川味香

營業中

休息中

大家都知道紅磡呢邊有好多地道嘅串燒店，其中包括我大學時期最出名嘅美x佳。但上個月再去嘅時候質素已經大不如前，調味料份量少咗之餘，食材嘅質素亦都大大下降。知道開咗依間幾多好評既川味燒，即刻黎試下係咪可以代替美x佳🤣呢間串燒價錢都係偏向平民價，價錢合理之餘份量亦都好足夠。金菇肥牛卷，食得出唔係hea燒，連金菇都燒得好juicy, 肥牛亦係有重量。台灣腸就係每次食串燒既必點之選！孜然粉胡椒粉嘅份量一啲都不吝嗇，外皮香脆內裏軟林。牛肉串嘅質地比較厚身，冇咩肥肉，牛肉香較重。燒豬頸肉都好難燒得難食🙈燒生蠔，蒜蓉嘅份量夠曬過口癮，係幾惹味。睇個樣好似好寡，但湯底其實好夠鮮味，稍為將米粉沾一沾湯底就已經好夠味🥰雖然呢間嘅食物的而且確質素偏高，但不得不提餐廳嘅環境比較擠迫，座位數量亦都比較少，如果係光顧既客人建議點外賣/坐户外會舒服啲🧐

今日星期五晚收工諗住好開心去食串燒，其實之前都食過三次呢間串燒，老闆娘好好人，食物質素都非常之好。一去到舖頭門口，見到鋪面冇坐人，外面坐住三枱客人，而且都見到客人枱面滿佈食物，相信都應該唔係好忙。咁我同男朋友就企喺出面到 已經舉着✌🏻字手勢，其中一個男店員係我面前經過都可以扮見唔到？我真係好驚訝🤦🏻後來發現佢哋應該處理大量嘅外賣單，但係外賣嘅就係客人我哋就唔係咩？之後我哋繼續喺門口等咗5分鐘，揮手佢都可以扮見唔到？真係好失望囉😾😾🤦🏻🤦🏻 (唔好意思影咗該名店員嘅樣，真心希望作出改善！因為嘢食方面真係唔錯嘅，之前嘅服務態度都冇問題唔知點解今日會咁樣☹️）

今曰經開紅磡想食辣野，見到呢間川菜諗住試下，門面裝修真係好大陸feel, 得幾張枱，痴痴立立，員工態度都麻麻，可能太多外賣單唔得閒招呼你，點完單叫你行去拎畀佢😡幸好食物都還算可以，如果唔係嬲嬲🐷值得推介有：✨燒生蠔👍🏻夠juicy, 蒜香未濃✨燒扇具👍🏻唔會乾爭爭，都有肉地✨肥腸乾鍋，夠哂辣，不過油左少少✨油金魚鮫👍🏻好香脆其餘既都普普通通，唯一個羊串好難食✨燒芥蘭✨燒雞全翼✨燒五花腩✨羊肉串✨燒鱔

難得老公早收工，奶奶又得閒湊仔仔， 就同老公拍下拖去食dinner， 我哋放低個仔之後，就去左德民街川味香食串燒飲下啤酒。特別推介:串燒雞全翼 - 辣得好惹味，又啖啖肉，算大隻。惹味燒蒜蓉扇貝帶子 - 幾大隻，又鮮味，加咗辣粉同蒜蓉味道更出。鹽燒大海蝦 - 唔黐殼，夠爽彈。燒豆卜 - 比想像中大件，好有口感。燒菜心 - 好大條， 夠新鮮，加埋辣粉幾特別。燒有機菠蘿 - 好清甜，夠曬水份 。另外仲食咗燒 惹味燒台灣雞泡魚乾、牛肉串、串燒羊肉串、錫紙燒什菇、燒魷魚鬚、燒頂級墨魚丸、串燒燒賣及燒原條秋刀魚， 所有串燒都好夠熱 ，同埋都幾大件， 而且我鍾意食辣，覺得好惹味。我哋今日都食咗好多嘢，又飲左兩支啤酒，好滿足。

我哋兩個人食咗👇🏻🌟蒜蓉燒美國大生蠔，鮮甜多汁🌟蒜茸燒扇貝帶子，好新鮮呀🌟鹽燒白鱔魚，皮脆彈牙🌟烤五花肉串，油花好香🌟阿拉伯羊肉串，羊味十足🌟串燒雞全翼，燒雞翼我自細鐘意食🌟燒雞心串，唔係度度有架🌟燒秋葵，燒得剛剛好，不會太乾🌟燒芥蘭，原來芥蘭燒完好脆口架🌟燒流心芝士年糕，真係小心會燙口喔🌟蒜蓉秘製燒油甘魚餃，魚餃啲肉質地好滑滑嘟嘟呀整體來說材料新鮮燒得好好味😋值得推介

早幾日去開紅磡見客，客人話想食串燒就帶左我來川味香，話呢到d串燒好夠味。我們係門口等左一會就有位，我驚串燒要燒就拿拿聲一次過選擇好食物即落單， 侍應先拎汽水比我飲住等，過了半小時開始有食物上枱了。燒茄子，鹽燒鯖花魚， 羊肉串，金菇肥牛卷，燒薄切牛舌， 燒大雞肶，燒韭菜， 鰻魚炒烏冬，鵝肝多士。其他每樣食物都幾好味， 茄子上面夾出來一絲絲好特別， 鯖魚啖啖肉， 羊肉串好淋， 金菇肥牛卷好爽口， 牛舌爽人，個燒大雞肶最正，因為邊位燒得好香脆夠乾身，中間仲有好多肉汁，韭菜有小小辣粉惹味， 鰻魚炒烏冬有點多油，鵝肝多士好香口。食物平均都好食，上菜時間控制可以再做得好些就仲正。

今日唔想煮飯，難得放寬左限聚令，一於出街食飯，德民街出名揾食多選擇，見到平日經常爆滿嘅串燒店「川味香」今日竟然有位！諗都唔諗，拿拿聲就衝入去擺位。呢間串燒店真係超多人，一坐低就已全店坐滿，之後仲keep 住有人不停叫外賣。🖤蒜蓉燒美國大生蠔🦪生蠔🦪用多蒜蓉燒，一啖放入口，軟林多汁，仲有少少海水味🖤鹽燒多春魚半打呢個真係超驚喜！ 成條魚連骨食，脆卜卜，呢個下次一定會再食！🖤燒紐西蘭羊架羊架用多蒜蓉燒調味，即使羊架多脂肪，但一點兒騷味也沒有，肉質嫩滑。🖤燒韭菜平日韭菜我係一般，因為總覺得有陣怪味，但呢度落左孜然粉，真係完全遮晒啲怪味，仲好爽脆！🖤串燒雞中翼雞中翼燒到皮脆，雞肉亦好入味。🖤燒肥牛金菇卷好鐘意咬落去金菇卷時金菇汁滲出嘅爽口感。🖤燒四季豆燒得啱啱好，唔太乾，仲有少少甜味。喜歡串燒嘅惹味口感，不過真係容易口喝，所以叫左大大柸啤酒🍺和可樂。

This is my very first eating out after all these suffering. 忍咗咁耐唔出街，海鮮癮又持續發作。好彩屋企樓下就已經有魚又有蝦食。望住張點餐紙咁多嘢揀，樣樣都想食，的確係好難做決定。只好跟住佢哋嘅推介落order。先嚟一隻鹽燒八吋大虎蝦，虎蝦啖啖肉但蒜蓉落得太多，搶咗啲蝦味。燒得都好乾身，可以連殼食埋落肚。魚就叫咗秋刀魚，辣粉加得好重手，鍾意食辣的話一定覺得好正。全餐最最最好味嘅一定係燒菠蘿同埋燒蕃茄。兩樣都燒咗之後更加甜尤其是係個蕃茄。

今日去左堂食，原本都覺得應該正正常常，但點知原來佢地餐廳員工態度極之差。呢間野有做外賣生意，咁岩食個時有唔少外賣仔等緊單，咁其中有部分人入左餐廳等，我坐出面唔知入邊情況，但點知過左陣入邊突然有人鬥架，我見到其中一個外賣仔出返黎，再過左陣其中一個員工竟然拎住個啤酒樽向住個外賣仔想打個去，仲都打人咁，我同小朋友見到即刻唔俾佢睇，好彩咁岩有其他外賣仔阻止個員工先無事。事後聽返先知好似話個員工已經有前科成日都係咁，有幾次仲報埋警但唔知點解佢同間鋪都無事。講返野食，不過不失，但等得都有d耐，建議大家黃埔仲有唔少選擇，尤其是帶小朋友嘅呢間野可免則免

川味香收工過紅磡食野發現徳民街勁多野食，有間串燒店好旺場甘岩又想食所以去食下，食物選擇勁多呀燒雞軟骨燒雞腎有番咁上下功架，掂燒蠔都好抵食大量蒜蓉，海鮮新鮮，推薦！汁燒原條火箭魷魚筒燒得唔乾，咬落爽口，整個魷魚筒都好大隻，好滿足配上香噴噴嘅蒜蓉蔥粒，味道一流花甲粉絲粉吸晒d汁，好味！而且花甲份量都好多，好大方。抵食小店雖然鋪面比較細，但食物真的一流很值得來試試

去過好幾次，不過今次一定係最後一次。入邊唔乾淨其實都唔係唔知㗎啦。但係親眼見到佢哋同一把刀切完生肉，再切魚，然後又切饅頭，饅頭跌咗落地用布抹一抹又繼續串⋯ 呢間小店真係好難再支持落去😑

近日炎症肆虐，大茶樓跟連鎖餐廳生意一落千丈，反而造就了一些小食館，像這家小吃店就是其中一員。店內一眼看完，就4張4人桌，而且很擠，但食品CP值卻是爆高！食物：五花腩$18三串五花腩，肥瘦肉的比例剛好，大約是7:3吧！不會韌！翠肉瓜$10水份充足，很不錯阿拉伯羊肉串$16超長一串羊肉，羶味濃郁，不過被大量孜然粉蓋過，吃下去感覺好豪邁！芝士燒原條茄子$38很巨大的茄子加上巨量牽絲芝士，火侯十足，舖面的茄肉爆好吃雞全翼$30哇！那雞翼體積還真的超巨大！兩串的雞翼啖啖肉，皮脆肉滑牛舌心$26特厚牛舌三塊、入口夠爽也彈牙，意料之外的水準！鯖魚$30超健康的鯖花魚油脂豐富，很適合發炎症狀的人進食大雞腿$32超巨大！有手掌大的大雞腿端來時，皮像薯片一樣爽了牛肉麻辣燙+白飯$65意想不到的超巨大，配干鍋、有夠好吃今日番茄$10非常多水份，吃下去有番茄的酸跟蜜糖互相協調！

🐱🐶川味香（紅磡）.為何深夜總是餓🤤🤤訓唔著～今晚同朋友黎到📍紅磡德民街29號德民大廈地下J1號舖「川味香」食串燒😋.呢間你講得出諗得到既串燒都會有，真係唔怕你揀唔到💕.重慶酸辣粉- 地道重慶風味，正👍🏻.燒韭菜- 孜然粉完全可以帶出韭菜既鮮甜，而且一啲都唔老😄.燒菠蘿- 超甜好Juicy，燒到暖笠笠先食係最好味既❤️.燒鱔魚- 呢個有驚喜！鱔魚被燒到外脆內軟，啖啖肉，好滿足🈵️.其餘仲有雞軟骨、蒜蓉羊架、羊肉串、燒北海道粉絲活元貝等等，真係食到停唔到呀🤤🤤.總結評分：7.8/10番啅指數：⭐️⭐️⭐️⭐️🌟.

深夜下班的小妹餓到不得了🙇🏻‍♀️好想食下串燒 同 朋友談下心❤️朋友今次帶我黎到紅磡川味香食串燒😍店外已經聞到香香嘅串燒味😋店舖接好多外賣訂單汁燒原條火箭魷魚筒 $50燒得唔乾😋咬落爽口整個魷魚筒都好大隻🤤好滿足配上香噴噴嘅蒜蓉蔥粒❤️味道一流燒大雞髀（限量供應）$32限量供應嘅大雞髀🍗小妹有幸食到🙇🏻‍♀️佢地燒嘅技巧唔會好似某啲店舖咁 只得外脆但係裏面乾哂非常夠肉汁🤤整個雞髀肉感真係好夠超大隻❤️超正串燒方面燒豬大腸 $22佢地燒嘅豬大腸好好食😋佢地做到外面輕脆 裏面鬆軟唔會咬橡筋咁 同時 好多汁 好香😋串燒雞全翼 $30食哂全翼🙇🏻‍♀️小妹最愛❤️全翼咁燒 翼尖唔會乾哂中翼同雞鎚都好香 好夠肉汁廚師燒烤技術非常好😋燒日本一口和牛粒 $25牛味香濃 脂肪同肉都好平均令到每一粒都好好食🤤好香惹味蒜蓉燒原條茄子 $28蒜蓉香蔥平均咁放係茄子肉上面燒嘅時間剛剛好❤️表面鬆軟 內裏香爽😋大大條原條茄子🤤夠哂滿足大家如果想食平價$10左右款式🙇🏻‍♀️小妹推薦大家食以下呢幾種❤️燒薄切牛舌 $16 / 雞腎串 $10同時都做到咬口超爽唔會乾得黎😋味道同汁液都好足夠以呢個價錢黎講🤤贏哂燒土豆片 $10厚切 同

點了外賣app下單麻辣燙 66蚊 八送 等了半小時 吃了三分鐘 八送每樣只有兩件 味道好吃但這麼少給小學生吃的嗎？真的第二次點 第一次就不是很多想到現在宵夜時間會不會認真點做給正常份量...結果令人氣憤 不會再吃 btw還我錢啦