嵐山日本料理

營業中

休息中

尖沙咀棉登徑有好多日本餐廳，今日過咗嚟尖沙咀呢頭攞貨後，就嚟到棉登徑搵食，見呢間嵐山門面都幾靚，再睇埋放喺門外嘅餐牌都幾吸引，於是就入咗去幫襯。餐廳內環境寬敞，座位間有適當嘅距離，非常舒適。午市套餐有不同款式的選擇，有刺身有熟食。同時亦有精選優惠壽司，可以order幾件淺嚐一下。特上壽司定食賣相相當吸引，不過對我來講實在太豐富，下次有機會再試呢個特上壽司定食。食日本嘢我始終都係鍾意食刺身類，所以我就揀咗角切魚生丼，定食已包含沙律、碗蒸、味噌湯、前菜，最後仲有雪糕做甜品，已經豐富到不得了。角切魚生丼有三文魚、吞拿魚、劍魚腩、甜蝦、三文魚籽同蟹籽，魚生份量非常豐富，感覺上仲多過啲飯，可以大啖大啖咁食各種魚生。茶碗蒸入面有冬菇、雞肉等材料，蛋蒸得非常滑。味噌湯亦都有油揚同昆布，材料豐富，湯香而不鹹。沙律除咗有沙律菜之外，仲有蕃茄同粟米，配合和風醬汁，非常開胃。前菜係麻醬菠菜，呢個配搭我覺得都幾新穎，而且又好好味。朋友話今日想食熟食，所以叫咗黑咖喱吉列黑豚扒飯。店員一放低呢個定食，我哋就聞到一股香濃撲鼻嘅咖喱味，而且吉列豬扒炸得非常香脆，黑豚肉非常嫩滑，因為實在太好味，所以朋友可以清晒成碟飯👍

朋友喺尖沙咀返工，我過去搵佢食lunch ， 佢就介紹咗呢間位於棉登徑嘅日式餐廳。 餐廳提供午市套餐黑咖哩什錦鍋燒烏冬（$128）冬天都想有啲熱辣辣嘅食物暖一暖個胃，所以點咗呢個香濃黑咖哩湯底，入面材料亦相當豐富，有天婦羅炸蝦、流心蛋、雞肉、香菇、青豆、蘿蔔等，流心蛋尤其吸引，當烏冬沾上蛋汁，變得香滑又Q彈。再配合味道濃郁嘅咖喱汁😋😋 北海道丼（$168）新鮮刺身丼就唔可以唔試😛。 北海道丼包括海膽、松葉蟹肉蟹膏、帆立貝、牡丹蝦、油甘魚、三文魚及蟹籽，海膽口感細膩軟綿，甜味豐厚，松葉蟹肉蟹膏，一絲絲香甜嘅蟹肉伴著海鮮味香濃嘅蟹膏。 每一個餐都包括新鮮沙律🥗、前菜、滑溜蛋味香濃茶碗蒸、味噌湯及雪糕， 整體來講都幾抵食🤩

講到食日本菜，尖沙咀棉登徑又係日本菜的聚居地，忙了一個上晝，午餐就好好獎勵自己，比自己享受下一個人的寧靜時間，黎到嵐山日本料理食晏。睇完餐牌，好快決定了刺身定食套餐，先來食了茶碗蒸和麵豉湯，雞蛋滑嘟嘟，裏邊有雞肉、炸魚片、冬菇、白果，材料十足。過了一陣，刺身定食套餐來到，整整齊齊、十分精美，還伴有麻醬菠菜、沙律，刺身則包括甜蝦、油甘魚、池魚、白口、赤身、帶子、八爪魚。烤過的八爪魚粒多了一點焦香；油甘魚的脂肪和肉比例平均，口感同赤身一樣咁肥美；手指咁大隻甜蝦，肉質鮮甜。配上一碗珍珠米白飯，感覺甚具和風。當我抹晒嘴之際，原來套餐仲配有甜品，可以揀黑芝麻或抹茶雪糕🍦，我二話不說就揀咗抹茶🍵，濃郁的抹茶香每一口清爽脫俗。

今日到尖沙咀呢附近食lunch， 咁行開呢條街見幾多嘢食， 就求其揀咗呢一間日本餐廳度食， 其實都唔係我揀的，是我朋友㨂的 入到去座枱都坐得幾舒服，間隔亦都唔錯，咁我同朋友就叫咗一人一個set lunch。Set lunch包括有麵豉湯,沙律菜 同蒸蛋， 咁其實呢啲例牌，我比較鍾意就食隻蛋嘅，不過佢個蒸蛋我覺得如果再蒸嫩少少就會比較好D， 始終我都知道蒸蛋就有個難度的。 麵豉湯我覺得佢整到適中，唔會太鹹。火炙魚生丼: 咁呢一個魚生丼，我幾鍾意因為佢有我鍾意食嘅帶子，帶子都算幾新鮮，而佢個主角燒三文魚及鰻魚，我覺得D魚燒到恰到好處，三文魚有少少熟及有少少生生地我就幾鍾意，而令我鍾意就係佢個飯，因為佢個飯係用日本醋醃過嘅， 酸酸地我覺得真係幾開胃，所以我幾鍾意呢個魚生丼飯。薩摩赤雞親子柳川鍋： 呢個係我好朋友叫嘅咁我就試咗少少，咁佢個主角當然係啲雞啦，咁佢啲雞整得都幾嫩口同幾滑，而且佢啲蛋係有少少半生熟嘅狀態， 咁我其實都幾鍾意嘅， 雖然我朋友就唔係太食啲生蛋白，但係呢啲口味嘅嘢每個人都唔同。 我就幾like嘅。最後我同朋友食埋個甜品就閃人囉，overall呢間嘢我覺得都唔錯，希望疫情好少

今天在尖沙咀食午餐，發覺尖沙咀棉登徑11號有一間嵐山日本料理，午市定食嘅價錢都好吸引， 而且唔需要加一 (星期一到五) ，裏面坐滿咗人客，就入去食個午餐。我叫咗一個角切魚生丼，份量好夠，飯面鋪滿好多魚生，有三文魚、油甘魚、 甜蝦、蟹籽和三文魚籽等， 魚生等食材鮮味，一啲都唔覺得腥， 軟滑嘅米飯撈咗醬油同埋日本醋，套餐仲有前菜沙律 、麵豉湯、 茶碗蒸，飯後仲有雪糕，樣樣都好食，真係物超所值。朋友叫咗個鹿兒島黑豚肉泡菜鍋配白飯套餐，佢話好味有營。鍋裏面有好多菜，如金菇、豆腐、 黃芽白、冬菇和小辣泡菜等，還有鹿兒島黑豚肉片， 份量非常之多，湯底鮮甜，還配有一大碗珍珠米白飯， 份量亦都好足夠。 餐廳都有好多其他定食， 如果路過可以去試下，唔好錯過呀!

尖沙咀棉登徑食肆林立，有多間日式食肆，今日同朋友食晏，呢間網上人氣餐廳嵐山日本料理，網上對佢哋嘅刺身讚口不絕，一於慕名試下🤭餐廳有多款午市定食選擇🍱，有十幾款，而壽司、刺身丼定食都有七款揀，定食連前菜、沙律、味噌湯、茶碗蒸同雪糕😋拖羅丼厚切中拖羅5大片，拖羅肥美新鮮，入口即溶滿油香,拖羅蓉好多，鋪滿飯面🤩，仲有生鵪鶉蛋，可以撈埋糙米飯一齊食😋朋友要什錦魚生丼魚生有三文魚、赤身、鯛魚、牡丹蝦、拖羅蓉、三文魚籽同海膽，夠哂豐富，魚生厚切，拎立立，夠哂新鮮🤩，牡丹蝦有蝦膏，海膽creamy😋茶碗蒸幾嫩滑，底層有雞肉，而芝麻雪糕估唔到咁好食，芝麻味濃郁😋星期一至五仲免加一，高質魚生丼，推薦指數⭐⭐⭐⭐⭐

疫情爆發接近一年，原本計劃好今年年頭去京都旅行，順便上嵐山竹林影下相。不過，這個行程不知要押後多久。心思思，上網search 下「嵐山」，見到尖沙咀有間「嵐山日本料理」。既然去不成旅行，那就約約旅伴先去「嵐山」食下日本野過下癮。嵐山門外十足日系風格，來到餐廳門口亦有種去到日本餐廳的感覺。而且店內裝修亦有日式風味，可以坐壽司師傅的枱前，又或者裡面座位。我和旅伴都同意，既然去不成旅行，那就不如趁着這個午餐食豪一點，所以我們每人各點了一份刺身丼飯午市套餐。◍ 1. 玄米茶在這寒冷天氣，一坐底餐廳就給了杯暖熱的玄米茶，可以先暖暖胃。所以我們就不另點飲品。◍ 2. 味噌湯（午市套餐）味噌湯非常足料，飲落非常濃郁。◍ 3. 沙律（午市套餐）餐前亦可先食食沙律清新一下口腔，沙律份量不少，而且加上粟米及小蕃茄作配料，在沙律甜醋的調味底下就更加好味。◍ 4. 茶碗蒸（午市套餐）熱騰騰的茶碗蒸，蛋蒸得非常順滑，內裡有菇和雞肉作為材料，以增添咬口感。◍ 5. 刺身定食配白飯之所以叫「刺身定食配白飯」，原因是其刺身與米飯是分開盛上，刺身有其特別的擺盤，用上竹籃及冰底盛載，以保存刺身的溫度及鮮味，這點需要特別稱

尖沙咀食肆林立，各種餐飲菜式應有盡有～今天要介紹一間以日式居酒屋🏮模式設計的餐廳😍餐廳設有兩大區，分別有吧枱或普通座位，吧枱座位可以觀看，廚師親自在面前準備菜式～裝修頗有日本風味，而位置亦闊落😊#壽司盛A $208整份壽司🍣共有八件，包括赤身、油甘魚、三文魚、鯛魚、帆立貝、甘蝦、蔥花吞拿魚腩和白身魚😚所有魚生也十分新鮮，而且有一定的厚度，魚生上有切紋，方便客人沾上醬油和芥末😛壽司飯微溫不會太酸，物超所值😋味道小評分：😋😋😋😋😋/5#牛肉石頭鍋飯 $128熱騰騰的石頭鍋飯！添加了不少蔬菜🥬，但牛肉份量較少和味道偏淡🧐小編特意等待了數分鐘，待石鍋烘完底部才翻動，所以有不少飯焦在底🥳如果喜歡吃飯焦的朋友也可以一試🤪味道小評分：😋😋😋😋/5#燒牛舌 $48一串有三塊牛舌🤩厚底適中～沒有添加過多調味料，突出了牛舌本來的味道😋味道小評分：😋😋😋😋/5#串燒雞軟骨 $28燒至剛剛好的雞軟骨🤩外層雞肉尚留有肉汁不會太乾😋味道小評分：😋😋😋😋/5#鵝肝壽司 $48/1件性格比極高的鵝肝壽司🍣‼️同樣地，控制炙燒時間剛好，燒至外層金黃色並留有鵝肝本來的油脂，內裏十分軟滑😋鵝肝不會太薄，足夠從中間切開一半放入

今日同舊朋友見面食飯聚舊朋友要返工，所以我放假就去佢返工既附近搵佢因為疫情關係，近年要同朋友外出用膳大多時都係約係中午時段呢度既午市套餐都有幾多選擇，既有魚生刺身丼，亦有熟食鍋物既款式我地各自揀好自己既心頭好之後，等左5-10分鐘就有得食每份套餐都會附有前菜、沙律、日式蒸蛋同熱湯呢日既前菜：麻醬波菜同滑溜既蒸蛋都很對口味主食我點選左“北海道丼”HKd$168+10%當中既刺身好新鮮！！海膽同蟹膏蟹肉固然濃郁鮮味，但爽甜既牡丹蝦同厚切帆立貝都不能忽視朋友話天氣凍要食熱飯，所以就要左一份“網燒安格斯肉眼牛扒配白飯”HKd$158+10%午市套餐仲會有埋甜品，係自選口味既雪糕呢度平日既午市時段不用加一，感覺更抵食

是日和同事選了位於棉登徑的嵐山日本料理吃午餐～這裡的午市套餐性價比十足，價錢由$128至$188不等，均配有前菜、沙律、茶碗蒸、味噌湯和甜品。我們分別點了刺身定食配白飯和什錦魚生丼～ 刺身定食賣相不錯，有赤身、油甘魚、三文魚、鯛魚、魷魚、帆立貝和甜蝦，份份都厚切，好正😋 赤身頗肥美，入口有軟腍脂香。魷魚滑嫩不黏，油甘魚則魚味鮮甜套餐前菜是開胃的胡麻醬菠菜，而茶碗蒸要趁熱食！蒸蛋細膩滑溜，入口即化，入面有白果和香菇，令口感更豐富什錦魚生丼有三文魚、赤身、油甘魚、鯛魚、帆立貝、日本直送魚、日本牡丹蝦、三文魚籽、拖羅蓉和海膽。牡丹蝦超大隻，鮮甜爽口彈牙。三文魚籽咸香豐富，帆立貝和海膽亦夠鮮甜，配醋飯來吃一流最後甜品可選擇芝麻、綠茶或豆腐口味的雪糕，完滿的作結 🍨

跟朋友很久沒見面了，一見面就想念日本的刺身🤣拖羅丼（中拖羅，拖羅蓉，鵪鶉蛋）～中拖羅足足有5片😍而且厚度還蠻厚，一點也沒輕手，拖羅很軟棉棉，沒雪味，很新鮮～拖羅蓉很多，是鋪滿整碗看不到飯，肥美的😈海膽甘蝦丼（加拿大海膽，魚子，甘蝦）～海膽不得了，是可用筷子夾得起來的，一片一片很原整，吃起來還很有質感，不是那裡入口便一灘水，能咬的，味道也甘甜好吃，沒澀味~魚子方面也不少，都很重份量~甘蝦的很鮮甜新鮮，很大的有2隻～蒸蛋~是雞肉蒸蛋，蛋非常嫩滑，滑得能從喉嚨吞下去也不覺~雪糕～我選了豆腐味跟綠茶味，兩者也比預期中濃郁,不太甜，超好味‼️

叫左個壽司定食+牛肉烏冬🍣隨餐附送味噌湯、沙律、茶碗蒸同埋雪糕🍧味噌湯唔係好咸個種🥰茶碗蒸都整得幾好食（除左有舊好難食嘅唔知係米白果的東西🤯）牛肉烏冬嘅湯底超足料好有牛味🤩忍唔住飲多兩啖🍜最後就試下成個set嘅重點✨ 各類壽司🍣🍣壽司食得出幾新鮮🤤🤤海膽好有海嘅味道🤣🤣個人其實一般海膽 不過食落去唔係太差🥰其他魚都好好食😋（其實唔知食緊咩魚💧）三文魚我知🤪🤪連舊玉子都超好食‼️食完之後上雪糕🍦芝麻、綠茶、豆腐味🍨我就揀左綠茶🍵茶味十足✨意外地連雪糕都好好食🤩🤩Open Rice book位重有85折感覺超抵食❤️❤️

今日去咗尖沙咀呢間嵐山日本料理，上網已經睇過呢間餐廳有不少好評，所以趁比較少人嘅午市時間嚟。呢度嘅午市定食已經包括左沙律、前菜、蜆肉味增湯、茶碗蒸同埋甜品，非常豐富，而且平日仲要唔收加一 ，非常抵食。黑鮪魚二重丼$168(中拖羅3切、蔥花吞拿魚蓉）吞拿魚蓉質地幼細，食落口感軟綿綿，加上大蔥，食飯嘅時候，每啖都被吞拿魚腩蓉包圍，十分滿足。不過呢碗飯嘅重點始終都係三天厚切嘅中拖羅，拖羅呈現鮮嫩嘅粉紅色，師傅用厚切嘅方法呈上，口感一流，鮮甜無比。淨係食呢三件厚切拖羅都已經絕對值回票價。極上花魚生丼$168(赤身、鯛魚、白身魚、三文魚、平目魚邊、帆立貝、三文魚籽、牡丹蝦、海膽）呢碗丼飯用上九款刺身，而且每款刺身都並非平價貨，而當中包括左右帆立貝、牡丹蝦同埋海膽，都係算偏貴價嘅食材，而且全部都非常新鮮，呢碗飯真係絕對抵食。最後仲有雪糕，仲有唔同口味可以選擇，我哋就揀咗豆腐同埋黑芝麻，估唔到質素咁好，口感綿滑之餘又唔會太甜。

今日lunch同男朋友食日本料理，我地係午市套餐揀左兩個魚生丼，各加左$12要蘋果汁同橙汁。午市套餐包沙律、前菜(辣味螺肉) 、蜆肉味噌湯、茶碗蒸、甜品，十分豐富。北海道丼有三文魚3切、帆立貝1只、三文魚籽、牡丹蝦、松葉蟹肉。極上花魚生丼有赤身、鯛魚、白身魚、三文魚、平目魚邊、帆立貝、三文魚籽、牡丹蝦、海膽。魚生肥美新鮮，我特別鍾意牡丹蝦、三文魚同海膽。甜品有豆腐、芝麻或綠茶雪糕，我地揀左前兩隻味。兩隻都好豆腐同芝麻，真材實料，好好味。

朋友之前帶我嚟棉登徑食嘢發現呢度有好多餐廳 今次就揀咗其中一間日本料理食啦 呢度除咗有刺身壽司之外亦都有啲 串燒窩物炸物首先叫咗五款刺身（油甘魚 石垣鯛薄切 中拖羅 青魚 三文魚）石垣鯛薄切上面仲有金薄 真係切到好薄透光 好考刀工 其他刺身都好厚切同埋新鮮壽司叫左2款 深海池魚同埋真鯛 真鯛加少少青檸汁再食 好有層次感跟住叫咗三串串燒 包括安格斯牛肉 日本黑豚肉同埋雞翼 醃得好夠味 不過有啲就鹹得滯啦仲有叫咗個吉列廣島蠔 剛剛炸起熱辣辣 咬開好Juicy 擺一陣先好食小心辣嘴呀 最後食埋個手打安格斯牛肉石鍋烏冬就好滿足啦 如果烏冬份量再多啲就好啦 不過佢牛肉都有好多塊 個湯都好清甜好好味 呢度可以一次過試晒唔同款式嘅日本菜好滿足