山見台式火鍋 (雅蘭中心)

營業中

休息中

同老婆去完迪士尼出旺角食晚飯，本來諗住去牛XX，因佢嘅鴨血好滑好好食，同埋好鍾意佢嘅特飲。但老婆話有間新開嘅台式火鍋放題想試吓，無計啦，家有河東豬，老婆大曬，唯有去試吓啦。本來諗住都係失望居多，但估唔到會有驚喜，呢間嘅鴨血都好滑好好食！而且除左有多款汽水外，仲有2款特飲，桂花烏龍正！去完迪士尼玩得咁開心，梗係要令成個行程有個完美嘅結尾，所以我哋揀左最貴嘅和牛餐。既然俾左最貴餐嘅錢，梗係全程食最貴嘅和牛，唔好蝕嘛。佢哋和牛好滑好有牛味，比牛XX好食好多，無得比！其間都有試過一兩碟次一等嘅牛小排同牛爽腩，但都係覺得和牛正d。最有驚喜嘅係佢嘅黑毛豬肉，都好滑，連平時唔會嘥quota食豬肉嘅我都食左3碟！除左出色嘅牛肉外，佢仲有好多款火鍋配料可揀。熟食都有好多款，滷水大腸同牛筋好好味！最後甜品時段，佢有多款嘅雪條可選擇。試左佢一條三色雪條，但覺得麻麻地，好似藥水味。跟住試左條紫米雪條好好食！總結以咁既價錢有咁多款食物，而且食物Quality唔差，絕對值得再encore!!

呢間餐廳以台灣十分車站同十分老街為主題，令食客感覺置身夜市之中🚞💗饌·和牛。吃到飽 ($358 /位)🥥椰子雪耳湯採用椰子肉、雪耳、雞件、杞子等多款配料熬製，味道鮮醇清甜，有滋潤補虛功效🐔牡丹美人鍋採用新鮮三黃雞，加入花雕、豬骨、金華火腿等十多款配料，熬製超過8小時，有養顏滋補功效侍應先呈上和牛餐目中精選牛肉：🐃饌·和牛：和牛肩胛油花呈霜降紋理，肉質鮮嫩軟滑，肉味香濃，油脂甘甜🐂月見封門柳：封門柳肉味最濃，加入蛋汁令肉質更鬆軟腍滑🌶醬料自助區有十多款醬料供應，當中山見祕製醬最為獨特🥙自助吧台同QR Code落單平台提供多款優質肉類、海鮮、蔬菜、麵食、冷盤、台式料理、台式餃子、台式滷水、台式炸物、甜品、飲品等，以下10款係最值得添食：1️⃣牛扑肉(CAB牛頸脊) ：牛頸脊肉質爽嫩有咬口，油花適中，肉汁豐富🐮2️⃣無骨牛小排：牛小排油花分佈均勻，肉質柔軟細膩，油香四溢🥩3️⃣原隻駅前海老：海老肉質結實爽彈，非常鮮甜🦐4️⃣福隆沙白：沙白鮮嫩肉厚，貝鮮十足🐚5️⃣花膠：花膠爽滑黏口，有豐富骨膠原🐟6️⃣惡魔雞排：雞排炸至金黃酥脆，肉質嫩滑多汁，灑上五香粉同辣粉，辛香惹味🐓7️⃣山見麵線：大腸麵線順滑不溜，湯羹濃稠味美🍜

啱啱行完街，見到雅蘭中心開咗間新嘅台式火鍋店就去試下，一入去見到個自助吧，已經非常多選擇呀，火鍋湯底，牛肉，都有好多選擇，甜品，雪糕雪條，仲有鹽酥雞😍連飲品嘅款式真係超多選擇乜都有，仲有仲有我喺我最鍾意嘅芋圓甜品😋正呀.牛肉嘅質素真係掂呀，牛摩皇一定要嚟食呀，牛肉refill 得好鬼快，2百幾蚊咁嘅價錢真係超值👍🏻👍🏻👍🏻， 員工服務都滿意，不過有一點提提大家就係記得帶定外套，呢度啲冷氣強勁😅

太耐冇去台灣玩，行落見雅蘭中心地面大幅poster好鬼吸引，個名都好別緻好台灣，決定試下。淨係個門口已經感受到用心。因為唔係食飯時間，同FRIEND兩條友唔使等位，選擇困難症做完選擇後就入座啦。我地決定試鴛鴦鍋（麻辣鍋🌶️+番茄🍅鳳梨🍍），和牛.吃到飽，仲送兩杯特色飲品～蘋果愛玉綠茶+烏龍珍珠奶茶🧋頭盤和牛好大塊，鋪滿個大碟，老細好落本。店員介紹可以QR CODE 落單D野食。選擇困難同埋社交恐懼人士福音，朋友仔一起慢慢睇慢慢揀。自助區都好多台灣特色野。1.飲品可以揀仙草爽、冬瓜茶、鳳梨烏龍茶2.鹵水超入味牛筋任食3.炸物激推鹽酥雞、墨魚丸、地瓜香芋丸，兩個人食左兩輪

朋友生日夜晚臨時book左一共6個人食，除開人均2百幾，可以有4個湯底，食物質素高，好抵食同埋服務唔錯，尤其係Kelvin，真心推介，下次會再黎過，推介推介👍🏻

台式任食火鍋店越來越多選擇～早前有朋友推介這間餐廳🍲 說除了火鍋配料不錯吃以外 連小食、炸物、甜品也有驚喜✨ 就決定相約很久沒見的舊同事一起去!-餐廳打造成台灣十分車站🚞 門口有像真度極高的火車車頭～而旁邊放有幸福郵筒 餐廳會派給客人名信片 尤如去了旅行一樣✈️ 放入郵筒後會替你寄出📮 名信片附有優惠券 可以下次光顧時使用🎫 🔻🔻🔻🔻🔻✨ 饌·和牛•吃到飽 ($358)這裡有4個餐選擇 而我們就為了和牛 選擇了最豪華的套餐🥰～✨ 湯底共有7款湯底 我們選擇了店鋪最招牌的山見青花椒麻辣湯和牡丹美人鍋～ 青花椒比紅椒會多一份花香味 令湯底有多層麻辣口感🌶 (麻辣味偏重 不吃辣/少辣的朋友要留意啦～) 而美人鍋以三黃雞🐓、雪耳、花膠及杞子紅棗等的材料熬製 原條花膠非常滋潤養顏🌸🍲✨ 肉類店員會先送上一碟饌·和牛～色澤呈現鮮紅色 脂肪紋理分布比均 肉質吃起來很軟嫩🥰 除了和牛之外 還有牛扑肉、無骨牛小排、月見封門柳～ 月見封門柳加入新鮮蛋汁 令牛肉變得嫩滑🥩 除了牛肉 更有羊肉、豬肉、海鮮～ 特別推介美國穀飼黑毛豬 香濃豬肉香 簡單淥一淥已經好好吃😛✨ 台式小食除了火鍋配料 餐廳提供很多炸物、滷

廳講 旺角雅蘭中心 開咗間台式火鍋店 去唔到旅行嘅我 ，只有食吓啲台灣美食 幻想自己係台灣食緊嘢 ～一嚟到門口 有驚喜 ～！門口 竟然有電車係度俾你打卡 ，勁吸引啊！仲有個紅色大郵筒 係度 ，不過唔好以為個郵筒 淨係打卡喎～佢其實會俾張名信片俾大家 ，填完放下去個郵筒📮 寄翻俾大家架連埋張80 蚊嘅優惠劵寄埋俾你 😼鍾意補身嘅我就叫咗椰子雪耳湯 加 鳳梨番茄湯，主要係因為工作太攰啦 要食啲靚嘢 滋潤翻個身體先得啊 ！好快店員都開始上牛啦 有月見封門柳，牛爽腩 羊肉卷 美國穀飼黑毛豬，梅花肉全部肉一入到靚湯底度 即刻變得勁好食 好有口感啊 ！Feel 到咁補，今次真係食勁多都唔驚啦！

係旺角行完街經過山見，見到幾抵食，環境又大，坐位幾好坐，唔洗諗即刻walk in。因我至怕去d坐位好窄坐得好close既地方食飯，一黎疫情，二黎驚有咩誤會。今次黎到山見就無喱個問題，真係幾好坐。 不過我係星期日夜晚黎食，所以係繁忙時間都等左一陣位先入座，限時90分鐘。今次叫左”和牛食到飽”最貴個plan，同佢個名一樣，我真係食到好飽。最鐘意係佢個封門柳同卡樂beef，好梳乎☺️好幸福☺️牛味好濃郁☺️，放耐左少少都唔會即刻變得好韌☺️！佢既丸類種類唔多，但勝左有海鮮同小食，台式滷水，台式鹽水雞，芋泥丸等等。平時去食放題邊爐的話小食都會一般般，但喱間既小食好有心思，不斷見到有職員會re-fill，炸物都keep 到唔會好油。甜品種類選擇都多，仲有芋圓，細細碗岩晒食飽既時候都仲食到。今晚食得好滿足，我好快會再過黎架☺️！！

公司聚餐众口难调，同事推荐了这家新开的台式火锅，说种类很多，适合人多去吃。进去第一感觉是装修很用心，餐位空间较大灯光也明亮，好的环境可以让人有很不错的用餐心情。我们选了辣锅，但是这家辣锅不能选辣度，我是吃辣星人觉得不够辣，希望可以增加辣度选择。不过味道还是很ok的，很台式。它们的小料台也有辣椒油和小米辣，辣椒油很香。餐级的话我们是选了最贵的，牛肉的质量真的很赞，而且海鲜也非常新鲜，很划算。它家的台湾特色小吃种类很多，我几乎点了全部的小食，因为小食的分量都拿捏的很好，所以推荐大家可以每款都试下。蚵仔煎的味道跟我在台湾吃的比较有出入，建议牡蛎肉可以煎得再熟一些。整体来讲，自助火锅可以做到这种程度非常值得推荐。

第一次吃这种台式火锅。香港的这种自助火锅真的很多，但是品质参差不齐。这家的自助品质算是比较好的，食品不管从味道还是卫生方面都是吃的很舒服的。就是辣锅可以再更香一点，小料区能不能再多加个五香辣椒面？香油那个勺子能不能大点？其他的都不错，冰淇淋有种童年回忆的味道，吃个情怀哈哈哈牛肉是真的挺新鲜的，大虾也很新鲜！喜欢吃海鲜的可以点个贵点的套餐（也不过才300多块，划算！）台湾的台式小吃也挺多，卤肉饭不错👍🏻，奶茶再甜一些就好了！望生意兴隆👍🏻

平時都有去開其他餐廳打邊奴，好耐都無寫食評，因為今次真心唔錯，有驚喜，值得破例再寫🤣雖然係90分鐘限時，但送餐速度算快，唔會食到好趕，90分鐘都好夠時間食！而今次同朋友叫既係最貴個個plan 決定食豪佢！最令我驚喜既係牛既種類多，牛扑肉同封門柳都好好食，真心鮮味好出。由於送餐快，所以不斷叫不斷黎，食到停唔到口！期間因為職員可能叫我不斷encore 牛扑肉，佢都有主動介紹我知牛扑肉係牛頸脊，由於佢既油花分佈密集，同埋數量比較少，所以職員話肉味香甜濃郁，肉質柔嫩會特別有咬口。當然打邊奴都會食埋其他野，佢既丸類唔算特別多。而第一次食花生苗，之前打邊奴從來都無試過有，真心覺得好有趣！雖然丸類唔算多，但有好多熟食選擇，甜不辣、滷水豬手、芋泥丸等等。平時其他餐廳如果係類小食都會覺得放好耐又唔熱，但係山見食就無喱個情況，好夠熱，值得一讚！而比較驚喜係甜品，有我最鐘意既芋圓，細細碗好岩食都好飽個時都仲食到，而芋圓都唔會過硬😋總括黎講，雖然係最貴個plan $358 再加一，好似有少少貴，但性價比絕對抵食！相信我好快會再黎食！

話說幾個朋友都成年無約過出嚟食飯，終於約得成，食咩都無咩特別意見喇～～坐得舒服唔好未夠鐘就趕人走就得喇‌。最後去打任食邊爐～～原來叫做"山見台式火鍋"心諗都係個d啦，去到門口望吓個menu最吸引嘅竟然係：台灣夜市小食坐低order咗湯底就出去睇吓有咩可以食住先~~有大量唔同飲品，特別d嘅有桂花烏龍同一隻麥啤，仲有d中華沙律同螺肉。再去睇吓d熱食，嘩不得了！d滷水香味行過都聞到好勁，有豬手大腸牛筋甜不辣，越夾越停唔到手。返埋位湯底同頭輪小食同火鍋材料已經上枱，我唔客氣喇！先食滷水嘢，豬手牛筋都好入味同好腍，基本上唔駛點咬，最緊要個滷水汁香濃撲脷，先取一分跟住到是日主角-湯底：麻辣美人雙拼習慣先試呷一啖湯再淥舊肉唔點汁，再決定要撈幾多豉油辣椒唔試由自可，一試個花膠美人鍋，味道鮮甜濃郁而唔係過鹹或者太重味精，而舊牛肉有肉香之餘亦有滿滿嘅美人鮮味，所以成餐都唔駛再點醬油都已經夠晒味，呢個湯底絕對係誠意之作，下次再encore都絕對可以。而另一邊嘅麻辣湯底，雖然本人不太嗜辣，但入口亦不太抗拒，其中特別之處係加入鮮龍眼肉，食到個口辣辣麻麻嘅時候再食到粒清甜龍眼肉，就好似對舌頭作出兩輪沖擊咁~我哋叫

疫情持續，我哋嘅死佬飯局有排都開唔到局，依家就只好約個別死佬有啲小飯局，旺角一向都方便大家，所以，今晚就嚟到「雅蘭中心」嘅「山見」，一嚐「90分鐘火鍋吃到飽」，貪佢一個價，任飲任食，好預算，我哋啲麻甩佬又可以食得盡情。 未入餐廳，門口已有好多打卡位，台鐵、火車站、郵筒……等等，色彩夠搶眼，而且，做得好別緻。 啲郵筒唔喺流，事關餐廳晌每枱客都會俾張名信片大家，填完，放入郵筒，真喺會寄番俾大家，連埋張$80優惠券，等下次幫襯時用，明知都喺啲宣傳手法，但幾有心思，再者，張名信片本身又幾靚仔。 入到餐廳內，先喺見到自取食物區，而用餐區，地方都幾大，裝修摩登，又夠光猛，主要喺啲二人、四人卡位，啲布梳化軟熟好坐。而枱上放好晒餐具，枱中嘅電磁爐，操作簡單，又夠晒火力。先講講佢哋嘅玩法，其實，跟平常大家去食放題涮涮鍋一樣，以晚市而言，共有4款任點任食嘅套餐（$218-$358），當然，越貴就越多食物供選擇。除咗各式各樣嘅肉類、魚滑、海鮮及特色火鍋配料之外，仲有好多台式食物，如台式滷水、料理、炸物、餃子同甜品。不過，用餐時間只有90分鐘，緊記要好好把握時間，同計劃定你哋嘅飲食攻略。想好食咩價位嘅套餐同湯

 作為一個不太愛吃仼食火鍋的人🤣，都要去試和推介你吃這間火鍋店，就知道有多高質了吧🥰～ 聽不少朋友說過 • 山見台式火鍋💕•好吃又抵食，今晚便約家人一同到訪啦! 主打台灣美食的主題餐廳，裝潢洋溢著台灣的感覺呢😍。餐廳有台灣火車站、舊式郵筒、許願牆、特色招牌等等，仿如置身於台灣夜市呢～ 90分鐘吃到飽套餐有4種，全部包自助美食區，如: 滷水、小食、炸物、粉麵、雪糕、甜品、飲品等等，好豐富哦～最便宜的「精品·吃到飽」只需$218/位。最貴的「饌·和牛吃到飽」也只需$358/位，就品嚐到高級和牛🥳，共28款肉類和海鮮唷～ 我們3人選擇「饌·和牛吃到飽」，而湯底則選牡丹美人鍋+$18和藥膳花雕醉雞鍋+$18😝，兩款湯底都足料又夠濃，一款有花膠，一款有大量雞件哦～ 肉類之中，我最推介大家吃軟腍又有牛香的饌·和牛🤩，質素相當高，值得一食再食。而牛扑肉、無骨小牛排、月見封門柳，都很不錯呀😋。肉的品質比一般仼食火鍋店好好多🤣，完全有想再安哥的感覺呢。 其他食物方面，我比較推介炸芋丸、炸魚皮、鹽酥雞、大蝦、魚皮餃、菜肉餃、牛奶樽和花生樽🥰。比較可惜是，由於太飽，所以試不到芋圓🥹🥹🥹，只好下次啦～

最近條台灣癮越嚟越痕，個靈魂就嚟飛咗去台南咁制。我諗去過台南食牛肉嘅人，就會明白呢一種感受。抱住一試無妨嘅心態，你試吓呢一間新嘅台灣嘢。知唔知好似發現咗新大陸咁👍依間嘢嘅佈置已經由台灣街頭feel，有一種沉浸式嘅感覺，最緊要入面嘅裝修夠晒文清，屋企隻老虎都唔會嫌棄打邊爐。依家要提供好多台灣小食，整體味道都叫地道，夠晒頂癮湯底做得唔錯，似係喺台南嗰啲牛乜乜牛默默提供牛肉當然唔係台南嘅現宰牛，但係牛肉質素都唔錯，性價比非常高整體嚟講絕對值得我閣呷妳一擺