川之源

營業中

休息中

送過嚟都幾快，唯獨是晚市冇飯送，所以就自己屋企煲飯基本上夫妻肺片、口水雞、蒜泥白肉都算好食。唯獨是個螞蟻上樹都唔係粉絲有少少失望，佢用咗薯粉咁樣去做，唔係話唔好食，但係我食螞蟻上樹就係想食粉絲個水煮魚份量都唔錯，你都有兩大俠。個辣到我哋揀咗小辣，唔算好刺激但係又有惹味嘅感覺~ 啲魚唔會一夾就散晒，冇骨，而且都算幾滑最失望就係個紅油抄手，感覺上佢煲得太耐，完全係一夾就散晒。而且調味上就好似真係得辣又冇乜香味，建議可以唔使試呢一個。

搵食搵到在西環～ 餐廳位置係有啲隱蔽，但其實跟電梯直上，餐廳就在電梯隔離🌟水煮魚(小辣)見到咁正宗嘅四川店，都唔敢隨便叫辣。店員都好細心咁預先問清楚想要啲咩辣度。我最後都揀左小辣就好了。 上枱果時見到好多辣椒舖面，但試過個辣道又算適中，非常惹味。魚嘅份量多，好厚肉，而且冇骨，食起黎啖啖肉，食得好暢快。水煮魚碗入面都有好多水晶寬粉份量夠晒數～🌟涼伴鮮魚皮十分十分十分推薦！ 好耐冇食過咁爽脆鮮魚皮。加埋個麻麻辣辣感覺，簡直想叫多碟黎食！🌟肥腸小麵初頭冇諗住叫多個麵，但都想試試個肥腸～ 好彩都有試～ 肥腸切到細細粒，入口好勁肥腸味～ 加埋個小辣麵，剛剛好🌟重慶口水雞食四川野點都要叫個口水雞，試試功力。呢碟內在十足，雞肉嫩滑，而且皮唔算厚。作為開胃前菜一流🌟水晶冰粉最後店員送上冰粉解辣，冰粉好凍，超超超濃嘅桂花味，又好味好解辣整體黎講，呢度比我預期高質。非常滿意。

今晚嚟到西環搵食，天氣凍凍地緊係食d辣野暖暖個胃，揀咗呢間想試好耐嘅川菜餐廳！佢係位於西環高街附近，由正街一路向上行就會見到💕佢個裝修格局係比較中式風格，感覺似家庭式經營嘅小餐館水煮魚 $218水煮魚個魚肉好新鮮軟滑，魚肉吸收晒水煮湯嘅辣汁精華，每一啖入口都係好香濃嘅辣味，帶少少麻痹嘅感覺，好刺激好好食！鍾意食辣嘅朋友一定唔好錯過！同埋佢個份量都幾大，魚肉嘅比例都好多，湯底下仲有寬面，都幾抵食！鮮魚皮喱個小菜好驚喜！魚皮好爽滑好彈牙，咬落口索索聲！！魚皮洗得非常乾淨，配埋麻油嘅香味同埋四川嘅椒油味，好開胃好香口！令我諗起當年去廣州食嘅鮮魚皮一樣口感！佢呢間個川菜味道都好正宗！口水雞口水雞雞肉都好嫩滑，配埋個口水雞辣汁，真係又惹味又好食！肥腸小面呢個肥腸小面一嚟到已經好濃厚既內臟嘅香味，肥腸好肥美，大腸既肥肉食落去好飽滿，小面都好彈牙，如果想食正宗川菜嘅朋友一定要bookmark呢間餐廳，冇諗過咁細間小店都可以做到咁高水準！食到最尾仲有個冰粉送比我地食，好正呀，食完辣野個口麻痹哂，食番個桂花冰粉可以即時解辣，冇諗過店家咁貼心，平時去食川菜一個冰粉都收您五六十蚊，桂花甜味再加冰涼既涼粉口感

呢間餐廳提供川菜美食，鍾意食辣既話一定大飽口福😽午市有精選小菜餐廳，仲可以以優惠價加小食🤩如果平時食開小辣既朋友可以試下BB辣先。黎到都會有玄米茶招待🍵美食推薦🎖🥘川式回鍋肉：每塊肉肥瘦均勻，炒完好有鍋味🍲螞蟻上樹：佢地呢款菜式唔係用粉絲，而係用返四川紅薯粉，麻辣口味，非常惹味🥟手工餸子：皮薄餡靚，食落非常新鮮，4粒真係唔夠皮😂😂最後會上碗桂花冰粉🍧，食完辣食冰粉非常清新，解辣解麻，非常圓滿

🔖 川之源 ｜𝑺𝒂𝒊 𝒀𝒊𝒏𝒈 𝑷𝒖𝒏係幾年前黎食過一次之後就念念不忘，今次終於可以再黎翻check 🤪✅。餐廳嘅裝修以大紅色為主，佈置較傳統，一睇都知係正宗嘅川菜館。.餐廳嘅招牌酸菜桂花魚一定係必嗌！桂花魚對比起一般餐廳用嘅鱸魚肉質更嫩滑同爽口，所以食第一啖已經食得出有好大分別👅。要讚吓酸菜魚湯底好清，一啲都唔油膩，而且又夠味夠辣。.除咗酸菜魚之外，要講吓個黃金饅頭真係炸好出色。唔知點解炸得咁好食，自己一個都食左四舊🫶🏻🥹。而糖醋里脊就類似平時食開嘅咕嚕肉，肉質都夠嫩，但唔算好特別。晚餐食完餐廳都會送碗桂花冰粉，真係係好豐富嘅一餐。🤰🏻

今日黎左呢間西營盤既川之源食午餐，呢度既四川菜係有辣有唔辣，適合好辣同唔好辣既人士一齊黎食飯。午市單人套餐有十三款餸揀，價錢$75或者$78，包白飯一碗，同汽水或者桂花冰粉。跟餐可以加錢要小食，又可以加錢升級餐飲，如豆漿同酸梅湯。午市無加一服務費。紅燒牛肉 $78呢道紅燒牛肉熱辣辣上枱。有十舊牛肉左右，唔細舊，質感夠腍，連筋好食。我哋叫左BB辣，辣度惹味，其他配料仲有腍腍薯仔同幾片辣椒。糖醋里脊 $78糖醋里脊個汁甜甜酸酸好開胃，食到醋味。炸皮唔粉又唔算太厚，啖啖肉，食落又爽又脆唔覺肥。最後撒上葱花。酸豆角炒肉碎 $78酸豆角炒肉碎有好多豆角粒，加上少量肉碎，辣椒，蔥，蒜，同花椒一齊炒，食落酸酸麻麻辣辣。白飯 (跟餐) 白飯一大碗，夠食飽。桂花冰粉 (跟餐)  桂花冰粉係桂花糖水配川式啫哩。冰粉好滑，個糖水少甜好清甜，帶微微桂花香，解辣正！大和豆漿 跟餐加$4 凍大和豆漿一大支，味道少甜，豆味唔假。 茶水係玄米茶，居然唔收茶錢。總括而言，午餐非常經濟。

出外食酸菜魚食唔少，在西營盤的川之源咁近娘家反而未試過，今天專登去試個午市二人套餐（$248）。價錢公度，味道正宗。無論套餐A或B，都可在涼菜、招牌和熱菜中自由選擇。配白飯兩碗，汽水或桂花冰粉。招牌選了酸菜魚片（BB辣）魚片份量充足，片片都非常嫩滑厚肉，全部無骨，吃得又暢快又滿足。魚湯中有酸菜、蒜片和粉絲，湯底酸辣得來不嗆喉，加到白飯中很好食又好飲。重慶口水雞特調醬汁很不錯，麻辣鮮香，雞肉則比較結實。清炒油麥菜蒜蓉香濃，油麥菜爽脆，好食。桂花冰粉冰凍滑溜甜蜜，加上陣陣桂花香，真是川菜的最佳拍檔。

朋友超鍾意食川菜，上網睇到有人介紹呢間川之源，就特登過黎試下。位置都算易搵，近地鐵。平日唔係太多人，坐得好舒服，又可以慢慢嘆。😍價錢合理，份量多，食物質素高，性價比唔錯！係正宗既川菜，絕對值得一試。😋仲有個茶都好好飲！水煮牛 ($208)有大中小辣叫，我地就叫左小辣。小辣好岩我地，好過癮。個辣好香好麻，超爽😋牛就好腍好有口感，牛味唔會俾辣味蓋過，超級正👍🏻而且仲有好彈牙既薯粉，好正！我地都超鍾意食，份量又多，必食！川北涼粉 ($58)涼粉好爽口，係偏辣小小，但都好正😋同埋真係好開胃，會想食多D🤩黃金饅頭 ($58/6件)黃金饅頭真係超正，個皮好脆，內裏就好鬆軟，口感十足！😋再點小小煉奶真係正到不得了😍桂花冰粉 ($32)呢個桂花冰粉簡直係解辣恩物，食2啖即係解曬辣。凍冰冰好爽，桂花味突出，冰粉爽口，超正！😋😋又唔會太甜，好岩我地口味🤭

放假約咗朋友去西營盤附近打下卡行下，朋友突然話想食川菜過癮下，就醒起附近有呢間川菜之前食過都唔錯😌就帶佢嚟試吓先🤤🌟午市二人套餐 $288🌟✨酸辣青瓜因為最近腸胃麻麻唔想食太辣，就要求咗BB辣，青瓜好爽口，BB辣都幾辣，果然係川菜起家😂✨酸菜魚片酸菜魚片係用桂花魚，鮮甜嫩滑，係完全無骨，侍應哥哥建議要有少少辣吊味先好食，如果唔係就會好怪，就一於揀咗BB辣，湯底加咗酸菜，酸酸甜甜，好開胃🤤好味到連湯底都飲埋，加落飯度食就變咗湯飯，得咗🤣✨清炒油麥菜蒜蓉清炒油麥菜，好香濃蒜蓉味，又不會太油膩，正👍🏻最後糖水係桂花冰粉，淡淡既桂花香，食完辣野，再來一碗冰凍滑溜既桂花冰粉，岩曬呀，滋潤下喉嚨😋

今日陰陰濕濕， 最啱食返d辣野補補暖， 驅驅寒。 上次去西營盤川之源食酸菜魚， 覺得好食。 今日又咁啱喺附近， 於是再去揾食。二人套餐 ($248)涼伴木耳酸菜嫩牛肉糖醋里脊涼伴木耳， 清涼開胃頭盤小菜， 木耳好爽， 咳入口索索聲， 開胃一流。酸菜嫩牛肉， 酸菜牛肉，湯底熱辣辣， 用黎做湯飯一流， 味道夠酸， 辣道剛剛好。 牛肉份星十足， 嫩滑爽口， 重有滑滑嘅粉絲， 十分滿足。糖醋里脊， 味道有d似咕嚕肉， 酸酸甜甜，豬肉嫩滑， 重帶少少肥膏， 非常香口， 酸酸甜甜用黎送飯又係正。

上周五幫公司叫外卖，在foodpanda上叫了约 700蚊左右的川之源，收到后简直大跌眼镜，小炒肉是一坨坨炒焦的不知名黑色，味道簡直難以形容。蚂蚁上树居然用的是粗粉丝，里面也是一粒粒烧焦的不知名黑色颗粒，我估计是炒坏的辣椒蒜粒那些吧，味道也和我想像中的螞蟻上樹的傳統風大相徑庭。不知道這家餐廳的廚師是不是不會做川菜，所有菜式都很难吃，和川菜口味毫不沾邊，还存在大量烧焦的不知名致癌颗粒，难以下咽。我打開openrice，看到該餐廳還那麽多好評，不得不說水軍真多。盈利平台的可信度永遠都是差一點，相信google多一些。

收工喺附近搵食 想食啲辣嘅野所以就book 左呢間川菜😍✨四川涼麵 $68麵條質感好好 夠爽 又夠索味 酸酸辣辣咁 夏天食就啱晒✨麻辣香鍋 $278都幾多材料 有蝦 午餐肉 西蘭花 炸大腸 牛肉 全部都好入味 又唔會好咸 👍 不過唔好嘅係通常其他舖都可以自己揀想食咩料 呢度就固定左冇得揀🙈✨重慶口水雞 $88 雞肉夠嫩滑 入口感受到香濃嘅麻辣味😋😋總括黎講味道做得唔錯 份量就唔算好大碟 兩個人食呢三樣野啱啱好 😋 #環境方面枱與枱之間都有適當嘅#距離 我地兩個人又可以坐張四人枱 好闊落 仲有茶飲又有冰粉送味道❤️❤️❤️❤️抵食❤️❤️❤️服務❤️❤️❤️環境❤️❤️❤️💔💰晚餐人均～$240

去到西營盤當然就會諗起第一街、第二街、第三街同埋高街，除左夠晒斜之外，果度仲好出名多野食。今次我地由地鐵站C出口一出轉右一落扶手梯，就見到一間叫『川之源』嘅餐廳。由出面望入去都好光猛同乾淨，又有d四川風味嘅特色，今晚就決定係呢間醫肚啦! 雖然我地只係得2個人，但侍應都好貼心咁安排4人座位比我地坐，等我地坐得舒服d。一坐低，侍應就即刻拎左一大壺熱既玄米茶比我地，可以唔駛經常叫人加水，方便我地一路食一路傾！ 呢度用嘅碗碟同杯都有專登揀過，配合番川菜風味，唔錯!呢間川菜都真係好多野食，有辣有唔辣、魚、豬、牛、羊、雞、香鍋都有，即使你叫蕃茄魚都好，你都可以選擇加辣 (小、中、大、超)，適合唔同辣度嘅人士一齊食!👉🏻招牌菜 – 酸菜魚 (+20轉薯粉) 一黎到有d嚇親，勁大碗!! 入面有超多魚肉，4個人食都仲得，粗略估計起碼30塊，仲要每一塊都cm厚，啖啖肉! 魚肉冇泥味，唔會一夾就散，至於薯粉好滑又有厚度，有咬口，建議+20轉呢! 另外，呢煲酸菜魚雖然冇出面咁有豆芽、金菇等等既配菜，但個湯底加左大頭菜、蒜片同大量酸菜，所以一食入口個味道層次好複雜，先黎係一口衝勁性嘅酸味，之後會有陣陣既魚湯味，

今晚返工有少少唔開心，諗住去個遠啲嘅地方食下辣野，同男朋友訴下苦，諗起之前食過川之源，啲野都唔錯就決定起行喇！今日我地決定無辣不歡，全部都叫哂辣野，分別點咗個夫妻肺片、家鄉手工餃、擔擔麵同埋黃金炸饅頭！夫妻肺片麻香味十足，肺片爽口彈牙，而且一入口已經食到爆蒜嘅味道，勁惹味！黃金炸饅頭一上枱已經見到好油亮，炸到真係金黃色，又無變炭，咬落入面仲留有水份，唔會勁乾，真係做到外脆內軟！高汁！另外擔擔麵食落個芝麻醬勁濃，配埋啲辣醬勁過癮，食到個頭都有啲出汗喇，勁爽！家鄉手工餃子大大隻脹卜卜，一咬開好多肉汁流出黎，啖啖肉同埋好香韮菜味，配埋個辣辣地嘅湯底，唔經唔覺就食完一隻接一隻！勁正～最後用冰粉黎鎮靜下麻咗嘅嘴脣口腔，好滿足啊～

今日同同事試吓呢一間喺樓梯邊好容易錯過嘅四川菜。菜式十分之正宗，性價比高，上菜速度都好快，適合中午去食晏。擔擔面：醬汁好香，麵質彈牙，係四川重慶風味，所以偏向撈麵多啲，唔係好多湯嗰種上海擔擔麵。肥腸面：湯底濃郁，涵水肥腸好入味，洗得好乾淨，食到底都仲有好多肥腸，真材實料。涼拌雞腳：有好香嘅青辣椒味，脆口，如果唔食得辣嘅朋友可能會覺得有啲挑戰性，但係越食越想食，甜甜酸酸辣辣咁樣，非常開胃。餃子：厚皮的北方餃子，餃子餡料調味有用心。口水雞：如期望一樣好，有雞味、肉滑、辣度適中。桂花冰粉：非常清涼，又唔會太甜，充滿桂花香味，食完咁多辣嘢之後，最後來一個透心涼嘅甜品，簡直完美。