川味香

營業中

休息中

聽朋友講黃埔原來係一個小美食天堂,所以今日約左男朋友放工去食嘢突然想食下麻辣嘢就黎左呢間食,好彩早左入席,越夜越多人,師傅即叫即整,早d去就早d有得食menu都好多選擇,有串燒有湯麵/麻辣燙/麻辣香鍋!好肚餓嘅情況就叫左好多嘢食打頭陣嘅係呢個芝心年糕佢唔算好多芝士,又唔會太油膩,每人一舊做前菜就啱哂見到燒菜心係廚師推介所以就叫左黎試下,好味在佢燒完之後一d都唔乾,同孜然粉辣粉好夾不得不提呢個茄子,原條咁上本身我好中意食茄子,呢個係舖滿蒜蓉,仲有蔥花乾蔥調味,食到停唔到口!!!蒜蓉帶子又係必食嘅食物,啖啖肉又絕不欺場,再加上好新鮮馬友又係必食嘅,本身我麻麻地中意食原條魚,因為好驚陣腥味,但呢條魚就唔腥之餘亦都燒得好香,我同男朋友都話呢個價錢食得抵有d朋友一聽到食串燒麻辣燙就會聯想到好多肉,呢間小店滿足到食肉獸,又比左我呢d唔算食好多肉嘅人有好多選擇,我叫左個麻辣燙,8個餸都係素食,材料都好足叫左11樣嘢都係食左三百幾蚊咋

到紅磡辦好年貨，見到這店小小的一間串燒店，有一股香既氣味傳出, 加上我又喜歡了食串燒，貪串燒款式多，價錢便宜，咁就入去擦番餐先!串燒最好配啤酒, 可消下D熱氣感丫😜（酒鬼）- 鹽燒白膳魚呢個值得推介, 肉質嫩滑, 口感彈牙肉汁豐富.- 粉絲蒜蓉特級聖子聖子新鮮鮮甜, 鋪滿粉絲蒜蓉, 遞到面前已覺得很香, 而且十分juicy!-燒羊架肉質鬆軟簡單調味已出食羊本身嘅原味！- 清酒煮花甲花甲沒有沙配上清酒湯底, 食起來很好味~- 蒜蓉燒油魽魚鮫朋友愛吃魚，點了燒油甘魚鮫，説有很多骨膠原！魚鮫很滑，也不腥，讚！串燒好惹味而且愛佢熱辣辣！ 好味~ 近排生多左暗倉都要食 >.<

今日係紅磡收工，發現徳民街勁多野食喎，有我鐘意食既串燒店店舖小小😄座位不算多，但又幾有氣氛喎💓menu係一章A4紙，前後兩章🤪選擇勁多呀，好興奮呀☺️重點見到燒大雞髀限量供應，一見到就即係嗌，無令我失望呀，真心有勁大驚喜，塊雞皮脆到呢😝好似食薯片咁，雞肉又勁滑，又juicy🥳好唔捨得咁快食完呀💖❤️燒牛肉好重牛肉味，唔會乾身，味道岩岩好，我地揀左小辣，仲有小小孜然粉，真心惹味🤩燒薄切牛舌好有口感，又唔會好un😝燒日本一口和牛粒我幾欣賞喎，正方型大大粒，無根位，啖啖肉🤩阿拉伯羊肉串啲羊so味好出💓羊肉帶啲肥肉，羊🐑脂味濃濃的，好過癮🤩燒雞軟骨燒雞腎有番咁上下功架，掂☺️燒金針菇啲辣味索哂😘惹味蒜蓉燒完條茄子🍆賣相不得了，一望就好想食，味道無令我失望呀🤩錫紙燒蒜蓉娃娃菜份量好大呀☺️果然可以keep住水份，好juicy😚🤩燒手打牛筋丸好彈牙，配埋辣味好夾😉燒司力腸係我至愛😘大大條，咬落去啖啖，熱辣辣😋蒜蓉秘製三文魚頭充滿骨膠原，好多軟骨，成舊食晒一啲都唔過分喔🥰🥰

紅磡呢排多左好多野食 除左拉麵 仲有好多串燒 呢間川味香 離遠就聞到好香串燒味雖然樓面比較細 但通風唔錯 唔會食完成身好臭食物選擇好多 由串燒到主食到涼拌炸物都有平時串燒都要等好耐 不過小店好處就係客今唔多 好快就好得食特別推薦錫紙蒜蓉焗雜菇 份量夠大 蒜蓉味好香 令人越食越開胃原條燒茄子 茄子燒得好林 調味料份量岩岩好 惹味之餘唔會太油膩燒雞翼 雞翼大隻多汁 仲有優惠$30兩串 食串燒當然要飲啤酒 呢度仲有即斟生啤 只係$38一杯 特別有風味不過提議店舖如果可以環保啲 改用可重用既器皿同碗筷 就會更加好啦

早幾日叫熊貓，第一次叫叫左一個瑞士汁雞翼炒烏冬同鰻魚炒飯兩樣都係令長方形外賣盒裝到7分滿，鰻魚無腥味又無骨好好食，一個炒飯有6-7件正方形size既鰻魚，兩樣都好食。點知！！！！！今日叫第二次 叫鰻魚炒飯同鰻魚炒烏冬！首先鰻魚烏冬夾左四住，五分鐘都唔洗就食完！！！！鰻魚得兩舊碎曬既！仲要勁多油！！！！好似油浸烏冬禁樣樣！點個個鰻魚炒飯仲離譜囉！鰻魚又腥又林pat pat，係「patpat」！！我得到3「pat」腥鰻魚仲要差d比佢禁多魚骨插死！ 之後佢今次係用圓形外賣兜比我！盲都睇到份量係少左幾多啦！bb食粥仔份量囉又係！我差d以為135一個老細246又另一個啊個差別大到！！唔會再叫啊！！

過咗一排又再食多一次串燒啦❤️❤️而今次試呢間嘅就係紅磡嘅川味香唔知味道會係點呢😅—————————————————我地嗌咗一份燒蒜蓉金針菇（$35），烤五花腩肉串（$18@3串），燒豬頸肉（$15），燒牛肉串（$15），肥牛（$32）串燒雞中翼（$30@2），燒司華力腸（$18），燒鹿兒島一口豚（$20），燒頂級厚切牛舌（$26），燒雞軟骨（$10）燒脆香雞皮（$16@2），串燒燒賣（$15）同埋雙重拉絲芝士撈日式烏冬（$38）首先講下嗰個金針菇，針菇係我覺得食串燒最必定要嗌嘅，因為真係好好食⭐️⭐️ 之後嗰金針菇真係超入味，亦都有好多蒜蓉之後就講下啲豬嘅質素，兩種豬嘅口感都好唔錯，彈牙得嚟又好有肉汁，完全唔會好乾到好難食，不過我自己燒鹿兒島一口豚比較好，值得推薦之後其實牛肉、牛舌都好惹味，尤其是係我一個咁鍾意食牛嘅人，不過如果可以嘅話真係唔好落太多辣粉，少啲調味粉嘅話會更加出色，因為啲調味粉令到佢地有啲辣😮😮連我朋友食得辣都有啲handle唔到，同埋嗰個厚切牛舌真係好厚☺️☺️好煙韌好有口感燒司華力腸就同普通串燒鋪頭差唔多串燒雞中翼真係好新鮮滾熱辣，燒得好靚好似第一次食燒燒賣，比我嘅觀感算唔錯

成日食都無留意原來佢叫川味香成日嗌佢串燒舖😂平時都係10點幾先嚟食講起第一次食嚟慚愧因為我係跑完步揾間收夜嘅嚟食之後好幾次都係跑完過嚟食今日收七點過到嚟full house之餘仲要排隊不過好嘢係要等嘅😗我每次嚟必嗌韭菜、燒賣、翠肉瓜、金菇肥牛今次試咗雞心同牛舌平時好少地方有得食雞心咁重口味我朋友唔食我都自己擦咗兩串😂平時食開雞全翼水準依然夠大隻又多肉juicy絕對好過肥x雞翼特大炸髀都係第一次嗌真係好大隻調味得好好味咁大隻但每個位都咁入味重頭戲係燒茄子平時食開蒜香茄子今次試吓芝士茄子係爆漿芝士，估唔到都幾夾！飽到上心口

中午用熊貓叫外賣 餐廳用了差不多一個小時才做好 我哋已經好有耐性 小朋友等到好肚餓但都默默等外賣到 收到外賣時立即呆咗1.外賣少了1份 （漏單）2.每一個午餐的白飯只有大約5個湯匙 （小朋友都唔夠食）3.都算了 叫碗重慶酸辣粉 仲要有隻曱甴 （衞生差）全部都係垃圾 真係點攞嚟食 開餐廳嘅一定要有良心 自己都無可能放入口嘅嘢 點樣畀人食 店是做川菜菜式什麼是泡椒 回鍋肉 亂咁嚟 亂做 真係可笑還好是叫熊貓外賣 馬上做退款 但係熊貓唔畀啲心機作監管 再同依啲餐廳合作 一定冇運行

在觀賞演唱會之前，我主張吃得飽一點才進場，因為觀賞演唱會也是一項體力消耗的節目。一如以往，在演唱會開始之前，與友人相約好到黃埔站附近的川式串燒店醫肚子。預先訂坐還有 88 折呢。 我們大約六時多到達，沒有人，店內的用餐位置不多，衛生一般。我們坐下點了十多串串燒。串燒可選擇不同辣度，彈性非常高。正因為我不吃辣，但都想首度試試川菜的味度，我們決定點了「小辣」挑戰一下，再點了兩支啤酒作好準備。店內用的餐具、器皿都是即棄的，很不環保，十足中國大陸的路邊店。並非太多香港串燒店有燒雞泡魚干，難得這一間有得點，我們便試試。果然有驚喜！只怪份量不多，佐酒是一流的。之後是只驚不喜的燒翠玉瓜。我以前吃過的燒翠玉瓜是一串串的上檯的，今日的卻是以膠盒油浸，大失所望！而且味道只有孜然粉味，連吃辣的友人都稱之辣而無味。但其他的串燒味度都是出色的。店內愈夜便愈人多，我們都匆匆吃完便離開。各位謹記訂座有折扣優惠！因為老板娘會忘記的。

我就好中意食串燒嘅以前食開果間就感覺差左唯有另覓新店🤔🤔🤔🤔呢間川味香 我之前已經晌app叫過一次竟然外賣都唔差😯😯咁梗係要搵次親身去試下啦！今日放工早，6點幾就去到唔洗等位，入面得一枱客老實說，d位就真係麻麻地都真係幾迫嘅🤥所以一路都見到好多人叫外賣😂😂😂唔知關唔關環境事喇今日因為食晚飯所以都叫得比較放肆🤭叫左蟶子，墨魚咀，牛舌心，雞軟骨，雞腎，豬頸肉，豆卜，白蟮，金針菇，仲有第一次食嘅燒菜心😮，當然唔少得最愛嘅茄子❤️同炒米粉🥰所有食物都叫左小辣嘅唯一覺得炒米粉有d辣味，其他都唔辣🤷🏻‍♀️炒米粉有雞蛋，腸仔同菜本身我就超愛炒米粉，所以佢係正常我都已經好喜歡蟶子超香蒜味仲有粉絲不得了牛舌心好稔好好味雞腎夠爽！豆卜一般，白蟮比想像中細舊金針菇不錯燒菜心幾特別👍🏼可以encore😁最尾一個茄子，係等得耐嘅不過燒嘛，係要時間等架啦唔洗等就唔係即燒啦雖然茄子我都覺得唔會整得唔好味😂而呢度嘅茄子都真係正常貨式！我覺得唔錯嘅，唯一要挑剔就係可以再多d蒜囉😂蒜味唔夠濃就真係扣左dd分嘅但係總括黎講呢度性價比極高食左咁多嘢$300都唔洗呢度應該之後會變飯堂

人生第一次打食評今次真係唔打唔得唔想有更多人中伏話說今日中午時份用外賣apps叫左三樣食物兩包飲品第一樣芝士撈一丁外賣落單後三十分鐘到有冇可能硬到可以筷子一夾 成餅麵夾起？第二樣鵝肝多士鵝乾 名乎其實下面塊多士索到牛油索到成塊多士硬哂唔知邊到鄉下 再加啲生蔥花上去第三樣豬頸肉完全舊肉比佢燒到冇水份 仲要我嗌兩串唔辣佢比兩串辣我上面佈滿辣粉然後我叫左兩包檸檬茶餐廳唔打電話黎講聲直接換兩包菊花茶比我一張單 四款野可以做到冇一樣正常我真係寫個伏字比佢

今次黎開黃埔呢頭做野, 行過見到呢條街幾多野食, 其中一間串燒店唔太起眼, 但細細間, 有一股好香既食物味傳出, 就試下佢啦~佢門口個位置其實唔太顯眼架~ 小店經營阿~得20個位左右佢menu主要係串燒同埋米線,今次我主要食串燒~首先叫左個鵝肝多士! 佢個鵝肝燒到外脆內軟, 好香濃既味道阿! 而多士就係脆卜卜既, 一脆一軟感覺相當好!燒韭菜~佢燒得幾香,而且面頭加左辣粉。可惜本身韭菜比較老燒bb蘆筍。呢個蘆筍就唔太老, 燒到香香地, 唔錯燒羊架~佢面頭加左好多蒜泥同辣粉落去~ 可惜唔知點解碟野底下有D水, 令到個香脆感覺無左燒牛舌~呢個就出奇地好食wor~ 牛舌完全無渣、好嫩同軟,加埋檸檬落去就更加正~食左咁多野都係132蚊~ 勝在即叫即燒, 夠哂熱~ 小店經營, 值得支持阿!

係黃埔做完運動，夜夜地唔食得太多野，就搵間小食店啦。德民街出名多野食，見到呢間就坐底試試兩大塊banner望落街錢都幾平入到去睇menu先知原來勁多野食我地九點到，都坐滿九成，所以都要多少少時間去燒。野食黎到，熱辣辣！叫左燒菜心、金菇（上）各$10：唔會乾淨淨，加左少少辣粉，好野味。豬頸肉$15、雞翼$26/2（下）：我覺得豬頸肉係今日既vip, 好juicy,一邊有蜜糖而另一邊就係辣粉，味覺享受！雞翼都唔會燒得太乾，皮就卜卜脆，肉就好滑。低食雞肉，味道yip得唔錯。$16/2燒蠔都好抵食$40/2，大量蒜蓉，海鮮新鮮，無砂，推薦！茄子係食串燒必備，份量多，應覺又無咁熱氣。$28呢個粉絲都好特別，menu無寫佢咩湯底，點知係酸辣粉果款，第一次配粉絲，感覺新鮮，絲粉吸晒d汁，好味！而且肥牛份量都好多，好大方。$38埋單$18x兩個人都算平（包野飲）。服務員態度亦都好好，會再黎！

晚上九點半肚餓搵野食，經過依間坐滿人，價格又相宜，咁就試下啦~店面好細，坐得好逼，出出入入都要郁一郁方便其他人，台面都係只夠放一至兩個碟，叫左十幾串野食（中辣）加一個炒米粉，串燒辣度幾好，炒米粉落左花椒，有麻辣的感覺。雞心好食！唔係太多串燒鋪有得叫雞心，雞軟骨都燒得幾好，茄子$28大大條，CP值高。串燒普通黎講都係太多孜然粉，同埋太咸，食左幾串已經要人手撥開面頭D調味粉繼續食，調味粉太多，味道重，令到每串串燒都一樣味，依個要改進下。

今日嚟到紅磡德民街29號，德民大廈地下J1號舖，川味香串燒， 入到店舖店內老闆 很有禮貌很好人， 安排我坐環境很舒適的地方， 我叫咗一條燒倉魚， 20分鐘燒倉魚嚟到，很香的氣味，很香的蔥花在倉魚上面， 我試一啖燒倉魚，嘩！肉質很滑， 翠玉瓜燒得很好很甜， 羊肉串很香很有口感， 燒茄子燒得啱啱好， 燒五花腩很香肉味很多肉汁很爽口， 燒雞軟骨很有口感咬落卜卜聲，味道啱唔啱好， 還有麻辣蓮藕 很多蒜香同蔥花鋪在 蓮藕上， 辣度很好很香