川味香

營業中

休息中

Food Panda 叫十次，總有三次以上中伏……由於有啲事,今晚冇煮飯,咁就叫外賣 ,睇完見到有間食四川辣嘢嘅餐廳，有discount同埋一蚊雞優惠，咁就叫啦 。食物係準時送嚟嘅，不過收咗之後發覺冇咗一蚊雞。call返去餐廳，佢同我講賣晒喎，下次再order foodpanda嘅時候再補番喎...... (我諗我呢世都唔會有呢個福份) 另外我分別仲叫咗1.錫紙花甲粉一開，X你個街，係沙蜆唔係花甲呢嘅，味道係正常嘅2.鰻魚炒飯 （呢個就怪自己蠢，點會喺呢d四川餐廳order呢d架，味道麻麻，但我唔會怪佢）3.重慶酸辣紅薯粉（三餸）雞翼雖然係好細隻， 但係有四隻，份量嚟講我覺得可接受嘅，不過味道又係麻麻；蘿蔔就好似求其落水煮一分鐘咁，完全係唔淋嘅，口感似醃蘿蔔； 魚腐就正常味；紅薯粉唔係煙靭嗰種,係口感似米線嗰種，味道正常。結論：無下次、希望餐廳會改善一下。

紅磡附近串燒店！晚上時間同朋友相約喺度食下串燒傾吓計，好chill的🤓多春魚：（$36/6件） 眾多款串燒中，可以講私心最愛呢個。老闆精心將多春魚的尾部烤至香酥，中間爆多魚春❤️烤生蠔 $42/2件生蠔大隻肥美！鐘意烤生蠔裡面的配蒜。老闆在蒜頭內加入了特別的調料，非常好食。 秋刀魚秋刀魚內都有驚喜！魚的肉質十分嫩滑，並且食得出魚肉的清甜。魚肉內吾算太多的魚骨，讓人可以大口放心食用。 香烤饅頭片$16烤饅頭最特別之處，在於老闆在烤蜜糖饅頭內灑上了孜然粉做調味。讓表面香脆的饅頭，吃起來有蜜糖的甜味夾雜著鹹香。 😈香烤金針菇肥牛 $18肥牛和金針菇捲的非常之緊實，好處在於能夠讓肥牛鎖住金針菇的水分，同時金針菇十分之入味。 😍雞翅串燒（$30/2件）燒雞翅都出色，老闆將雞翅的外皮燒得脆，但神奇之處卻在於肉質依然啊保持嫩滑。PS：落單時忘記要求食物辣的程度。覺得稍微偏辣，若不能食辣的朋友，建議落單前提出要求。 香烤饅頭片$16烤饅頭最特別之處，在於老闆在烤蜜糖饅頭內灑上了孜然粉做調味。讓表面香脆的饅頭，吃起來有蜜糖的甜味夾雜著鹹香。 😈🙆🏻‍♀️：店舖空間不大，只有4張拼臺，座位尚算舒適。也許就是空

今次去咗一間小店，睇落吾係好豪華，但見佢好多款式，就算得4張枱，都坐滿曬人，就試下。有幾款係一定要推介比大家：🍆芝士茄子蒜蓉茄子就聽得多，呢款真係未食過。佢做到拉絲效果，10分邪惡！仲加左少少蜜糖~由頭夾住拉到尾，就係上層芝士，下層茄子🧀🧀🦐鹽燒8吋大虎蝦肉質緊密，咬落去啖啖肉！相比起6吋大海蝦，易啲起到成嚿肉。6吋個隻少肉啲同要剝殼🤡我會推介大虎蝦！🍗燒大雞髀📛限量供應📛雞皮好脆，即叫即燒，所以要耐心等候~香氣豐富！隻雞本身有香料味，不會得皮有味，裏面就淡味🉐汁燒八爪魚鬚🐙好爽口、彈牙！加左少少汁，吾會太乾身！食多多條都吾怕🤭🤭肉類，全部都正常水準，有時會加幾片檸檬，冇咁油膩，清香少少～有幾樣食材都幾特別，豬大腸、田雞都不錯！吾食串燒，食麻辣燙、重慶酸辣湯、川式炒粉面飯都有，呢啲下次我會再試！▶️整體來講，所有食品加左孜然粉同埋辣椒粉，全部都變得好惹味！辣度:小辣我都接受到(我吾太食都辣)！食左12樣野，大概每人150元~都算幾平！🆗可改善嘅地方係可以加啲索油紙，咁樣就會可以吸取多餘嘅油份，食落感覺會健康啲！💯💯💯♐️都想幫佢地平反下，見好多人評擊佢地比錯食物。我今次冇遇到漏單情況。再者

川味香紅磡德民街29號德民大廈地下J1號舖小巷中傳中孜然香氣, 我立即忍唔住走入小巷一探究竟, 原來是一間四川串燒食物架小店, 佢得8個位左右, 在限聚令下很多人隊住買野食。張點餐紙都幾多野佞, 串燒外有粉麵麻辣燙一隻大雞脾$35, 來到真係堅大隻堅多肉, 個皮炸到金黃, 第一口咬落好脆呀。$20 3串燒5花腩, 好抵食, 夠肥細細粒好根咬口架, 脂肪咬下好多油脂香同汁, 加物面到大量調味粉, 勁好食呀, 3串只需1分鐘KO曬啦, 絕對抵食又值得點食完咁多肉, 要返菜來BALANCE 一下蒜蓉焗西蘭花 $30, 要份唔辣架菜蔬, 蒜蓉焗就最健康, 西蘭花 本身又爽口。$30焗雜菜用左錫紙包住, 打開熱辣辣冒煙氣, 雜菜多汁又甜。叩左咁多野食先一百蚊

🔸燒大雞髀 $35/隻🔸燒司華力腸 $20/條🔸沙嗲雞肉串 $16/2串🔸蒜蓉焗西蘭花 $30/份🔸烤五花腩肉串 $20/3串🔸燒有機甜美菠蘿 $15/串🔸甜蜜脆脆燒香蕉 $16/份🔸惹味蒜蓉燒原條茄子 $30🔸汁燒原條火箭魷魚筒 $55-今晚約細妹收工行街食飯，去咗好耐冇行嘅黃埔，以前讀Poly嘅時候成日都會去㗎！發現多咗好多食肆小店，今次揀咗間食串燒嘅！睇睇menu有成兩版紙咁多，價錢都唔算太貴，但眼闊肚窄嘅關係，同細妹開心share就可以試多幾款啦！基本食串燒必點嘅燒茄子，極大條，開半攤平灑上滿滿嘅蒜蓉同孜然粉，超正！豬腩肉半肥瘦20蚊有3串抵食；雞肉串配沙嗲牛又有另一番風味；司華力腸又粗又大條啖啖肉；仲有大雞髀真係大過成隻手掌！！！串燒店竟然仲有甜品叫？原來係燒香蕉！燒過嘅香蕉極甜，加埋開半切面用焦糖再烤過，有一層脆焦香，好特別好好味啊！！雖然呢間川味香鋪仔細細，但食物水準幾高，唔怪之得成晚枱枱坐滿之餘，仲不停咁出外賣單啦！😱

夜晚10點鐘都未食晚飯, 索性晚餐+宵夜一齊上😅諗起好耐都冇食過串燒(利申先: 以前經常上深圳食)😁所以口味大家自行判斷.喺紅磡區搵到呢間, 睇個menu都幾似樣,就一於試下佢.見佢可以whatapp落單, 正👍🏻超方便.落完order過15分鐘先去攞, 唔使喺門口等咁傻.而家外賣自取有9折, 抵🥳叫咗嘅餐單如下:蒜蓉燒美國大生蠔 (6隻)燒薄切牛舌 1燒雞軟骨 1燒手切雞腎串 1燒雞中翼 1燒娃娃菜 2燒四季豆 1燒翠玉瓜 1蒜蓉燒原條茄子 1錫紙燒蒜蓉金針菇 1麻辣炒鴨舌 1麻辣汁燒花甲 1川北炒米粉 1*小辣, 孜然粉, 辣椒粉返到屋企一打開6個盒, 嘩.. 嘩.. 嘩！不得了, 啲蒜蓉味辣椒味孜然味全屋都係😛未食都已經知佢有料到,一食落口, 啲回憶返哂嚟😋真係勁好味, 又夠哂惹味👍🏻👍🏻中間有段小插曲, 就係攞到返去時發現,少了3樣食物, 當然立即whatapp通知老闆啦, 老闆查證後知道同事做漏咗,立即同我講退返俾我, 呢啲咁誠實嘅小店,絕對值得支持👍🏻

去黃埔搵個朋友傾嘢，到咗晚飯時間，大家都有啲肚餓，朋友就帶咗我嚟呢間串燒小店食嘢，真係細細間嘅小店，水準如何？朋友話試過你就知。我哋叫咗：蒜蓉燒美國大生蠔：生蠔新鮮肥美，上邊鋪滿大量蒜蓉，仲有洋蔥同香蔥，非常惹味惹味蒜蓉燒原條茄子：茄子片開變成面積好大一片，上邊一樣鋪滿大量蒜蓉，仲落咗啲秘製醬汁，燒得好入味燒手切雞腎串：好有咬頭，加上椒鹽同紅椒粉，辣辣地好惹味沙嗲雞皮串➕燒雞軟骨：雞皮燒到脆卜卜好香口，送酒一流；燒雞軟骨都好味烤五花腩肉串➕汁燒八爪魚鬚：五花腩好有油香，外面少少脆，裏面啲肉硬硬地，好食；八爪魚鬚有咬頭，越咬越有味我哋食嘢期間見到有超多外賣，應該好多黃埔居民都喺呢間餐廳叫外賣返屋企慢慢嘆😋

經常去紅磡或者黃埔嘅你，一定唔會識呢間串燒！因為佢經常性開枱開到出門口😆真係好受歡迎呢！.佢除咗一般嘅串燒，仲有海鮮，同埋各款港式食物，例如係午餐肉燒賣等等。串燒或者海鮮都唔貴，係咁叫都唔會肉赤～.等我highlight一啲我覺得好好食嘅串燒俾大家揀啦！燒賣🍢鮑魚🍢雞軟骨🍢五花腩肉串🍢貴妃蚌🍢每樣都唔錯！最緊要係要佢嘅辣粉😍話晒叫川味香呀嘛！

原本嗌左網上外賣平台，串燒食落冇問題。點知一開佢兜粉麵，發現配料錯晒。張單原本嗌咗既粉面係配雞翼蘿蔔及魚腐，送來嘅只有一堆生到不能再生嘅娃娃菜，上面有兩嚿魚腐。啲薯粉似係用水灼熟就算，湯底亦完全無味，只有一層油係面。最嚴重嘅問題係，發現粉面中有一條長達30 cm嘅膠條。餐廳處理食材嘅認真程度及安全性絕對不合格。雖然喺網上外賣平台用折頭吸引唔少人幫襯，但折完個價錢都唔係真係咁平。永久blacklist 。

見food panda半價就試下啦，點知送到黎一肚氣😡黎到首先見到野飲係錯既，本來要一罐加多寶，一支有汽果汁，黎左兩罐汽水，我仲有d懷疑係同其他人調亂左單tim。然後我居然喺枱面堆野食盒當中見到隻細小强，嚇死我！！！雖然唔可以肯定係舖頭度走入去定喺街走入去，但我個感覺真係好差lor!麻辣燙粉絲黎錯米粉，豆卜變魚腐。 芝士丸就一粒芝士丸一粒變左墨丸。 真係唔明點可能錯咁多野。串燒叫左雞翼同五花腩，黎啱，不過叫小辣但好辣。仲叫左個燒茄子，呢個好食既。唯一一樣野值得讚既係remark左走青既都有走。

今日同朋友落樓下食宵夜，就揀咗呢間串燒，因為見佢平時都幾多人排隊。我哋就叫左幾款平時喺串燒店都會叫嘅嘢食。我哋特別推薦呢兩款。佢哋就係燒魷魚同埋燒燒賣首先講吓燒魷魚，我哋叫咗小辣，不過都覺得非常辣，如果唔食得辣嘅朋友仔記得叫剩返BB辣， 不過由於魷魚嘅生熟度都幾好唔會太硬。至於少少燒燒賣方面，面頭消到幾香脆，入邊仲係好軟淋。總括來講我哋都覺得佢嘅辣辣得唔錯，都幾惹味，至於食材質素方面就中規中矩， 如果喺附近行完街又肚餓嘅朋友都可以過嚟試吓。

琴日食外賣，見到半價所以試下，樣樣野都勁少份量，唔會再幫襯。我買左4樣野，全部倒瀉曬湯汁，啲外賣盒勁油，唯有自己拎碟裝，睇圖可以見到除咗粉絲正常，豬頸肉正常，其他都超少份量，鴨舌得幾條其他全部都係菜，螺得個啲啲。我唔信原價嘅時候份量會咁少lo，仲唔比人小爆呀？仲有，第三張相圖文不符，我嘅花蛤去左邊？自己轉左材料真係o曬嘴。我覺得呢個價錢呢個份量真係好唔掂，出去食大把好野，做半價如果份量都減埋，我會覺得係呃人lo。

本人叫了網上外賣平台,😡食物質素差，份量少而且大部份食物都是錯誤的，叫了一碗是粉絲變了米線，唔辣湯底變了大辣湯底，餸也是更改了。😡原來這間餐廳是可以隨便更換客人的食物，即使更改也沒有通知客人😡，這是一間不負責任的餐廳。😡令給了我一個很差的印象🤮🤮以後也不會惠顧間這餐廳！！！！😡😡另外等候時間也非常長！11半叫外賣差唔多1點才送到來，這是什麼效率。😡本來以為等候咁耐食物應該係新鮮熱辣的，但是串燒是凍冰冰，粉麵的湯底也是凍冰冰，餸也不新鮮。😡😡😡

真係以後唔會再食呢間垃圾!!!!!!!!!!!!!!!又漏單，十次有九次都會黎漏野。野食又凍哂先送到過黎!!!!真心好差！今次黎到嘅野食仲要發霉???有臭味架!!!!!!!!!真係好少上openrice打食評今次真係嬲到震

點了外賣 沒有花甲。賣家沒有打電話問直接換成魷魚。土豆片沒有去皮，芝士丸沒有就直接沒有。隨便加了一個丸子。再也不會在這裡買了。商家都這麼隨意地更換顧問點的訂單嗎？