孜然味微辣, 燒得岩岩好，不會太乾，好有風味。 除左串燒，仲有d特色錫紙盤小食，叫左個麻辣鴨血。上菜時錫紙盤放落個小火爐，食物保持温度，好貼心。鴨血好軟滑，味道好有四川風味，味道唔錯。裝修都唔錯，座位闊落，冷氣相當充足，服務員招呼都好好。

餐廳環境比較modern，而且唔算太迫，都適合幾個朋友一齊食吓嘢打邊爐～我哋今次兩個人埋單大概$500內，算係可接受嘅程度😗🍢串燒組合餐廳可以選擇唔同嘅辣度，今次我哋就揀咗唔辣嘅🥰表面灑滿左孜然粉，但調味亦都唔會過鹹。餐廳仲喺串燒嘅爐下面加咗個細火，咁就慢慢食都唔驚會凍😗✅燒雞翼✅雞軟骨：軟骨同埋肉嘅比例啱啱好，個人覺得唔會太乾身✅羊肉：略帶少少羊騷味👀不過我自己覺得可接受，都幾好食～✅雞腎: 比較細粒少少，質感比較爽口，內臟味道冇想像中咁重😆🐟蒜香烤魚烤魚本身有炸過先再放湯煮，本身湯底嘅味道都好足夠，另外餐廳亦都提供左唔同嘅調味料🤤魚唔算太多骨，我哋另外叫咗一個手工麵，吸滿晒所有湯汁特別好食🫶🏻不過煮嘅時候要留意夠唔夠水，比較容易黐底

只要係深水埗區探索下，可以搵到唔少特式小店，川大哥呢間店以黑色為底色，配上啡木傢具，同唔同形狀嘅燈具。餐點以烤魚、火鍋、串燒作主題，今次就揀左青藤椒烤魚、蒜香燒蜆、羊肉串、雞腎串烤魚有4款魚供選擇，包括鴨咀魚、海鱸魚、江團魚和巴沙魚，今次揀左青藤椒烤海鱸魚。首先魚係超級大條，再加上青藤椒和其他調味料，配料有菜、豆卜、冬瓜等。魚係先炸過嘅，所以特別香口。我一口咬下去，能感受到魚肉的鮮嫩和青藤椒的微辣，十分開胃，咬完先食到魚味，青椒嘅麻味再嚟，魚肉烤得恰到好處，不會太過乾柴，配菜吸收左調味精華，同樣好食接下來是蒜香燒蜆，蜆的鮮甜與蒜香的香氣混合在一起，底層有火烤，維持溫度羊肉串燒得幾好，羊肉的香氣和調味料的味道混合在一起，最後是雞腎串的口感非常好，十分嫩滑，不會太過腥臊。飲品方面有多款玻璃樽仔裝嘅汽水，當然都有啤酒